unfoldingWord 28 - Habarani la Habwok ille Hitiŋ
![unfoldingWord 28 - Habarani la Habwok ille Hitiŋ](https://static.globalrecordings.net/300x200/z40_Mt_19_05.jpg)
Áttekintés: Matthew 19:16-30; Mark 10:17-31; Luke 18:18-30
Szkript száma: 1228
Nyelv: Lopit
Közönség: General
Műfaj: Bible Stories & Teac
Célja: Evangelism; Teaching
Biblia Idézet: Paraphrase
Állapot: Approved
A szkriptek alapvető irányelvek a más nyelvekre történő fordításhoz és rögzítéshez. Szükség szerint módosítani kell őket, hogy érthetőek és relevánsak legyenek az egyes kultúrák és nyelvek számára. Egyes használt kifejezések és fogalmak további magyarázatot igényelhetnek, vagy akár le is cserélhetők vagy teljesen kihagyhatók.
Szkript szövege
![](https://static.globalrecordings.net/300x200/z40_Mt_19_01.jpg)
To nobo holoŋ, ottu habarani ille hitiŋ to Yesu ette hifi inyeja “Hetiyanani lo olibo, hegiem iso naŋ nyo Abemehini naŋ manya no osio fur?’’ Etiraŋ Yesu, “Nyo illoloŋo iye naŋ hijo hetiyianani lo olibo, Eijo ewak iye manya no osio fur, Tabaŋa hifahita inno Hollum."
![](https://static.globalrecordings.net/300x200/z40_Mt_19_02.jpg)
"Innari inne ewak iye naŋ hattabaŋa?" “Etiraŋ Yesu hijo, “Heyau ho noŋorwo no lobo tihoni, hehahala, hetteler, tabaŋa Monye hoi arik ho honyohoi, to munoi hitofe tiŋoni no onyiha daŋ hoi ijo iye imuno wan nohoi."
![](https://static.globalrecordings.net/300x200/z40_Mt_19_03.jpg)
Eijo inyeja to Yesu, "Eruk naŋ hifahita inne daŋ beren ha adico naŋ. Hati hegem iso naŋ nyo anyar Abemehini naŋ hinyejak manya no osio fur?" Oriŋa ifa Yesu to honyi ette mune inyeja.
![](https://static.globalrecordings.net/300x200/z40_Mt_19_04.jpg)
Etiraŋ Yesu, “Ewak iye higem no lo olibo, hati innohosie itinyejaŋak ibariti innohoi daŋ ette iye hisio arabia to lochaŋak ijo iye itunak te etou. Hati woŋ ijufak naŋ."
![](https://static.globalrecordings.net/300x200/z40_Mt_19_05.jpg)
Nafa etiru inyeja hirro innafa Eijo Yesu. Ette inyeja hijoria, nyo ara ifa inyeja habarani lahitok, hitofe obe awak hisio hirro innohosie oyetita inyeja daŋ. Oyito inyeja tere Yesu ette ŋacahari.
![](https://static.globalrecordings.net/300x200/z40_Mt_19_06.jpg)
Ette Yesu hijio to efahat illohonyie, "Ogol binno da habarak hajiŋahini to obie no Hollum. Dede eliaha to konihoni hajiŋahini to itulut no lifira tere habarani hajiŋahini to obie no Hollum."
![](https://static.globalrecordings.net/300x200/z40_Mt_19_07.jpg)
Nafa etiru efahat hirro innohosie Eijo Yesu, ette isieja hikikiro, ette hijo "ŋai lia eremik iso hetilahani?"
![](https://static.globalrecordings.net/300x200/z40_Mt_19_08.jpg)
Owolo ifa Yesu to lefahat illohonyie ette hijo, "To huwo, ogol, hati do Hollum, ofiak hirro daŋ"
![](https://static.globalrecordings.net/300x200/z40_Mt_19_09.jpg)
Ojo Peturu to Yesu, "Edek iyohoi hirro bi daŋ ejufari iyohoi iye. Hesio iso iye iyohoi nyo?"
![](https://static.globalrecordings.net/300x200/z40_Mt_19_10.jpg)
Etiraŋ Yesu, “Tihoni daŋ lelebusak haji, halasirak, hanasirak, monyie hotonye, durre arik hirro innohosie etufa inna naŋ efwotu iso itai hinyejahita 100 ho manya no osio fur. Hati ariai illo hosiere afanu halu, Eijo illo halu afanu hosiere."