unfoldingWord 18 - विभाजित राज्य
![unfoldingWord 18 - विभाजित राज्य](https://static.globalrecordings.net/300x200/z10_2Sa_10_06.jpg)
Ուրվագիծ: 1 Kings 1-6; 11-12
Սցենարի համարը: 1218
Լեզու: Nepali
Հանդիսատես: General
Ժանր: Bible Stories & Teac
Նպատակը: Evangelism; Teaching
Աստվածաշնչի մեջբերում: Paraphrase
Կարգավիճակ: Approved
Սցենարները հիմնական ուղեցույցներ են այլ լեզուներով թարգմանության և ձայնագրման համար: Դրանք պետք է հարմարեցվեն ըստ անհրաժեշտության, որպեսզի դրանք հասկանալի և համապատասխան լինեն յուրաքանչյուր տարբեր մշակույթի և լեզվի համար: Օգտագործված որոշ տերմիններ և հասկացություններ կարող են ավելի շատ բացատրության կարիք ունենալ կամ նույնիսկ փոխարինվել կամ ամբողջությամբ բաց թողնել:
Սցենարի տեքստ
![](https://static.globalrecordings.net/300x200/z11_1Ki_03_07.jpg)
दाऊद राजाले ४० बर्ष राज्य गरे अनि उनको मृत्यु भयो र उनका छोरा सोलोमनले इस्राएलमाथि शासन गर्न थाले । परमेश्वर सोलोमनसँग बोल्नुभयो र उसलाई सबैभन्दा बढी के कुराको चाहना छ भनी सोध्नुभयो । सोलोमनले ज्ञान-बुद्धि मागे अनि परमेश्वर प्रसन्न हुनुभयो र उसलाई संसारकै सबैभन्दा बुद्धिमान मानिस तुल्याउनुभयो । सोलोमनले धेरै कुराहरू सिके र एक बुद्धिमान न्यायकर्ता भए । परमेश्वरले उनलाई धेरै सम्पन्न पनि बनाउनुभयो ।
![](https://static.globalrecordings.net/300x200/z11_1Ki_09_01.jpg)
यरुशलेममा, सोलोमनले त्यस मन्दिरको निर्माण गरे जुन उनका पिता दाऊदले बनाउने योजना गरेका थिए र त्यसको लागि सामानहरू जम्मा गरेका थिए । मानिसहरूले अब परमेश्वरलाई पूज्ने र भेट हुने पालको सट्टा मन्दिरमा बलिहरू चढाए । परमेश्वर त्यस मन्दिरमा उपस्थित हुनुहुन्थ्यो । अनि उहाँ आफ्ना मानिसहरूसँग रहनुभयो ।
![](https://static.globalrecordings.net/300x200/z11_1Ki_11_02.jpg)
तर सोलोमनले अन्य देशका स् त्रीहरूलाई प्रेम गरे । उनले करिब १,००० जना स् त्रीहरूसँग विवाह गरे, र परमेश्वरको अनाज्ञाकारी भए । यी स् त्रीहरूमध्ये धेरैजना अन्य देशहरूबाट आएका थिए अनि आफूसँगै आफ्ना देवताहरू पनि ल्याएका थिए जसलाई तिनीहरूले पूजिनै रहे । जब सोलोमन वृद्ध भए, उनले पनि तिनीहरूका देवताहरूलाई पूज्न थाले ।
![](https://static.globalrecordings.net/300x200/z11_1Ki_11_03.jpg)
परमेश्वर सोलोमनसँग रिसाउनुभएको थियो अनि उसको अविश्वासनियताको कारण दण्ड स्वरूप, उहाँले सोलोमनको मृत्यु पश्चात इस्राएल राष्ट्रलाई दुई राज्यमा विभाजन गरिदिने प्रतिज्ञा गर्नुभयो ।
![](https://static.globalrecordings.net/300x200/z11_1Ki_12_03.jpg)
सोलोमनको मृत्युपछि उनका छोरा, रहोवाम, इस्राएलका राजा भए । रहोवाम एक मूर्ख मानिस थिए । इस्राएल राष्ट्रका सारा मानिसहरू उनलाई राज्याभिषेक गर्न एकसाथ भेला भए । तिनीहरूले रहोवामलाई सोलोमन राजाले कडा परिश्रम गर्न लगाएको र धेरै कर तिर्न लगाएको भनी गुनासो गरे ।
![](https://static.globalrecordings.net/300x200/z11_1Ki_12_04.jpg)
रहोवामले मूर्खतापूर्वक उनीहरूलाई जवाफ दिए, “मेरा बुबाले कडा परिश्रम गर्न लगाउनुभएको भनी तिमीहरूले सोचेका छौ, तर म तिमीहरूलाई उहाँले भन्दा बढी परिश्रम गर्न लगाउनेछु र उहाँले भन्दा बढी सजाय दिनेछु ।”
![](https://static.globalrecordings.net/300x200/z11_1Ki_12_05.jpg)
इस्राएल राष्ट्रका कुलहरूमध्ये दश कुलहरूले रहोबामको विरुद्धमा विद्रोह गरे । केवल दुई कुल मात्र उनीप्रति विश्वासयोग्य भए । यी दुई कुलहरू नै यहूदाको राष्ट्र भए ।
![](https://static.globalrecordings.net/300x200/z11_1Ki_12_06.jpg)
रहोबामको विरुद्धमा विद्रोह गरेका इस्राएलका अरू दश कुलले, यरोबाम नाउँ गरेका एकजना मानिसलाई आफ्नो राजा हुन नियुक्त गरे । उनीहरूले आफ्नो राज्य देशको उत्तरी भागमा खडा गरे र त्यसलाई इस्राएलको राज्य भनियो ।
![](https://static.globalrecordings.net/300x200/z11_1Ki_12_07.jpg)
यरोबामले परमेश्वरको विरुद्धमा विद्रोह गरे र मानिसहरूलाई पाप गर्न लगाए । यहूदाको राज्यमा भएको मन्दिरमा गएर परमेश्वरको आराधना गराउनको साटो उनले मानिसहरूका निम्ति आराधना गर्न दुईवटा मूर्तिहरू बनाइदिए ।
![](https://static.globalrecordings.net/300x200/z10_2Sa_10_06.jpg)
यहूदा र इस्राएलका राज्यहरू दुश्मन भए र घरीघरी एक-अर्काको विरुद्धमा लडाईं गरिरहे ।
![](https://static.globalrecordings.net/300x200/z13_1Ch_24_03.jpg)
इस्राएलको नयाँ राज्यमा, सबै राजाहरू दुष्ट थिए । यी राजाहरूमध्ये धरैजना अरू इस्राएलीहरूद्वारा मारिए जो उनीहरूको ठाँउमा राजा हुन चाहेका थिए ।
![](https://static.globalrecordings.net/300x200/z12_2Ki_17_05.jpg)
इस्राएल राज्यका सबै राजाहरू र धेरैजसो मानिसहरूले मूर्तिपूजा गरे । उनीहरूका मूर्तिपूजाको कामहरूमा धेरैजसो व्यभिचार र कहिलेकहीँ त बाल बलि समेत सामिल गरे ।
![](https://static.globalrecordings.net/300x200/z11_1Ki_14_04.jpg)
यहूदाका राजाहरू दाऊदका सन्तानहरू थिए । यी राजाहरूमध्ये कोही असल मानिसहरू थिए जसले न्यायपुर्वक राज्य गरे र परमेश्वरलाई पूजे । तर यहूदाका धेरैजसो राजाहरू दुष्ट र भ्रष्ट थिए अनि तिनीहरूले पनि मूर्तिपूजा गरे । केही राजाहरूले त झूटा देवताहरूको निम्ति आफ्नै बालबच्चाको समेत बलि दिए । यहूदाका धेरैजसो मानिसहरूले पनि परमेश्वरको विरुद्धमा विद्रोह गरे र अरू देवताहरूलाई पूजे ।