unfoldingWord 03 - Tuilet Thu
![unfoldingWord 03 - Tuilet Thu](https://static.globalrecordings.net/300x200/z01_Ge_07_08.jpg)
Áttekintés: Genesis 6-8
Szkript száma: 1203
Nyelv: Mizo
Téma: Eternal life (Salvation); Living as a Christian (Obedience); Sin and Satan (Judgement)
Közönség: General
Műfaj: Bible Stories & Teac
Célja: Evangelism; Teaching
Biblia Idézet: Paraphrase
Állapot: Approved
A szkriptek alapvető irányelvek a más nyelvekre történő fordításhoz és rögzítéshez. Szükség szerint módosítani kell őket, hogy érthetőek és relevánsak legyenek az egyes kultúrák és nyelvek számára. Egyes használt kifejezések és fogalmak további magyarázatot igényelhetnek, vagy akár le is cserélhetők vagy teljesen kihagyhatók.
Szkript szövege
![](https://static.globalrecordings.net/300x200/z01_Ge_06_04.jpg)
Hun rei tak a liam a, lei chungah mihring an lo pung ta a. An sualin inpawngnekna a nasa ta hle mai a. Sualna a nasat êm avangin Pathianin khawvel chu tuilet nasa tak hmanga tihchhiat a tum ta a.
![](https://static.globalrecordings.net/300x200/z01_Ge_06_07.jpg)
Nimahsela, Nova chuan Pathian mit a tlung a. Amah chu misualte zinga chêng ni mahse mi fel tak a ni. Pathian chuan tui lettir a tum thu chu Nova a hrilh ta a. Lawng lian tak tuk turin a hrilh tâ a.
![](https://static.globalrecordings.net/300x200/z01_Ge_06_08.jpg)
Pathian chuan Nova hnênah lawng meter 140 a sei, meter 23 a zau, meter 13.5 a sang tuk turin a hrilh a. Nova chuan Lawng chu thingin a siam ang a, chhawng thum, pindan tamtak nei, inchung leh tukverh neiin a siam tûr a ni. Lawng chuan tuilet chhung zawng him taka Nova leh a chhungte leh khawmuala ramsa chi tinrêng te an awm theih nan an sa himna a siamsak tur a ni.
![](https://static.globalrecordings.net/300x200/z01_Ge_06_09.jpg)
Nova chuan Pathian thu a zawm a. Pathianin a hrilh ang takin amah leh a fapa pathum te chuan lawng chu an tuk ta a. Lawng chu a len êm avângin a tuk nân kum tamtak a ngai a ni. Nova chuan mite hnenah tuilet tur thu hrilhin Pathian lama hawikir turin a hrilh a, mahse an ring duh lova.
![](https://static.globalrecordings.net/300x200/z01_Ge_06_11.jpg)
Pathian chuan Nova leh a chhungte hnênah anmahni leh ramsate tâna an mamawh tawk tûr chaw lakhawm turin a hrilh a. Engkim peih fel a nih hnu chuan, Pathianin Nova hnênah amah leh a nupui leh a fapa pathumte leh an nupuite tân lawnga an luh a hun tawh thu a hrilh a.
![](https://static.globalrecordings.net/300x200/z01_Ge_06_10.jpg)
Pathianin ramsa leh sava zawng zawng a nu leh a pa ṭheuh te chu lawnga an luh a tuilêt chhûnga him taka an awm theihnan Nova hnenah a tir ta a. Pathianin inthawina atana hman theih chi ramsa chi tinrêng zînga mi a nu leh a pa tuak sarih ṭheuh in a tir a. An zavaia lawnga an awm hnû chuan, lawng kawngkhar chu Pathianin a khâr tâ a.
![](https://static.globalrecordings.net/300x200/z01_Ge_06_12.jpg)
Tin, ruah chu nasa takin a sûr ṭan ta chur chur a. Bâng lovin ruah chu ni sawmli leh zan sawmli a sûr ta a. Leilunga tui hna te chu sahin a lo awm a. Leilunga thil awm zawng zawng, tlang sâng berte hial pawh tui chuan chimpil ta vek a.
![](https://static.globalrecordings.net/300x200/z01_Ge_07_08.jpg)
Lawng chhûnga mihringte leh ramsate tih loh khawmuala chêng zawng zawng te chu an thi ta vek a. Lawng chu tui chungah lângin a chhunga awm zawng zawng te chu tuiin chîm lovin him takin an awm a.
![](https://static.globalrecordings.net/300x200/z01_Ge_08_04.jpg)
Ruah a bân hnuin lawng chu tuiah thla nga chhung a lâng a, hetih lai hian tui chu a kam ṭan ta a. Tin, ni khat chu lawng chu tlang chhîpah a innghat ta a, mahse leilung chu tuiin a la chîmpil reng tho va. Thla thum hnuah chuan tlangchhîpte chu an rawn lang ta a.
![](https://static.globalrecordings.net/300x200/z01_Ge_08_05.jpg)
Ni sawmli a ral leh hnû chuan, Nova chuan lei chu a hul tawh nge la hul lo tih hriat nân Choak pakhat a tirchhuak a. Choak chu lei hul lai zawngin a thlawk kual a thlawk kual a, nimahsela, lei hul lai rêng a hmu lova.
![](https://static.globalrecordings.net/300x200/z01_Ge_08_10.jpg)
Nakinah chuan Novan ṭhuro a tirchhuak a. Nimahsela lei hul lai a hmu zo bik lova, Nova hnênah a rawn lêt leh a. Kâr khat hnuah chuan ṭhuro a tirchhuak leh a, a rawn kir leh lamin a hmuiah Olive hnah a rawn pû a! Tui chu a kâm ta deuh deuh va, thing leh maute an rawn ṭo leh ta a!
![](https://static.globalrecordings.net/300x200/z01_Ge_08_11.jpg)
Nova chuan chawlhkâr khat dang a la nghak leh a, tichuan ṭhuro chu a ṭum thumna atân a tirchhuak leh a. Hemi ṭum hi chuan fûkna tur a hmu tawh a, a lo kir leh tawh lova. Tui chu a kang zo ta a.
![](https://static.globalrecordings.net/300x200/z01_Ge_08_12.jpg)
Thla hnih hnuah chuan Pathianin Nova hnenah, “Tûnah chuan nang leh i chhûngte leh ramsâ zawng zawng te chuan lawng hi in chhuahsan thei tawh ang. Chi tamtak thlahin khawvêl hi luahkhat rawh u,” a ti a. Tichuan Nova leh a chhûngte chu lawng aṭang an chhuak ta a.
![](https://static.globalrecordings.net/300x200/z01_Ge_08_13.jpg)
Nova chuan lawng aṭang a chhuah hnuin maichâm a siam a, inthawina a tana hman theih ramsa ṭhenkhatte chu chi khat ṭheuh zel hmangin a inthawi ta a.
![](https://static.globalrecordings.net/300x200/z01_Ge_08_14.jpg)
Pathian chuan, “Mihringte chu thil sual an tih vâng emaw, an naupan lai aṭang rênga sual pawh lo ni sela, Khawvêl hi anchhia lawhin tuilêt in ka tichhe tawh ngai lovang tih ka tiam e,” a ti a.
![](https://static.globalrecordings.net/300x200/z01_Ge_09_04.jpg)
Pathianin chhimbâl hmasa ber chu a thutiam chhinchhiahna atân a siam ta a. Vana chhimbâl a zâm apiangin, Pathian leh a mîte chuan a thutiam chu an hre reng tawh ang.