Დილემა

ხშირად გასჩენია ადამიანს კითხვა:რა სჭირს სამყაროს? რატომ იტანჯება ის გამუდმებით? ტკივილს, დარდს, შიმშილს, ომს მოუცვია ეს წუთისოფელი. ადამიანები ისე ჩაძირულან საკუთარ პრობლემებში რომ სხვის დასახმარებლად არარ სცალიათ.
ზოგი თავის იმედს მთავრობაზე ამყარებს. ფიქრობს რომ პოლიტიკოსებს შეუძლიათ ყველა პრობლემის გადაჭრა, ყველა პრობლემის მოგვარება. მაგრამ ეს ასე არაა. ხშირად აღმოჩენილან ისინი გამოუვალ სიტუაციაში. თუმცა შეუქმნიათ კანონიც, რომელსაც აღმოუფხვრია ბევრი უსამართლობა. მაგრამ კანონი უძლურია ადამიანის ბუნების წინაშე.
ზოგი ადამიანის ხსნას განათლებაზე ამყარებს. ფიქრობს განათლება გადაარჩენს ადამიანს. ბევრი ადამიანი გვინახავს განათლებული. წესით მათ სხვების კეთილდღეობაზე უნდა ეფიქრათ. კეთილი, მზრუნველი, ერთგული, პატიოსანი ადამიანები უნდა გამხდარიყვნენ თავისი განათლების წყალობით.მაგრან ეს ასე არ მოხდა. განათლება უძლური აღმოჩნდა ადამიანის გაკეთილშობილების საქმეში.
ზოგი ამ პრობლემას უთანასწორობას აბრალებს. რადგან ზოგს ბევრი აქვს, ზოგი კი გაჭირვების ზღვარს ქვემოთ იმყოფება. მაგრამ ასე რომ იყოს მდიდარი ადამიანები არ მიეცემოდნენ სასოწარკვეთილებას და თავს არ მოიკლავდნენ. ეს მაგალითი გვაჩვენებს, რომ ფულსა და სიმდიდრეში არაა ბედნიერება.
რა სჭირს მსოფლიოს? პასუხის საპოვნელად, ჩვენ არც პოლიტიკოსები გვჭირდება, არც განათლება არც ფული. ბიბლია არის ერთადერთი გზა და პასუხი. ბიბლია გვასწავლის რომ ღმერთმა.
შექმნა ადამიანი და დაუმორჩილა მას ყოველი მის მიერ შექმნილი. მაგრამ ადამიანს არ უნდა დავიწყებოდა ერთი რამ, რომ ღმერთი იყო ამ სამყაროს შემქმნელი. ადამიანი უნდა დამორჩილებოდა მას და დაეცვა მისი მცნებები. მაგრამ მან უარი განაცხადა ამაზე. არ დაემორჩილა, რამაც დაასრულა ადამიანისა და ღმერთის მეგობრობა. ადამიანი იქცა ცოდვილად. გაჩნდა უფსკრული ადამიანსა და ღმერთს შორის. მაგრამ ბიბლია პრობლემის გაჩენის თანავე გვთავაზობს მისი მოგვარების გზას.
ბიბლია გვეუბნევა, რომ ღმერთი სიყვარულია. მაგრამ ასევე ამბობს რომ ის წმინდაა. და მას არ შეუძლია თვალი დახუჭოს უწმინდურებაზე. ამიტომ გამოგზავნა ღმერთმა თავისი მხოლოდშობილი ძე, რათა ყოველი მისი მორწმუნე არ დაიღუპოს არამედ ქონდეს საუკუნო სიცოცხლე.
იესო მოგვევლინა ფიზიკური სხეულით მაგრამ ის იყო უცოდველი. მან იტვირთა ჩვენი ცოდვები და უკეთურებები. ჯვარს ეცვა, მოკვდა და მესამე დღეს აღდგა და მალევე ამაღლდა ზეცად.
იესო არის ხიდი და შუამავალი ღმერთსა და ადამიანს შორის. მან შეარიგა ადამიანი ღმერთთან. რადგან წერია: „მე ვარ გზა ჭეშმარიტება და სიცოცხლე. ვერავინ მივა მამასთან თუ არა ჩემით. „ შესაბამისად ვინც თავს ცოდვილად თვლის შეუძლია მოუხმოს ღმერთს სთხოვოს ცოდვების შენდობა და მისი ცხოვრების წინამძღოლად აღიაროს იგი.რის შედეგადაც ის ღვთის შვილობას მიიღებს. ღმერთი შევა მის გულში და დაიდებს ბინას. და ის მიიღებს ღვთიურ ბუნებას, სიყვარულს სიძულვილის ნაცვლად, სიწმინდეს უწმინდურობის ნაცვლად, სიმშვიდეს შფოთისა და ომის ნაცვლად.
შენ შეგიძლია გახდე ღმერთის შვილი, თუ ეტყვი მას, რომ ის გჭირდება. თუ აღიარებ შენს ცოდვებს და მოუხმობ მას შენს პირად მხსნელად.
ღმერთის აღთქმები და დაპირებები თითოეულ ჩვენთაგანზე ჩაწერილია ბიბლიაში. ბიბლიაში წერია „ყოველი, ვინც მიიღებს იესო ქრისტეს თავის პირად მხსნელად, მიიღებს ხელმწიფებას ღვთის შვილებად წოდებისა“. და მას არასდროს გაუცრუვდება იმედი. იესო ამბობს : ვინც მომეახლება, მას არასდროს დავკარგავ.