unfoldingWord 18 - Бөлінген патшалық
![unfoldingWord 18 - Бөлінген патшалық](https://static.globalrecordings.net/300x200/z10_2Sa_10_06.jpg)
Áttekintés: 1 Kings 1-6; 11-12
Szkript száma: 1218
Nyelv: Kazakh
Közönség: General
Műfaj: Bible Stories & Teac
Célja: Evangelism; Teaching
Biblia Idézet: Paraphrase
Állapot: Approved
A szkriptek alapvető irányelvek a más nyelvekre történő fordításhoz és rögzítéshez. Szükség szerint módosítani kell őket, hogy érthetőek és relevánsak legyenek az egyes kultúrák és nyelvek számára. Egyes használt kifejezések és fogalmak további magyarázatot igényelhetnek, vagy akár le is cserélhetők vagy teljesen kihagyhatók.
Szkript szövege
![](https://static.globalrecordings.net/300x200/z11_1Ki_03_07.jpg)
Дәуіт патша 40 жыл бойы билік құрды. Ол дүниеден озғаннан кейін Исраилді оның ұлы Сүлеймен басқарды. Құдай Сүлейменге келіп, осы дүниеде саған не бергенімді қалайсың деді? Сүлеймен Құдайдан халықты басқаратын даналық сұрады. Құдайға бұл ұнап, оны әлемдегі ең дана адам етті. Сонымен қатар Құдай Сүлейменді дана билеуші етіп, оған көп байлық сыйлады.
![](https://static.globalrecordings.net/300x200/z11_1Ki_09_01.jpg)
Иерусалимде Сүлеймен әкесі Дәуіт салғысы келген ғибадатхана тұрғызды. Оны Дәуіт көзі тірісінде тұрғызамын деп, тіпті керек жабдықтарды да жинап қойған болатын. Енді халық Құдайға Киелі шатырда емес, ғибадатханада сиынып, сол жерде Құдайға құрбандық шалатын болды. Құдай киелі үйде Исраил халқымен бірге болды.
![](https://static.globalrecordings.net/300x200/z11_1Ki_11_02.jpg)
Сүлеймен патша қанша дана болғанымен ол Құдайды тыңдамады. Құдай бөтен елден әйел алмаңдар, олармен некелеспеңдер десе де, ол басқа халықтардан әйел алды. Сол әйелдер өздерімен бірге жалған құдайларын ала келіп, оған сиынатын. Сүлеймен де қартайған шағында сол құдайларға сиына бастады.
![](https://static.globalrecordings.net/300x200/z11_1Ki_11_03.jpg)
Құдай осы істері үшін Сүлейменге ашуланып, оның өлімінен кейін Исраил халқын екі патшалыққа бөліп жазалайтынын айтады.
![](https://static.globalrecordings.net/300x200/z11_1Ki_12_03.jpg)
Сүлеймен қайтыс болған соң, оның ұлы Рохабоғам патша болды. Бүкіл Исраил халқы оның патшалығын мойындау үшін жиналды. Сонда халық Рохабоғамға Сүлеймен халыққа ауыр жұмыс істетіп, көп салық салғанын айтып шағымданады. Олар Рохабоғамнан жұмыстарын жеңілдетуін сұрайды.
![](https://static.globalrecordings.net/300x200/z11_1Ki_12_04.jpg)
Бірақ Рохабоғам оларға: “Әкем Сүлеймен сендерге ауыр жұмыс істетіп қоятын дейсіңдер. Ал мен әкеме қарағанда сендердің жұмыстарыңды ауырлатып, жазаларыңды одан бетер қиындатамын!” — деп ақымақтықпен жауап қайтарды.
![](https://static.globalrecordings.net/300x200/z11_1Ki_12_05.jpg)
Халық осы сөздерді естіген кезде, көпшілігі Рохабоғамға қарсы шықты. Исраилдің он руы Рохабоғамның патшалығында қалғысы келмеді және оны патша ретінде мойындаудан бас тартты. Рохабоғаммен тек екі ру ғана қалды, олар Яһуда немесе Яһудея патшалығы деп аталатын.
![](https://static.globalrecordings.net/300x200/z11_1Ki_12_06.jpg)
Қалған он ру өздеріне Еробоғам есімді адамды патша етіп тағайындап алды. Осы он ру мемлекеттің солтүстік жағында өмір сүрді. Олар Исраил патшалығы деп аталатын.
![](https://static.globalrecordings.net/300x200/z11_1Ki_12_07.jpg)
Исраил патшасы, Еробоғам жаман патша болып шықты. Ол Құдайға мойынсұнбай халықты күнә жасауға ?көндірді. Еробоғам өз халқы үшін табынатын екі жалған тәңірді орнатып қойды. Енді халық Яһудея аймағында орналасқан Иерусалимге бармай, киелі үйде Құдайға сиынбайтын болды.
![](https://static.globalrecordings.net/300x200/z10_2Sa_10_06.jpg)
Яһудея мен Исраил әрдайым бір-бірімен жауласып, соғысып жүрді.
![](https://static.globalrecordings.net/300x200/z13_1Ch_24_03.jpg)
Жаңа Исраил елінің патшаларының барлығы жаман билеушілер болатын. Басқа исраилдіктер олардың орындарын басып патша болу үшін олардың көбін өлтірген еді.
![](https://static.globalrecordings.net/300x200/z12_2Ki_17_05.jpg)
Патшалар мен Исраил халқының тұрғындарының көбі жалған тәңірлерге сиынатын. Табыну кезінде олар көбіне азғындыққа салынып, тіпті құрбандыққа өздерінің балаларын әкелетін.
![](https://static.globalrecordings.net/300x200/z11_1Ki_14_04.jpg)
Яһуда патшалары Дәуіттің ұрпақтары еді. Олардың көбі жақсы адамдар болған, әділ билік құрып Құдайға табынатын. Яһуда патшаларының көпшілігі жалған құдайларға табынатын жаман билеушілер болған еді. Сол патшалардың көбі жалған құдайларға өз балаларын құрбандыққа әкелетін. Яһуда елінің көптеген тұрғындары да Құдайға қарсы шығып, жалған құдайларға табынатын.