unfoldingWord 03 - Teogo Sanu Mooge
![unfoldingWord 03 - Teogo Sanu Mooge](https://static.globalrecordings.net/300x200/z01_Ge_07_08.jpg)
Áttekintés: Genesis 6-8
Szkript száma: 1203
Nyelv: Tajio
Téma: Eternal life (Salvation); Living as a Christian (Obedience); Sin and Satan (Judgement)
Közönség: General
Műfaj: Bible Stories & Teac
Célja: Evangelism; Teaching
Biblia Idézet: Paraphrase
Állapot: Approved
A szkriptek alapvető irányelvek a más nyelvekre történő fordításhoz és rögzítéshez. Szükség szerint módosítani kell őket, hogy érthetőek és relevánsak legyenek az egyes kultúrák és nyelvek számára. Egyes használt kifejezések és fogalmak további magyarázatot igényelhetnek, vagy akár le is cserélhetők vagy teljesen kihagyhatók.
Szkript szövege
![](https://static.globalrecordings.net/300x200/z01_Ge_06_04.jpg)
Metoung-toung lamai heꞌua, nabari tetoo netuvu eijuniaa. Tetoo-too heꞌua majari majaat tutuu ane nonggauka sanu majaat. Teꞌotutuvu eijuniaa majari majaat sima heꞌua jaok teꞌAlataꞌala nonantua untuk monganjula jojoo eijuniaa nepake teogo buntul sanu mooge.
![](https://static.globalrecordings.net/300x200/z01_Ge_06_07.jpg)
Tapi siNuh nopaꞌasanang teambok nuSiopu. Siia sotoo-toonya sanu mondolong eiolot jojoo nutoo-too majaat heꞌua. TeꞌAlataꞌala nongulara eisiNuh simamo teogo buntul sanu mooge sanu Siia morancanaa, sanu kana monouꞌi otutuvu jojoo nubinaatang. Siia nonuju siNuh mogutu sobua tepayangan sanu mooge.
![](https://static.globalrecordings.net/300x200/z01_Ge_06_08.jpg)
TeꞌAlataꞌala nonuju siNuh mogutu tepayangan sanu teꞌelelendanya kira-kira 140 meter, tebilaynya 23 meter, ane tepangkatnya 13,5 meter. Tepayangan heꞌua kanaboi nopogutu lamai teꞌayu ane umai tejandela, teatok, tolusalo ane mabari tekamar. Eꞌendenya teogo buntul tepayangan heꞌua kana monyalamata siNuh, telapinya, teunga-unganya ane tepaar-paar lamai jojoo nengangaya tebinaatang ane temanuk.
![](https://static.globalrecordings.net/300x200/z01_Ge_06_09.jpg)
SiNuh nonuruꞌi teꞌAlataꞌala. Siia ane tolutoo teunganya nogutu tepayangan iamaꞌo sanu pinarentaa nuꞌAlataꞌala eisiira. Karna tepayangan heꞌua mooge tutuu, metaang tewatu metoung-toung nogutu tepayangan heꞌua.
![](https://static.globalrecordings.net/300x200/z01_Ge_06_11.jpg)
TeꞌAlataꞌala nomarentaa valii siNuh, telapinya ane teunga-unganya nongincona naganamo sanu noꞌinang niira mboto ane tebinaatang-binaatang heꞌua. Watu jojoo nesiapo, teꞌAlataꞌala nongulara eisiNuh najaoko tewatunya siia, silapinya, tolutoo teunganya, ane telapi-lapi niira mentama eilalong nupayangan. Siira jojoo oalutoo.
![](https://static.globalrecordings.net/300x200/z01_Ge_06_10.jpg)
TeꞌAlataꞌala nonuju sambaang telangkainya ane sambaang tebengkelnya lamai jojoo tebinaatang ane temanuk umaꞌo eisiNuh jaok siira maala momenek eipayangan ane naꞌaman eꞌendenya teogo buntul. TeꞌAlataꞌala nonuju pitupaar lamai jojoo tebinaatang ane temanuk sanu maala nosambale sima tepombee eiꞌAlataꞌala. Watu siira jojoo eiriꞌuamo eilalong nupayangan, teꞌAlataꞌala mboto nonauba tebamba nupayangan heꞌua.
![](https://static.globalrecordings.net/300x200/z01_Ge_06_12.jpg)
Lamai heꞌua nenyau teujang sanu jio nengongondok. Teujang eꞌendenya apampulueleo ane apampulumbengi jio nengondok! Teogo valii nesuvung makancang lamai tetana. Jojoo tesasagara eijuniaa nalapoy nuogo, maampo tebubuut sanu mapangkat tutuu.
![](https://static.globalrecordings.net/300x200/z01_Ge_07_08.jpg)
Jojoo sanu netuvu eibaowan naate, tapi jio tetoo-too ane tebinaatang-binaatang sanu umai eipayangan heꞌua. Tepayangan lalantapo eiogo ane sima heꞌua jojoo sanu eiriꞌua eilalong nupayangan heꞌua tataap maꞌaman.
![](https://static.globalrecordings.net/300x200/z01_Ge_08_04.jpg)
Touk teujang nengondok, tepayangan lalantap eibabok nuogo eꞌendenya limambulang, ane lamai heꞌua seeleo tepayangan netetaango eibabok eisobua tebuut. Tapi tetana ulengi nobuꞌe nuogo. Touk tolumbulang, tebuntuan nubuut nompamulamo inita.
![](https://static.globalrecordings.net/300x200/z01_Ge_08_05.jpg)
Touk apampulueleo, siNuh nolapasa sambaang teꞌaloaga antau mongita teogo nooti atau jiompo. Teꞌaloaga heꞌua neleak menekai umaꞌo melolo tebaowan sanu moꞌogal, tapi jio maala naꞌajaok tesapa-sapa.
![](https://static.globalrecordings.net/300x200/z01_Ge_08_10.jpg)
Lamai heꞌua siNuh nolapasa sambaang temerpati. Tapi jio maala valii naꞌajaok tebaowan sanu moꞌogal, jaok netencile eisiNuh. Soduminggu lamai heꞌua siia nolapasaꞌonye sambaang temerpati, ane netencile nongomung teroong nusaitun eingunjunya! Teogo heꞌua noole jaok tetutudaong pamulamo metuvuonye!
![](https://static.globalrecordings.net/300x200/z01_Ge_08_11.jpg)
SiNuh netaangonye soduminggu ane nolapasa sambaang temerpati otolungkaninaꞌonya. Sangkaning eini, temerpati heꞌua naꞌajaok pomoiaong ane jio najaok menekai. Teogo noꞌogalo!
![](https://static.globalrecordings.net/300x200/z01_Ge_08_12.jpg)
Rombulang vavaliinyamai teꞌAlataꞌala nonjarita eisiNuh, “Siꞌemiu ane jojoo tebinaatang heꞌua maala molinjoꞌimo tepayangan eꞌeini. Moꞌoungamo ane omoꞌupumo sanu mabari ane buꞌeimo tejuniaa.” Karna heꞌua siira nonuruꞌi teparenta nuꞌAlataꞌala ane nolinjoꞌimo tepayangan.
![](https://static.globalrecordings.net/300x200/z01_Ge_08_13.jpg)
Touk nenyau lamai tepayangan, siNuh nonusung tevatu-vatu ane nogutu teporampunong tepombee ane nombeena lasiambaang lamai jojoo tebinaatang sanu maala nosambale sima tepombee. Tepombee nopaꞌasanang teambok nuꞌAlataꞌala ane Siia nombarakai siNuh, telapinya ane teunga-unganya.
![](https://static.globalrecordings.net/300x200/z01_Ge_08_14.jpg)
TeꞌAlataꞌala nongular, “Siaꞌu nojanji Siaꞌu jio kana mongutukonye tetana eini karna temanusia atau mopoꞌorua tejuniaa mepake tebuntul, maampo temanusia odosa lamai olulumbi niira.”
![](https://static.globalrecordings.net/300x200/z01_Ge_09_04.jpg)
Lamai heꞌua teꞌAlataꞌala nogutu tepulagian pabibia simamo tetanda tejanji-Nya. Ane tepulagian mesuvung eilangit, teꞌAlataꞌala ane tetoo-too-Nya kana molambot tesapa sanu jinanjia nuꞌAlataꞌala.