unfoldingWord 23 - Isua Pian Thu
![unfoldingWord 23 - Isua Pian Thu](https://static.globalrecordings.net/300x200/z42_Lk_02_05.jpg)
Áttekintés: Matthew 1-2; Luke 2
Szkript száma: 1223
Nyelv: Mizo
Közönség: General
Műfaj: Bible Stories & Teac
Célja: Evangelism; Teaching
Biblia Idézet: Paraphrase
Állapot: Approved
A szkriptek alapvető irányelvek a más nyelvekre történő fordításhoz és rögzítéshez. Szükség szerint módosítani kell őket, hogy érthetőek és relevánsak legyenek az egyes kultúrák és nyelvek számára. Egyes használt kifejezések és fogalmak további magyarázatot igényelhetnek, vagy akár le is cserélhetők vagy teljesen kihagyhatók.
Szkript szövege
![](https://static.globalrecordings.net/300x200/z40_Mt_01_03.jpg)
Mari chu Josefa, mi fel tak nen chuan an inhual ta a. Mari a rai tih a hriatin, a naupai chu a fa a ni lo tih a hria a. Mari chu tihhmingchhiat a duh lova, tichuan, ngawi renga ṭhen a tûm ta a. Chutianga a tih hma chuan, a hnênah Vantirhkoh a lo kal a,a rawn bia a.
![](https://static.globalrecordings.net/300x200/z40_Mt_01_04.jpg)
Vantirhkoh chuan, “Josef, Mari chu nupuia neih hlau suh. A naupai chu Thlarau Thianghlim laka mi a ni a sin. Fapa a hring ang a. A hmingah Isua i sa tûr a ni (chumi awmzia chu ‘Lalpan a chhandam’ tihna a ni), ani chuan mite chu an sualna lak ata a chhandam dawn si a,” a ti a.
![](https://static.globalrecordings.net/300x200/z40_Mt_01_05.jpg)
Tichuan, Josefa chuan Mari chu nupuiah a nei a, inah a hruai haw ta a, nimahsela, nau a hrin hma loh zawng a pawl lo.
![](https://static.globalrecordings.net/300x200/z42_Lk_02_01.jpg)
Mari nau neih hun a lo thlen dawn hnaih ah chuan, Rom sawrkar chuan mitinte hnênah an thlahtute khuaa kala hming ziak turin thu a pe a. Josefa leh Mari chu an thlahtu Davida a nih avângin, an awmna Nazareth atang chuan Davida khua Bethlehem lam panin zinkawng thui tak chu an zawh a lo ngai ta a.
![](https://static.globalrecordings.net/300x200/z42_Lk_02_02.jpg)
Bethlehem an thlen chuan, riahna tûr rêng a lo awm lova. Riahna tur an hmuh chhun chu ransa awmna pindan chiah chu a ni. Chutah chuan nausen chu a piang ta a, a mutna tûr khum a awm loh avângin, a nu chuan ran chaw pekna thlengah chuan a muttir a. A hmingah Isua an sa ta a.
![](https://static.globalrecordings.net/300x200/z42_Lk_02_03.jpg)
Chumi zân chuan, an bul hnaia phulah chuan berâm vêngtu ṭhenkhatte chu an berâmte vêngin an lo awm a. Thawklehkhatah, Vantirhkoh êng tak mai a rawn lang ta phut a, an hlau ta a. Vantirhkoh chuan, “Hlau suh u, in tân chanchinṭha ka rawn thlen che u a ni. Messia, Krista chu Bethlehem khuaah a piang ta!” a ti a.
![](https://static.globalrecordings.net/300x200/z42_Lk_02_04.jpg)
“Nausên chu va zawng ula, ani chu puana tuam ran chaw pekna thlenga mû in va hmu ang,” a ti a. Thawklehkhatah, Vântirhkohte chu vânah, “Pathian chu ropui takin awm sela, leia a lawm êm êm mihringte hnênah remthu lêng rawh se!” tia Pathian fakin an lo awm ta chiam mai a.
![](https://static.globalrecordings.net/300x200/z42_Lk_02_05.jpg)
Berâmpute chu Isua awmna hmunah chuan an va thleng thuai a, Vantirhkoh sawi angin ran chaw pekna thlenga mu in an va hmu a.An hlim êm êm a. Berâmpute chuan an thil hmuh leh hriat zawng zawngte avanga Pathian fak chung zelin an berâmte awmna phul lamah chuan an kîr leh ta a.
![](https://static.globalrecordings.net/300x200/z40_Mt_02_01.jpg)
A hnu hun engemaw chenah chuan, khawchhak lam râmte a awm mifingte chuan vânah arsi danglam tak mai an hmu a. Judate lal thar a lo piang ta tihna a ni tih an hre chhuak a. Tichuan, chu lal chu hmu tûrin hla takah an zin ta a. Bethlehem ah kalin Isua leh a nu leh pate awmna in chu an va hmu ta a.
![](https://static.globalrecordings.net/300x200/z40_Mt_02_07.jpg)
Mifingten Isua leh a nu an hmuh chuan, bawkkhupin chibai an bûk a. Isua hnênah thilpek hlu takte an hlan a. Tin, in lamah an haw leh ta a.