unfoldingWord 28 - Dure Na7atetha Uraa
![unfoldingWord 28 - Dure Na7atetha Uraa](https://static.globalrecordings.net/300x200/z40_Mt_19_05.jpg)
Áttekintés: Matthew 19:16-30; Mark 10:17-31; Luke 18:18-30
Szkript száma: 1228
Nyelv: Gofa
Közönség: General
Műfaj: Bible Stories & Teac
Célja: Evangelism; Teaching
Biblia Idézet: Paraphrase
Állapot: Approved
A szkriptek alapvető irányelvek a más nyelvekre történő fordításhoz és rögzítéshez. Szükség szerint módosítani kell őket, hogy érthetőek és relevánsak legyenek az egyes kultúrák és nyelvek számára. Egyes használt kifejezések és fogalmak további magyarázatot igényelhetnek, vagy akár le is cserélhetők vagy teljesen kihagyhatók.
Szkript szövege
![](https://static.globalrecordings.net/300x200/z40_Mt_19_01.jpg)
Issi gallasi, issi dure na7atethay Yesuusako yidi, “Keeha asttamaariyaw, merinaa de7uwa laattanaw ay ootho?” yaagidi oychis. Yesuusi zaaridi, “Tana ays keehaw gada xeegay? Keehi issi Xoossaa xalaala. Shin, neeni merinaa de7o laattanaw koyko Xoossaa higgiya naaga” yaagis.
![](https://static.globalrecordings.net/300x200/z40_Mt_19_02.jpg)
Uray, “Higgeti awusatee?” yaagidi oychis. Yesuusi zaaridi, “Laammofa, wodhoppa, kaysotoppa, worddo markkattofa, ne aawanne ne aayiw bonchcha; ne laggiya ne huuphiyada dosa” yaagis.
![](https://static.globalrecordings.net/300x200/z40_Mt_19_03.jpg)
Shin na7atethay, “Hessa ubbaa taani na7atethafe doomada naagas; merinaa de7uwa laattanaw haraa ay ootho” yaagis.
![](https://static.globalrecordings.net/300x200/z40_Mt_19_04.jpg)
Yesuusi hessa si7ida wode, “Hiza, neeni polo gidanaw koyko, new de7iyaba ubbaa bayzada manqotas imma; salon nena shaloy naagees; yaata simmada tana kaalla” yaagis
![](https://static.globalrecordings.net/300x200/z40_Mt_19_05.jpg)
Shin uray, Yesuusi gidaysa si7ida wode, I dure gidiya gisho, baw de7iya shaluwa immanaw koyonna gisho, daro qiirottis; Yesuusa aggidi, ba so bis.
![](https://static.globalrecordings.net/300x200/z40_Mt_19_06.jpg)
He wode Yesuusi ba tamaaretakko, “Dure asas Xoossa kawotethaa geloy daro waaye. Durey Xoossa kawotethaa gelanaysafe gimaley narppe luhora kanthoy kawuyees” yaagis.
![](https://static.globalrecordings.net/300x200/z40_Mt_19_07.jpg)
Iya tamaareti hessa si7ida wode dagammidi, “Hessa gidikko ooni attanee?” yaagidosona.
![](https://static.globalrecordings.net/300x200/z40_Mt_19_08.jpg)
Yesuusi ba tamaareta caddi xeellidi, “Asas dandda7etonabay Xoossaas dandda7ettees” yaagis
![](https://static.globalrecordings.net/300x200/z40_Mt_19_09.jpg)
Phexroosi, “Hekko nuuni ubbaba aggidi nena kaallida; nuuni ay ekkane?” yaagis.
![](https://static.globalrecordings.net/300x200/z40_Mt_19_10.jpg)
Yesuusi zaaridi, “Ta gisho gidi, ba keethaa, ba machiw, ba ishata, ba aawanne ba aayiw, ba nayta aggiday; ha wodiyan dakko ekkana; yaana alamiyan merinaa de7uwa laattana” yaagis.