unfoldingWord 43 - Man Yokani Kukaremi
![unfoldingWord 43 - Man Yokani Kukaremi](https://static.globalrecordings.net/300x200/z44_Ac_02_02.jpg)
Áttekintés: Acts 1:12-14; 2
Szkript száma: 1243
Nyelv: Gadsup
Közönség: General
Műfaj: Bible Stories & Teac
Célja: Evangelism; Teaching
Biblia Idézet: Paraphrase
Állapot: Approved
A szkriptek alapvető irányelvek a más nyelvekre történő fordításhoz és rögzítéshez. Szükség szerint módosítani kell őket, hogy érthetőek és relevánsak legyenek az egyes kultúrák és nyelvek számára. Egyes használt kifejezések és fogalmak további magyarázatot igényelhetnek, vagy akár le is cserélhetők vagy teljesen kihagyhatók.
Szkript szövege
![](https://static.globalrecordings.net/300x200/z44_Ac_02_01.jpg)
Jisasi inarumpac yeweken uronini, disaipoliuci weni tenin awakureni Jerusalempac owenoyo. Yindun Jisasimpac munke wayouni macden yamuc manakin yereni yukam munkewano.
![](https://static.globalrecordings.net/300x200/z44_Ac_01_09.jpg)
Umacden orande kimi 50 nuran Pasowawar indeyon acnaempaci, Jiuci Pentikosi anon nuranic ureni yimoyeno. Pentikosikaci Jiuci witi akecyeni umacdem makac makacke Jerusalempac manakin yereni yimoyeno. Mini orandekim manan Jisasi mana wiki Pentikosi wananimi inarumpaci uremi.
![](https://static.globalrecordings.net/300x200/z44_Ac_02_02.jpg)
Yindun Jisasinkac munke wayou umacde mana makim wayomi mana yac yankami anon tisowani aseninic memi. Afo ika oyante wan ika umacden yicnonkac kumemi. Umacden Acyunaumi yenkin untikaini ena ena wayaysapaten teno.
![](https://static.globalrecordings.net/300x200/z44_Ac_02_03.jpg)
Jerusalen iniya wainta ye wakunde nec ampamenafi oneno. Jisasinkac yindum munkeyo Koctinic awokuc yokam mandeke afotapac danini, yinduci dureni indewano yenyic ara ara wayayucpaten tewayoni.
![](https://static.globalrecordings.net/300x200/z44_Ac_02_04.jpg)
Anasi wanta disaipoliuc mandaic tiyinkeni eran nomi namanduken nono tami, Pita ukuken temi, "Indeko! Nona namanduke yaune! Profet Joelin, 'Arasac yamuci tentic Acyunaumi wacyenteko tirenim icnaem ampaminanin nan tenimi amankafic emino."
![](https://static.globalrecordings.net/300x200/z44_Ac_02_05.jpg)
"Israilic waintauko, Jisasi amucna eran yokara, uwararic iye ukan andandauc Koctinic eranto uwarac onec indikeci, ikeni arureci kekac yasac iyemino!"
![](https://static.globalrecordings.net/300x200/z44_Ac_02_06.jpg)
"Jisasi pukemifo, Kocti yewekemi pukintinke ukuka ankemi. Manai icnain ampaminteno teyomi ampamemi, 'Iyen ecanami enic Akon Andaic Ukeni wam masikin ampinan temi.' Pukam mayauni onecumpe Koctin Jisasimi yeweken ukuka ankemino."
![](https://static.globalrecordings.net/300x200/z44_Ac_02_07.jpg)
"Kocti make Jisasimi mandeken yanic uremi wen ayan kukampac unkumandemi, weni teninicemi Acyunaumi dan kumemi. Neconec indekafe Acyunaumi micnewami."
![](https://static.globalrecordings.net/300x200/z44_Ac_02_08.jpg)
Ikeni Jisasinen teyom wainta kekac yasac iyemi. Ikeni pukawaci indikako Kocti Jisasim mandeken danimi Anom wemi Mesayawaci wemi."
![](https://static.globalrecordings.net/300x200/z44_Ac_02_09.jpg)
Anasi wanta Pitan indakeyouni yinduni pakewami. Yueni Pitana disaipoliuc kac indaeni, "Tifac tiwanano nakac onuno?"
![](https://static.globalrecordings.net/300x200/z44_Ac_02_10.jpg)
Pita tiyimemi, "Jisas Kraisinkac yindum waecdekaci wen awitin nom mandanaci Kocti ikenyic nomouc daondenaci, Acyunaumi yimirani tirenin yimino."
![](https://static.globalrecordings.net/300x200/z44_Ac_02_11.jpg)
Acdekac 3,000 iniya wainta Pita teninkaci yindum munkureni Jisasin awakureno. Yeni nom mandeni Jerusalempac mam makim manteno.
![](https://static.globalrecordings.net/300x200/z44_Ac_02_12.jpg)
Jisasin awakure wayoni panana aposoliuc tewayomi indeni, yenamac kumandue, yunan neni yukam munkewano. Yimoyintinke Koctin awic yanic eni manakin awarureni wano. Umacde awokuc indiric uyinkeni, umacden nurami amucna yindum waecdeni yiwakureno.