Lavhelesani, Thetshelesani ni tshile Bugu 6
![Lavhelesani, Thetshelesani ni tshile Bugu 6](https://static.globalrecordings.net/300x200/lll6-00.jpg)
Ուրվագիծ: From Matthew and Mark. 24 sections. It has a picture book to go along with the recording.
Սցենարի համարը: 423
Լեզու: Venda
Թեմա: Sin and Satan (Deliverance, Light/Darkness, Sin, disobedience); Christ (Son of God, Life of Christ, Authority, Jesus, Our Shepherd); Eternal life (Salvation, Broad & Narrow Ways); Character of God (Grace and Mercy, Nature, character of God, Word of God (the Bible), Power of God / Jesus); Living as a Christian (Prayer, petition, Obedience, Forgiveness, Faith, trust, believe in Jesus, Children of God, Assurance, Spiritual Life, Christian values); Bible timeline (End Time, Second Coming, Gospel, Good News); Problems (Evil Spirits, demons, Sickness, Problems, troubles, worries)
Հանդիսատես: General
Ոճ: Monolog
Ժանր: Bible Stories & Teac
Նպատակը: Teaching
Աստվածաշնչի մեջբերում: Extensive
Կարգավիճակ: Publishable
Սցենարի տեքստ
Tswikiso
![Tswikiso](https://static.globalrecordings.net/300x200/lll6-00.jpg)
Dzindumeliso (Hee Khonani.) Idani ni tangane mudededzi wa vhothe Muhulu. Dzina lawe ndi Yesu Kristo. Dzhiani bugu ya lutombo na hone musi ni tshi pfa tshiga hetshi (signal) (rembulusani) vulani kha tshifanyiso tshi tevhelelaho.
Tshifanyiso 1: Yesu U Funza Vhathu
![Tshifanyiso 1: Yesu U Funza Vhathu](https://static.globalrecordings.net/300x200/lll6-01.jpg)
Mateo 5
Nga tshifanyiso hetshi, Yesu u khou funza vhathu nga ha Mudzimu. Yesu u bva ha Mudzimu na uri ndi Murwa wa Mudzimu e ethe. U divha zwothe nga ha Mudzimu. Ngauri vhathu vha humbula mihumbulo mivhi, na uri vha ita vhuvhi, vho fhandekana na Mudzimu. Mudzimu u funa vhathu. Yesu u bva ha Mudzimu, o dela u funza vhathu uri vhanga divha hani Mudzimu. Thetshelesani! Na hone ndi do ni vhudza (funza) zwe Yesu a funza vhathu. Hezwi zwi do ni thusa uri ni divhe nga ha Mudzimu wa ngoho a tshilaho.
Tshifanyiso 2: Nndu Mbili
![Tshifanyiso 2: Nndu Mbili](https://static.globalrecordings.net/300x200/lll6-02.jpg)
Mateo 7:24-27
Yesu o anetshela lungano nga ha vhanna vhavhili kha tshifanyiso hetshi. Munna munwe ofhata nndu yawe kha tombo. Tombo ndi mutheo wo (vhudi) khwathaho. Musi dumbi li tshi da, nndu heyi a I weli fhasi. Munwe munna o fhata nndu yawe kha mutavha. Musi dumbu li tshi da, nndu yawe yo kumbiwa. Yesu ori munna we a fhata nndu yawe kha tombo ndi munna o thanyaho.
Ri fanela u fhata vhutshilo hashu kha mutheo wo khwathaho. Yesu ene mune ndi mutheo washu wo khwathaho na hone ri fanela u thetshelesa pfunzo Yawe. Arali ri tshi Muthetshelesa, U do ri thusa u kunda sathane, na mihumbulo mivhi na zwi ito zwo vhifhaho vhutshiloni hashu. Na hone Yesu u do vha maanda a shu, a ri thusa nga misi, naho khakhathi dza vhutshilo dzi tshi da.
Tshifanyiso 3: Tshedza Tshifanela U Vhonala
![Tshifanyiso 3: Tshedza Tshifanela U Vhonala](https://static.globalrecordings.net/300x200/lll6-03.jpg)
Mateo 5:14-16
Lavhelesani, munna kha tshifanyiso una (khandela) la tsedza. Naa vha ita mini nga tshedza vhe swiswini? Munwe munna kha tshifanyiso hetshi o imisela tshedza tshawe ntha a tshi itela uri tshi nee tshedza munwe na munwe a re Nduni. Munwe munna ndi tsilu. O fara tshedza tshawe nga fhasi ha tshirundu (tshigodelo). Yesu ndi tshedza tsha shango na hone uri sumbedza ndila ya u ya ha Mudzimu. Musi ri tshi mufulufhela, ri tshi thetshelesa Ipfi Lawe na hone ra tshila nga lo ri tshi li tevhedza, vhanwe vhathu vha a kona u vhona Tshedza tsha Yesu kha rine. Yesu ari, "Tshedza tshanu kha tshi vhone tshele phanda ha vhathu, uri vha kone u vhona mishumo yavhudi yanu, vha rende khotsi anu wa tadulu (Mudzimu).
Tshifanyiso 4: Muroma U Rwa Muyuda
![Tshifanyiso 4: Muroma U Rwa Muyuda](https://static.globalrecordings.net/300x200/lll6-04.jpg)
Mateo 5:38-42, Romans 12:19
Musi Yesu a tshi khou tshila kha shango la vha Yuda, vha Roma vha vha tsinda vho vha vhusa. Zwinwe zwifhinga maswole a vha Roma vho fara vha Yuda nga ndila ya tshituhu, sa musi vha tshi khou zwi vhona kha tshifanyiso hetshi.
Maswole na vhonevho vho dzhia badzhi ya munna. Naa munna zwino a ite mini? Yesu o vhudza vhathu a ri, "Ni songo lifhedza muthu a ni khakhelaho. Arali muthu a tshi ni rwa kha shama la kha tsha ula, mu litsheni a rwe na la tsha monde vho.
Arali muthu ani dzhiela hemmbe, mu litsheni a dzhie na badzhivho." A rongo fanela u lifhedza havho vha ri vhaisaho, ngauri Mudzimu vho ri "Ndi do lifhedza, ndi do lifhela murahu." Mudzimu vha do phanisha vhothe (tungufhanza)vha dzulela ho u ita vhuvhi. Tshifarafu hetshi tshi do vha kha vhuno vhutshilo kana nga murahu ha lufu. Hone U a ri vhudza uri ri lifhe vhuvhi nga u ita zwivhuya (kha maswina a shu). Mudzimu vha do takalela hezwo.
Tshifanyiso 5: U Rabela Mudzimu
![Tshifanyiso 5: U Rabela Mudzimu](https://static.globalrecordings.net/300x200/lll6-05.jpg)
Mateo 6:5-15
Kha tshifanyiso hetshi vhanna vhavhili vha khou rabela (u amba na Mudzimu). Munna munwe o ima tshitaratani, a tshi khou dovhalola thabelo nda pfu. O vha a tshi funa munwe na munwe a (vhathu vha) tshi muvhona na uri vha mu rende. Mudzimu a vha fhinduli thabelo yo raloho. Hone ri fanela u fana na ula munwe munna a re kha tshi fanyiso ane a khou rabela (u amba na Mudzimu) nga ngomu nduni yawe hune hu sivhe na muthu a mu vhonaho nga nnda ha Mudzimu ane a kona u mu vhona.
U a di tukufhadza na u fulufhedza a tshi a mba na Mudzimu. Mudzimu vha a pfa na u fhindula thabelo yo raloho. Yesu o ri, "Ni tshi rabela, dzhenani lufherani lwanu, valahi vothi ni rabele khotsi anu wa tadulu (Mudzimu). Ndi hone khotsi anu. A vhonaho zwine zwa itwa tshi dzumbeni, a tshi do ni nea zwi tshi vhonala. Yesu o do vha vho ari Mudzimu vhu a divha zwine na zwitoda, na musi ri sathu nau vhuya ra Mu humbela. A ri faneli u mu vhudza tshithu tshithihi lunzhi lunzhi kana ra di amba na u amba sa zwine vhathu vha ita, vhane vha sa divhe Mudzimu.. Yesu o ri, "Ni fanela u rabela na ri:'Khotsi ashu wa tadulu, ri thuse u hulisa Dzina Lau, I da u vhumbe Muvhuso Wau, u itela uri munwe na munwe a re shangoni a U thetshelese sa musi u tshi thetsheleswa tadulu. Ri nee zwiliwa zwa namusi. Ri hangwele zwivhi sa musi ri tshi hangwela vhanwe. Ri vhulunge ri sa lingiwe, u ri tsireledze milingoni." (Sia tari la 9 la Bible for Today's Family. CEV New Testament, Mateo 6:9-13)
("Khotsi ashu wa tadulu Dzina lau likhethwe, Muhuso wau u de. Zwine wa funa zwi itwe fhano fhasi vhunga zwi tshi itwa ngei tadulu. U ri fhe namusi vhuswa hashu ho ri edanaho. U ri hangwele milandu yashu vhunga ri tshi hangwela vha re la milandu kha rine. U si ri ise milingoni, hone u ri phuluse vhinhini Ngauri Muhuso ndi wau, na Maanda, na vhurena ngu vhu sa fheliho, Amen.")
Tshifanyiso 6: Muvhi U Zwala Tshene
![Tshifanyiso 6: Muvhi U Zwala Tshene](https://static.globalrecordings.net/300x200/lll6-06.jpg)
Mateo 13:24-30, 36-43
Vhanna vhavhi vha khou zwala tshene kha tsimu I kha di bva u vhahone. Mune wa tsinu ho ngo kona u tahula tshene ngauri o vha a tshi do tshinyadza zwi mela zwavhudi.
O lindela u vhuya u swika khano I tshi vhibva, Ngauralo o kuvhanganya tshene u ri I fhiswe, nga murahu ha zwenezwo, a kona u kuvhanganya khano ya zwimeka zwavhudi.
Dzi-khonani, Mudzimu u fana na Mune wa tsimu, nahone Sathane ndi Muthu Muvhi. Nga ngomu shangoni Sathane o zwala vhuvhi kha vhathu vha Mudzimu. Musi tshifhinga tsho swika, Yesu u do vhuya hafhu. U do khetha vha vhi kha ha vho vhane vha fulufhela na u thetshelesa Mudzimu.
Yesu u do dzhia vhathu vhawe u ri vha vhe nae lini na lini. Hone vhathu vhavhi, kathihi na Sathane, vha do poswa ngomu heleni, fhethu ha u tambudzwa lini na lini, na u khethekana na Mudzimu.
Tshifanyiso 7: Yesu Na Vhana
![Tshifanyiso 7: Yesu Na Vhana](https://static.globalrecordings.net/300x200/lll6-07.jpg)
Mateo 18:1-6, 19:13-15
Lavhelesani! Linwe duvha vhanwe vhathu vho disa vhana ha Yesu. Vho vha vha tshi toda Yesu a tshi fhatutshedza vhana na u rabela Mudzimu a tshi vha rabelela. Vhatevheli vha Yesu (vhafunziwa vha Yesu) vho ligedza u pandela vhana. Hone Yesu ha ngo takala nga zwe vhatevheli vhawe vha ita, Ari, "Litshani vhana vha de ha Nne ni songo vha dzivhisa, ngauri muvhuso wa tadulu ndi wa vhenevho vha no nga havho." Yesu a dovha vho ari kha vha funziwa vhawe (vhatelheli vha tsini tsini), Arali na sa shanduka na nga vhana muvhusoni wa tadulu a ni nga dzheni (Mudzimu). Vhathu vhane vha vha vhahulwane Muvhusoni wa Mudzimu vha a di tukufha dza vhunga vhana.
Dzikhonani, ha vho vhane vha dihudza na u humbula uri vha fhira vhanwe, a sivhone vha tevheli vha ngoho vha Yesu.
Tshifanyiso 8: Mulisa Na Dzinngu
![Tshifanyiso 8: Mulisa Na Dzinngu](https://static.globalrecordings.net/300x200/lll6-08.jpg)
Mateo 18:12-14
Linwe duvha Yesu o funza vhafunziwa vhawe a ri, "Arali Muthu e na nngu dza dana inwe ya xela naa ha nga litshi nngu dza 99 a ya u toda yo xelaho thavhani naa? Na hone arali a I wana, u do takalela nngu nthihi u fhirisa dza 99 dze dzi sa xele. Nga ndila yeneyo, khotsi anu wa Tadulu (Mudzimu) ha todi vhathu vha tshi mu xela.
Mudzimu vho sika vhathu vhothe vha heli shango. Arali munwe a tshi tevhela Sathane, onoyo muthu u fana na nngu ye ya xela. Yesu u pfi Mulisa wavhudi (Muvhulungi wa nngu) ngauri o dela "u toda na u tshidza" ha vho vhe vha xelana na Mudzimu. Yesu u kha di toda na u tsihdza vho xerano.
Tshifanyiso 9: Mulanda a Sa Hangweli
![Tshifanyiso 9: Mulanda a Sa Hangweli](https://static.globalrecordings.net/300x200/lll6-09.jpg)
Mateo 18:21-35
Mulanda o vha a tshi koloda khosi tshelede nnzhi hone o vha a sa koni u I lifha. Ndi hone khosi a ita uri mulanda na vha muta wawe vha rengiswe sa dziphuli. Mulanda a humbela khosi u ri imu nee tshifhinga tshau badela murahu tshelede yawe. Khosi yo pfela mulanda vhutungu. A thutha tshikolodo tshothe a mu litsha a tuwa. U la mulanda a wana munwe mulanda ngae we a vha a tshi mu koloda tshelede thuku-thuku, ye a vha a sa koni ui lifha. A thoma u tshipa munna uyo na hone a toda tshelede yawe uri I lifhiwe. Huno ngauri mulanda ngae a si kone u I lifha nga u tavhanya, o kudza munna khothoni u vhuya u swika a tshi lifha tshikolodo tshawe. Vhanwe vhalanda vha vhudza khosi zwo I teaho. Khosi ya sinyuwa nga maanda, ya ri kha mulanda muvhi, "Wo vha wo fanela vho wa khathutshela munwe mulanda nga iwe, sa zwe Nne nda ukhathutshela."
Khosi ya longela mulanda mmhi khothoni, u vhuya u swika a tshi lifha mulandu. Dzikhonani, Ri fanela u hangwela munwe na munwe ane a ri khakhela. Ndi hone Mudzimu a tshi do ri hangwela vhuvhi hothe he ra ita arali ri tshi muhumbela na hone arali ri pfa ro tshinya nga ngoho.
Tshifanyiso 10: Vhashumi Vha Tanganedza Miholo Yavho
![Tshifanyiso 10: Vhashumi Vha Tanganedza Miholo Yavho](https://static.globalrecordings.net/300x200/lll6-10.jpg)
Mateo 20:1-16
Mune wa tsimu o bvela nnda a yo thola vhashumi uri vha shume tsimuni yawe ya mitokola. A langana navho uri u do vha holela sheleni ya mushumo wa duvha. Nga madekwana vha shumi vha da uri vha wane miholo yavho. Wa u thoma munna u holelwa o vha o tholwa hono vha kale lotsha. O vha o shuma mushumo mutuku-tuku. Hone mune wa tsimu (vhasa) o vha e na tshilidzi. A nea munna sheleni. Ho yo ndi musi u muholo duvha lothe. Munna wa vhuvhili o vha o shuma hafu deyi, munwe munna o vha o shuma duvha lothe. Hone vha shumi vhothe vho vha vho tanganedza tshelede I linganaho. Munna we a shuma duvha lothe, o gungula. O vha a tshi toda tshelede nnzhi.
Hone mune wa tsimu ari: "Khonani a thi khou khakhela, Ro pfana uri wo shuma ndi do u holela sheleni. Ndi na pfanelo ya u ita zwine nda funa nga tshelede yanga. U vho sintuwa nge nda vha na vhuthu?
Dzikhonani, Mudzimu u fana na mune wa tsimu. Mudzimu tshifhinga tshothe o luga. Hone una tshilidzi na vhuthu. U nea tshifhiwa tsha vhutshilo vhusafheli tshi fanaho tsha lini na lini kha vhothe vha thetshelesaho Yesu. Ndi tshifhiwa tsha fhedzi I si badela ya mishumo mivhuya ine vhathu vha I ita shangoni.
Tshifanyiso 11: Vhafumakadzi Vhatanu Nga Nnda Ha Munango
![Tshifanyiso 11: Vhafumakadzi Vhatanu Nga Nnda Ha Munango](https://static.globalrecordings.net/300x200/lll6-11.jpg)
Mateo 25:1-13
Yesu o anetshela lungano nga ha vhasidzana vha fumi. Ndi musi vho lindela muhwe a tshi da, a tshi dela munyanya wa mbingano u no khou thoma. Vhatanu vha vhasidzana ndi musi vho thanya, hone vhatanu vhane vha khouvha vhona zwino ndi musi vhe matshilo. Musi muhwe a tshi da zwi songo lavhelelwa vhukati ha vhusiku, vha sidzana vhatanu vho thanyaho vho vha vho di lugisela u mutanganedza. Vho vha vhe na oli maftura dzimboneni dzavho, na hone vha dzhena munyanyani nae.
Hone vhasidzana vha matsilu vho vha vha sina oli (mapfura) dzimboneni dzavho, na hone vho vha tshi funela u tuwa vha ya u di rengela mapfura. Musi vho tuwa, vothi lo valiwa. Musi vha tshi vhuya vho lila vha ri, Ri vulele ri dzhene ("Ri fulele vothi") Hone muhwe a fhindula ari, Ndi ni vhudza ngoho; a thi ni divhi."
Dzikhonani, Yesu u tadulu zwino na hone ndi Ene Muhwe wa tadulu. Hone linwe duvha u do vhuya zwi songo lindelwa fhano fhasi. A ri divhi uri izwi zwi do itea lini. Kha ri dzule ro luga zwino (na duvha linwe na linwe). U tangana Nae. Ngauri Yesu u do dzhia vhothe vha mufunaho na vha mu thetshelesaho u ri vha vhe Nae tadulu. Hone vhanzhi, u fana na vhasidzana vha matsilu vha do siwa nga nnda.
Tshifanyiso 12: Murena Na Vhalanda Vhawe
![Tshifanyiso 12: Murena Na Vhalanda Vhawe](https://static.globalrecordings.net/300x200/lll6-12.jpg)
Mateo 25:14-30
Naa vha nga dzula hani vho lindela u vhuya ha Yesu? Kha vha thetshelese.
Munna mudivhalea o pfumaho ane vha khou mu vhona kha itshi tshi funyiso u kha di bva u humela hayani a tshi bva lwendoni lu lapfu. Musi a sathu u tuwa, o nea vhalanda vhanwe inwe ya thundu yawe. Kha munwe mulanda o mu nea Randa thanu R5-00. Mulanda uyu o I shumisa a bindula dzinwe Randa thanu R 5-00 a tshi bindulela mune wawe. Munwe mulanda a newa Randa mbili R2-00. A bindula dzinwe randa mbili R2-00 a tshi bindulela Mune wawe. Musi mune wavho a tshi vhuya, a vha nolera vhothe nga zwilinganaho (Nga zwifanaho).
Hone wa vhuraru mulanda we a tanganedza R1-00. O dzhia tshelede a I vhuhunga kha ene mune. Ho ngo ita tshithu uri a bindule inwe nnzhi. Mune wawe a sinyuwa nge mulanda uyu a vha mubva. A dzhiulula hafhu ila tshelede kha mulanda a pandela mulanda nduni yawe.
Dzikhonani, Yesu ndi Mune wa vha Kriste. O tuwa o ya tadulu hone u do dovha a vhuya shangoni. O nea vhalanda vhawe uri vha mutshilele, na uri vha vhudze vhanwe nga Hawe. Na hone o nea vho na Muya Mukhethwa uri u vha thuse u ita hezwi. Ndi zwavhudi u shumisa tshinwe na tshinwe tshine ra vha na tsho u itela u mu hulisa na hone o ri fulufhedzisa uri u do pfufha havho vha Mu shumelaho nga u fulufhedzea.
Tswikiso
![Tswikiso](https://static.globalrecordings.net/300x200/lll6-00.jpg)
Yesu o funza vhathu nga ha Mudzimu, hone o vha sumbedza uri u na maanda a bvaho ha Mudzimuni. Lavhelesani kha tshifanyiso na hone ni vule tshitevhelelaho musi ni tshi pfa tshinga.
Tshifanyiso 13: Yesu U Tshi Lovhedziwa
![Tshifanyiso 13: Yesu U Tshi Lovhedziwa](https://static.globalrecordings.net/300x200/lll6-13.jpg)
Marko 1:4-11
Kha hetshi tshifanyiso ri vhona Yesu a sathu u thoma u funza. Munna ane a vha nae ndi Yohane mulovhedzi. Yohane o a zwi divha uri linwe duvha Yesu u do vhuya a tshi bva ha Mudzimu. Yohane o dzulela u kaidza vha Yuda uri vha rembuluwe kha mishumo mivhi vha tevhere Yesu Kristo. Vhe vha tenda kha mulaedza wa Yohane vho rovhedzara nga madi. Tuswayo lwa ndovhedzo ya Yohane turo vha lu tshi sumbedza uri vha fanela u shandulea vha takadza mudzimu. Yohane ari nga murahu hanga hu do da ane avha na maanda u finira nne. Nne ndi lovhedza nga madi, ene u do ni lovhedza nga Muyamukhe thwa. Yesu a da ha Yohane Yesu o vha a songo ita vhuvhi, fhe dzi o vha a tshi toda u lovhedziwa. Musi Yesu a tshi bva madini, ha itea tshimangadzo. Mudzimu a mu shululela muya mukhethura kha tshivhumbeo tsha liivha.
Mudzimu a amba nga ipfi ari! Uyu ndi murwa wanga ane nda mu funa, ane a ntakadza.
Tshifanyiso 14: Yesu a Vhidza Vhafunziwe
![Tshifanyiso 14: Yesu a Vhidza Vhafunziwe](https://static.globalrecordings.net/300x200/lll6-14.jpg)
Mark 1:12-20
Musi Yesu o no I o vhalzara. Sathane oda a mu linga. Sathane o shumisa ipfi la Mudzimu nga ndila ine I si vhe yone Yesu a kunda Sathane nga u amba zwine ipfi la Mudzimu la amba zwone. Nga maanda a muya mukhethwa. Musi Yesu o kunda Sathane o tsela Galilea u funza hone ipfi la Mudzimu a fhodza vhalwadze na u pandela mimuya mivhi ya Sathane. Musi Yesu a tshi khou tshimbila tsini na lwanzhe lwa Galilea a wane. Simoni na Andrea vha tshi khou fasha khovhe. Yesu ari idani ni ntevhele, a ni tsha do vha vhafashi vha khovhe, ni dovha vhafashi vha vhathu. Yesu a dovha a vhona Yakobo na Yohane. A vha vhidza vha mu tevhela, vha vha Vhafuri ziwa vhawe. Yesu a dovha a nanga vhanire vha funziwa vha malo. Vha vha vhatevheli vhawe. (Musi Yesu o no lovhedzwa, Mudzimu o tendela Sathane a tshi linga Yesu. sathane a sa shumise zwavhudi Ipfi la Mudzimu a tshi mulinga. Hone Yesu o kunda Sathane nga u amba nae nga maipfi o nwalwaho a Mudzimu nga maanda a Muya Mukhethwa. Musi ono kunda Sathane, Yesu o ya u ita zwe Mudzimu vha murumela zwone u zwi ita. Mudzimu vho rumela (Murwa wavho) Yesu Kristo kha shango heli u huwelela Mafhungo Madifha a Mudzimu, u funza vhathu, u fhodza vhalwadze na u tshinyadza mishumo ya Sathane (muvhi). Linwe duvha musi Yesu a tshi khou tshimbila dzivhani la Galilea. Vhona vharathu vha vhavhili (Simoni na Anderea) vha tshi khou tanzwa mambule madini, ngauri vho vha vhe vhathu vha reaho.
Yesu a ri, "Idani, ni ntevhele, ndi ni ite vha rei vha vhathu." (RSV) Zwenezwo vha mbo di tutshela mambule a vho vha tevhela Yesu. Yesu a vhona vho vhanwe vharathu vhavhili (2) (Yakopo na Yohane). Vho vha vha tshi khou lugisa mambule a vho. Na vhone vho vho tevhela Yesu zwenezwo musi a tshi vha vhidza. Yesu o nanga vho vhanwe vhanna vha malo (8). Havho vhanna vha 12 vho mbo divha vhafunziwa. Vhawe (vhateveli vha tsini) u ri vha vhe Nae na uri vha gude Khae.
Vha funziwa vha 12 murahu vho vha vha Apostola vha Yesu, he zwi amba uri, Vharumiwa vhawe. Vho huwelela Madifha a Kristo na hone vho fhodza vhalwadze Dzinani la Yesu.
Nga Murahu Yesu o vha nea maanda nga Muya Mukhethwa, wa u kunda mimuya mivhi, u ri vha I pandele. Musi Yesu a sathu u humela Tadulu, o nea vha Apostola Vhawe mulaedza hoya, "Iyani ni ite vhafunziwa kha tshaka dzothe ni vha funze u ita zwothe zwe nda vhudza." He zwi zwi amba zwauri Munwe na munwe ane a funa u vha mufunziwa namusi (munna munwe na munwe, jusadzi, mutukana na musidzana) u fanela u tama u ita dzi ndaela dza Murena Yesu na u vhudza vhanwe Mafhungo Madifha a Yesu na u ita hezwi nga maanda a Muya Mukhethwa. Ndi hone Murena Yesu o vuwaho a tshi do tshimbila navho na uri Mudzimu vha do shuma nga vho.)
Tshifanyiso 15: Munna a Re Na Mapele
![Tshifanyiso 15: Munna a Re Na Mapele](https://static.globalrecordings.net/300x200/lll6-15.jpg)
Marko 1:40-45
Linwe duvha Munna a re na mapele (vhuhwadze vhu shavhisaho ha lukanda) o da ha Yesu. O gwadama phanda ha Yesu a mu humbela, a ri, "Arali u tshi funa u nga mphodza." Vhanwe vhathu vho vha vha tshi ofha u sendela tsini ha munna ngauri u na vhulwadze hawe, hone Yesu o vha o dala tshilidzi (khedhutshelo) khae. Yesu a mu kwama a ri, "Ndi a funa, fhola." Zwenezwa nga u tavhanya munna a fhola mapele awe. O takala nga maanda zwe zwa ita uri a vhudza muthu munwe na munwe.
Dzikhonani, tshivhi tshi tounga mapele. Tshi a ri fhandekanya na Mudzimu na vhathu vho. Hone arali ri tshi da ha Yesu, Udo ri fhodza zwivhi zwothe.
Tshifanyiso 16: Munna U Dzhena Nga Thangani
![Tshifanyiso 16: Munna U Dzhena Nga Thangani](https://static.globalrecordings.net/300x200/lll6-16.jpg)
Marko 2:1-12
Nga linwe duvha Yesu o vha e ngomu nduni, a tshi khou funza vhathu nga ha Mudzimu. Nga itsho tshifhinga vhanna vhanna vho vha vha tshi toda u disa munna o omaho mirado (munna a sa koni u tshi mbila) ha Yesu, hone nga mulandu wa gogo a vho ngo kona u dzhena nga ngomu. Zwo ralo vha phula buli thangani vha dzhenisa munna nga bulini. Yesu a vhona lutendo lwavho khae. A ri kha munna a lwalaho, Murwa, "zwivhi zwau zwo hangwelwa." Vhanwe vharangaphanda vha rabeli vha sinyuwa musi vha tshi pfa hezwi. Vha ri, "Naa ndi nnyi a konaho u hangwela zwivhi, e si Mudzimu fhedzi?
Vho vha vha sa fulufheli uri Yesu u bva ha Mudzimu. A ri kha munna o omaho mirado, "Takuwa, u hwale vhulalo hau u ye hayani!" Munna a fhodzwa! Nga ndila heyi, Yesu a vha sumbedza uri u bva ha Mudzimu. U na maanda a u hangwela zwivhi, sa musi e na maanda a Mudzimu a u fhodza makwadze. Rine rothe ri a funa u fhodzwa musi ri tshi lwala, na u tanganedza tshifhiwa tsha vhutshilo vhu sa fheli no bva khae.
Tshifanyiso 17: Yesu U Fhodza Tshanda Tsha Munna
![Tshifanyiso 17: Yesu U Fhodza Tshanda Tsha Munna](https://static.globalrecordings.net/300x200/lll6-17.jpg)
Marko 3:1-5
Hafhu ri khou vhona Yesu e nduni ya Mudzimu, I no pfi thembele. Na vharanga phanda vha vhurabeli na vhone vha henefho. Ndi musi li duvha la sipentshela la vhege musi vha Yuda vha tshi luvha Mudzimu. Milayo yavho iri a huna na muthihi ano fanela u shuma nga ilo duvha. Munna o vha e hone we a vha e na (oma murado, tshisa shumi) tshanda tshi iti tshithu. Vha Yuda vha mulavhelesa Yesu vha tshi toda u vhona arali a tshi do fhodza uyo munna. Yesu o vhavhalela vhathu vhathu na zwino u kha di ita.
A vho vharangaphanda vha vharabeli a vhongo zwi ita. Vhovha vha tshi toda Yesu a tshi pfuka mulayo wavho u ri vha kone u Mu vhulaha. Yesu o vhudzisa vharangaphanda, ari, "Naa mulayo washu uri tendela u ita zwifhio nga ili duvha, u ita zwavhudi kana vhuvhi, u tshidza vhutshilo kana u vhulaha? Vhayuda a vhongo amba tshithu nge dzimbilu dzavho dza vha dzo oma. Ndi hone Yesu a tshi ri kha munna, "Onyolosa tshanda tshau?" A tshi onoyolosa lwe vhathe vha kona u zwi vhona uri tshanda tshawe tsho luga tsho khwatha. Dzikhonani, ri fanela u luvha na u thetshelesa Mudzimu, hone ri fanela vho vhavhalela vhanwe! Ra sa ralo u luvha hashu Mudzimu hu do vha ha lifhedzi hu sa ambi tshithu.
Tshifanyiso 18: Yesu U Dzikisa Dumbu
![Tshifanyiso 18: Yesu U Dzikisa Dumbu](https://static.globalrecordings.net/300x200/lll6-18.jpg)
Marko 4:35-41
Kha tshifanyiso hetshi ri vhona Yesu na vhafunziwa vhane gungwani. Vho vha vha tshi khou mu wedza dzivha lihulu. Dumbu lihulu la mbo di vhudzula nga maanda. Madi a dzhena ngomu gungwani, gungwa la thoma u nupela. Yesu o vha o edela nga murahu ha gungwa. Vhafunziwa vhawe vho Muvusa vha ri, "Mufunzi, naa a u zwil onde ri tshi nwela khothe naa? Yesu a vuwa a ri kha Muya na magabelo, "Fhumula, uri tshete." Ngau tavhanya dumbu la dzika. Yesu a ri kha vho, "Naa ndi mini ni tshi ofha ngauralo? Naa a ni na lutendo naa?" Vhafuziwa vha mangala (akhamala) vha ri, "Naa ndi nnyi uyu? Ane Mimuya na magabelo zwa muthetshelesa."
Dzikhonani, ri a divha zwa uri Yesu ndi Mudzimu na uri u na maanda ntha ha vhathu vhothe, mimuya na zwothe zwe a zwi ita. Nga u ralo ri a kona ufulufhela Yesu uri a ri tsireledze, a ri nee (fhe) mulalo dzikhakhathini dza shu vho.
Tshifanyiso 19: Mufumakadzi Vhukati Ha Gogo
![Tshifanyiso 19: Mufumakadzi Vhukati Ha Gogo](https://static.globalrecordings.net/300x200/lll6-19.jpg)
Marko 5:25-34
Naa vha khou vhona mufumakadzi gogo ni ili? O vha a tshi khou bvuda malofha minwala ya 12, na hone zwi tshi khou nana. O pfa zwauri Yesu u a kona u fhodza (vhathu).
A ri kha ene mune, Arali nda nga ton kwama fhedzi zwambaro zwawe, ndi nga fhola. Ndi hone mufumakadzi, a tshi da vhukati ha gogo nga murahu ha Yesu a kwama nguvho yawe (zwiambaro. Nga u tavhanya u bvuda malofha ha mbo di tumuwa (ima) a zwi pfa muvhilini wawe zwauri o fhola. Yesu a zwi pfa zwauri ho bva maanda Khae. A ima a ri, "Ndi nnyi we a kwama zwiambaro zwanga? Ho vha hu na vhathu vhanzhi u mona na Yesu, hone hoyu musadzi o divha zwe zwa itea khae. A da nga nyofho, a gwadama milenzheni yawe a Mu vhudza ngoho yothe ya uri o fhodzwa hani. Yesu ari, "Nwana wanga, lutendo lwau kha Nne lwo u fhodza. Tsimbila nga mulalo u fhole kha mathupho au (malwadze). Hu na vhathu vhanzhi shangoni he li, hone Yesu u a vha divha vhothe na hone u a vha vhavhalela. U a vhavhalelavho na vhone. Ngau ralo u a todavho na vhone uri vha da khae vha mufulufhele. Ipfi la Mudzimu li ri funza uri Yesu u kha di kona u fhodza na havho vhane vha vhea fulufhelo lavho khae.
Tshifanyiso 20: Yesu Na Nwana O Faho
![Tshifanyiso 20: Yesu Na Nwana O Faho](https://static.globalrecordings.net/300x200/lll6-20.jpg)
Marko 5:22-24,36-43
Yesu o vha e ndilani yawe ya u ya mudini wa munna a no pfi Yairo. Yairo o vha e munna mudi-vhalea kerekeni ya vha Yuda (Sinagogo).
Nwananyana wawe o vha a tshi lwala nga maanda. O vhidza Yesu u ri a de umu fhodza, hone musi Yesu a sathu u swika nwana o fa. Yesu o ri kha Yairo, "U songo ofha, tshau nga hu vhe u tenda." Nduni ya Yairo vhathu vho vha vha tshi kho zhamba ngo u tungufhala huno Yesu a vha pandelela kule. Yesu a dzhia Yairo na Mufumakadzi wawe na vhafunziwa vha raru vha Yesu vha dzhena nga ngomu nduni he nwana o faho a lala hone. Yesu a fara nwana nga tshanda a ri, "Nwanayana, ndi a u vhudza, ndi ri vuwa." Nga u tavhanya o vuwa a tshimbila tshimbila, vha mu nea zwa u la. Ee! Yesu u na maanda vho ntha ha lufu. Havho vha mu tendaho na u mutevhela a vha faneli u ofha lufu.
Tshifanyiso 21: Yesu Na Musadzi Wa Nnda (Mutsinda)
![Tshifanyiso 21: Yesu Na Musadzi Wa Nnda (Mutsinda)](https://static.globalrecordings.net/300x200/lll6-21.jpg)
Marko 7:24-30
Linwe duvha musadzi wa nnda / mutsinda o da ha Yesu. Kwananyana kwawe kwo vha ku na muya muvhi. O di dzulela u humbela Yesu u ri a pandele muya muvhi Yesu a mu vhudza zwauri Ene o dela u thoma u thusa vha Yuda. Hezwo zwi do tounga u thoma u fida dzimmbwa u sathu u fida vhana, arali a tshi thusa vhatsinda a sa athu u thusa vhaYuda. Yesu o ri, "Tshau thoma, litshani vhana vha le zwine vha funa, ngauri a zwongo naka u tshi dzhia vhurotho ha vhana wa vha nea/posela dzimmbura. A fhindula ari, Ee Murena hone na dzimmbwa-vho dzi di la matshaka-tshaka nga fhasi ha dafula ya vhana (makolo a zwiliwa)." Ndi hone Yesu a ri khae, "Nga phindulo yeneyo tshimbilai, madimoni o bva kha nwananyana wau." Musadzi o ya hayani a wana u ri Muya mivhi wo tuwa kha uyo nwana. Yesu u funa na u thusa vhathu vha bvaho kha tshaka dzothe mushangoni othe. U fana na zwe musadzi a ita, Yesu u funa uri ri vhee fulufhelo lashu Khae. Yesu u na maanda a u ri phulusa kha zwivhi na kha maanda a Sathane.
Tshifanyiso 22: Yesu Na Dzingandevhe Iva Tshimuma
![Tshifanyiso 22: Yesu Na Dzingandevhe Iva Tshimuma](https://static.globalrecordings.net/300x200/lll6-22.jpg)
Marko 7:31-37
Vhanwe vhathu vho disa munna ha Yesu. O vha a sa pfi u bva tshe bebwani, na hone o vha a sa koni u amba zwavhudi. Vha humbela Yesu uri a vha vhee zwanda Tshawe kha uye Munna. A tusa u yo munna vhukati ha vhathu (tshigwadani). Yesu a longela minwe Yawe dzindevheni dza munna. Ndi hone a tshi mupfela mare a kwama Lulimi lwa uyo munna. Yesu a lavhelesa ntha ha Mudzimu tadulu a ri "Bonyolowa!"
Ngau tavhanya munna a kona u pfa na u amba zwavhudi. Vhathu vha mangari vha ri, "Yesu o ita zwithu zwothe zwavhudi. U a kona vho u ita uri madzingande (vhathu) a pfe zwi muma (vhathu) vha ambe!"
Dzi khonani rothe ri toda u pfesesa he yi pfunzo I bvaho Ipfini la Mudzimu, ngauri Mudzimu u amba na rine nga Ipfi Lawe. Sa musi Yesu o fhodza uyu munna uri a pfe maipfi na uri lulimi lwawe lu ambe na vhathu, nga u ralo Yesu u a konavho u ita rine ri tame u thetshelesa Ipfi la Mudzimu, uri ri kone u divha Lufuno lwa Mudzimu vhutshiloni hashu. U ita hezwi nga mashumele a Muya Mukhethwa ure kha rine. Sa munna wa dzingandevhe, ri do kona vho u vhudza vhanwe nga ha Mudzimu.
Tshifanyiso 23: Yesu U Ita Uri Bofu Li Vhone
![Tshifanyiso 23: Yesu U Ita Uri Bofu Li Vhone](https://static.globalrecordings.net/300x200/lll6-23.jpg)
Marko 8:22-26
Nga linwe duvha vhanwe vhathu vho disa munna wa bofu ha Yesu uri a mu kwame (a mufhodze). Yesu o dzhia munna wa bofu nga tshanda a muende dza a bva mudini.
A pfela mare munna matoni awe, a vhea zwanda zwawe khae a vhudzisa ari, "Naa u a vhana tshithu naa? Munna a fhindula ari, Ndi a vhona vhathu, vha tou nga miri, vha tshi tshimbila tshimbila. Yesu a vhea hafhu zwanda zwawe matoni a munna. Ndi hone mato awe a tshi vulea, inbono yawe ya vhuye lela, a vhona tshinwe zwavhudi. Dzikhonani, Sathane ha funi rine ri tshi da ra divha (vhona) Yesu kana rapfesesa ma Fhungo awe. Musi ri tshi fulufhela kha Yesu, U do uri ita ri vhone na u pfesesa vhungoho hawe zwavhudi, nga mashumele a Muya Mukhethwa Wawe. Ri fanela u rabela duvha linwe na linwe (nga misi) ri Mu humbele u ita hexwo.
Tshifanyiso 24: Yesu U Fhodza Mutukana a Rena Dimoni
![Tshifanyiso 24: Yesu U Fhodza Mutukana a Rena Dimoni](https://static.globalrecordings.net/300x200/lll6-24.jpg)
Marko 9:14-29
Linwe duvha munna o disa murwa wawe ha vhafunziwa vha (vha tshimbila tsini na) Yesu. A vha humbela uri vha pandele muya muvhi kule kha murwa, hone vho kundwa. Nga murahuni a disa murwa wawe ha Yesu. Musi muya muvhi u tshi vhona Yesu, wa ita uri mutukana a vhe na u tetemela huhulu. Mutukana o wela mavuni, a mbulumfuwa mavuni, a tshi bvisa bulo mulomoni. Khotsi a mutukana o vha e na lutendo lutuku lwa uri Yesu anga kona u vha thusa, a ri kha Yesu, "Arali u na tshine wa kona ri thuse." Yesu a fhindula a ri, "Arali u tshi funa, zwothe zwi a konadzea kha ane a tenda (Mudzimu)." Khotsi a mutukana a fhindula ari, "Ndi khou tenda, farisa u sa tenda hanga." (Musi Go fo li tshi khou gidimela u toda u vhona,) Yesu o amba na Muya muvhi ari, "Iwe Muya wa tshimuma, ndi a u vhuda, ibva khae, u songo dovha wa dzhena khae." Muya muvhi wa Zhamba wa bva kha Mutukana. Mutukana a edela a ri noo, vhathu vhanzhi vhari, "O fa." Hone Yesu a mufara nga tshanda a mutakula ela ntha, a ima.
Ngavhuya vhafunziwa vha vhudzisa Yesu vhe nga thungo vhari, "Ndi ngani ri ne ri songo kona u u pandela. Yesu a fhindula ari, "Lushaka holu lu bva nga thabelo thaki." Tshifhinga tshi tuku tuku nga murahu hezwi zwono itea, vha Yuda (vha vharabeli) vha vha ranga phanda vho vhuruvhulaha Yesu.
Hone nga murahuni Yesu o shuma vhutolo vhuhulu kha vothe. O vuwa vhafuni. O kunda Sathane na lufu tshothe. Yesu u na maanda u fhira mimuya mivhi, na midzimu shangoni heli na hone u na maanda ntha ha zwithu zwothe. Ngauri Yesu ndi Ene Mudzimu Muthihi wa Ngoho.