unfoldingWord 34 - Jisasi Ena Wayayuc Waci Tiyimemi
![unfoldingWord 34 - Jisasi Ena Wayayuc Waci Tiyimemi](https://static.globalrecordings.net/300x200/z40_Mt_13_19.jpg)
Áttekintés: Matthew 13:31-46; Mark 4:26-34; Luke 13:18-21;18:9-14
Szkript száma: 1234
Nyelv: Gadsup
Közönség: General
Műfaj: Bible Stories & Teac
Célja: Evangelism; Teaching
Biblia Idézet: Paraphrase
Állapot: Approved
A szkriptek alapvető irányelvek a más nyelvekre történő fordításhoz és rögzítéshez. Szükség szerint módosítani kell őket, hogy érthetőek és relevánsak legyenek az egyes kultúrák és nyelvek számára. Egyes használt kifejezések és fogalmak további magyarázatot igényelhetnek, vagy akár le is cserélhetők vagy teljesen kihagyhatók.
Szkript szövege
![](https://static.globalrecordings.net/300x200/z40_Mt_13_12.jpg)
Jisasi amucnayaci wayayuc Koctinic Kindomi wan tiyimemi. Koctinic Kindomi macni mukeminon tiren tiyimemi, "Eni indinkana mino mastati i anon yani wami wen ayumi ena yunan yunucwa aruren kipaukami wemino. Koctini Kindomi i micnukami wani mayaceyouni yenyic anayokin yokeno."
![](https://static.globalrecordings.net/300x200/z40_Mt_13_13.jpg)
"Mini yum ampemem uremi, anayokim wenin yunanuwac aruremi anon yayakanic ini nunuc mare ayamantinkac mare yaum mareno."
![](https://static.globalrecordings.net/300x200/z40_Mt_13_14.jpg)
Jisasi ena wayaya waci tiyimemi, "Koctinic Kindomi yistikem wami anasiuc kipan farawankin dami umacden awafac oremi kipa farawam mandemi anonic urem pamemi."
![](https://static.globalrecordings.net/300x200/z40_Mt_13_18.jpg)
"Koctinic Kindomi anom monic kakena andandakem wami maya manden anayokin ayofemi. Ena wainta afakarem mandemi enafaci maro enayawaci ayofemi. Mini wainta amoyin uwikakami mini anayo ayacirani wen amapac oremi wenic andandauc umacden dukanuc mandemi sarin emi."
![](https://static.globalrecordings.net/300x200/z40_Mt_13_19.jpg)
Koctinic Kindomi anom monikakukam wan onacwankem wemino. Mini onacwan sarin enim wainta afakaremi, weni dukenin andandauc umacden dukanuc sarin uremi monic manden ayacemi."
![](https://static.globalrecordings.net/300x200/z42_Lk_18_02.jpg)
Wantauc yenyic yokarukani ayokuken tireni enuni payanic uyinkeyon wayani Jisasi tiyimemi. "Kam wainta, kamaninic monic anasi wantafate marewa namac man yokantac dafitam wainta man namumpaci inantirani weno."
![](https://static.globalrecordings.net/300x200/z42_Lk_18_03.jpg)
"Man yokantac dafita macnin tiren inantemi, 'Tusuwe Koctio teni ena numo andac ewam waintam wenin amankaka wekaune umom waintawa, iye antekam waric eyouya, ena awafuna anaci umoreyouyafo aca mecyam waintan kamaninic monici anasi wanta fatem mareni kewa wekaune.'"
![](https://static.globalrecordings.net/300x200/z42_Lk_18_04.jpg)
"Macniwac mecumpe, Mana wikikimi kandayaci yunan torareci inan tecumpe. Tentic monika andandauc marekuna tiyankantin daindec emi mana daimini ameumpe."
![](https://static.globalrecordings.net/300x200/z42_Lk_18_05.jpg)
"Afo kamaninic monici mareni man dafisin yereren nenkac o ukukemi inarumpac iyen kakakemi om makafin demi ayan damuren aminintac inkamemi inantemi, 'Koctio eceukane, teni anon numoukan ewanom wecumpo nanayusinkare akun arusinkano.'"
![](https://static.globalrecordings.net/300x200/z40_Mt_18_01.jpg)
Micnuren Jisasi tiyimemi, "Pukaukami tiyimeko, Kocti kamaninic monic mareninic inantini indiremi antekam waintawen tiren temi. Afo man yokantac dafitanic inantini payanic muankemi. Iyeci weyan kumanan yanic enafi manani anomaric muyinkantemi, iyeci anomaric enafi kumanan yanic uyinkantemi."