Good News
Obris: Short Bible stories from Genesis through the ascension. How to become a follower of Jesus. 40 sections. It has a picture book to go along with the recording.
Broj skripte: 395
Jezik: Umbundu
Tema: Sin and Satan (Temptation, Deliverance, Light/Darkness, Sin, disobedience, Satan (the devil)); Christ (Jesus, Our Substitute, Resurrection of Jesus, Son of God, Saviour of Sinful Men, Birth of Christ, Ascension, Sacrifice / Atonement, Death of Christ, Life of Christ); Eternal life (Salvation, Eternal / everlasting life, Broad & Narrow Ways); Character of God (Love of God, Holy Spirit, Grace and Mercy, Nature, character of God, Word of God (the Bible), Power of God / Jesus); Living as a Christian (Fruit of the Spirit, Prayer, petition, New Nature, Worship, Witnessing, Church, Christianity, Second Birth, Obedience, No other gods, idols, Peace with God, Leaving old way, begin new way, Forgiveness, Faith, trust, believe in Jesus, Peace (between men), Children of God, Family, relationships, Spiritual Life, Christian values); Life event (Death); Bible timeline (Creation, Law of God, End Time, Second Coming, Gospel, Good News, People of God); Problems (Materialism, Evil Spirits, demons, Fear, Problems, troubles, worries)
Publika: General
Stil: Monolog
Žanr: Bible Stories & Teac
Svrha: Evangelism
Biblijski citat: Extensive
Status: Publishable
Tekst skripte
Ulandu
Kalungi! (oku lama ndocituwa cofeka). Enjui ndo yeveleli Ondaka yilo Yiwa. Vanji kociluvialuvia celivulu kuenda yeveleli lutate. Olonjanja viosi eci vu yeva ocisungo cilo (OCISUNGO), tuvuli emela li kuayimo velivulu lioviluvialuvia.
Ociluviluvia ca 1: ECI HANDI OKUTI LACIMUE CA LULIKIWA
Kefetikilo liotembo, Suku lika wa kalako. Suku wa lulika oluali kuenje wa handeleka ocinyi oku tua, momo cosi ca kala owelema. Eye wa tepa owelema locinyi. Ndomo vu ci lete vociluvialuvia catete eye wa tepisa ovava o vombuelo laa o kilu. (Ovava o vombuelo, olondui lokalunga, kuenje ovava o vilu tu tela oku a muila valende. Ivaluki okuti ombela yi tunda valende.) Suku wa tunga ekuimbi ha li viala utanya kuenda osai ha yi viala uteke. Suku uwa. Eye wa tunga ovina viuosi kuenje wa viala kovina viosi.
Ociluvialuvia ca 2: SUKU O POPIA
Elivulu li sangiwa vociluvialuvia li tukuiwa hati Embimbiliya. Olio, olio Ondaka ya Suku kuenje li tu lomboluila eci ci tiamela ku Suku kuenda olonjila viaye. Ondaya ya Suku oyo ocili. Kuenje alongiso a ocili vu laika oku yevelela cilo olsi a tunda Vembimbiliya.
Ociluvialuvia ca 3: ELULIKO
Suku, londaka yaye wa tunga ovina viosi viwa. Eye wa lulika osi kuenda olomunda; okalunga kuenda lolondui le. Kuenje eye wa lulika ovina viosi vi kasi lomuenyo, olosi volondui, olonjila voviti kuenda ovinyama viosi.
Ociluvialuvia ca 4: ADAMA LA HEVA
Kovaso yaco Suku wa lulika omunu wa tete. Onduko yaye eye Adama. Noke Suku wa lulika ukai wa tete. Onduko yaye eye Heva. Eye (Suku) omoko yoku viala kovina viosi eye a lulika kilu lieve. Adama la heva va kala akamba va Suku kuenje va vangola laye vocumbo omo ovo va kala. Suku wa va iha omoko yoku lia kapako osi, puai kua kala uti umue vokati kocumbo okuti ovo ka va sesamelele oku lambako. Kociluvialkuvia co kepili vu lete ndomo ovo va sinila Suku kuenje va kasi loku lia epako Suku a handelekele okuti ka va liko. Ovo va sina, va linga ekandu kuenje ukamba wavo la Suku wa tepiwa. Ociluvialuvia cokondio ci lekisa ndomo Suku a yambula Adama la Heva poku va tundisa Vocumbo. Tunde opo (oku upisa opo), wa va lemela okuti ka va li vali lalimue epako liovocumbo kuenje ca va kisika oku talavaya longusu ya lua ha va sangi eteku liavo. Oku upisa opo, ovo va fetika yapa oku sanga evalo, luvei kuenda okufa.
Ociluvialuvia ca 5: CAINI LA ABELE
Adama la Eva va kala lomala vavali, olonduko viavo Abele la Kaini. Kaini wa kuatela onya Abele kuenje eteke limue wa ipa Abele. Omo liekandu liaye, Suku wa yambula Kaini ndeci a yambuile Adama la Heva. Omanu vosi omala va Adama la Heva kuenje vosi yetu tua lingavo ekandu. Ekandu li tu tepa ku Suku. Etu tua sesamela eyambulo liekandu lietu.
Ociluvialuvia ce 6: OCIMBALUKU CA NOHA
Konyima yovitumbulukila via lua, ekandu liomanu lia luile ale kuenje ca kisika Suku oku sokiya oku va nyola letande linene liovava. Kua kala lika omunu umosi wa sola haeye wa pokola Suku. Onduko yaye eye Noha. Suku wa popia la Noha hati tunga ocimbaluku cinene oco ove lepata liove vu popeliwe. Alima osi eci eye a kala loku tunga ocimbaluku, Noha wa kunda esunga lia Suku. Omanu ka va tavele kalungulo a Suku ha va tundi kolonjila viavo vivi loku popeliwa ketande.
Ociluvialuvia ce 7: ETANDE
Pana okuti ocimbaluku ca pua, Noha wa kapa vowato olonjila kuenda olombuto vini vini viovinyama ndeci Suku o handelekele oku ci linga. Kuenje Noha lukai waye kuenda omala vaye vatatu va inilavo vowato. Suku wa yika epito. Eye wa tuma ombela ya lua kuenda ovava a tundilila posi okuti ca koka etande kilu lieve. Otembo ya pita kuenje ka kua kaile vali epuluvi liomanu oku popeliwa. Noha kumue lepata liaye, va kala vokati kowato kuenje va koka, puai omanu vakuavo va kala kosamua yowato va vomba. Noha wa popeliwa momo eye wa kolela Suku loku U pokola.
Ociluvialuvia ce 8: AVIRAHAMA, SARAI KUENDA ISAKE
Ovava etande a kotoka kuenje pa pita alima alua kuenda ovitumbulukila via lua via pitapo osimbu vakuambuto lia Noha va linga apata alua. Umue pokati kombuto yaco, omunu umue wa tukuiwa Avirahama, u wa sola kuenda wa pokola Suku. Suku wa likuminya Avirahama okuti ombuto yaye yi laika oku lua loku linga yinene. Avirahama kumue lukai waye Sarai ka va kaile lomala, puai Avirahama wa kolela ohuminyo ya Suku. Ociluvialuvia cilo ci lekisa ndomoovo va kala lomola eci okuti ovo va kuka ca lua kuenje omoloaco vo luka Isake.
Ociluvialuvia ce 9: MOSE KUENDA OCIHANDELEKO CA SUKU
Ndeci Suku a likuminyile Avirahama, Isake wa kala lomala va lua. Ovo va linga ofeka yinene yi tukuiwa Isareli. Umue pokati ka va Isareli yaco ava ulume umue wa tukuiwa Mose. Mose layevo wa kolela kuenda wa pokola Suku. Eteke limue Suku wa kovongela Mose komunda yimue kuenje kuaco oko, Suku wo wiha ovihandeleko ha vi longisa komanu. Ociluvialuvia cilo ci kasi loku lekisa Mose o loka komunda lovihandeleko via Suku via sonehiwa kewe. Suku o yongola okuti omanu vosi va pokola ovihandeleko viaye.
Ociluvialuvia ce 10: EKUI LIOVIHANDELEKO
Palo tu kuete vimue pokati kovihandeleko Suku a eca ku Mose. Ovio vi tu longisa oku oku u sola kuenda oku u pokola nda Suku yocili haeye ukuamuenyo. Oku fetikila kociluvialuvia ci sangiwa kepili konepa yonano, tu lete okuti etu ka tua sesamelele oku fendela oviteka pamue ovinumanuma viovinyama pamue viovina vikuavo. Tua sesamela lika oku fendela Suku yocili, Usovoli. (Vociluvialuvia ci kuayimo), isia la ina kuenda omala va kasi loku fendelela Suku pamosi. Omanu vosi va kolela Suku va sesamela oku tepa eteke vosimanu ha vo fendela. (Noke, ci kuayimo) omala va sesamela oku pokola loku sumbila olonjali viavo. (Vociluvialuvia ci sangiwa vombuelo kuenda kepili), ocihandeleko ca Suku citi: ka tua sesamelele oku ipaya; (noke) ka tua sesamelele oku kuata ukayi wamale (oku linga uvaisi). (Vociluvialuvia ca sulako) ka tua sesamelele oku iva pamue oku livela camale pamue oku iva ovina viamale.
Ociluvialuvia ce 11: OKU LUMBILA AKANDU
Suku o yambula u ka pokola. Kotembo ya Mose, nda omunu wa linga ekandu lioku sinila ovihandeleko viaye, omunu waco wa sesamela oku lumba okameme ku Suku. Okameme ka fila oku kala pomangu yu wa linga ekandu. Okameme ka linga ondimbukiso ya Mola a Suku, Nala Yesu Kristu. Yesu weyilila oku fa ha lingi ndocilumba ku Suku omo liovakandu omanu vosi voluali.
Suku wa ci sokiyile ale coku tuma Yesu koluali Ndonjovoli oku popela omanu kunene lo keyambulo liekandu leli liokufa. Etu tu laika oku amako loku lilongisa ondaka yaco vociluvialuvia ci kuayimo.
Ociluvialuvia ce 12: UNGELO, MARIA LA YOSEFE
Yesu wa citiwa cina okuti pa pita alima alua yotembo ya Mose. Konahulu suku wa likuminyile oku tuma Onjovoli (Umue o tu popela kakandu etu). (Kociluvialuvia co kepili) o lete ungelo wa tunda kilu weya kufeko umue wa tukuiwa Maria. Maria wa kala ufeko umue ka la kuliha ulume, kuenje wa tindikiwa pamue wa yonguiwa la Yosefe. Ungelo wa popia laye hati: "A Maria ku ka kuate usumba, ...O ka cita omola ulume kuenje u luka Yesu. Eye o linga unene, o tukuiwa Mola a T~olo. ...Espiritu Sandu o ku wila, lunene wa T~olo u ku tuvika." Luka 1:31-32a la 35) (Ndomo o ci lete kociluvialuvia co kondio) ungelo wa vangulavo la Yosefe konjoyi. Eye wa popia la Yosefe hati: " A Yosefe, amola a Daviti, ku ka kale lohele yoku kuela ukai wove Maria, ...Kuenje o cita omola ulume , u luka Yesu momo eye o popela omanu vaye kakandu avo." (Onduko Yesu ya lomboloka 'onjovoli'.) (Mateo 1:19-21). Yosefe wa pokola ku Suku (kuenje ka lisangele la Maria toke eci omala a citiwa.) (Kolofeka vimue eci ka ci sukila oku ci tukula)
Ociluvialuvia ce 13: OKU CITIWA KUA YESU
Yosefe la Maria va enda kimbo limue lia tukuiwa Mbeteleme. Osimbu va kalako Maria wa cita onana Yesu kuenje wo langeka vocililo colongombe, momo ka sangele ohondo. Vuteke waco ungelo wa moleha kalume vamue (angombo0 va kala loku lava olomeme vocumbo cimue ca kala ocipepi. Eye wa va lomboluila oku citiwa kua yesu vo Mbeteleme. Noke angelo va lua va moleha kilu loku imba kuenda oku sivaya Suku. Alume vaco ava (angombo) va enda lonjanga oku ka tala Onjovoli Yesu.
Ociluvialuvia ce 14: YESU ULONGISI
Yesu wa kula kuenhe ocalai ca Suku ca kala laye. (Luka 2:40b). Vociluvialuvia co kepili, tu lete Yesu eci a kala le 12 kalima.. Eye o kasi loku vangula via Suku lalongisi kuenda lasongui va Isareli vo tulukila oku yevelela kuenda oku eca apulilo. Ovo va komoha ukulihiso eye a kuata wa Suku. Ociluvialuvia ca vali ci lekisa Yesu eci okuti wa linga ulume kuenje wa kala loku longisa omanu ovina via Suku. Omanu vamue va tava kuenda va pokola kelongiso liaye. Vakuavo ka vo kolelele kuenje vo patala.
Ociluvialuvia ce 15: OVIKOMO VIA YESU
Oviluvialuvia vilo vi lekisa unene wa lua Suku Isia a eca ku Yesu ha lingi ovikomo. Kociluvialuvia co kepili, Yesu o lamba ulume wa citiwa omeke. Kovaso yoku u lamba, ulume wa leta! Ociluvialuvia co pokati ci lekisa epinduko liomola wa file, kuenje isiaye la inaye va tayilili opo oku tala. Kondio tu lete Yesu endela kilu liovava oku lo~na kolondonge viaye (akamba) via kala kowato wavo vokalunga. ~Nala Yesu wa linga ovikomo via lua via lisetahala levi, oku lekisa okuti ocili eye Omola a Suku.
Ociluvialuvia ce 16: YESU O TALISUA OHALI
Owi~ni wa lua wa kuama Yesu. Eye wa kala ukuahenda. Wa sakula olombeyi kuenda wa longisa onjila ya Suku. Eye weyilila oku popela ava va nyelela, okuti omanu vakuakandu.
Haimo lumue, omanu vakuakandu va suvuka Yesu, ca piala enene eci eye a va lombuluila eci ci tiamela kakandu avo. Ekongelo lasongui vofeka ka va kolele okuti eye eye Mola a Suku. Vo kuata loku u kembela kuenda oku u veta. Asualali vo kapa ekolowa liolosongo kutue waye, Vo siyila loku u tonda pamue oku u fuangula. Puai Yesu ka tamalalele lavo. Eye wa kulihile okuti eci ciya ci pita laye. Eye wa tava okuti omanu vakuakandu vo valula kuenda oku u ponda. Eye wa kulihile okuti weyilila oku fa ndocilumba ku Suku. Lonjila eyi, eye wa tambula eyambulo liakandu omanu vosi.
Ociluvialuvia ce 17: YESU O PONDIWA
~Nala Yesu wa valeliwa komindikiso yuti (kekulusu liuti). Ekulusu lia tomehiwile posi kuenje Yesu oko a patekiwa toke a tula omuenyo. Olondingaivi vivali via valeliwavo la Yesu. Voloneke viaco ca kala ocituwa, oku ponda olondingaivi lonjila yaco eyi yivi yivi yungangala. Yesu puai ka la linga cimue civi. Yesu ka kulihile cimue, wa lipua. Eye puai wa linga ocilumba coku feta akandu omanu vosi. Omanu vosi va linga akandu kuenje etu tua sesamela oku fila akandu etu. Yesu wa tambula ekangiso pamue eyambulo edtu vosi tua sesamelele oku tambula. Nda etu tu litavela akandu etu omo tua kolela Yesu, Suku o laika oku tu ecela loku tu yelisa kakandu etu. Eye o laka oku tu iha ongusu yoku tinduka kekandu lietu. Kolela (kuama, tava) ~Nala Yesu Kristu kuenje o laika oku popeliwa.
Ociluvialuvia ce 18: EPINDUKO
Ovanyali va Yesu va sima hati vo nyola.Kovaso yokufa kua Yesu kekulusu, akamba vaye va kenda etimba liaye veyambo limue lia angiliyiwile vewe. Ovo va sitika uvelo weyambo lewe limue linene.
Asongui vofeka va handeleka olondavululi oku kapa ondimbukiso kewe loku lava eyambo. Pa pita oloneke vivali kuenje keteke lia tatu Yesu wa pinduka kolofa. Eci akai vamue veya keyambo va sanga okuti ewe lia ti~nuluhako kuenje Yesu kemo. Angelo vavali va kalako va popia lavo hati Yesu o kasi lomuenyo. Ovo vati :"Mulo kemo; wa pinduka,"(Luka 24:6). Yesu poku pinduka kolofa, wa lekisa okuti eye Suku, kuendavo okuti eye wa velapo Satana kuenda wa velapovo okufa.
Ociluvialuvia ce 19: TOMASI O KOLELA
(Kovaso yepinduko lia Yesu kolofa), valua pokati kakamba avo vo mola. Ovo va vangula kuenda va lia laye. Tomasi, umue pokati kakamba vaye haeye ondonge, ka kokelele okuti Yesu ocili wa pinduka kolofa. Tomasi wa popia hati: "Nda sia muile ovimbo violopeleko povaka ange, loku lamba omuine wange povimbo violopeleko viaco, loku kapa eka liange pepati liaye, si kolela." (Yoano 20:25). Tu lete vociluvialuvia ndomo Yesu eya loku lekisa lekisa tomasi apute aye.
Tomasi ka kaile vali latatahayi. Eye wa wila posi kovaso a Yesu kuenje wa popia hati: "A ~Nala yange a Suku yange."(Yoano 20:28) Yesu wo hati: "Wa tavela omo wa mola? Ava ka va muile puai haimo va tava ovo va sumuluha."(Yoano 20:29)
Ociluvialuvia ca 20: OKU LONDA
Eci pa pita oloneke akui akuala kovaso yepinduko lia Yesu kolofa, eye wa limolehisa komanu olonjanja via lua. Noke eye wa kapeleleko oku tiukila ku Isiaye kovailu. Eye wa malusuile upange eyililile oku linga. Yesu waw handeleka olondonge viaye oku ka sapula ondaka eyi yiwa komanu vosi.
Olondonge via mola eci Yesu a sia oluali loku enda kilu. Ovangelo vavali (alume va tunda kilu, haivo va wala ci yela) va moleha kuenje va sapuila olondonge hati eteke limue Yesu o ka tiuka vali kilu lieve mumosi haimo ndeci u lete a kasi loku londa. Tunde eteke liaco olio, Yesu o kasi kilu. Eye o kasi loku angiliya ocitumalo ca vosi vana vo kolela.
Ove o laika oku kolela loku kuama Yesu? Wa liangiliya oku lisanga laye?
Ociluvialuvia ca 21: EKULUSU/OMINDIKISO
Linga handi tu lombololi onimbu momo nye Yesu a fila kekulusu. Yesu wa fila oku popela vakuakandu keyambulo liekandu. Ivaluka okuti osonde ya Yesu Kristu omola a Suku yi tu yelisa kakandu osi. Yesu ka la linga ekandu, puai wa fila oku upa ekandu lia tu tepele la Suku. Ekulusu li tu ivaluisa okuti Yesu ka kaile letime (o kola, ka kuete ekandu, wa lipua) Kameme ka Suku, wa tu lumbiwila etu. Eci tu kolela Yesu kuenje tu likekembela, oco akandu a eceliwa la Suku.
Yesu wa tu lingisa omala va Suku. Eye o tumbulula ukamba wetu la Suku una wa nyolehele. Oviluvialuvia vi kuayimo vi ka ku kuatisa oku kuata elomboloko lieci ci lomboloka oku kala ukuetavo (Ukuakristu, o~name ya Kristu.)
Ociluvialuvia ca 22: OLONJILA VIVALI
Yesu wa longisa okuti omuenyo ci tava oku u sokisa lolonjila vivali. Omunu eye omunu oku upisa keteke lioku citiwa kuaye, o kasi vonjila ya sanjavala yekandu yi tu tuala kenyoleho (ondalu, lonjembo). Etu vosi tuwa vakuakandu omo tuakapi~nala ka Adama. Puai tu tela oku sokiya oku siapo onjila yaco eyi, loku i~nila vonjila ya sukatela yi tu tuala ku Suku kovailu. Nda omunu o kolela Yesu loku u kuama o kuata omuenyo kopui. O siap[o onjila ya sanjavala kuenje i~nila vonjila ya sukatela yi lo~na kovailu. Kakuli esombiso liakandu kuava va kasi vonjila ya sukatela.
Te nda wa panga: Nda wa sokiya oku kuama Yesu, ove o tela oku vangula la Suku (vohutililo) ndeyi:
A Suku, ndi litavela (nda limbuka) okuti ndukuakandu. Ndakolela okuti yesu wa fila kekulusu oku feta ekandu liange. Ngecele kuenda yelisa utima wange loku ndingisa umue ukuepata liove. Njongola oku kuama onjila yomuenyo ya Yesu, kuenje eci ndi fa ha kala love kovailu. Nda pandula a Suku,"
Nda ove ocili o kolela kuenje o likutilila ku Suku ndoco, ove inila vonjila ya sukatela, okuti onjila yesanju kuenda yombembua la Suku.
Ociluvialuvia ca 23: OMALA VA SUKU
Yesu wa tambula ciwa omanu va tunda kapata, lokolofeka kuenda vakualimi ai~ni ai~ni. Ava vosi vo kolela va tukuiwa omala va Suku. Ovo va kasi vonjila ya sukatela, yina ya lo~na kilu. Omanu va Suku va kasi pamued va tuwa ndepata, vosi va likongela vu Kristu ~Nala.
Ociluvialuvia ca 24: OKU CITIWA WOKALIYE
Eci Yesu a kala handi kilu lieve, ulongisi umue weyavo onduko yaye Nikondemu, uteke weya ku Yesu ha lilongisa evi via Suku.
Yesu wa sapuila Nikondemu hati omunu wosi o yangola oku tiamela kepata lia Suku (loku enda kilu) o sukila omuenyo wokaliye. Ci kasi ndoku citiwa evali. Etu ka tu kuete omoko pamue unene woku lipongolola etu muele.
Espiritu li Kola lia Suku li tu iha omuenyo wokaliye nda tu sokiya oku kolela loku kuama Yesu. Kuenje tu linga omanu vokaliye, tu linga omanu pamue omala va Suku.
Ociluvialuvia ca 25: OKU IYA KU ESPIRITU SANDU
Omanu ava, olondonge via Yesu (akamba vana vo kuama ocituke). Eci handi Yesu ka ambatiwile kilu, eye wa likuminyile oku tuma Espiritu liaye li Kola kuava vosi vo kolela. Kovaso yoloneke ekui eci okuti wa tiukila kilu, olondonge evi via liongoluila viosi pamosi.
Vocipikipiki Espiritu Sandu lia Suku lieya lia va willa ndeci a likuminyile. Omanu vaco ava noke va tambula apondolo, va tambula ukulihiso woku popia alimi ai~ni ai~ni oku lomboluila vakuavo ovina viwa Suku a va lingila. Espiritu li kala la vakuetavo vocili vana va kuama Yesu (ca lomboloka okuti vana va citiwa evali). Espiritu lia Suku li va longisa ndomo va tela oku sola kuenda oku pokola Yesu.
Ociluvialuvia ca 26: OKU ENDELA VOCINYI
Osimbu omunu ka tavele handi ku Yesu, eye wa lisoka lomunu u o kasi ndeti kocluvialuvia co kepili, okuti o kasi loku endela vowelema. Eye o lipundoka kuenda olonjanja via lua a kupukila vekandu momo ka kuete ocinyi cu songuila. Puai eci tu kolela ~Nala Yesu etu tu linga ndomunu endela vonjila ya su~nama eci ekumbi lia tua! Eteke l.imue Yesu wa popia hati: "Ame ndicinyi coluali. U o ~nuama ka endela vali vowelema, puai o kala locinyi comuenyo." (Yoano 8:12). Suku eca Espiritu lia li Kola oku kuatisa loku longisa vosi va kolela/tava onjila yaye yomuenyo.
Ociluvialuvia ca 27: OKU POKOLA ONDAKA YA SUKU
U wa tava (Ukuakristu, o~name) ku Yesu Kristu, wa linga omunu wokaliye haeye o pokola Ondaka ya Suku. Eye o panduila Suku omo a ecela akandu aye. Ukuetavo ka lingi uvaisi; ka yaki kuenda ka lingi onjuela, ka ivi, kuen da ka fendela oviteka pamue olosuku vikuavo ale aspiritu. Espiritu li Kola li kuatisa ukuetavo oku tila ovina vivi, kuenje o linga ovina viwa.
Ociluvialuvia ca 28: EPATA LIUKUAKRISTU
Vanja handi epata eli. Ovo va kasi loku endela vonjila ya Suku. Uluime o sole ukai waye, kuenda ukai o sumbila veyaye nxdeci Ondaka ya Suku yi handeleka. Ovo va likuatisa loku likolisa pokati kuenda va longisa omala vavo oku sola Suku loku lilongisa Ondaka Yaye kuenda oku yi pokola. Epata lia va kuakristu li likutilila kuenda li talavayela pamosi oku linga ovina via Suku.
Ociluvialuvia ca 29: SOLA OVANYALI VOVE
Yesu wa longisa olondonge viaye oku sola omanu vosi, nda~no muele ovanyali.
Etu tua sesamelele oku kuatisa osuke yosi, nda~no muele omanu vakuapata akuavo. Eteke limue Yesu wa tuala esapulo liomunu umue wa tipuiwa loku nyaniwa lovingumba. Omunu umue ukuepata limue likuavo wa sanga ongende yaco ya nyoleha lavi lavi.
Eye wa kuatisa loku tata omunu wa valuiwa momo wa sukila ekuatso. Eye ka pingile ofeto pamue oku u kuatisa lovikundi. Yesu wa popia hati tua sesamelavo oku linga ovina viwa ndeci ca lingiwa.
Ociluvialuvia ca 30: YESU UKUONENE
Omanu ava va kasi loku timiha pamue oku yoka oviteka viavo viosi lovombanda avo. Ovo va kolelele ovina evi osimbu handi ka va liniule vakuakristu. Ava va tava ku Kristu va sesamela oku siapo viosi vi tiamela ku Satana kuenda aspiritu avi. ~Nala wa velapo okuti Satana, laspiritu avi, loviteka kuenda ovombanda ci sule. Etu tuakuetavo ka tua sesamelele oku kuatela Satana usumba. Etu tua sesamela oku kolela Suku ha tu kuatisa loku tu vetatela kuenda oku tu sakula. Etu tu tela oku u kolela kovina viosi.
Ociluvialuvia ca 31: OKU TUNDISA OVILULU
Vociluvialuvia cilo tu lete omunu o kasi lovilulu via lua. Ka ca tavele oku u kuta lovikolo pamue lalienge omo ovilulu via kala vokati kaye via pamele ca lua. Yesu wa handeleka ovil;ulu oku tunda vomunu! Ovio via pokola Yesu omo okuti Eye o kasi lunene wa velapo okuti wa Satana kumue lovilulu via vi sule. Omunu u wa popeliwa kovilulu viaco ovio vivi kuenje wa enda okju ka lomboluilako akamba vaye eci Yesu o liongila. Ival;uka okuti Yesu wa velapo kunene okuti eliapu lovilulu viaye va sule.
Nda wa sakalaisua lovilulu, pinga vakuetavo, vakuekongelo oku ku likutililako. Ove o tela oku likutilila lavo loku pinga ~Nala Yesu Kristu oku tundisa ovilulu viaco. Nda umue o kuetiwe locilulu pamue lovilulu via lua, omunu waco nda ulume nda ukai o tela oku pinga Vakuakristu oku u likutililako. Eye o tela oku pinga ku Suku Vonduko ya Yesu oku tundisa ovilulu viaco loku handeleka okuti lalimue eteke vi tiuka vali. Yesu o kuete omoko yoku yovola omunu kupika wa Satana.
Ociluvialuvia ca 32: OKU KUAMA YESU
Ociluvialuvia cilo ci lekisa ukuetavo o kasi loku yonjiwa oku liwekapo oku kuama Yesu Kristu. Satana o tu yonguila oku ivalako Suku oco okuti olonjanja viosi tu sokolola lika olombongo, luwalo, lakaya, lovinyua vi lula, vi koluisa kuenda ovina via lua vikuavo. Satana hati ovina eci vi tu kokela esanju, vi tu iha esumuluho. Puai Satana ohembi kuen je o seteke oku tu kemba loku tu nyola. Suku wa popia hati: "Oco, pokoli ku Suku. Tamalali leliapu kuenje liu tili." (Tiago 4:7). Suku eye Isietu kovailu. Eye wa kuliha eci omala vaye va sukila kuenje wa likumunya "oku eca ovina viwa kuava vo pinga." Nda tu kolela Suku loku pokola komolaye Yesu Kristu, oco etu tu laika oku kuatavo ongusu ya Suku eci tu yonjiwa.
Ociluvialuvia ca 33: NDA TU LINGA EKANDU
Eteke limue Yesu wa tuala esapulo hati: "Ukuenje umue wa sia onjo yavo wa enda oku ka linga ovina via lua vivi. Eye wa pesela olombongo viosi a tambuile ku isiaye kuenje wa kala lomuenyo umue uvi ca lua. Eci olombongo viaye viosi via pua, ,kueya onjala kofeka kuenje ukuenje wa linga osuke haeye wa kala lonjala ya lua. Eye wa limbuka okuti wa linga ekandu, kuenje wa tiukila ku isiaye loku u pinga ongecelo. Omo isiaye wo solele ca lua, wa tambula ukuenje vonjo yaye.
Esapulo eli li tu lekisa okuti nda tua linga ekandu, etu tu tela oku litavela ekandu lietu. Nda ocili etu tu ci linga, Suku o tu ecela akandu etu loku tu tambula ha tu kala vali vomunga laye.
Ociluvialuvia ca 34: UVEYI
Ulume kuenda ukai tu lete palo va moleha ndu va sumua (va sakalala). Umue ukuepata a vela calua. Omanu va Suku va sesamela oku linga nye eci va sangiwa loku vela? Va sesamela oku likutilila ku Nala loku kolela okuti eye o linga eci ca velapo
Suku o pondola oku sakula u o vela, nda Eye wa ci panga, pamue oku sanga ovihemba vicili.
Suku o sole omala vaye kuenda wa kuliha cosi ci pita lomala vaye. Suku o teyuila vakuetavo ku Satana. Omo liaco ka tua sesamelele oku kuatela usumba Satana, puai te tua kolela okuti Yesu o tela oku tu tata. Yesu o kasi letu. Eye o tu iha ombembua yaye koloneke viohali.
Ociluvialuvia ca 35: OLOFA
Etu vosi tua kuliha okuti eteke limue tu laika oku fa. Kuenje nye ci pita letu? Eci ukuetavo a fa, espoiritu liaye lienda oku ka kala la ~Nala Yesu Kristu. Embimbiliya okuti oyo Ondaka ya Suku, oco li tu lomboluila. Akamba vu wa fa pamue vamue va soliwa laye ka va sesamelele oku yuliwa lesumuo pamue locinguva.
Vakuetavo ka va sesamelele oku sakalala lokufa momo ovo va kuliha okuti Suku o va sole kuenda wa va popela kekandu. Vosi vana ka va kolelele Yesu, ka va kuete elavoko eli liwa liomuenyo la Suku eci va fa. Ovo va enda kocitumalo ceyambulo ca tukuiwa ngehena.
Pi o ka enda eci o fa?
Ociluvialuvia ca 36: ETIMBA LIA KRISTU
Palo tu lete olonepa vi~ni vi~ni vietimba liomunu.
Onepa oyo onepa yetimba yi kuete upange walio u linga. Iso li kasilili oku leta; etui oku yeva, kuenda omela u kasili oku lia loku vangula. Olnepa viosi vietimba vi talavayela pamosi. Nda onepa yimue yi vela pamue ya valuiwa, etimba liosi li tala ohali (yi ci yeva). Ondaka ya Suku yi tu longisa okuti vakuetavo va sesamela oku talavayela pamosi ndonepa yetimba (yi tukuiwa ekongelo). Yesu eye utue wetimba liaco. Suku o kuete upange woku lingiwa lomunu lomunu ukuetavo, ndeci oku likutilila, oku kunda, oku longisa ovina via Suku, oku imba ovisungo viesivayo, oku lima kuenda oku tekula epata loku teleka okulia kuavo. Omunu eye omunu o linga onepa yaye yupange a lingila Yesu Kristu, oku kuatisa etimba liosi lia Kristu oku kuata ongusu. Vakuetavo vosi va sesamela oku lisola pokati kuenda oku talavayela pamosi, nda hacoko, etimba lia Kristu li tala ohali.
Ociluvialuvia ca 37: OKU LISANGA
Vakuetavo vosi, va sesamelele oku kala locituwa coku lisanga ha va fendelela kumue Suku. Etu tua sesamela oku upa ongangu Vembembiliya, okuti oyo Ondaka ya Suku, omo tu sanga ndomo mtu imba ovisungo kuenda oku likutilila. Etu tua sesamelavo oku vena ovilumba pamue olombanjale ha vi lingi upange wa Suku. Palo tu lete vakuetavo (Omanu va Suku) va liavela ombolo pokati kuenda ovinyua. Ombolo yi tu ivaluisa etimba lia Yesu Kristu lia tu tekela kekulusu. Eci ci nyuiwa, onjivaluko yosonde yaye ya peseka loku tu sukula akandu kuenda oku tu nena ocipepei la Suku. Yesu o tu yonguila oku ivaluka okufa kuaye omo lietu oco okuti etu tu tela oku U sola lutima wetu wosi.
Ociluvialuvia ca 38: YESU O KEYA VALI
Eteke limue Yesu oka tunda kilu oku iya ocipikipiki, ndeci a likuminya.
Suku Isia eye lika wa kuliha eteke liaco. Kuenje Yesu o keya oku ambata vosi va tava ocili (vakuepata lia Suku) oku vopa kilu lieve ha va kala laye. Vosi va fa va ka pinduka kuenje ayambo avo a ka kala upolokoso. Vana handi va kasi lomuenyo va ka enda lavo. Vakuetavo vosi va ka lisanga la ~Nala kuenje va ka kala laye oloneke ka vi pui. Ava ka va tavele, va ka siala konyima oku kala kesombiso lia k~ala lia Suku.
Etu ka tua kulihile eteke Yesu a ka tiuka, puai tua sesamela oku liangiliya otembo yosi. Nda Yesu weya etaili ove wa liangiliya oku lisanga laye?
Ociluvialuvia ca 39: OKU IMA APAKO
Ndeci uti wapako vociluvialuvia cilo wima epako, ukuakristu ima epako li Espiritu Sandu. Yesu hati, "Ame nduyuva, (uti) ene vuvianja viaco. U o kala vokuange, kuenje ame ~nala vokuaye, eye ima epako lia lua. Puai nda wa tundi vokuange ka vu tela oku linga cimue." (Yoano 15:5)
Espiritu li Kola lia Suku li kala kuenda li talavaya vokati kovitima vietu loku ima vomuenyo wetu epako LIOCISOLA, LESANJU, LOMBEMBUA, LEPANDI, LUNU, LESUNGA, LEKOLELO, LUMBOMBE kuenda ESULUVIKO. Nda ocanja cuti ka cimi epako ci tetiwa loku cimba vondalu. Olo~name via Yesu via sesamela oku ima epako lia lua. Eci ceca ulamba lesumbilo ku Suku Isietu Kovailu.
Ociluvialuvia ca 40: OKU SAPUILA OMANU VAKUAVO
Ociluvialuvia cilo ci lekisa ukuetavo o pokola Yesu loku lomboluilako vakuavo eci ca tiamela kokuaye. Yesu wa handeleka vakuakristu vosi oku enda loku lomboluila vakuavo ovina viwa via tiamela kokuaye, okuti wa fila kekulusu puai wa pinduka kolofa oco ovo va popeliwe kakan du lo kolofa.
Espiritu Sandu lia Suku li tu kuatisa oku imbila uvangi Yesu Kristu. Kuenje ove o tela oku lomb oluila kakamba vove lo komanu vakuavo eci wa lilongisa koviluvialuvia vielivulu lilo.