unfoldingWord 10 - ضربات العشرة
![unfoldingWord 10 - ضربات العشرة](https://static.globalrecordings.net/300x200/z02_Ex_08_06.jpg)
Ուրվագիծ: Exodus 5-10
Սցենարի համարը: 1210
Լեզու: Arabic, Sudanese: Khartoum
Հանդիսատես: General
Ժանր: Bible Stories & Teac
Նպատակը: Evangelism; Teaching
Աստվածաշնչի մեջբերում: Paraphrase
Կարգավիճակ: Approved
Սցենարները հիմնական ուղեցույցներ են այլ լեզուներով թարգմանության և ձայնագրման համար: Դրանք պետք է հարմարեցվեն ըստ անհրաժեշտության, որպեսզի դրանք հասկանալի և համապատասխան լինեն յուրաքանչյուր տարբեր մշակույթի և լեզվի համար: Օգտագործված որոշ տերմիններ և հասկացություններ կարող են ավելի շատ բացատրության կարիք ունենալ կամ նույնիսկ փոխարինվել կամ ամբողջությամբ բաց թողնել:
Սցենարի տեքստ
![](https://static.globalrecordings.net/300x200/z02_Ex_10_04.jpg)
الله حذر موسى و هارون بانو فرعون حيكون عنيد . لمن مشوا لفرعون ، قالوا ، "ده القالوا اله اسرائيل ، خلي شعبي يمشوا!" لكن فرعون ما سمع ليهم . بدل ما هو يخلي الاسرائيليين يمشوا احرار ، هو اجبرهم يشتغلوا حتى الشغل الصعب !
![](https://static.globalrecordings.net/300x200/z02_Ex_10_06.jpg)
فرعون استمر يرفض بان يخلي الناس يمشوا، عشان كده الله رسل عشرة ضربات قوية في مصر . من خلال ضربات دى، الله ورى فرعون انو هو اقوى منه و من كل الالهة في مصر .
![](https://static.globalrecordings.net/300x200/z02_Ex_07_04.jpg)
الله غير موية نهر النيل الى دم ، لكن فرعون لسه رافض يخلي شعب اسرائيل يمشوا.
![](https://static.globalrecordings.net/300x200/z02_Ex_08_02.jpg)
الله رسل ضفادع في كل حتة في مصر . فرعون طلب من موسى يشيل الضفادع برا . لكن بعد ما كل الضفادع ماتوا ، فرعون قسى قلبه و رفض للاسرائيليين يطلعوا من مصر .
![](https://static.globalrecordings.net/300x200/z02_Ex_08_06.jpg)
عشان كده الله رسل ضربة البعوض وبعدو رسل ضربة الضبان . فرعون نادى موسى و هارون و قال ليهم انو لو وقفوا الضربة ، الاسرائيليين حا يرحلوا من مصر . لمن موسى صلى ، الله شال كل الضبان من مصر .لكن فرعون قسى قلبه و ما خلى الناس يمشوا احرار.
![](https://static.globalrecordings.net/300x200/z02_Ex_09_02.jpg)
و بعد داك الله خلى كل بهائم المصريين يمرضوا و يموتوا . لكن قلب فرعون كان قاسى وما خلى الاسرائيليين يمشوا .
![](https://static.globalrecordings.net/300x200/z02_Ex_09_03.jpg)
بعد داك الله قال لموسى يرش رماد في الهواء قدام فرعون . لمن عمل كده ظهر جروح بوجع شديد في جسم المصريين ، لكن ما ظهر لاسرائيليين . الله قسى قلب فرعون و فرعون ما خلى الاسرائيليين يمشوا احرار.
![](https://static.globalrecordings.net/300x200/z02_Ex_09_04.jpg)
بعد داك ، الله رسل حبات التلج خرب محاصيل كتير في مصر و قتل اي زول مشى برة . فرعون نادى موسى و هارون و قال ليهم ، "انا اخطات . ممكن تمشوا". عشان كده موسى صلى و حبات التلج وقف ينزل من السماء .
![](https://static.globalrecordings.net/300x200/z02_Ex_09_07.jpg)
لكن فرعون اخطا تاني وقسى قلبه . ابى يخلي الاسرائيليين يمشوا احرار .
![](https://static.globalrecordings.net/300x200/z02_Ex_09_08.jpg)
عشان كده الله خلى كمية من الجراد يجي على مصر . الجراد ديل اكلوا كل المحاصيل الكان ما خربه حبات التلج .
![](https://static.globalrecordings.net/300x200/z02_Ex_10_08.jpg)
بعد داك الله رسل ظلام لمدة ثلاثة ايام . و كان الظلام شديد حتى المصريين ما قدروا يطلعوا من بيوتهم . لكن كان فى ضوء في المكان الساكنين فيه الاسرائيليين .
![](https://static.globalrecordings.net/300x200/z02_Ex_10_09.jpg)
حتى بعد الضربات التسعة ، فرعون لسه رافض عشان يخلي الاسرائيليين يمشوا احرار . ما دام فرعون ما داير يسمع ، الله خطط يرسل اخر ضربة . ده البخلي فرعون يغير رايه .