unfoldingWord 30 - Etidaha Yesu Huwo Hisiha Miyet
![unfoldingWord 30 - Etidaha Yesu Huwo Hisiha Miyet](https://static.globalrecordings.net/300x200/z42_Lk_09_12.jpg)
Áttekintés: Matthew 14:13-21; Mark 6:31-44; Luke 9:10-17; John 6:5-15
Szkript száma: 1230
Nyelv: Lopit
Közönség: General
Műfaj: Bible Stories & Teac
Célja: Evangelism; Teaching
Biblia Idézet: Paraphrase
Állapot: Approved
A szkriptek alapvető irányelvek a más nyelvekre történő fordításhoz és rögzítéshez. Szükség szerint módosítani kell őket, hogy érthetőek és relevánsak legyenek az egyes kultúrák és nyelvek számára. Egyes használt kifejezések és fogalmak további magyarázatot igényelhetnek, vagy akár le is cserélhetők vagy teljesen kihagyhatók.
Szkript szövege
![](https://static.globalrecordings.net/300x200/z40_Mt_14_11.jpg)
Efahak Yesu efahat illohonyi anyar elimak ojo hitofe etiyen huwo illo lowuon to misihi hamehame. Nafa acohini isieja amai nafa owanari Yesu, elimak isieja inyeja hirro innafa egiem isieja. Ette Yesu elilloŋu isieja anyar ofu ho inyeja amai no odua wan aŋhati ha hari anyar ofu isieja yirri kai. Hati ette isieja arek to togoli ette hilaŋ fohor na hari to lolo.
![](https://static.globalrecordings.net/300x200/z40_Mt_14_12.jpg)
Hati owuon ifa huwo aria de illo egonyu Yesu ette hejufuta illo Yesu ebusak togoli. Ette huwo ilia hinyor ahutuk hahari anyar alaŋ ŋati no hari to lolo to hosiere hosi. Hati nafa eba Yesu ho hejufak illohonyie, orumek isieja iluluŋ no huwo eba de beren illo etila inyeja.
![](https://static.globalrecordings.net/300x200/z42_Lk_09_01.jpg)
Ara ifa iluluŋ no huwo 5000 liawa hamai, obe ifa ŋoruo ho dure ehianahini de. Ette Yesu wana ho mune netok to huwo. To Yesu, owuon ifa huwo ne iya kioro innohosie obe heribitani. Hati ette inyeja hitiyen isieja ojo hitofe ehuhum haŋwak innafa owuon to hiji ho huwo nia.
![](https://static.globalrecordings.net/300x200/z42_Lk_09_08.jpg)
Te iŋalio no holoŋ nyie ette hejufutak elimak Yesu hijo, "Iŋalio ojo hitofe nobo bore no gala obe eliaha inni, ifuha huwo ade anyar ofu isieja eyani innak hirro ladahat."
![](https://static.globalrecordings.net/300x200/z42_Lk_09_09.jpg)
Hati ojo Yesu to hejufutak hijo, “Isiara isieja innak hirro hatanya!” Jai eremik, "Iiyohoi higem inne? Ewuon iyohoi ho imuniaha miyet jia ojo ham lohorik hullo hitiŋi."
![](https://static.globalrecordings.net/300x200/z42_Lk_09_11.jpg)
Ette Yesu elimak hejufutak illohonyie he limak iluluŋ no huwo hotohunyei to hide homiyaŋ, ojo anyar ohunyei te iluluŋi inno huwo 50.
![](https://static.globalrecordings.net/300x200/z42_Lk_09_12.jpg)
Ette Yesu adumu imuniaha inia miyet ojo ham arik ette inyeja mojo hisio humuo to Hollum to ŋiria.
![](https://static.globalrecordings.net/300x200/z42_Lk_09_13.jpg)
Ette Yesu hibuny imuniaha ojo ham illo hitiŋi illo hitiŋi ette hiso do hejufak illohonyie hesiara ŋiria to huwo. Ojo hejufak ette etifwotok ŋiria, obe eremik hisaha! Adaha ifa huwo daŋ many ofoŋi.
![](https://static.globalrecordings.net/300x200/z42_Lk_09_14.jpg)
Nafa atohu isieja daha, ette hejufak eduduhu ŋiria nafa ofitini, oremik ifa gufat tomon harik. Ottu ifa ŋiria daŋ hamai tere ham lohorik iko imuniaha miyet.