unfoldingWord 22 - Жақияның дүниеге келуі
![unfoldingWord 22 - Жақияның дүниеге келуі](https://static.globalrecordings.net/300x200/z42_Lk_01_07.jpg)
Áttekintés: Luke 1
Szkript száma: 1222
Nyelv: Kazakh
Közönség: General
Műfaj: Bible Stories & Teac
Célja: Evangelism; Teaching
Biblia Idézet: Paraphrase
Állapot: Approved
A szkriptek alapvető irányelvek a más nyelvekre történő fordításhoz és rögzítéshez. Szükség szerint módosítani kell őket, hogy érthetőek és relevánsak legyenek az egyes kultúrák és nyelvek számára. Egyes használt kifejezések és fogalmak további magyarázatot igényelhetnek, vagy akár le is cserélhetők vagy teljesen kihagyhatók.
Szkript szövege
![](https://static.globalrecordings.net/300x200/z42_Lk_01_01.jpg)
Бұрыңғы заманда Құдай Өзінің пайғамбарларымен сөйлесіп, олар арқылы халыққа сөздерін жеткізіп отырған еді. Бірақ содан кейін төрт жүз жыл бойы Құдай адамдарға үн қатпады. Бір күні Құдай Зәкәрия есімді діни қызметкерге періштесін жібереді. Зәкәрия мен оның әйелі Елізабет Құдайды қастерлейтін. Екеуінің де жасы ұлғайып қалған еді. Ал Елізабет құрсақ көтермегендіктен балалары болмады.
![](https://static.globalrecordings.net/300x200/z42_Lk_01_02.jpg)
Зәкәрия ғибадатханада қызмет көрсетіп тұрғанда періште оған келіп былай деді: “Әйелің саған ұл туып береді. Ұлдың атын Жақия деп қоясың. Құдай оны Киелі Рухқа бөлейді және Жақия халықты Мәсіхтің келуіне дайындайды!” Зәкәрия жауап қайтарып: “Бұған қалай көз жеткізе аламын? Өйткені балалы болуға өзім қартайдым, әйелімнің де жасы ұлғайды ғой!” — деді.
![](https://static.globalrecordings.net/300x200/z42_Lk_01_04.jpg)
Періште Зәкәрияға жауап беріп: “Құдай мені саған жақсы хабар жеткізу үшін жіберді. Сен менің айтқандарыма сенбегендіктен, нәресте туылмайынша сөйлей алмайтын мылқау болып қаласың.” — деді. Сол сәтте-ақ Зәкәрия сөйлеу қабілетінен айырылды. Періште кетіп, Зәкәрия үйіне оралды. Көп ұзамай әйелі жүкті болды.
![](https://static.globalrecordings.net/300x200/z42_Lk_01_11.jpg)
Елізабеттің жүктілігінің алтыншы айында сол періште кенеттен Елізабеттің туысы Мәриямға келді. Мәриям Жүсіп атты адаммен некелескен пәк қыз еді. Періште оған: “Сен жүкті болып, ұл табасың. Атын Иса деп қой. Ол Жаратушы Құдайдың Ұлы болып, мәңгілік билік құрады.” — деді.
![](https://static.globalrecordings.net/300x200/z42_Lk_01_13.jpg)
Мәриям былай деп жауап берді: “Бұл қалай болмақ, мен еркекпен жақындасқан емеспін?” Періште оған: “Саған Киелі Рух қонып, Құдай рақымын түсіреді. Сондықтан бұл Нәресте киелі, Құдайдың Ұлы атанбақ”. Мәриям періштенің айтқанына сенеді.
![](https://static.globalrecordings.net/300x200/z42_Lk_01_15.jpg)
Кейін Мәриям жолға жиналып Елізабеттің үйіне барады. Мәриям онымен амандасқан сәтте Елізабеттің ішіндегі нәресте қуана жыбырлай бастайды. Елізабет Киелі Рухқа кенеліп оның алдында Мәсіхтің анасы тұрғанын түсінеді. Құдайдың оларға жасаған істері үшін әйелдер Оған қуана алғыстарын білдіреді. Мәриям Елізабеттің үйінде үш ай тұрғаннан кейін үйіне қайтып оралады.
![](https://static.globalrecordings.net/300x200/z42_Lk_01_07.jpg)
Біраз уақыттан кейін Елізабет ұл туады. Зәкәрия мен Елізабет періштенің айтуымен ұлдарын Жақия деп атайды. Сонда Құдай Зәкәрияға қайтадан сөйлеу қабілетін береді. Зәкәрия былай деді: “Таңдап алған халқына келген, оған қол ұшын берген Жаратқан Ие мадақталсын! Сен менің ұлым Жаратқан Иенің пайғамбары боласың. Адамдарға күнәларынан кешірім алатын жолды көрсететін боласың!”