unfoldingWord 03 - الطوفان
![unfoldingWord 03 - الطوفان](https://static.globalrecordings.net/300x200/z01_Ge_07_08.jpg)
Áttekintés: Genesis 6-8
Szkript száma: 1203
Nyelv: Arabic, Sudanese: Khartoum
Téma: Eternal life (Salvation); Living as a Christian (Obedience); Sin and Satan (Judgement)
Közönség: General
Műfaj: Bible Stories & Teac
Célja: Evangelism; Teaching
Biblia Idézet: Paraphrase
Állapot: Approved
A szkriptek alapvető irányelvek a más nyelvekre történő fordításhoz és rögzítéshez. Szükség szerint módosítani kell őket, hogy érthetőek és relevánsak legyenek az egyes kultúrák és nyelvek számára. Egyes használt kifejezések és fogalmak további magyarázatot igényelhetnek, vagy akár le is cserélhetők vagy teljesen kihagyhatók.
Szkript szövege
![](https://static.globalrecordings.net/300x200/z01_Ge_06_04.jpg)
بعد زمن طويل ، بقى في ناس كتار عايشين في الدنيا . الناس بقو اشرار جدا وعنيفين . والحاجة ده كعب شديد الله قرر يدمر الدنيا بطوفان تقيل.
![](https://static.globalrecordings.net/300x200/z01_Ge_06_07.jpg)
لكن الله كان مبسوط من نوح .لان هو كان راجل صالح, عايش في نص الناس الاشرار . الله كلم نوح عن الطوفان التقيل الماشي يعملو . عشان كدة قال ليه يبني مركب كبير .
![](https://static.globalrecordings.net/300x200/z01_Ge_06_08.jpg)
الله قال لنوح يعمل مركب طوله ١٤٠ متر ، عرضه ٢٣ متر ، وارتفاعه ١٣.٥ متر . ويبنى المركب من خشب و يعمل ليه تلاتة طوابق وغرف كتيرة و يعمل سقف وشباك . المركب دي تحفظ نوح واسرتو وكل انواع الحيوانات البرية بامان في زمن الطوفان .
![](https://static.globalrecordings.net/300x200/z01_Ge_06_09.jpg)
نوح طاع الله. هو واولاده التلاتة بنوا المركب زي ما الله وراهم. والمركب شال سنين كتير عشان يبنو, لانو كان كبير شديد . ونوح ادى انذار لناس عن الطوفان الجاي وقال ليهم يرجعو لله ،لكن الناس ما صدقوا كلامه .
![](https://static.globalrecordings.net/300x200/z01_Ge_06_11.jpg)
الله امر نوح واسرته يلموا اكل كفاية ليهم و للحيوانات المعاهم . لما جهزوا ااى حاجة ، الله كلم نوح و مرتو و اولاده التلاتة ونسوانهم بانو ده الزمن االمناسب عشان يخشوا المركب ، وكانوا كلهم تمانية نفر .
![](https://static.globalrecordings.net/300x200/z01_Ge_06_10.jpg)
الله رسل ذكر و انثى من كل الحيوانات و الطيور لنوح في المركب عشان يعيشو معاهم في زمن الطوفان . الله رسل سبعة ذكور وسبعة اناث من كل الحيوانات البستخدموه للذبيحة ,لمن كلهم دخلو جوه المركب ، الله بنفسه قفل باب المركب .
![](https://static.globalrecordings.net/300x200/z01_Ge_06_12.jpg)
بعداك المطربدأ يصب شديد, وصب لمدة اربعين ليل ونهارباستمرار! كمان الموية بقت تطلع من تحت الارض . وكل شي في الدنيا بقت مغطى بالموية ، حتى الجبال العالية .
![](https://static.globalrecordings.net/300x200/z01_Ge_07_08.jpg)
كل الحاجات العايشة على الارض اليابسة ماتت ، الا الناس و الحيوانات الكانو فى المركب . المركب بقى عايم فوق الموية ، و حافظت على كل الحاجات الفيها من الغرق بامان .
![](https://static.globalrecordings.net/300x200/z01_Ge_08_04.jpg)
بعد الامطار وقفت ، كان المركب عايم فوق الموية لمدة خمسة شهور , والموية بدت تقل شوية . وفي يوم من الايام استقر المركب فوق جبل , ولسع الدنيا كانت مغطى بموية . بعد تلاتة شهور تاني ، بدت رؤوس الجبال تظهر .
![](https://static.globalrecordings.net/300x200/z01_Ge_08_05.jpg)
بعد أربعين يوم تانين ، نوح رسل غراب عشان يتاكد لو الموية نشفت ولا لسع . والغراب طار عشان يشوف محل ناشف لكن مالقى اي مكان ناشف .
![](https://static.globalrecordings.net/300x200/z01_Ge_08_10.jpg)
بعد زمن نوح رسل حمامة لكن برضو ما لقت مكان ناشف ، وجات راجعة لنوح ، بعد أسبوع نوح رسل الحمامة للمرة التانية ، وجات راجعة بفرع شجرة الزيتون! والموية بدت تنقص , والنباتات بدت تقوم من جديد .
![](https://static.globalrecordings.net/300x200/z01_Ge_08_11.jpg)
نوح انتظر لأسبوع تاني ورسل حمامة للمرة التالتة . وفي المرة ده لقت مكان تقعد فوقو وما جات راجعة ،لانو الموية بدت تجف!
![](https://static.globalrecordings.net/300x200/z01_Ge_08_12.jpg)
وبعد شهرين الله قال لنوح , " انت واسرتك وكل الحيوانات اطلعوا من المركب هسع . والدو واملؤ الارض بعيال كتير وعيال عيالك ". بعداك نوح واسرته طلعوا من المركب .
![](https://static.globalrecordings.net/300x200/z01_Ge_08_13.jpg)
بعد نوح طلع من المركب ، بنى مذبحة وقدم ذبيحة من بعض الحيوانات البستخدموه ذبيحة . الله كان مبسوط من الذبيحة وبارك نوح واسرته.
![](https://static.globalrecordings.net/300x200/z01_Ge_08_14.jpg)
الله قال، " انا بوعد انو تاني ما بلعن الارض بسبب اعمال الناس الشريرة ، او ادمر الدنيا بطوفان، مع انو الناس خطاة من زمن هم صغار".
![](https://static.globalrecordings.net/300x200/z01_Ge_09_04.jpg)
بعداك الله عمل قوس قزح كعلامة لوعده . وكلما يظهر قوس قزح في السماء ، الله بتذكرالحاجه وعده ومع الناس.