unfoldingWord 08 - الله ينقذ يوسف و اسرتو
![unfoldingWord 08 - الله ينقذ يوسف و اسرتو](https://static.globalrecordings.net/300x200/z01_Ge_46_02.jpg)
Ուրվագիծ: Genesis 37-50
Սցենարի համարը: 1208
Լեզու: Arabic, Sudanese: Khartoum
Հանդիսատես: General
Ժանր: Bible Stories & Teac
Նպատակը: Evangelism; Teaching
Աստվածաշնչի մեջբերում: Paraphrase
Կարգավիճակ: Approved
Սցենարները հիմնական ուղեցույցներ են այլ լեզուներով թարգմանության և ձայնագրման համար: Դրանք պետք է հարմարեցվեն ըստ անհրաժեշտության, որպեսզի դրանք հասկանալի և համապատասխան լինեն յուրաքանչյուր տարբեր մշակույթի և լեզվի համար: Օգտագործված որոշ տերմիններ և հասկացություններ կարող են ավելի շատ բացատրության կարիք ունենալ կամ նույնիսկ փոխարինվել կամ ամբողջությամբ բաց թողնել:
Սցենարի տեքստ
![](https://static.globalrecordings.net/300x200/z01_Ge_37_09.jpg)
بعد سنين كتير ، لمن يعقوب بقى عجوز ، هو رسل ولدو البحبو اكتر ، يوسف ،عشان يتفقد احوال اخوانو الكانو برعو البهائم .
![](https://static.globalrecordings.net/300x200/z01_Ge_37_04.jpg)
اخوان يوسف كرهو عشان ابوهم حباه كتير لانو يوسف حلم بانو حيكون قائدهم . لمن يوسف جاء لاخوانو ، هم خطفوه وباعوه لبعض تجار العبيد .
![](https://static.globalrecordings.net/300x200/z01_Ge_37_20.jpg)
قبل ما اخوان يوسف يرجعوا البيت ، شرطو جلابية يوسف و لطخو بدم غنماية . بعد داك هم شوفو الجلابية لابوهم عشان هو يفتكر انو وحش قتل يوسف . يعقوب كان حزين شديد .
![](https://static.globalrecordings.net/300x200/z01_Ge_37_22.jpg)
تجار العبيد شالو يوسف لى مصر . مصر كانت بلد كبيرة وقوية تقع على طول نهر النيل . تجار العبيد باعوا يوسف كعبد لموظف حكومى غنيان . يوسف خدم سيدو كويس والله بارك يوسف .
![](https://static.globalrecordings.net/300x200/z01_Ge_39_12.jpg)
مراة سيدو حاولت تنوم مع يوسف ،لكن يوسف ابى ان يخطئ ضد الله بالطريقة دي .هي بقت زعلانة و بالكذب اتهمت يوسف عشان كده مسكو ورسلو الى السجن. حتى في السجن يوسف كان امين مع الله ، و الله باركه.
![](https://static.globalrecordings.net/300x200/z01_Ge_41_05.jpg)
و بعد سنتين يوسف كان لسع في السجن، ما انو هو كان برئ . مرة بالليل ، الفرعون و ده الاسم المصريين بسمو بيهو ملوكهم ، حلم حلمين عمل ليهو ازعاج شديد . ولا واحد من المستشارين حقو قدر يوريه معنى الاحلام .
![](https://static.globalrecordings.net/300x200/z01_Ge_41_07.jpg)
الله ادى يوسف قدرة لتفسير الاحلام ، عشان كده فرعون جاب يوسف من السجن . يوسف فسر ليهو الاحلام و قال ، "الله ماشي يرسل سبع سنوات حصاد كتير ، بعدو سبع سنوات مجاعة" .
![](https://static.globalrecordings.net/300x200/z01_Ge_41_12.jpg)
فرعون كان اتعجب شديد بيوسف فبقاهو تاني اقوى راجل في مصر كله!
![](https://static.globalrecordings.net/300x200/z01_Ge_41_16.jpg)
يوسف كلم الناس عشان يخزنو كمية كبير من الاكل خلال السبع سنوات الحصاد الكويس . بعد داك يوسف باع الاكل للناس لمن السبع سنوات المجاعة جات عشان هم حيكون عندهم كفاية اكل لياكلوا .
![](https://static.globalrecordings.net/300x200/z01_Ge_41_21.jpg)
المجاعة كان شديد ما بس فى مصر ، لكن برضو فى كنعان مكان يعقوب واسرتو كانوا ساكنين .
![](https://static.globalrecordings.net/300x200/z01_Ge_42_01.jpg)
عشان كدا يعقوب رسل اولادوا الكبار لي مصر عشان يشتروا اكل . الاخوان ما عرفو يوسف لمن وقفوا قدامو عشان يشتروا الاكل . لكن يوسف عرفهم .
![](https://static.globalrecordings.net/300x200/z01_Ge_45_04.jpg)
بعد ما اختبر اخوانو عشان يشوف لو هم اتغيرو ، يوسف قال ليهم ، "انا اخوكم يوسف، !ما تخافو. انتو حاولتو تعملو الشر لمن بعتوني كعبد ، لكن الله استخدم الشر للخير! تعالوا اسكنوا في مصرعشان انا اقدر اوفر ليكم و لاسركم".
![](https://static.globalrecordings.net/300x200/z01_Ge_45_10.jpg)
لمن اخوان يوسف رجعو البيت و كلموا ابوهم ،يعقوب ،انو يوسف لسه عايش ، هو بقى فرحان شديد .
![](https://static.globalrecordings.net/300x200/z01_Ge_46_02.jpg)
رغم انو يعقوب كان عجوز ، هو رحل الى مصر مع كل اسرتو ، و كلهم عاشو هناك . قبل ما يعقوب يموت بارك كل واحد من اولادو .
![](https://static.globalrecordings.net/300x200/z01_Ge_46_03.jpg)
وعود العهد الكان الله اداهو لابراهيم انتقل لاسحاق ، بعدو ليعقوب ، بعداك الى اولادو اثنا عشر و اسرهم . نسل الاولاد الاثنا عشر بقو قبائل اسرائيل الاثنا عشر .