unfoldingWord 08 - Құдайдың Жүсіпті және оның отбасын құтқаруы
![unfoldingWord 08 - Құдайдың Жүсіпті және оның отбасын құтқаруы](https://static.globalrecordings.net/300x200/z01_Ge_46_02.jpg)
Ուրվագիծ: Genesis 37-50
Սցենարի համարը: 1208
Լեզու: Kazakh
Հանդիսատես: General
Ժանր: Bible Stories & Teac
Նպատակը: Evangelism; Teaching
Աստվածաշնչի մեջբերում: Paraphrase
Կարգավիճակ: Approved
Սցենարները հիմնական ուղեցույցներ են այլ լեզուներով թարգմանության և ձայնագրման համար: Դրանք պետք է հարմարեցվեն ըստ անհրաժեշտության, որպեսզի դրանք հասկանալի և համապատասխան լինեն յուրաքանչյուր տարբեր մշակույթի և լեզվի համար: Օգտագործված որոշ տերմիններ և հասկացություններ կարող են ավելի շատ բացատրության կարիք ունենալ կամ նույնիսկ փոխարինվել կամ ամբողջությամբ բաց թողնել:
Սցենարի տեքստ
![](https://static.globalrecordings.net/300x200/z01_Ge_37_09.jpg)
Көп жыл өткен соң, Жақып қартайып, ұлдары ер жетеді. Сонда Жақып мал бағып жүрген ағаларының қал-жағдайларын біліп келуге өзінің сүйікті ұлы Жүсіпті жібереді.
![](https://static.globalrecordings.net/300x200/z01_Ge_37_04.jpg)
Жүсіп әкелерінің ең сүйікті ұлы болғандықтан және өзін ағаларының қожайыны ретінде көрген түстері үшін бауырлары оны жек көрді. Жүсіп оларға келгенде, ағалары оны ұстап алып, құлдыққа сатып жіберді.
![](https://static.globalrecordings.net/300x200/z01_Ge_37_20.jpg)
Ағалары үйлеріне қайтпас бұрын, Жүсіптің киімін жыртып, оған лақтың қанын жақты. Әкелері Жүсіпті жырқыш аң жарып тастады деп ойлап қалуы үшін оған қанға боялған киімді көрсетті. Жақып сүйікті ұлының өлгеніне қатты күйзелді.
![](https://static.globalrecordings.net/300x200/z01_Ge_37_22.jpg)
Саудагерлер Жүсіпті Мысыр еліне алып кетті. Сол кездері Мысыр елі Ніл өзенінің жағасында орналасқан мықты мемлекет еді. Саудагерлер Жүсіпті Потифар есімді мысырлық уәзірге құлдыққа сатып жіберді. Бірақ Құдай Жүсіпті жарылқап жүрді. Жүсіп қожайынына жақсы қызмет етті және барлық істері жемісті болды.
![](https://static.globalrecordings.net/300x200/z01_Ge_39_12.jpg)
Потифардың әйелі Жүсіпке көз қырын сала бастады. Ол Жүсіпті азғыруға тырысқанымен Жүсіп Құдайға қарсы ауыр күнә жасағысы келмей, келіспей қойды. Потифардың әйелі осыған наразы болды да, “мені азғырды” деген жала жауып оны түрмеге қаматып тастады. Жүсіп түрмеге қамалса да, Құдайдың алдында сенімді болып қала берді және Құдай оған жар болды.
![](https://static.globalrecordings.net/300x200/z01_Ge_41_05.jpg)
Арада екі жыл өтті. Жүсіп кінәсіз болса да, әлі де түрмеде отыр еді. Бір түні перғауын (мысырдың патшасы) оның мазасын қашырған екі түс көрді. Бірде-бір кеңесші оған осы түстердің мағынасын жорып бере алмады.
![](https://static.globalrecordings.net/300x200/z01_Ge_41_07.jpg)
Құдай Жүсіпке түс жори алатын қабілет берген болатын. Сондықтан перғауын Жүсіпті түрмеден алып келуге бұйырды. Жүсіп осы түстерді жорып беріп, перғауынға былай деді: “Құдай жеті жыл бойы молшылық беретін болады, ал келесі жеті жылда қуаңшылық жайлайды”.
![](https://static.globalrecordings.net/300x200/z01_Ge_41_12.jpg)
Жүсіптің Перғауынның көңілінен шыққаны соншалық, ол Жүсіпті бүкіл Мысыр елінің әміршісі етіп тағайындады.
![](https://static.globalrecordings.net/300x200/z01_Ge_41_16.jpg)
Молшылық болған жеті жылдар бойы Жүсіп Мысыр қалаларында астық қорын жинап алды. Жиналған астық қоры сансыз көп болды. Жеті жылдық жұт басталғанда, Жүсіп жинаған астықты адамдарға сата бастайды. Соның арқасында олардың тамақтары жеткілікті болды.
![](https://static.globalrecordings.net/300x200/z01_Ge_41_21.jpg)
Ашаршылық тек Мысырды ғана емес, Жақып пен оның отбасы өмір сүріп жатқан Қанахан жерінде де жайлады.
![](https://static.globalrecordings.net/300x200/z01_Ge_42_01.jpg)
Жақып үлкен ұлдарын астық сатып алуға Мысырға жібереді. Олар астық сатып алуға келгенде, Жүсіп ағаларын танып қояды, бірақ олар інісін танымады.
![](https://static.globalrecordings.net/300x200/z01_Ge_45_04.jpg)
Жүсіп ағаларының қаншалықты өзгергенін көргісі келіп, оларды сынамақ болады. Олардың өзгергендеріне көз жеткізгеннен кейін, Жүсіп оларға былай дейді: “Мен сендердің інілерің Жүсіппін, қорықпандар! Сендер мені құлдыққа сатып зұлымдық жасадыңдар, бірақ Құдай сол зұлымдықты игілікке айналдырды. Мысырға көшіп келіңдер, мен сендерге және отбасыларыңа қамқор боламын”.
![](https://static.globalrecordings.net/300x200/z01_Ge_45_10.jpg)
Жүсіптің ағалары үйлеріне қайтып оралған кезде әкелеріне Жүсіптің тірі екенін айтып береді. Оны естіген Жақып қатты қуанып кетті.
![](https://static.globalrecordings.net/300x200/z01_Ge_46_02.jpg)
Жақып қартайған болса да, ол бүкіл үрім-бұтағымен Мысырға көшіп барып, сол жерде тұрақтанды. Жақып көз жұмар алдында балаларының әрқайсысына ақ батасын береді.
![](https://static.globalrecordings.net/300x200/z01_Ge_46_03.jpg)
Құдайдың Ыбырайымға берген келісім уәдесі Ысқаққа, Ысқақтан Жақыпқа, содан кейін оның он екі ұлдары мен олардың отбасыларына берілді. Жақыптың он екі ұлдарының ұрпақтарынан Исраилдің он екі руы тарады.