unfoldingWord 01 - सृष्टि
![unfoldingWord 01 - सृष्टि](https://static.globalrecordings.net/300x200/z01_Ge_01_07.jpg)
Ուրվագիծ: Genesis 1-2
Սցենարի համարը: 1201
Լեզու: Surgujia
Թեմա: Bible timeline (Creation)
Հանդիսատես: General
Ժանր: Bible Stories & Teac
Նպատակը: Evangelism; Teaching
Աստվածաշնչի մեջբերում: Paraphrase
Կարգավիճակ: Approved
Սցենարները հիմնական ուղեցույցներ են այլ լեզուներով թարգմանության և ձայնագրման համար: Դրանք պետք է հարմարեցվեն ըստ անհրաժեշտության, որպեսզի դրանք հասկանալի և համապատասխան լինեն յուրաքանչյուր տարբեր մշակույթի և լեզվի համար: Օգտագործված որոշ տերմիններ և հասկացություններ կարող են ավելի շատ բացատրության կարիք ունենալ կամ նույնիսկ փոխարինվել կամ ամբողջությամբ բաց թողնել:
Սցենարի տեքստ
![](https://static.globalrecordings.net/300x200/z01_Ge_01_02.jpg)
जम जाएत कर शुरू एकस होईस। परमेसवर हर जम जगहा ला छव दिन में बनाईस। परमेसवर हर जे घरी भूईया ला बनाईस, ते घरी भूईया हर अंधार अऊ खाली रहीस। ओमे काही जाएत नई बनाल रहीस। ते घरी परमेसवर कर आतमा हर पानी कर ऊपरे ऊपरे किन्दरत रहीस।
![](https://static.globalrecordings.net/300x200/z01_Ge_01_03.jpg)
जे घरी परमेसवर हर कहिस इंजोर होएजा, ते घरी इंजोर होए गईस। परमेसवर हर देखीस की इंजोर हर सुघर हवे अऊ ओला दिन कहिस। ओहर इंजोर ले अंधार ला अलगे करिस अऊ अंधार ला राती कहिस। सिरजे कर आगू दिन परमेसवर हर इंजोर ला बनाईस।
![](https://static.globalrecordings.net/300x200/z01_Ge_01_04.jpg)
सिरजे कर दुसर दिन परमेसवर हर कहिस अऊ भूईया कर ऊपरे बदरी हर बएनगईस। परमेसवर हर बदरी ला बनाईस अऊ ऊपर कर पानी ले खाले कर पानी ला अलगे करिस।
![](https://static.globalrecordings.net/300x200/z01_Ge_01_05.jpg)
तीसर दिन परमेसवर हर कहिस अऊ पानी अऊ झुरा जगहा ला अलगे करिस। ओहर झुरा जगहा ला भुइया कहिस अऊ पानी ला समुदर कहीस। त परमेसवर हर देखीस की जेतरा जाएत ला बनाए रहीस ओहर ढ़ेरे सुघर हवे।
![](https://static.globalrecordings.net/300x200/z01_Ge_01_06.jpg)
परमेसवर हर कहिस सब जाएत कर रुख अऊ गांछी जामे अऊ ओही कस होए गईस। त परमेसवर हर जेला बनाये रहीस ओला देखीस त कहीस सुघर हवे ।
![](https://static.globalrecordings.net/300x200/z01_Ge_01_07.jpg)
चौथवे दिन परमेसवर हर कहीके बेर, जोंन अऊ तरइया ला बनाईस की भुइया ला इंजोर करे। दिन अऊ राती ला अलगे करे अऊ मौसम अऊ साल ला ठहराईस। त परमेसवर हर जेला बनाये रहीस, ओला देखीस त कहीस सुघर हवे।
![](https://static.globalrecordings.net/300x200/z01_Ge_01_07a.jpg)
पांचवे दिन परमेसवर हर कहिस अऊ पानी में पंऊरे मधे जम जीव मन ला अऊ बदरी में उड़ाए मधे चराई मन ला बनाईस। त परमेसवर हर जेला बनाया रहीस ओला देखीस त कहीस सुघर हवे अऊ ओमन ला आशीष देहीस।
![](https://static.globalrecordings.net/300x200/z01_Ge_01_09.jpg)
छटवे दिन परमेसवर हर कहीस भुईया में जम मधे कर जीव जन्तु हो। परमेसवर हर जईसने कहीस वइसने होए गईस। चटिक घरऊहाँ जानवर रहीस, चटिक भुईया में घिसले मधे रहीस अऊ चटिक मन जंगल कर जानवर रहीन अऊ परमेसवर हर देखीस त कहीस ढ़ेरे सुघर हवे।
![](https://static.globalrecordings.net/300x200/z01_Ge_01_13.jpg)
तेकर परमेसवर हर कहिस हमरे कस आदमी ला बनाबो की ओहर हमरे सहींक होहीं। ओकर जग भूई अऊ जम जीव मन कर ऊपरे अधिकार रख ही।
![](https://static.globalrecordings.net/300x200/z01_Ge_01_15.jpg)
एकरले परमेसवर हर चटिक माटी ला साएनके आदमी ला बनाईस अऊ ओकर नाक में जीये कर सांस ला फुकीस अऊ ओहर जीवित पराणी बन गईस। ओकर नाव आदम धरीस। परमेसवर हर एगोठ बगीचा बनाईस अऊ ओकर पहरा करे बर ऊहाँ आदम ला राखिस।
![](https://static.globalrecordings.net/300x200/z01_Ge_02_04.jpg)
बगीचा कर मंझार में परमेसवर हर दूई मधे कर रूख ला जगहाईस। जीवन कर रूख अऊ भला, बुरा कर ज्ञान कर रूख। परमेसवर हर आदम ला कहीस “तैं बगीचा कर कोनो रुख कर फर ला खाये सकत हस लेकिन भला, बुरा कर ज्ञान कर रुख ले झईन खाबे। जे दिन तैं ओ रुख कर फर ला खाबे त मर जाबे।”
![](https://static.globalrecordings.net/300x200/z01_Ge_02_07.jpg)
तेकर पाछु परमेसवर हर कहीस आदम कर एके झे रहाई ठीक नईये काबर की जानवर में ले आदम कर मदत करे बर कोई नई मिलीस।
![](https://static.globalrecordings.net/300x200/z01_Ge_02_09.jpg)
एकरले परमेसवर हर आदम ला ढ़ेरे नीन्द में सुताये देहीस। तेकर आदम कर एगोठ पांजर कर हाडा ला हेर के स्त्री ला बनाईस अऊ आदम जग लानीस।
![](https://static.globalrecordings.net/300x200/z01_Ge_02_10.jpg)
जे घरी आदम हर ओला देखीस त कहीस “एहर तो मोर कस हवे एकर नाव नारी रही। कावर की एहर नर में ले हेरल गईस हवे।” एकरले आदमी अपन दाई, दाऊ ला छोडके अपन परानी संगे एक तन बने रही।
![](https://static.globalrecordings.net/300x200/z01_Ge_02_11.jpg)
परमेसवर हर नर अऊ नारी ला अपने कस बनाईस अऊ ओमन ला आसीरवाद देहीस “पूतो, फलो दुधो नहाओ अऊ भूइया में बगर जावा”। परमेसवर हर देखिस की जे जाएत ला बनाए रहीस ओहर ढ़ेरेच सुघर हवे अऊ परमेसवर हर जम जाएत ला देख के ढ़ेरे फुरमा होईस। ए जम जाएत हर सिरजे कर छव दिन में होए गईस।
![](https://static.globalrecordings.net/300x200/z01_Ge_02_12.jpg)
सातवे दिन परमेसवर हर अपन जम बुता काम ला करके बिसोईस अऊ सातवे दिन ला आसीरवाद देहीस अऊ पवितर ठहराईस। एहीकस परमेसवर हर जम दुनिया अऊ ओकर भीतरी कर जम जाएत ला बनाईस।