unfoldingWord 43 - Жамоатнинг ташкил этилиши
![unfoldingWord 43 - Жамоатнинг ташкил этилиши](https://static.globalrecordings.net/300x200/z44_Ac_02_02.jpg)
Áttekintés: Acts 1:12-14; 2
Szkript száma: 1243
Nyelv: Uzbek
Közönség: General
Műfaj: Bible Stories & Teac
Célja: Evangelism; Teaching
Biblia Idézet: Paraphrase
Állapot: Approved
A szkriptek alapvető irányelvek a más nyelvekre történő fordításhoz és rögzítéshez. Szükség szerint módosítani kell őket, hogy érthetőek és relevánsak legyenek az egyes kultúrák és nyelvek számára. Egyes használt kifejezések és fogalmak további magyarázatot igényelhetnek, vagy akár le is cserélhetők vagy teljesen kihagyhatók.
Szkript szövege
![](https://static.globalrecordings.net/300x200/z44_Ac_02_01.jpg)
Исо Осмонга қайтганидан сўнг, шогирдлар Унинг буйруғига биноан Қуддусда қоларди. Улар ибодат қилиш учун мунтазам равишда йиғилардилар.
![](https://static.globalrecordings.net/300x200/z44_Ac_01_09.jpg)
Ҳар йили Фисиҳ байрамидан 50 кун ўтгач яҳудийлар байрам қилиб, буғдой ўримини нишонлардилар. Биргаликда нишонлаш учун бутун дунё яҳудийлари Қуддусда йиғиларди. Исо хочга михланган ва тирилган йили, байрам Исо Осмонга қайтганидан сўнг тахминан бир ҳафтадан кейин бўлди.
![](https://static.globalrecordings.net/300x200/z44_Ac_02_02.jpg)
Ушбу байрам куни барча имон келтирганлар бирга эдилар. Бирдан улар йиғилган уй кучли шамолга ўхшаш товуш билан тўлди.Тўсатдан уларнинг устида аланга тилларига ўхшаш нимадир пайдо бўлди. Барча имонлилар Муқаддас Руҳга тўлдилар ва Худони бошқа тилларда улуғлай бошладилар. Улар бу тилларни билмасдилар, лекин бу тилларда гапиришни уларга Муқаддас Руҳ берган эди.
![](https://static.globalrecordings.net/300x200/z44_Ac_02_03.jpg)
Қуддусдаги одамлар бу шовқинни эшитганида, оломон тўпланди. Ҳамма нима бўлаётганини кўришни истарди. Тўпланган одамлар турли мамлакатлардан бўлиб, турли тилларда гапирардилар. Исонинг шогирдлари эса Жалиладан бўлиб, фақат орамий ва юнон тилларида гапиришни билардилар. Аммо шу куни Исонинг шогирдлари турли тилларда гапирардилар ва одамлар жуда ҳайрон бўлди, чунки оломон ичидаги ҳар бир киши ўз она тилида Худо қилган ишлар ҳақидаги хушхабарни эшитарди.
![](https://static.globalrecordings.net/300x200/z44_Ac_02_04.jpg)
Оломон ичидаги баъзи одамлар шогирдларни масхара қила бошладилар ва уларни шароб ичиб, маст бўлган деб айтдилар. Лекин Бутрус баланд овозда уларга деди: “Менга қулоқ солинглар! Бу одамлар маст эмас! Аммо ҳозир сизлар Йўел пайғамбар айтганларини кўраяпсизлар: “Худо шундай деди: “Охирги кунларда Мен барча одамларга Руҳимни ёғдираман””.
![](https://static.globalrecordings.net/300x200/z44_Ac_02_05.jpg)
Эшитинг, Исроилликлар, Исо Ўзининг Ким эканлигини кўрсатиш учун кўп мўжиза ва аломатларни яратган Одам эди. У Худонинг қудрати орқали кўп мўжиза яратди. Ва сизлар бу ҳақида биласизлар, чунки барчасини кўргансизлар. Лекин сизлар Уни хочга михладингиз!
![](https://static.globalrecordings.net/300x200/z44_Ac_02_06.jpg)
Сизлар Исони ўлдирган бўлсангиз ҳам, Худо Уни ўликдан тирилтирди. Шундай қилиб башорат амалга ошди, унда шундай ёзилган эди: “Сен Азизингизни қабрда чиришига йўл қўймайсан”. Биз эса Худо Исони ҳаётга қайтарганига гувоҳмиз.
![](https://static.globalrecordings.net/300x200/z44_Ac_02_07.jpg)
Ота Худо Исога Унинг ўнг томонида ўтириш шарафини берди. Исо эса ваъда қилганидек, Муқаддас Руҳни бизга юборди. Ҳозир сиз кўраётган ва эшитаётган барча нарсаларни қилаётган Муқаддас Руҳдир.
![](https://static.globalrecordings.net/300x200/z44_Ac_02_08.jpg)
Сиз Исо исмли бу Одамни хочга михладингиз. Аммо билингки, Худо Уни Масиҳ ва мавжуд бўлган барча нарсаларнинг ҳукмдори қилди”.
![](https://static.globalrecordings.net/300x200/z44_Ac_02_09.jpg)
Бутрусни тинглаган одамлар унинг сўзларидан чуқур ҳаяжонда эдилар. Улар Бутрус ва шогирдлардан: “Биродарлар, биз нима қилишимиз керак?” — деб сўрадилар.
![](https://static.globalrecordings.net/300x200/z44_Ac_02_10.jpg)
Бутрус жавоб берди: “Ҳаммангиз Худодан гуноҳлар кечирилишини олишингиз керак. Шунинг учун, ҳар бирингиз тавба қилиб, Исо Масиҳнинг номи билан сувга чўминглар. Шунда Худо сизларга Муқаддас Руҳни туҳфа қилади”.
![](https://static.globalrecordings.net/300x200/z44_Ac_02_11.jpg)
Ўша куни уч мингга яқин одам Бутруснинг сўзларига ишонди. Улар гуноҳлари учун тавба қилдилар, сувга чўмдирилдилар ва Исонинг шогирдлари бўлиб, имонлилар жамоатига қўшилдилар.
![](https://static.globalrecordings.net/300x200/z44_Ac_02_12.jpg)
Имонлилар тез-тез йиғилишар эди. Улар доим ҳаворийларнинг таълимотини ўрганардилар, ибодатда бўлиб, Худога ҳамду сано айтардилар. Имонлилар биргаликда овқатланиб, бор нарсаларини бир-бирлари билан баҳам кўрар эдилар. Шаҳардаги барча улар ҳақда яхши фикрда эди. Кундан кунга имонлилар сони ортиб борарди.