unfoldingWord 06 - Maayo ang Dios kang Isaac
![unfoldingWord 06 - Maayo ang Dios kang Isaac](https://static.globalrecordings.net/300x200/z01_Ge_25_01.jpg)
Ուրվագիծ: Genesis 24:1-25:26
Սցենարի համարը: 1206
Լեզու: Cebuano
Հանդիսատես: General
Ժանր: Bible Stories & Teac
Նպատակը: Evangelism; Teaching
Աստվածաշնչի մեջբերում: Paraphrase
Կարգավիճակ: Approved
Սցենարները հիմնական ուղեցույցներ են այլ լեզուներով թարգմանության և ձայնագրման համար: Դրանք պետք է հարմարեցվեն ըստ անհրաժեշտության, որպեսզի դրանք հասկանալի և համապատասխան լինեն յուրաքանչյուր տարբեր մշակույթի և լեզվի համար: Օգտագործված որոշ տերմիններ և հասկացություններ կարող են ավելի շատ բացատրության կարիք ունենալ կամ նույնիսկ փոխարինվել կամ ամբողջությամբ բաց թողնել:
Սցենարի տեքստ
![](https://static.globalrecordings.net/300x200/z01_Ge_24_03.jpg)
Sa dihang tigulang na kaayo si Abraham, ang iyang anak nga si Isaac ulitawo na. Gipaadto ni Abraham ang usa sa iyang mga sulugoon ngadto sa yuta nga gipuy-an sa iyang mga paryente, aron sa pagpangita ug babaye nga ipaasawa sa iyang anak nga si Isaac.
![](https://static.globalrecordings.net/300x200/z01_Ge_24_08.jpg)
Human sa taas nga panaw sa yuta kon asa nagpuyo ang mga paryente ni Abraham, gitultolan sa Dios ang sulugoon ngadto kang Rebeca. Apo siya sa igsoon ni Abraham.
![](https://static.globalrecordings.net/300x200/z01_Ge_24_11.jpg)
Miuyon si Rebeca nga mobiya sa iyang pamilya, ug miuban sa sulugoon balik ngadto sa panimalay ni Isaac. Pag-abot niya, gipangasawa dayon siya ni Isaac.
![](https://static.globalrecordings.net/300x200/z01_Ge_25_01.jpg)
Human sa taas nga panahon, namatay si Abraham ug ang tanang saad nga gihimo sa Dios kang Abraham napasa ngadto kang Isaac. Gisaaran sa Dios si Abraham nga makaangkon siya ug dili maihap nga kaliwatan, apan ang asawa ni Isaac nga si Rebeca wala gayod makabaton ug anak.
![](https://static.globalrecordings.net/300x200/z01_Ge_25_02.jpg)
Nag-ampo si Isaac alang kang Rebeca, ug ang Dios nagtugot nga magsabak ug kaluha si Rebeca. Nag-away ang duha ka bata sa sabakan ni Rebeca, ug nakapangutana si Rebeca sa Dios mahitungod niini nga panghitabo.
![](https://static.globalrecordings.net/300x200/z01_Ge_25_03.jpg)
Giingnan sa Dios si Rebeca, “Duha ka nasod ang moabot gikan sa duha nimo ka anak nga anaa sa imong sabakan. Mag-away silang duha, ug ang magulang nga lalaki maoy magsilbi sa iyang manghod.”
![](https://static.globalrecordings.net/300x200/z01_Ge_25_04.jpg)
Unya nanganak si Rebeca ug kaluha nga bata. Ang magulang nga batang lalaki nga unang migawas, pulahon ug balhiboon, ug ginganlan siya’g Esau. Unya migawas usab ang manghod nga lalaki nga miggunit sa tikod ni Esau, ug ginganlan siya’g Jacob.