unfoldingWord 18 - المملكة المقسومة
![unfoldingWord 18 - المملكة المقسومة](https://static.globalrecordings.net/300x200/z10_2Sa_10_06.jpg)
Ուրվագիծ: 1 Kings 1-6; 11-12
Սցենարի համարը: 1218
Լեզու: Arabic, Sudanese: Khartoum
Հանդիսատես: General
Ժանր: Bible Stories & Teac
Նպատակը: Evangelism; Teaching
Աստվածաշնչի մեջբերում: Paraphrase
Կարգավիճակ: Approved
Սցենարները հիմնական ուղեցույցներ են այլ լեզուներով թարգմանության և ձայնագրման համար: Դրանք պետք է հարմարեցվեն ըստ անհրաժեշտության, որպեսզի դրանք հասկանալի և համապատասխան լինեն յուրաքանչյուր տարբեր մշակույթի և լեզվի համար: Օգտագործված որոշ տերմիններ և հասկացություններ կարող են ավելի շատ բացատրության կարիք ունենալ կամ նույնիսկ փոխարինվել կամ ամբողջությամբ բաց թողնել:
Սցենարի տեքստ
![](https://static.globalrecordings.net/300x200/z11_1Ki_03_07.jpg)
الملك داؤد حكم لمدة اربعين سنة. بعد داك مات ، ولدو سليمان بدا يحكم على اسرائيل . الله كلم سليمان و سالو شنو اكتر حاجة داير انو الله يعملو ليهو . سليمان طلب من الله يبقيه حكيم شديد . و ده خلى الله فرحان ، عشان كده هو بقا سليمان احكم راجل فى العالم . سليمان اتعلم حاجات كتيرة و كان قائد حكيم شديد . برضو الله بقاه غنيان شديد .
![](https://static.globalrecordings.net/300x200/z11_1Ki_09_01.jpg)
فى اورشليم ، سليمان بنى الهيكل الكان ابوه داؤد خطط ليهو و جمع مواد . و هسه الشعب بقوا يعبدوا الله و يقدموا ليه الذبائح فى الهيكل بدل من خيمة الاجتماع . الله جاء وكان حاضر فى الهيكل و سكن هناك مع شعبه .
![](https://static.globalrecordings.net/300x200/z11_1Ki_11_02.jpg)
لكن سليمان احب نسوان من بلدان تانية . هو خالف الله بزواجو من نسوان كتار ، تقريبا ١٠٠٠ منهم ! وكتار من النسوان ديل جوا من بلدان اجنبية و جابوا الهتهم معاهم و استمروا يعبدها . لمن سليمان عجز هو كمان عبد الهتهم .
![](https://static.globalrecordings.net/300x200/z11_1Ki_11_03.jpg)
بسبب ده الله كان زعلان من سليمان . هو قال انو حيعاقبه بتقسيم شعب اسرائيل لمملكتين . هو حيعمل ده بعد موت سليمان .
![](https://static.globalrecordings.net/300x200/z11_1Ki_12_03.jpg)
بعد موت سليمان ، ولده رحبعام بقى ملك . كل شعب اسرائيل جو ليهو مع بعض عشان يقبله كملكهم . اشتكوا لرحبعام انو سليمان خلاهم يشتغلوا شديد و يدفعوا ضرائب عالية هم طلبوا من رحبعام عشان يقلل ليهم الشغل .
![](https://static.globalrecordings.net/300x200/z11_1Ki_12_04.jpg)
لكن رحبعام جاوبهم بطريقة غبية شديد . هو قال: "انتو قلتوا ابوي سليمان خلاكم تشتغلوا شديد . لكن انا بخليكم تشتغلوا اكتر من ماهو عمل و اخليكم تتعبوا اكثر من ما هو عمل ليكم".
![](https://static.globalrecordings.net/300x200/z11_1Ki_12_05.jpg)
لمن الشعب سمعوه قال ده ، معظمهم اتمردوا ضده . عشرة قبائل خلوه و قبيلتين بس بقوا معاه . القبيلتين ديل سموا نفوسهم مملكة يهوذا .
![](https://static.globalrecordings.net/300x200/z11_1Ki_12_06.jpg)
القبائل العشرة التانية عملوا راجل اسمه يربعام عشان يكون ملك ليهم . القبائل دي كانت فى الجزء الشمالي من الأرض . سموا انفسهم مملكة إسرائيل.
![](https://static.globalrecordings.net/300x200/z11_1Ki_12_07.jpg)
لكن يربعام اتمرد ضد الله وخلي الشعب يخطي .بناء صنميين لشعبه عشان يعبده . وبقوا ما بمشوا اي اورشليم في ملكة يهوذا عشان يعبدوا االله في الهيكل .
![](https://static.globalrecordings.net/300x200/z10_2Sa_10_06.jpg)
مملكة يهوذا و اسرائيل بقوا اعداء و دائما بحاربوا ضد بعض .
![](https://static.globalrecordings.net/300x200/z13_1Ch_24_03.jpg)
فى مملكة اسرائيل الجديدة ، كل الملوك كانوا اشرار . كتار من ملوك ديل اتقتلوا بواسطة اسرائليين التانين الكانوا دايرين يكونوا ملك فى محلهم .
![](https://static.globalrecordings.net/300x200/z12_2Ki_17_05.jpg)
كل ملوك و معظم الشعب من مملكة اسرائيل عبدوا اصنام . لمن عملوا ده ،هم دائما بنوموا مع الزانيات و مرات كمان بقدموا اطفال كذبيحة لاصنام .
![](https://static.globalrecordings.net/300x200/z11_1Ki_14_04.jpg)
ملوك يهوذا كانوا من نسل داؤد ، بعض من الملوك ديل كانوا رجال كويسين حكموا بعدل وعبدوا الله . لكن معظم ملوك يهوذا كانوا اشرار . حكموا بطريقة ما كويس ، و عبدوا اصنام . بعض من الملوك ديل قدموا اطفالهم كذبيحة لالهة كاذبة معظم شعب يهوذا برضو اتمردوا ضد الله و عبدوا الهة اخرى .