unfoldingWord 22 - Juan opo buare
![unfoldingWord 22 - Juan opo buare](https://static.globalrecordings.net/300x200/z42_Lk_01_07.jpg)
Áttekintés: Luke 1
Szkript száma: 1222
Nyelv: Ache
Közönség: General
Műfaj: Bible Stories & Teac
Célja: Evangelism; Teaching
Biblia Idézet: Paraphrase
Állapot: Approved
A szkriptek alapvető irányelvek a más nyelvekre történő fordításhoz és rögzítéshez. Szükség szerint módosítani kell őket, hogy érthetőek és relevánsak legyenek az egyes kultúrák és nyelvek számára. Egyes használt kifejezések és fogalmak további magyarázatot igényelhetnek, vagy akár le is cserélhetők vagy teljesen kihagyhatók.
Szkript szövege
![](https://static.globalrecordings.net/300x200/z42_Lk_01_01.jpg)
Nondjebu Apã Wachu djawu endawe dja chupa puape dja buetygi emi dja profeta wywy rupi. Gobu wacha endawe chengypychã tapa tapa (400) ruy, go djawullãma gogi wywype. Gobu rõ etakrã Apã Wachu buetygi wẽma bu, kiuwã Apã Wachu inawe etakrã pa’i chuepurãngipe, go bykuapyre rõ Sakaria. Sakaria emi dja breko Elisabet bue buchã djapollãndy, idja rõ rekollã idja tay.
![](https://static.globalrecordings.net/300x200/z42_Lk_01_02.jpg)
Apã Wachu buetygi inama idjape: „Sakaria, dje breko memby machĩwerã kbe’e. Idjape bykua ga mondo Juan. Go embe gatuwerã Apã Wachu Krei Gatudji, emi bue mĩ gatupawerã, Israel pua wywy inawã go Mesiape: Ekõ gatu!“ Sakaria djawu pepy: „Cho breko rõ djarypurãma, cho emi chuepurãma, ore tay rekowã. Manonga cho kuawerã, kowegi wẽwerã?“
![](https://static.globalrecordings.net/300x200/z42_Lk_01_04.jpg)
Apã Wachu buetygi inama Sakariape: „Apã Wachu chope buewe, djepe kiuwã kowe djawu gatu. Dje chope wendu djuellã buare rõ, dje djawullãwerã go krumi opo nondje.“ Gobu Sakaria djawubechema, emi Apã Wachu buetygi wedjama idjape. Sakaria oma idja tapype, gobu dja breko brawoma.
![](https://static.globalrecordings.net/300x200/z42_Lk_01_11.jpg)
Elisabet brawo reko wachapa djachy manombu, kowe Apã Wachu buetygi wẽma bu etakrã Elisabet tuty kudjã chã ruwa. Go bykuapyre rõ Maria. Go rõ dare kbe’e pokollãndygi, emi idja djawu mewe udjawã kbe’edji, go bykuapyre rõ Jose. Go buetygi inama idjape: “Dje brawowerã emi dje memby machĩwerã kbe’e. Dje bykuawerã idjape Jesu. Gogi rõ Apã Wachu Tay emi ymachidja wachuwerã gorãwe.”
![](https://static.globalrecordings.net/300x200/z42_Lk_01_13.jpg)
Maria djawu pepy: “Mawe nongawerã kowe? Cho rõ daregi kbe’e pokollãndygi?” Go buetygi kiuma idjape: “Apã Wachu Krei Gatu ekõwerã dje djãwẽ, emi Apã Wachu chidja ekõwerã dje llabu. Go nonga go krumi pou kbegatuechewerã, go Apã Wachu Tay.” Maria kua gatuma go buetygi inawe idjape.
![](https://static.globalrecordings.net/300x200/z42_Lk_01_15.jpg)
Tãrãllã kreybu, go Apã Wachu buetygi Mariape djawubu, gogi oma Elisabet endape. Elisabet wendubu Maria djawu, dja memby kuerama dja krape. Go mirõ kudjã ury gatu ekõ, Apã Wachu bue wachu idjadji djapo buare. Maria ĩma Elisabetdji brewipychã djachy manombu, gobu oma emi dja tapype.
![](https://static.globalrecordings.net/300x200/z42_Lk_01_07.jpg)
Gobu Elisabet memby machĩmbu kbe’e, Sakaria emi Elisabet bykuama idjape Juan, Apã Wachu buewegi inawe nonga. Gobu Apã Wachu kuwẽma Sakariape, djawuwã emi. Sakaria inama: “Ury gatu ga mondo Apã Wachudji, go kua reko buare dja chupa puagidji! Dje cho tay, pukapyrã Apã Wachu chidjagi profeta. Dje kiuwerã achepe, mawe nonga Apã Wachu kuwẽ gatu mewerã, idja bue buchã djapopawedjiwa kuallãwã.