unfoldingWord 28 - Anon Onda Dukam Dafisim Pumarai
Obris: Matthew 19:16-30; Mark 10:17-31; Luke 18:18-30
Broj skripte: 1228
Jezik: Gadsup
Publika: General
Svrha: Evangelism; Teaching
Features: Bible Stories; Paraphrase Scripture
Status: Approved
Skripte su osnovne smjernice za prevođenje i snimanje na druge jezike. Treba ih prilagoditi prema potrebi kako bi bili razumljivi i relevantni za svaku različitu kulturu i jezik. Neki korišteni pojmovi i pojmovi možda će trebati dodatno objašnjenje ili će ih se čak zamijeniti ili potpuno izostaviti.
Tekst skripte
Mana nurami, anon onda dukan dafisim pumara Jisasi wapac unden indaemi, "Ayokuc tisao, inkecni urekaci wananawan wani maranuno?" Jisasi tamemi, "Naciraraci temi 'ayokuc' tisawe tire tiwicdefono? Mayaukami ayokuc tisa wemino, weni Koctim wemino. Wananawam wam marante, Koctinic ake wayayaci awakurono."
"Inkeniukaci te awakuriric ukanuc wenafinon?" tiren Jisasinkac indaemi. Jisasi yeweken tamemi, "Iyewac wanta arumam pukono. Ena awafunafi wen anakafi iyewac marano. Iyewac umoreci, umac iyewac teno. En ano afou yiwayayac indewaci yen yirafinac wano. En acnakaci weyou eyani ayeonac urewaci yemakaci ayeno."
Mini indiremi mini pumara macnin temi, "Kipa intakac weci mi teona umacden ake wayayuci awakure wacumpe. Inkecni urekaci enawac uwandekaci wananawam wani marantekafu?" Mini indiremi Jisasi mini pumara onaremi awac wac emi.
Jisasi mini pumara tamemi, "Eyar antekante yeweke orewaci eni dukeona ondauc umacden meyanic ure monic mande ondawac iye dukeyouyac yimeno. Micnurewaci eyar anteckam waric ono, enic anon ondauci inarumpaci wantemifo yere ten tiwakurono."
Mini pumara Jisasi tentin indiremi wenic ondauc iyen yimirani anon umani manden yererem wemi. Newarafi anon ondaukami dukemi.
Jisasi wenic disaipoliuc tiyimemi, "Amankafic iyeukam mukemino anon onda dukeni Kotinic makusa pac iyen urintemi. Kemoli ucwaye okampen pani ye duc dintemifo anon onda dukeni iyen amankac mini ucwaye okampemi ducden Kotinic inarum makusa pac urintemino."
Disaipoliuc Jisasi tentin indireni yinduc dureni teno, " Afo onda umuno umuna wainta weyan iye ofainami inkecnure yac, payan iniya wainta yeyan yofa inteyayofo?" tire teno.
Jisasi disaipoliuc yonaren temi, "Mini andanda wanta yic onantac onami amankafic iyem mukemifo, afo Koctin kimi macden andanda amankacfic mana ukemi."
Pita Jisasin tamemi, "Mayauni umacden andandauc yere payanic ureci emi awakureumpe. Neci mayausic ayaci wantenafino?"
Jisasi tiyimemi, " Macden wainta weyamac, wen onafac, wen anoafona, akafandauc namac wenic ondauc namac tenarosiren yereran tenafi, 100 yaci owicden onda maremi wananawam wandawaci marantemi. Micni mukami iyeci acnaric eyafo, icnaenic mintenofo, iyeuyaci icnaenic eyafo, yeni acnaric minteno."