LLL4 Bengidi Ba Leza

LLL4 Bengidi Ba Leza

रुपरेखा: Ruth, Samuel, David, Elijah. 24 sections. It has a picture book to go along with the recording.

भाषा परिवार: 421

भाषा: Kiluba: Shaba

विषय: Sin and Satan (Sin, disobedience); Christ (Birth of Christ); Eternal life (Salvation); Character of God (Nature, character of God, Word of God (the Bible), Power of God / Jesus); Living as a Christian (Obedience, Faith, trust, believe in Jesus, Children of God, Humility); Bible timeline (Prophecy, fulfillment of, Gospel, Good News, People of God)

दर्शक: General

तरीका: Monolog

ढंग: Bible Stories & Teac

लक्ष्य: Teaching

बाइबिल का प्रमाण: Extensive

स्थिति: Translation

भाषा का पाठ

Balunda name, Leza usenswe kadi ulelanga boba bonso bakumukokela ne kumwingidila. Ivwana bidi myanda ino’i pobandila bifwatulo bino’bi.

Kifwatulo 1: Kisaka kimo kinyema kipupo kya nzala

Kifwatulo 1: Kisaka kimo kinyema kipupo kya nzala

Kabidi Yehova Leza wapangile bantu bonsololo ino kadi bamuvundamina. Ponkapo Leza Watonga Bene Isalela amba bamuyuke kadi ne kumutota. Mwiko, ino Bene Isalela nabo bamutombokela Leza. Ponkapo kebatota bankishi kadi ne bilezaleza, monka mwadi mulongela mizo mikwabo. Ebiya Yehova Leza watumine bulwi ne kipupo kya nzala ku Bene Isalela amba bamone kujokela kwadi. Mu kino kitatyi kya kipupo kya nzala, kisaka kimo kyasumininwe kunyemena ku ntanda ya Moabu mwanda wa kumona’ko bidibwa. Mu bula bwa myaka dikumi, kisaka kino’ki kyashikete mu ntanda ingi. Ponkapo ne shabantu wafwila monka, byobiya bana bana-balume basonga bana-bakaji Bene Moabu. Mwiko, kadi bana nabo basongele’ba bafwa. Ponkapo inabo washala enka na bako bandi bana-bakaji mu ino ntanda ya bweni.

Kifwatulo 2: Naomi ne Luta bajokela ku Isalela

Kifwatulo 2: Naomi ne Luta bajokela ku Isalela

Inandya bano bana-balume bafwile dijina dyandi i Naomi. Bako bandi bana-bakaji Bene Moabi, batelwa dya bu Luta ne Olepa. Ponkapo Naomi wasumininwa kujokela ku ntanda yabo ya Isalela. Kabidi ba Luta ne Olepa basakidile kwenda na muko wabo. Byobiya Naomi kebanena’mba: jokelai kwenu banwe bana bami, le mwanda musaka kwenda name, a? Nkedi mununu nkikikokejapo kubutula bana kadi bakukemusonga. Ke-muntu Leza wamvundamina. Ponkapo Olepa wabumba inandi muko bipa kabidi wajokela ku bambutwile bandi, ino aye Luta wauminina’tu kudi muko wandi Naomi ne kumunena’mba: nkokisukumapo kukufunduka ehe, ami nkenda nobe konso koenda, bantu bobe bakekala bantu bami kadi Leza obe ukekala Leza wami. I enka nenki Luta waenda na Naomi ku Betelema mu ntanda ya Isalela.

Kifwatulo 3: Luta uboya ku bangula mu budimi

Kifwatulo 3: Luta uboya ku bangula mu budimi

Penepo ba Naomi ne Luta badi balanda bakwilanda panshi. Ponkapo Luta kanena Naomi amba: ndekepo bidi nende nkaboye ku byobya byadi bishala ku bangula mu madimi. Byobiya waenda mu budimi mobadi bangula bidimanwa. Talapo’bidi mwine budimi buno dijina dyandi wadi utelwa dya bu Boaza. Kabidi waipangula bangudi amba, lelo i mwana-mukaji’ka mweni udi mu budimi bwandi ? Nabo bamulondolola’mba : I mwana-mukaji Mwine Moabu waile na Naomi’wa. Ebiya Boaza wavuluka uno nsongwakaji mwaikadile biyabiya na muko wandi. Byobiya wamumona’mba wadi mwingidi mulumbuluke. Ponkapo walombola Luta amba : endelela kwangula na bangudi bami poso ka ne byo bavuididila mwangulo wa ngano. Kadi walombola bangudi bandi amba kemwakimukambakanyai, amba amone kuboya ku byobya bishalashala ku byomwangula. Penepo kyokya kyolwa’kya Luta wabangila Naomi mwaikadile Boaza muyampe kwadi. Ebiya Naomi wamulondolola’mba : Yehova Leza amwesele, uno mukelenge i wa ku balongo betu.

Kifwatulo 4: Ba Luta ne Boaza

Kifwatulo 4: Ba Luta ne Boaza

Shi muntu wafu mu Isalela, yewa mubutule (mulongo) wa pabwipi wadi ukokeja kupyana mukaja mufu’wa. Difuku dimo Naomi walombola Luta’mba : nkakusokwela mulume obe, nabya nobe ukekala na njibo yobe. Uno Boaza i mubutule wa pabwipi netu ; nanshi bufuku buno, aye udi momwa mu budimi bwandi. Kabidi oya’bidi kadi ne uvwale bivwalwa byobe bya buya bwa dyangi. Ebiya wende. Kadi ujingulule kifuko kwalele, shi ubamutana ulele nabya nobe ulale ku binyatyilo byandi. Ponkapo Luta nandi walongela monka mwamulombwedile Naomi. Byobiya Boaza pasantamukile wamona Luta ku binyatyilo byandi, wayuka’mba uno nsongwakaji usaka amusonge. Ponkapo Boaza walombola Luta’mba : nkalonga byonso byokanena, mwanda muntu ense uyukile amba wi mwana-mukaji mulemantu.

Kifwatulo 5: Boaza ne bakulumpe ba kibundi kya Betelema

Kifwatulo 5: Boaza ne bakulumpe ba kibundi kya Betelema

Ponkapo Boaza washikata pamo na bakulumpe ku kibelo kya kibundi kya Betelema. Kabidi kwadi ne bakwabo babutule bapabwipi kutabuka Boaza badi bakokeja kusonga Luta. Kabidi bonso baponene mu kimo amba uno Luta ufwaninwe kusongibwa na Boaza. Ponkapo pa mwanda wa kufikija mwanda uno kumfulo, umo mubutule wapana kikwabilo kudi Boaza; mo mwadi mwikadile kishi kyabo mu Isalela. Enka nenki Boaza watundaila Luta bu mukaji wandi. Kabidi babutula ne mwana mwanamulume bamwinika dya bu Obeda. Byobiya bana-bakaji kebanena Naomi amba: fwija Yehova Leza. Ke-muntu wakupe nkakana kana-kalume kakakulela, mwanda muko obe mwana-mukaji ukusenswe. Balunda nami, Luta watene katokwe kakatampe mu kumwingidila Yehova Leza ne bantu bandi, kadi Obeda waikele ke nkambwa Davida, mulopwe mukatampe wa Isalela, ke ako kadi ku musuku kwa tambile Yesu Kidishitu.

Kifwatulo 6: Madia ne mwikeulu wa Leza

Kifwatulo 6: Madia ne mwikeulu wa Leza

Kunyuma kwa Luta, kongo ne kongo yapityile, Yehova Leza watongele mwana-mukaji mukwabo wakumwingidila. Dijina dya uno lolo i Madia, wadi wa ku musuku wa Luta. Madia uno’u wadi mujike. Ino’ko wadi mukwatyilwe bu mukaji kudi muntu umo wakutelwa dya bu Yosefa. Kumeso kwa buntundaile bwandi, talaipo ku mwikeulu wa Leza wamumwekela Madia. Kadi wamunena’mba : kokikwatwa moyo ehe, abe Madia, ubatokwa kudi Leza. Kabidi ukabutulanga mwana mwanamulume, ukamwinika dya bu Yesu. Aye ukekala Mwana wa Leza Wamulu Mwine. Ponkapo Madia kanena mwikeulu amba : ami ne mupika wa Mfumwetu, nkingubilwe monka mowanenena’mo. Enka nenki Mushipiditu wa Yehova Leza watuka padi Madia, kadi nandi waimita dimi kadi wabutula mwana mwana-mulume. Ponkapo Madia waikala inandya Yesu, Mwana Leza.

Kifwatulo 7: Ana ulombela Leza

Kifwatulo 7: Ana ulombela Leza

Kwadi mwana-mukaji umo mu Isalela wakutelwa dya bu Ana. Mulumle wandi wadi umusenswe, mwiko ino wadi mulemenenwe bya bulanda, mwanda wadi ngumba, wakubulwa kubutula mwana. Ku mwaka ne mwaka, wadi wenda ku Njibo Ikola ya Leza mu Shilo. Kabidi wadi usela byamulambu ne kwibyela kudi Yehova Leza. Padi ufika ku Njibo Ikola ya Leza wadi ulombela namino’mba : Abe Yehova Leza, shi ubambile meso soo pondi kadi umpe mwana mwana-mulume, nabya kakupa’ye mafuku onsololo a bwandi bumi. Talaipo’bidi milomo yandi yadi ijina padi wisamba kudi Leza. Ino enka diwi kedyadipo ditamba ehe. Ponkapo Edi, mupidishitu mukatampe wamumona. Aye wafwatakenye amba i mukolwe vinyu (malwa). Ino aye Yehova Leza waivwana milombelo ya Ana, kadi kupita kwa mafuku, wabutula mwana mwana-mulume? Kadi wamwinika dya bu Samwele.

Kifwatulo 8: Samwele, mwana mu Njibo Ikola ya Leza

Kifwatulo 8: Samwele, mwana mu Njibo Ikola ya Leza

Samwele byadi ukidi mwanuke mutyetye, inandi Ana wamupana kudi Yehova Leza. Kabidi wamutwala kudi Edi amba amone kwikala nandi ku Shilo. Kabidi Edi wafundije Samwele mwakwingidila Leza. Edi wadi na bana babidi, nabo badi bapidishitu, nasha nabya badi’tu ba byabituputupu. Ponkapo Yehova Leza waleka kwisamba na bantu kupityila pa bano bapidishitu’ba. Bufuku bumo, Samwele wadi ulele tulo mu Njibo Ikola ya Leza. Penepo Yehova Leza wamwita pa dijina dyandi. Ponkapo Samwele wanyemena kudi Edi ne kumwitaba’mba: ami uno mwanda ubangite. Ino Edi wamulondolola’mba: ami nkikwityilepo ehe, joka ukalale. Kino kyalongokele misasu isatu. Byobiya Edi wayuka’mba i Yehova Leza wita Samwele. Ebiya wanena Samwele kulondolola Leza namino: Besambe Mfumwetu, mwingidi obe wivwana. Kabid Yehova Leza wesambile misuse mivule kudi Samwele kadi waikala ke mupolofeto mukatampe kadi ne bu mukulumpe mu Isalela.

Kifwatulo 9: Samwele ulombelela Isalela

Kifwatulo 9: Samwele ulombelela Isalela

Byobiya Yehova leza wadingile bana ba Edi. Ke-bantu bonso bafwile mu divita ne Isalela mwine kutyumunwa na Bene Fidishitia. Mu bula bwa myaka makumi abidi, Bene Fidishitia bamunine Isalela. Ponkapo Samwele wanena bantu amba: shi mufundule bilezaleza kadi ne mwipane kudi Yehova Leza ne kumwingidila mingilo, nabya nandi ukemunyongolola ku Bene Fidishitia. Ponkapo Bene Fidishitia bebunga pamo kutamba Isalela bulwi, ino Yehova Leza webatumina kinteshi. Ponkapo Bene Fidishitia bakwatwa moyo kadi ne kunyema banyema, ponkapo ne Isalela webapingididila bonsololo.

Kifwatulo 10: Samwele ushinga Solo mani

Kifwatulo 10: Samwele ushinga Solo mani

Yehova Leza wadi Mulopwe wabinebine wa Isalela, Samwele ye waendeje bantu monka mu buludiki bwa Leza mwine. Mwiko, ino bantu basakilen bekale na muntu bu mulopwe wabo, pamo mwikadile mizo mikwabo na balopwe. Kabidi Samwele katokelwepo pa mutyima na milangwe ino’i ehe. Ino Leza wamunena’mba: ke abewa’po obapela bu mulopwe ehe, ino i amiwa obapela. Nanshi ivwana bantu kadi wibape mulopwe. Kwadi nsongwalume umo wakutelwa bu Solo. Ke-muntu wadi kampangala kadi mupopoke wa buya bwa dyangi. Ke difuku dimo, Solo wakapempula Samwele. Ebiya Samwele pakumumona wafika kwadi, Leza walombola Samwele amba: au keye muntu, ukabikadila bami bantu. Ponkapo Samwele wayata ndalabo wa mani, ne kumushinga wamushinga’o pa mutwe (wa Solo). Kino kyadi kilombola’mba watongibwa kubikala bu mulopwe. Mu bula bwa myaka makumi ana, Solo wabikadile Isalela.

Kifwatulo 11: Solo wasana mutwelo wa Samwele

Kifwatulo 11: Solo wasana mutwelo wa Samwele

Talaipo bidi Bene Amaleke i muzo mubi kadi waubile bibibibi kudi Isalela. Ponkapo Samwele walombola mulopwe Solo amba: Ivwana diwi dya Yehova Leza: Kubija Bene Amaleke kadi ne konakanya byonsololo byobadi nabyo. Kabidi Leza wakweshe Solo ne bashidika bandi kunekenya Bene Amaleke, ino abo babulwa kikokeji kudi Leza. Kebaipailepo banyema ba Bene Amaleke mwanda wabekale bakwelwa bu bitapwa kudi Leza, kadi bapandija mulopwe wa Bene Amaleke. Ponkapo Samwele kanena Solo amba: byowafutulula misonanya ya Yehova Leza, nadi wakulekelela makasa bu mulopwe. Ebiya Samwele washilula kujoka kadi Solo wakwata ku mutwelo wa Samwele ne kusanika wasanika. Ponkapo Samwele wamunena’mba: Yehova Leza wasana bulopwe bobe bwa Isalela ne kupana’bo ku muntu mulumbuluke kukutabuka. Banwe balunda nami, Solo waelele bitapwa kudi Leza, ino kakokelepo Leza ehe. Kabidi Samwele wakokele Leza kadi ne kumwingidila mafuku onsololo a bumi bwandi. Le kilumbuluke i kyepi, a? Le kulongela bintu byonso mwendele kibidiji kya bwine Leza’ni nansha’ko i kukokela Yehova Leza?

Kifwatulo 12: Yesu mu Njibo Ikola ya Leza

Kifwatulo 12: Yesu mu Njibo Ikola ya Leza

Kunyuma kwa Samwele papityile myaka mivule mine, Yesu waikele mu Isalela. Madia ye inandi, ino Leza ye Shandi. Ebiya Yesu pabwenye myaka dikumi ne ibidi, waendele ku Yelusalema pamo nab a Madia ne Yosefa ku masobo a Pasaka. Abo mu kujoka, ba Madia ne Yosefa bajoka kukimba Yesu. Mu mafuku asatu, bakamutana mu Njibo Ikola ya Leza wisamba bya Leza na bafundiji Bayudea. Madia wamunena’mba: Tukukimba ne mityima mitumbuke! Ponkapo Yesu nandi walondolola’mba: le kemuyukilepo’mba mfwaninwe ningile mingilo ya Tata? Byobiya Yesu byadi ukidi mwanuke mwadi mwikadile Samwele, wayukile kala kwimwingidila Yehova Leza. Nanshi Yesu waile kuleta bantu kudi Leza, mwanda Yehova Leza i Mulopwe Wabinebine kadi i Kilongonji kya umo ne umo. Bengidi ba Leza Bamo bamyanga baikele panopantanda, badi bengidi ba Leza. Myanda ino’i ilombola kifibwe kya bukomo bwabo, ne mwebalengejije Yehova Leza bekale bamyanga.

Kifwatulo 13: Davida mukumbi mukankamane

Kifwatulo 13: Davida mukumbi mukankamane

Ebiya Solo ye waikele mulopwe mubajinji pa Isalela, ino wabudilwe kikokeji kudi Leza. O mwanda mwine Leza wamulekelele Solo kadi waleka ne kumukwasha kwine mpikila. Kwadi nsongwalume umo wakutelwa dya bu Davida. Aye wadi mulami wa luombe lwa shandi. Kadi wadi ukulupile Yehova Leza Mumi, ke-muntu kadipo utyina kibi nansha kimo ehe. Difuku dimo, ntambo watamba kukwata mukoko. Ponkapo Davida waipaya ntambo’wa ne kunyongolola mukoko. Kadi aye wadi uyukile komba byombanwa bya nimbo ne kwimba mitendelo kudi Yehova Leza. Davida waikele muntu wasakilwe na Leza amba bantu bonso bamwifwane. O mwanda mwine, Leza Watonga Davida upingakana Solo pa lupona lwa bulopwe.

Kifwatulo 14: Davida ne kampangala

Kifwatulo 14: Davida ne kampangala

Kwadi divita dya Bene Fidishitia na Bene Isalela. Bene Fidishitia badi umbukata mwabo na kampangala wakutelwa dya bu Ngodiata. Aye uno’u kanena Bene Isalela amba: tongai muntu umbukata mwenu, shi ukokeja kulwa name ne nkunekenya nabya tukekala bapika benu, ino shi namwipaya nabya nenu mukekala bapika betu. Ponkapo Bene Isalela bakwatwa moyo byamwiko wa Ngodiata. Kekwasakilepo nansha umo kulwa nandi ehe. Ponkapo mwanuke Davida wanena’mba: Le i Mwine Fidishitia’ ka uno kayukilepo Leza, usaka kuzakaja babulwi ba Yehova Leza Mumi, a? talapo’bidi Davida kamwivwenepo moyo ehe, mwanda wayukile’mba Yehova Leza ukamukwasha kunekenya uno kampangala ne kumwipaya. Ponkapo Davida wasela kantolondyo (topito) kandi, kadi waela dibwe’tu dimo ka ku mutwe wa kampangala. Ponkapo Ngodiata wapona panshi kadi Davida wanyemena’ko lubilo kwadi. Kabidi wasomona kipete kya Ngodiata mwine ne kumuketa mutwe wandi. I enka namino mwanekenyinye Babulwi ba Isalela pa Bene Fidishitia.

Kifwatulo 15: Solo ukimba kwipaya Davida

Kifwatulo 15: Solo ukimba kwipaya Davida

Dibajinji, Solo wasepelele Davida byapandije Isalela. Kabidi Bene Isalela basenswe Davida byamwiko. Ke-muntu waikele ke mushidika mukatampe. Ebiya Solo wamukwatyilwa mukao Davida; ponkapo kakimbe kumwipaya. Difuku dimo, Davida wadi omba lunsense kumeso a Solo, ponkapo mushipiditu mubi wamutentama Solo. Kabidi waboya mukobe kaase’o Davida, ino kewamukwetepo ehe, waenda kukakwata mu lubumbu. Misusa mivule mine Solo watompele kumwipaya Davida. Byobiya mwana Solo wakutelwa dya bu Yonafane, ne Bene Isalela bakwabo bakweshe Davida kwipandija, ponkapo wanyemena mu ntanda mutuputupu mwanda wa kutyina Solo kumwipaya.

Kifwatulo 16: Davida wapandija Solo

Kifwatulo 16: Davida wapandija Solo

Ponkapo Solo ne bandi babulwi baiya mu ntanda mutuputupu kumukimba Davida amba bamukwate. Bufuku bumo, Solo ne bantu bandi badi balele mu tulo, ponkapo Davida ne mulunda nandi Abishai batwela mu kitulo kya Solo. Kabidi Abishai wasakile kwipaya mulopwe Solo padi ulele mu tulo, ino Davida wamunkankaja. Kamunena’mba : Yehova Leza ukonakanya ense ukobeka kuboko kwandi pa mushingwe man iwa Leza. Ebiya Davida wasela mukobe ne kashtyibi ka mema byadi kubwipi na mutwe wa Solo. Byobapwile kufunduka mu kitulo’mwa, Davida waela lubila mwanda wa kulangula bantu’ba badi na Solo. Kanena’mba : monka monapandijija bumi bobe, padi ne dyalelo na’dyo Yehova Leza ukapandija bumi bwami nabo. Kupwa kwa bino, ponkapo Solo waleka kusakidila kwipaya Davida.

Kifwatulo 17: Davida wabikala bu mulopwe

Kifwatulo 17: Davida wabikala bu mulopwe

Kabidi Bene Fidishitia baiya monka kutamba Isalela bulwi. Mu bulwi buno’bu, mulopwe Solo ne mwana’ndi Yonafane baipaibwa mu bulwi. Ponkapo bantu bamubikika Davida bu mulopwe pa Isalela. Kabidi washimika njibo yandi ya bulopwe mu Yelusalema. Ponkapo kadi Leza wanena Davida amba: nakutongele po wadi ukilama mikoko amba wikale mulopwe wa bantu bami, Bene Isalela. Talapo’bidi ukekala mukatampe kadi wamupa ne lupusa lwa kunekenya balwana bonso ba Isalela.

Kifwatulo 18: Davida ne Bafusheba

Kifwatulo 18: Davida ne Bafusheba

Difuku dimo, Davida wadi unanga pa kadimbwa ka peulu pa njibo yandi. Ponkapo wamona mwanamukaji mupopoke wa buya bwa dyangi oya mema. Ponkapo Davida wamuloelelwa. Dijina dya uno lolo wadi Bafusheba. Aye uno wadi mukaja Udia, mushidika wa babulwi ba Davida. Kabidi Udia wadi mwende kulwa ku bulwi. Ponkapo Davida watuma mwanda kudi mudyavita wa bulwi amba amone kutula Udia kumeso kwa divita amba amone kwipaibwa. Kadi emokyafikile enka nabya’wa. Ebiya Davida wayata Bafusheba ke mukaji wandi. Ino kino kyalongele Davida kekyasangeje Yehova Leza ehe. O mwanda mwine mwana mubajinji wa Davida wafwile, ponkapo Davida walomba Leza kumulekela bubi bwalongele.

Kifwatulo 19: Njibo Ikola ya Leza

Kifwatulo 19: Njibo Ikola ya Leza

Ke-muntu Davida wapile mambo kudi Yehova Leza. Nansha nabya wadi usenswe Leza kadi ne kusakidila kumwingidila mingilo. Kadi wasakile kushimika Njibo Ikola mwakutota Leza. Ino Yehova Leza wamunena’mba: nkukanshimikilapo njibo ikola ehe mwanda wimumwange mashi mangi. Ino ukabutula mwana obe ukatelwa bu Solomone, ye aye unkangubakila njibo ikola. Kabidi bulopwe bwandi bukaladilanga nyeke. Kumeso kwa lufu lwandi, Davida walongele bivule bya lubako lwa njibo ikola, ino i Solomone waile kushimika’yo. Kabidi Njibo Ikola ino’i yadi ya buya bwa dyangi. Ayo ino’ yalongele myaka isamaba-ibidi ebiya beivuya kushimika. Bene Isalela batotele Leza mu ino Njibo Ikola ya Leza mu Yelusalema mu bula bwa myaka tutwa ne tutwa kadi kebavulaminwe’po amba Davida ye wadi mulopwe wabo mukatakata ehe.

Kifwatulo 20: Yesu wenda ku Yelusalema

Kifwatulo 20: Yesu wenda ku Yelusalema

Kupita kwa myaka kubwipi kanunu kamo na pabikadile Davida bu mulopwe, Yesu wabutulwa ku kisaka kya Davida. Inandi wadi mujike Madia, shandi i Yehova Leza Mwine Bukomo Bondololo. Kabidi Yesu wadi Mwingidi Mukatampe Mwine wa Leza. Ke-muntu wafundije bantu byabinebine bya Leza. Kadi walongele bingelengele ponka pa bukomo bwa Leza. Solo ne Davida, kadi ne batwe tupile mambo kudi Leza, ino aye Yesu kalongelepo bubi mhm. Difuku dimo, watwelele mu kibundi kya Yelusalema utentamine pa kana ka kimbulu. Bantu kebasame amba : Hozana, ku munkana Davida, yewa wakwiya mu dijina dya Yehova Leza. Kabidi bantu bayukile amba i bine Yesu ukidile bukata Davida. Kadi aye i Mulopwe dya balopwe panopantanda ponsololo.

Kifwatulo 21: Byoni byadisha Ediya

Kifwatulo 21: Byoni byadisha Ediya

Kupwa Davida ne Solomone, balopwe bakwabo babikadile Isalela. Kabidi umo utelwa bu Ahaba. Kabidi wadi na mukaji mubi mutyima, wakutelwa dya bu Yezebele. Mwiko, ke-muntu waipaile bantu ba Leza bangi kadi ne kwibaningila kutota kilezaleza kitelwa bu Bala. Kabidi Ediya wadi mupolofeto mukatampe. Ponkapo waile kumumona Ahaba ne kumulombola’mba: mu dijina dya Yehova Leza Mumi wa Isalela, mvula kakanokepo mu ino myaka iya kumeso’i. kadi Leza ukaleta kipupo kya nzala kikatampe pa Isalela. Ino aye Leza walamine muntu wandi Ediya. Kabidi watuma Ediya ku kifuko kitelwa bu Kedita (Kerith) kwadi utoma mema a munonga kadi ne byoni byadi bimuletela Ediya bidibwa.

Kifwatulo 22: Ediya ne mudilo wa Leza

Kifwatulo 22: Ediya ne mudilo wa Leza

Mu mwaka wa busatu wa kipupo kya nzala, Ediya waityija Ahaba ne bantu bonsololo ku lulu lwa Kalamela. Kabidi kaabanena’mba : shi Yehova i Leza, nankyo mulondei, kadi shi Bala i Leza, nabya mulondei. Ponkapo bantu baela ngombe mulume bu kitapwa kudi Bala. Ebiya Ediya wanena babitobo ba Bala amba : abijai leza wenu, ami nkamwabija Yehova Leza. Byobiya yewa leza ukalondolola na mudilo ye aye Leza Wabinebine kadi. Ponkapo bapolofeto ba Bala bamwabija dyuba dyonso ne bukata, koku baja bajokoloka ngombe wabo wa kitapwa kadi ne kwiketa maitu abo na mpete, ino yo ! kekwaikelepo mudilo ehe. Ebiya ke ku kyolwa Ediya wateakanya kitapwa, kadi ne kusangila mema, kupwa walombela Yehova Leza. Ponka na ponka mudilo watamba mulu kadi waloteja kitapwa’kya kadi ne mema mene adipo’a, ponkapo bantu kebasame amba : i Yehova ye Leza Wabinebine.

Kifwatulo 23: Ediya ukanda mulu

Kifwatulo 23: Ediya ukanda mulu

Penepo Ediya watapa bapolofeto ba Bala mwanda badi batabuke kubipa byamwiko. Ponkapo Yezebele nandi wakanina kwipaya Ediya. Kabidi nandi wakwatwa moyo ne kunyema wanyemena mu ntanda mutuputupu. Byobiya Yehova Leza waiya kwisamba nandi. Ponkapo Ediya ne moyo wamupwa. Kadi waendelela kufundija bantu kutota Yehova Leza umo enka. Kabidi watonga Edisha kumukwasha. Difuku dimo po badi benda pamo, dikalo dya mudilo dyafika pabukata bwabo. Kemuntu Leza wamutekwina Ediya momwa mulu monka mu kimpumpu ka ne byajimine mu meso a Edisha kakimumwene.

Kifwatulo 24: Ediya pamo na Yesu ne Mosesa

Kifwatulo 24: Ediya pamo na Yesu ne Mosesa

Mu kitatyi kya Yesu, kupita kwa myaka tutwa tusamba-tubidi, Ediya wamwekele konka ku lulu kwadi Yesu. Kadi Mosesa mupolofeto mukatampe waikeleko kumeso kwa Ediya, nandi wamweka kitatyi kimo kyonka’kya pamo nabo. Bano bantu basatu bamona Yesu, wenenya ntumbo ya Leza. Kupwa kadi Leza aye mwine wesamba diwi ditamba mulu. Kabidi wanena pangala pa Yesu amba: yao i Mwana wami mwikale kumwivwana! Banwe balunda nami, Leza kadi ne bantu bamyanga ba mu Isalela betufunkilanga enka Yesu. Ke-muntu Yesu waile kukwasha bantu bonsololo. Kadi wafwile bu kitapwa kya pa bubi bwetu, washinda lufu amba amone kwitupa bumi bwa nyeke-ke. Shi kepano twikalei kumwivwana nabya tukatambula bumi bwa nyeke ne nyake-ke.

संबंधित जानकारी

मुफ्त डाउनलोड - यहाँ आपको अनेक भाषाओं में जीआरएन के सभी मुख्य संदेशों के लेख,एवं उनसे संबंधित चित्र तथा अन्य सामग्री भी डाउनलोड के लिए मिल जाएंगे.

"देखें, सुनें और जीएं" ऑडियो-विज़ुअल - सुसमाचार प्रचार और मसीही शिक्षा देने के लिए यह 8 कार्यक्रमों का सेट है और प्रत्येक प्रोग्राम में 24 चित्र हैं. इस श्रंखला में पुराने नियम के पात्रों, यीशु के जीवन, और आरंभिक चर्च संबंधित अध्ययन हैं. यह सैंकडों भाषाओं में उपलब्ध है.

जीआरएन के ऑडियो विज़ुअल संसाधान कैसे प्रयोग करें - 1: सरलता से सुसमाचार प्रचार करना - यह लेख एक परिचय देता है कि जीआरएन के ऑडियो विज़ुअल संसाधानों को मसीही सेवकाई में विभिन्न रीति से कैसे उपयोग किया जा सकता है.

जीआरएन के ऑडियो विज़ुअल संसाधन कैसे उपयोग करें - भाग 2: गहरे जाना - यह लेख और जानकारी देता है कि कैसे लोग कहानियों द्वारा सीखते हैं और क्यों कहानियों के साथ अधिक व्याख्या नहीं होती.

जीआरएन ऑडियो संग्रह - मसीही प्रचार और बुनियादी बाइबल शिक्षा संबंधित सामग्री लोगों की आवश्यकता तथा संसकृति के अनुरूप विभिन्न शैलियों तथा प्रारूपों में.

Copyright and Licensing - GRN shares it's audio, video and written scripts under Creative Commons

Creating DVDs using the GRN Slide show Videos - How to burn DVDs for specific people groups you are trying to reach

Choosing the right audio or video format - What audio and video file formats are available from GRN, and which one is best to use?