unfoldingWord 34 - Jisas i Skulim Planti Arapela Stori
![unfoldingWord 34 - Jisas i Skulim Planti Arapela Stori](https://static.globalrecordings.net/300x200/z40_Mt_13_19.jpg)
Áttekintés: Matthew 13:31-46; Mark 4:26-34; Luke 13:18-21;18:9-14
Szkript száma: 1234
Nyelv: Tok Pisin: PNG
Közönség: General
Műfaj: Bible Stories & Teac
Célja: Evangelism; Teaching
Biblia Idézet: Paraphrase
Állapot: Approved
A szkriptek alapvető irányelvek a más nyelvekre történő fordításhoz és rögzítéshez. Szükség szerint módosítani kell őket, hogy érthetőek és relevánsak legyenek az egyes kultúrák és nyelvek számára. Egyes használt kifejezések és fogalmak további magyarázatot igényelhetnek, vagy akár le is cserélhetők vagy teljesen kihagyhatók.
Szkript szövege
![](https://static.globalrecordings.net/300x200/z40_Mt_13_12.jpg)
Jisas i tokaut long planti arapela stori long kingdom bilong God. Eksampel olsem, em i tok, “Kingdom bilong God i olsem masted sid. Wanpela i planim long gaden bilong em. Yu save dispela masted sid, em i liklik long olgeta sid.”
![](https://static.globalrecordings.net/300x200/z40_Mt_13_13.jpg)
“Tasol, dispela masted sid i gro, na kamap bikpela long olgeta gaden diwai. Ol pisin inap long i go na sindaun long han bilong diwai na kisim malolo.”
![](https://static.globalrecordings.net/300x200/z40_Mt_13_14.jpg)
Jisas i tokim narapela stori, “Kingdom bilong God i olsem meri i tanim yis wantaim plaua inap yis i go i kam long olgeta plaua.”
![](https://static.globalrecordings.net/300x200/z40_Mt_13_18.jpg)
“Kingdom bilong God i olsem ol samitng i dia tumas. Wanplea i haitim long gaden. Narapela man i painim, na digim graun na planim gen. Em i amamas na salim olgeta samting bilong em na kisim mani na baim dispela graun.”
![](https://static.globalrecordings.net/300x200/z40_Mt_13_19.jpg)
Kingdom bilong God i olsem naispela pel i gat gutpela prais. Taim man bilong baim pel i painim, em i salim olgeta samting bilong em, na yusim dispela mani long baim dispela pel.
![](https://static.globalrecordings.net/300x200/z42_Lk_18_02.jpg)
Na Jisas i stori long ol sampela manmeri husat i save putim tingting na bel bilong ol long gutpela pasin bilong ol yet na daunim arapela. Em i tok, “Tupela man i go prea long haus lotu. Wanpela bilong ol em man bilong kisim takis, na narapela em i lida bilong haus lotu.”
![](https://static.globalrecordings.net/300x200/z42_Lk_18_03.jpg)
“Lida man bilong haus lotu i prea olsem, ’Tenkyu God, mi no sin man olsem narapela, mi no raskol, mi no olsem man i no save mekim pasin i no stret o mekim pasin pamuk olsem man i save kisim takis i stap long hapsait.”
![](https://static.globalrecordings.net/300x200/z42_Lk_18_04.jpg)
“Eksampel, mi save tambuim kaikai long tupela taim long wanpela wik, na tu mi save givim ten-hap mani i go long yu long ol gutpela samting mi save kisim.”
![](https://static.globalrecordings.net/300x200/z42_Lk_18_05.jpg)
“Tasol man bilong kisim takis i sanap longwe liklik long lida bilong haus lotu, na i no lukluk i go long heven. Long wanem em i paitim bros bilong em wantaim han na prea. ’God, plis marimari long mi, long wanem mi sin man.”
![](https://static.globalrecordings.net/300x200/z40_Mt_18_01.jpg)
Na Jisas i tok, “Mi tok stret long yupela, God i harim prea bilong man i kisim takis na i tok klia olsem,”Em i stretpela man. Tasol em i no laik harim prea bilong dispela lida bilong haus lotu. God bai daunim olgeta manmeri husat i hapim ol yet, na em bai i hapim husat i daunim em yet."