unfoldingWord 30 - Isun Mipui Sang Nga A Vai
![unfoldingWord 30 - Isun Mipui Sang Nga A Vai](https://static.globalrecordings.net/300x200/z42_Lk_09_12.jpg)
Áttekintés: Matthew 14:13-21; Mark 6:31-44; Luke 9:10-17; John 6:5-15
Szkript száma: 1230
Nyelv: Hmar
Közönség: General
Műfaj: Bible Stories & Teac
Célja: Evangelism; Teaching
Biblia Idézet: Paraphrase
Állapot: Approved
A szkriptek alapvető irányelvek a más nyelvekre történő fordításhoz és rögzítéshez. Szükség szerint módosítani kell őket, hogy érthetőek és relevánsak legyenek az egyes kultúrák és nyelvek számára. Egyes használt kifejezések és fogalmak további magyarázatot igényelhetnek, vagy akár le is cserélhetők vagy teljesen kihagyhatók.
Szkript szövege
![](https://static.globalrecordings.net/300x200/z40_Mt_14_11.jpg)
Isun a thruoihruoihai chu thuhril ding le inchûktir dingin a tirsuok a. An hung kîr nawk chun an thilthawhai le an inchûktirhai chu Isu an hril a. Chun sawtnawte fienriel hmuna chawl hadam dingin a fiel a, chuongchun longa chun an lût a, an fe ta a.
![](https://static.globalrecordings.net/300x200/z40_Mt_14_12.jpg)
Nisienlakhom, Isu le a thruoihruoihai an fe suok lai chu mipui tamtakin an hmu a. Dîl kama chun tlânin anni tuok tumin râl khing tieng an lo tlân khal a. Isu le a thruoihruoihai an tlung chun, mipui tamtakin an lo tuok a.
![](https://static.globalrecordings.net/300x200/z42_Lk_09_01.jpg)
Mipuihai chu nuhmei le naupang tiemsa lovin 5000 chuongzet an nih. Isun mipuihai chu a hmuin a lunginsiet tawl em em a. Vêngtu neilo beramhai angin a hmu a. Chuongchun anni chu an chûktira, an damnawhai a sukdam tawl a.
![](https://static.globalrecordings.net/300x200/z42_Lk_09_08.jpg)
Zântieng khuo a hung inhnu chun, an chûktirhai chun Isu an hril a, “A hnai lai hin khuo a um si naw, fâkthei thil iemani bêk an hmu theina dingin mipuihai hi intrin tir ta la,” an ta.
![](https://static.globalrecordings.net/300x200/z42_Lk_09_09.jpg)
Nisienlakhom Isu’n an kuomah, “Nangnîn fâk ding pe ro,” a ta. Thruoihruoihai chun, “Chuongchu iengtin am thawthei kan ta?” Beipêr panga le nga pahni chau kan nei a nih,” an ta.
![](https://static.globalrecordings.net/300x200/z42_Lk_09_11.jpg)
Isu’n mipuihai chu a kuoma a ko khawma, inchûktirhai kuoma mipuihai chu hlobet chungah, sawmnga peia inthrungtir dingin a hril a.
![](https://static.globalrecordings.net/300x200/z42_Lk_09_12.jpg)
Chun Isu’n beipêr panga le nga pahni chu a lâk a, vântieng enin mal a sawm a.
![](https://static.globalrecordings.net/300x200/z42_Lk_09_13.jpg)
Chun Isun bei le nga chu a khoia, beipêrhai chu thruoihruoihai kuoma a pêka. Chun thruoihruoihai chun mipuihai kuoma an pêk a. Thruoihruoihai chun beihai chu an sem peia, tlâksam a umnaw rêng rêng! Mipuihai chun an fâka, an khop tawl ta a.
![](https://static.globalrecordings.net/300x200/z42_Lk_09_14.jpg)
An fâk mahlahai chu thruoihruoihai chun an rût a, bawm sawm le pahni an rût sip a. Fâk ding popo kha beipêk panga le nga pahnia inthoka hung suok a nih.