TARA, PURATENA & HUPA EMBO 4 Ovakarere vaNdjambi

TARA, PURATENA & HUPA EMBO 4 Ovakarere vaNdjambi

रुपरेखा: Ruth, Samuel, David, Elijah. 24 sections. It has a picture book to go along with the recording.

भाषा परिवार: 421

भाषा: Herero

विषय: Sin and Satan (Sin, disobedience); Christ (Birth of Christ); Eternal life (Salvation); Character of God (Nature, character of God, Word of God (the Bible), Power of God / Jesus); Living as a Christian (Obedience, Faith, trust, believe in Jesus, Children of God, Humility); Bible timeline (Prophecy, fulfillment of, Gospel, Good News, People of God)

दर्शक: General

तरीका: Monolog

ढंग: Bible Stories & Teac

लक्ष्य: Teaching

बाइबिल का प्रमाण: Extensive

स्थिति: Publishable

भाषा का पाठ

Omatjiukisiro

Omatjiukisiro

Mo minikwa, panga randje. Ndjambi wa suvera omundu auhe nu u tumba auhe, tjinene ovandu imba mbe nonduviro ku Ye nu mbe mu karera. Puratena mbya tjitwa ozombura ozengi nda kapita, otja tji vya tjangwa mEmbo raNdjambi (Ombeipela) nu u tare koviperendero membo ndi engara. Tara kotjiperendero tji matji kongorere tji wa zuu ombosiro ndji.

Otjiperendero 1: Etundu Mari Taura Mena Rourumbu

Otjiperendero 1: Etundu Mari Taura Mena Rourumbu

Rut 1:1-5

Ndjambi wa uta ovandu avehe, nungwari avehe ve mu pirukira. Ndjambi wa toorora ovandu vaIsrael okumutjiwa nokumukarera. Nungwari nandarire ihi otjiwana tjaIsrael tje mu pirukira. Va karera oomikiru vyoposyo, tjimuna oviwana imbi ovyarwe ongondoroka nawo. Ndjambi wa hinda ovita nourumbu kOvaisrael, okuvekotora ku Ye.

Ombura imwe yondjara etundu rimwe ra tya okukapaha ovikuria kOmoab. Va kakara oure wozombura 10 mehi rozonganda ndo. Omurumendu ihe yovanatje wa katira ngo. Ovazandu ve auhe wa kupa kuna omukazendu wOvamoab. Ovazandu mba aveyevari va ta wina. Omukazendu novakwe ve ovakazona omba sewa mehi rozonganda ndo.

Otjiperendero 2: Naomi Na Rut Mave Yaruka Koisrael

Otjiperendero 2: Naomi Na Rut Mave Yaruka Koisrael

Rut 1:6-22

Ina metundu ndi wa ri Naomi. Ovakwe ve vOvamoab va ri Rut na Orpa. Naomi wa tia okuyaruka koIsrael. Rut na Orpa va kara mondjira okuyenda koIsrael. Naomi otje ve raera nai: "Okutjavi tji mamu vanga okuyenda puna ami? Ami nai mee kakara novazandu rukwao okukemukupa are? Yarukeye kozoyenu! Ami mba kurupa tjinene okukupwa rukwao... ami mba wirwa i eyuru." Orpa wa hupita Naomi na yaruka konganda yovanene ve. Nungwari Rut wa kara pu Naomi na tja: "O ndji nini kiza okuza po pove. Akuhe ku mo i, ami oku me i, akuhe ku mo katura ami oku me katura. Omuhoko woye owo omuhoko wandje, nu Ndjambi woye Eye Ndjambi wandje."
Momwano mbwi Rut otja ya puna Naomi koBethlehem, mehi Kanaan. *(Ombosiro)

Ina metundu ndi wa ri Naomi. Ovakwe ve vOvamoab va ri Rut na Orpa. Naomi wa tya okuyaruka koIsrael. Rut na Orpa ve ritwa mondjira okuyenda koIsrael. Naomi otje ve raera nai: "Okutjavi tji mamu vanga okuyenda puna ami? Ami nai mee kakara novazandu rukwao okukemukupa are? Yarukeye kozoyenu! Ami mba kurupa tjinene okukupwa rukwao... ami mba wirwa i eyuru." Orpa wa hupita Naomi na yaruka konganda yovanene ve. Nungwari Rut wa kara pu Naomi na tja: "O ndji ninikiza okuza po pove. Akuhe ku mo i, ami oku me i, akuhe ku mo katura ami oku me katura. Omuhoko woye owo omuhoko wandje, nu Ndjambi woye Eye Ndjambi wandje." Momuano mbwi Rut otja ya puna Naomi koBethlehem, mehi Kanaan.

Otjiperendero 3: Rut Mehi Romakunino

Otjiperendero 3: Rut Mehi Romakunino

Rut 2:1-23

Kombunda yomakotokero wawo mu Bethlehem Rut wa raera nai Naomi nai: "Ndji esa mbi yende komahi womakunino okukawonga ovihweka mbi ovakonde mbi mave vi esa, ... kombunda yaingwi ngu me ndji yandjere." (Rut na Naomi va ri ovasiona tjinene) Eye wa ya kehi romakunino ovaungure pu yave nyanga ovihwekwa. Omwini wehi romakunino wa ri nena Boas.

Eye wa pura kovaungure ve ohunga nomukazendu wozonganda nguri mehi re. *Umwe we mu raera kutja

Kombunda yomakotokero wawo mu Bethlehem Rut wa raera Naomi nai: "Ndji esa mbi yende komahi womakunino okukawonga ovihweka mbi ovakonde mbi mave vi esa, ... kombunda yaingwi ngu me ndji yandjere." (Rut na Naomi va ri ovasyona tjinene.) Eye wa ya kehi romakunino ovaungure puyave nyanga ovihwekwa. Omwini wehi romakunino wa ri Boas.

Eye wa pura kovaungure ve ohunga nomukazendu wozonganda nguri mehi re. Umwe we mu raera kutja "Eye omukazendu wozonganda ngwa kotoka puna Naomi okuza koMoab." Boas wa zuvire kutja eye omukazendu ngwa tjita ouwa komukwe we. Eye wa muna kutja eye omukazendu omuungure. Opa tjera nai ku Rut: "Ve tjevera, u tarere kona ku mave kondo ovirya, nu u kare puna wo." Boas wa raera ovarumendu ovaungure kutja ave he mu kurungisa, nungwari ve sye po ovirya ku ye okunyanga. Rut otja kaserekarera ku Naomi ohunga nomutima omuwa waBoas. Naomi wa tja: "Ndjambi nga sere ondaya komurumendu ngwe ku tjariparere. Omurumendu ngo omuzamumwe wopopezu na ete. (Eye i umwe waimba mbe nousemba okutuzirira po.)"

Otjiperendero 4: Rut Na Boas Pomapukumunino Wovirya

Otjiperendero 4: Rut Na Boas Pomapukumunino Wovirya

Rut 3:1-18

MoIsrael omurumendu tja tu, omuzamumwe wopopezu iya yenene okukupa kuna omukazendu womuti (omuhepundu) ngwi. Eyuva rimwe Naomi wa raera Rut kutja: "Muatje wandje, ami me ku pahere omurumendu kutja u kare nonganda. Tara, Boas, ingwi wovakarere ovasuko mbuyamu ungura pamwe, eye i umwe wovazamumwe vetu. Nambano puratena, ongurova ndjinondji eye ma pukumuna ovirya. Rikoha u rivave, nu u rihwikike ozombanda zoye inda ozombwa tjinene. Tjazumba twende ngo, eye ku ma pukumunine ovirya, ... Neye tja karara, ove tarera nawa pona pu ma karara. Indino ryama u yere otjirare kozombaze ze nu u rare mbo." Rut wa tjita otja tja raerwa i Naomi. Boas tja yandimuka na munu Rut pozombaze ze, wa tjiwa kutja Rut ma vanga okukupasana na ye. Otje mu raera nai: "O tira, indee muatje wandje! Orondu auhe motjirongo ma tjiwa kutja oove omukazendu omuhuze."

Otjiperendero 5: Boas Novatarere Vabethlehem

Otjiperendero 5: Boas Novatarere Vabethlehem

Rut 4:1-22

Boas wa isanena ovanane votjihuro pomuvero wotjihuro. Omuhoko we warwe ongwa ri nousemba outenga okuyenena okukupa Rut, nungwari avehe va ya kumwe mondyero yokutja Boas ongwa sere okumukupa. Okuzeuparisa ondyero ndji, omuhoko ingwi ngwa ri nousemba outenga okumukupa, wa yandja orukaku rwe rumwe ku Boas. Inga onga ri omaungurisiro mOIsrael. Boas opa kamburira Rut otja omukazendu we. Owo va kara nomuatje omuzandu wena Obed.

Ovakazendu va raera Naomi kutja: " Tanga Muhona ngwe he kwesire nokuhina ondekurona omuzandu ngu me ku tumbu. Ingwi omuzandu nga rire omutjiukwa moIsrael! Eye ongu me ku hekununa nokukutakamisa moukurupe woye. Ingwi omukwe woye ngwe ku suvera, nu ngu nondengu kove povazandu hambombari ongwe mu panduka." Panga randje, Rut wa muna ondjoroka tje riyandja okukaraera Ndjambi notjiwana tje. Obed ongwa rira ihe mukururume yaDawid, ombara onene yaIsrael, nu ondekurona ye ongu ri Ombara onene yaavehe. Motjiperendero tji matji kongorere matu kazuva natu kerihonga ohunga na Ye.

Otjiperendero 6: Maria Nomuengeli Wandjambi

Otjiperendero 6: Maria Nomuengeli Wandjambi

Lukas 1:26-38, 2:1-7

Ozombura ozengi kombunda yokuhupa kwaRut, Ndjambi wa toorora omukazendu warwe okumukarera. Ena re wa ri Maria. Eye wa ri ondekurona yaRut. Maria kena pa rarere puna omurumendu. Eye wa varekerwe i omurumendu wena Josef. Nu ngunda ave hi ya kupasana, kwe ya omuengeli ku Maria. We mu raera kutja: "O tira Maria, ove wa munu ondjingonekero komurungu waNdjambi. Tara, mo rire otjingundi, nu mo panduka omuatje omuzandu, nu ena re mo mu ruku Jesus. Eye ma rire omunene, nu ma isanewa Omuna waNdjambi wokombandambanda, neye ma honaparere ozondekurona zaJakob otja ombara nga aruhe." Maria wa tjere komuengeli: "Owami omukarere waMuhona, ngape tjitwe ku ami otja punga awa hee." Ombepo Ondjapuke yaNdjambi ye ya kombanda yaMaria, eye wa rira otjingundi na panduka Omuzandu. We mu ruka Jesus. Momuano mbwi Maria otja rira ina yaJesus, Omuna waNdjambi. Mena rokutja Maria wa ri nonduviro ku Ndjambi, Omukuture Jesus opa za okukwatwa i ye. Tji matu kara nonduviro ku Ndjambi, Eye ma yenene okuungura ovina ovinene novinamasa.

Otjiperendero 7: Hanna Ma Kumbu Ku Ndjambi

Otjiperendero 7: Hanna Ma Kumbu Ku Ndjambi

1 Sam 1:1-20

Oruveze orusupi kombunda yokuhupa kwaRut, mehi raIsrael mwa kara omukazendu wena Hanna. Eye wa karera Ndjambi na kara nondero yokuzuva ku Ye. Omurumendu we we mu suverere tjinene, nungwari Hanna wa ri nomuhihamwatima mena rokutja kaa yenene okumupandukira ovanatje. Ombura aihe iyave i kOndjuwo yaNdjambi (oruveze pu yave kakumbira) moSilo. Va twaerera ozombunguhiro okukezeyandja ku Ndjambi. Hanna wa hita mondjuwo yaNdjambi na tja: "Tji we ndji pe omuatje omuzandu, ami me mu yapurire Ove oure womuinyo we auhe." Omina vye iyave nyinganyinga otja paa hungire kuna Ndjambi, nungwari kaa pitisire ombosiro motjinyo tje. Eli, omupristeri omunene, we mu muna. Eye wa nangarasi Hanna wa ndorongo. Nungwari Ndjambi wa zuvira ongumbiro yaHanna. Oruveze rwokombunda yanao Hanna wa panduka omuatje omuzandu. Eye we mu ruka Samuel. Panga randje, Ndjambi o Tate weyuru. Tji twe mu suvera, matu yenene okumuningira okutupa mbi twa hepa. Ndjambi u tjiwa imbi ovanatje ve mbi mave hepa, nEye u yandja ovina oviwa ku imba mbe ningira ku ye mongumbiro.

Otjiperendero 8: Omuatje Samuel Mondjuwo Yandjambi

Otjiperendero 8: Omuatje Samuel Mondjuwo Yandjambi

1 Samuel 1:24-28, 2:12-21, 3:1-21

Samuel tja ri omuzandu omutiti, Hanna we mu yandja ku Ndjambi. Eye we mu twara ku Eli ma kakare ngo mondembeli mu Silo. Eli wa honga Samuel okukarera Ndjambi. Eli wa ri novanatje vevari ovazandu. Owo va ri ovapristeri, nungwari va ri ovarumendu ovavi. Ndjambi otja nyengerwe okuhungirira movapristeri mba ku notjiwana. Eyuva rimwe Samuel wa rarere mondjuwo yaNdjambi. Ndjambi wa isana Samuel kena re. Samuel wa tupuka ku Eli atja: "Owami ngwi. Ove we ndji isana." Nungwari Eli wa tja: "Ami hi ku isanene, twende, karare rukwao." Ihi tja tjitwa ovikando vitatu. Eli otja tjiwa kutja oNdjambi na tja nga zire Ndjambi ma tje: "Hungira, Muhona, omukarere woye ma zuu." Ndjambi wa hungira ovikando ovingi kuna Samuel neye wa rira omupristeri, nomuprofete na wina omunane omunandengu moIsrael. Ndjambi tjingee u isana ovandu okumukarera. Tjimuna tja isanene Samuel. Ngatu puratene ku Ndjambi nu tu kare nonduviro kembo re.

Otjiperendero 9: Samuel Ma Kumbire Oisrael

Otjiperendero 9: Samuel Ma Kumbire Oisrael

1 Samuel 7:2-14; Eksodus 20:2,5

Ndjambi wa vera ovanatje vaEli mba ri nozongaro ozombi. Owo va kata movita nOvaisrael va haverwa iyOvafilisti. Koure wozombura 20 Ovafilisti va honaparera OvaIsrael. Samuel otja raera otjiwana kutja: "Tji mamu vanga okuritanaura ku Muhona nomitima vyenu avihe, iseye mo oomukuru wovisenginina avehe noviserekarera vyoomukuru wotjisenginina oserekaze Astarte mokati kenu, mu riyandjeye nomitima vyenu avihe ku Muhona nu mu Mu karere erike. Indino Eye otji me mu yama momake wOvafilisti." Ovaisrael va zuva ku Samuel. Va woronganena poruveze rumwe. Imbo Samuel opa yetera ombunguhiro ku Ndjambi na kumbire Ovaisrael. Ovafilisti va worongana okutjita ovita ku nOvaisrael. Nungwari Ndjambi wa hinda omitutumo kombanda yawo. Ovafilisti va tupuka mena romburuma nOvaisrael ve ve teza nave ve zepa. Ndjambi wa yandja erakiza komihoko avihe: "Owami Muhona Ndjambi woye. Ko no kukara ko noomukuru varwe posi yandje. Ko nokurikotamena ku vyo nokuvikarera.

Otjiperendero 10: Samuel Ma Twirisa Saul Nomaoli

Otjiperendero 10: Samuel Ma Twirisa Saul Nomaoli

1 Samuel 8:1 - 10:1

Ndjambi ongwa ri indji Ombara yatjiri yaIsrael nu Samuel wa toororerwe okunana otjiwana. Mena rokutja omihoko imbi ovyarwe, omuhoko auhe wa ri nombara yawo, Ovaisrael wina otji va vangere omundu ngu me ve nana otjombara. Samuel wa hihamwa omutima tja zuva otjina hi. Nungwari Ndjambi wa tja nai ku ye: "Tjita otja kombango yotjiwana mu avihe mbi mave ku raere; orondu kave imbirahire ove, nungwari va imbirahi Ami kutja e ha rire ombara yawo."

Pa ri omuzandona omutanda wena Saul. Wa ri nomuhapo omuwa nu wa ri omure. Eyuva rimwe Saul wa ya okukaryangera Samuel. Samuel tje mu munu ama yende, Ndjambi otja raera ku Samuel kutja: "Omurumendu eye ngo. Eye ma honaparere ovandu vandje." Samuel otja toora ekende romaoli ne ri tirire motjiuru tja Saul. Tja ri otjisanekero tjokutja wa toororwa okurira ombara. Saul wa nana Ovaisrael oure wozombura 40.

Otjiperendero 11: Saul Ma Taura Ombanda Yasamuel

Otjiperendero 11: Saul Ma Taura Ombanda Yasamuel

1 Samuel 15:1-29

Ovaamalek va ri ovandu ovavi mbu yave tjiti onyoneno onyingi kOvaisrael. Samuel otja tja nai ku Saul: "Puratena komambo waMuhona. Twende u karwise Ovaamalek, nu u kanyone ovina avihe okumana, mbi ve na vyo. O sye po otjina indee uri." Ndjambi wa vatera Saul notjimbumba tje okutaara Ovaamalek. Nungwari owo kave karere nonduviro ku Ndjambi. Owo va hupisa ovinamuinyo imbi oviwa vyOvaamaleka okutja ve punguhire Ndjambi nave ha zepa ombara yOvaamalek wina. Samuel otja raera Saul nai: "Ove tjinga awa nakaura omarakiza waNdjambi, eye wina otje ku nakaura kutja oharire ombara rukwao. "Samuel wa tanauka okukawondja. Saul otja handa ombanda ye. Oyo ya taukira momake we. Samuel wa tja: "Ndinondi Muhona wa nyondorora ouhona waIsrael okuisa ko kove, ne u yandja komundu warwe omusemba pove." Panga randje. Saul wa etera Ndjambi ombunguhiro, nungwari ka karere nonduviro ku Ye. Samuel wa ri nonduviro ku Ndjambi oure womuinyo we auhe. Ndjambi wa tja onawa okukara nonduviro komeho yokuyeta ozombunguhiro.

Otjiperendero 12: Jesus Mondjiwo Yandjambi

Otjiperendero 12: Jesus Mondjiwo Yandjambi

Lukas 1:35, 2:41-50

Ozombura ozengi kombunda yondiro yaSamuel, mehi raIsrael mwa ri nokantaje Jesus. Maria ongwa ri ina yokanatje nga, nungwari ihe wa ri Ndjambi. Jesus tja ri nozombura 12, Maria nomurumendu we Josef va ya ku Jerusalem. Jesus wa ya puna wo. Mokukotoka Jesus ka ire puna wo, owo otji va uta okumupaha.

Kombunda yomayuva yetatu owo ve mu vaza (mondembeli) mondjuwo yaMuhona mu Jerusalem. Eye wa ri ama hungire ku novanene wOvaJuda ohunga na Ndjambi. Maria we mu pura: "Muatje wandje okutjavi tji we tu tjiti nai? Tara, iho na ami twe ku paha nozongama." Nungwari Jesus wa zira nai: "Kamu nakutjiwa kutja ami mbi sokukara mondjiwo yaTate are?" Jesus tja ri omuatje otja Samuel, iya tjiwa kutja we ya okukarera Ndjambi. Okokuwa okuuta okukarera Ndjambi ngunda au ri okatiti. Jesus we ya okuyarura ovandu ku Ndjambi. Orondu Ndjambi Ombara yatjiri nOmunane wovandu avehe.

Omatjiukisiro

Omatjiukisiro

Tjiva wovarumendu ovanene mba hupire moruveze indwi orukuru, va ri ovakarere vaNdjambi. Mokasete nga mo kazuva kutja Ndjambi we ve tjita vi ve rire ovanane ovanandengu motjiwana. Tara kotjiperendero tji matji kongorere tji wa zuu kombosiro ndji.

Otjiperendero 13: Dawid, Omurisewozondu Ombande

Otjiperendero 13: Dawid, Omurisewozondu Ombande

1 Samuel 16:1-13, 17:34-35

Saul wa ri ombara ondenga yaIsrael, nungwari eye wa ryama komurungu okukara nokuhinanduviro ku Ndjambi. Ndjambi wa za po pu Saul nehe mu vatere rukwao. Pa ri omuatje omuzandu wena Dawid. Eye iya takamisa ozondu zaihe. Eye iya kambura mu Ndjambi omunamuinyo nu kaa tira oumba. Eyuva rimwe ongeama ya kambura ondu imwe. Dawid wa zepa indji ongeama na yama ondu. Eye wa imbura eimburiro ewa na tanga Ndjambi nomaimburiro wondangero. Omaimburiro nga onge ri Omapsalme, tu ye muna mEmbo raNdjambi, Ombeipela. Dawid wa rira omurumendu otja korutjato rwaNdjambi. Saul tjingee wa ri ombara yaIsrael, nungwari Ndjambi tjandje wa toorora David rukuru okuyaruka moruveze rwaSaul otjombara.

Otjiperendero 14: Dawid Nomurenaka

Otjiperendero 14: Dawid Nomurenaka

1 Samuel 17:1-54, 2:30

Pa ri ovita pokati kOvafilisti nOvaisrael. Movafilisti mwa ri nomurenaka wena Goliat. Eye wa ravaera Ovaisrael ama tja: "Toororeye umwe wenu ...
Eye tje ndji havere ne ndji zepa, ,ete matu rire ovakarere venu, nami tji mbe mu havere ne mu zepa, ene mamu rire ovakarere vetu." Ovaisrael va tira Goliat tjinene. Kapena umwe nguya vanga okurwa kuna ye. Dawid ngwa ri okanatje okatiti wa pura: "Hapo Omufilisti omunavisenginina ngwi, omukendu kutja ma yenene okunyekerera otjimbumba tjovita tjaNdjambi omunamuinyo? "Dawid kena pe mu tirire. Eye iya tjiwa kutja Ndjambi me mu vatere okuzepa omurenaka, mena rokutja otjirwa tja ri otja Ndjambi . Dawid otja toora ongarena newe ne ri umbu kotjiuru tjomurenaka. Eye we mu veta na rire tja wire pehi nu Dawid wa utuka kuye. Eye wa toora engaruvyo raGoliat omwini na kondo otjiuru tje. Otjimbumba tjaIsrael otji tja yenena okutaara Ovafilisti. Ndjambi mEmbo re ma tja Eye ma yozike ingwi ngu me mu yozike.

Otjiperendero 15: Saul Ma Kondjisa Okuzepa Dawid

Otjiperendero 15: Saul Ma Kondjisa Okuzepa Dawid

1 Samuel 18:1 - 19:10

Rutenga Saul wa suverere Dawid mena rokutja eye wa yamene Ovaisrael. Dawid wa rira omurwe wakatjoruhonga nomunane waIsrael omunandengu nOvaisrael avehe ve mu pa oruvara. Saul otja uta okuteruru. Eye wa tira Dawid. Eyuva rimwe Dawid wa ri ama imburire Saul kotjihumba tje. Saul wa vanga okuzepa Dawid, mena rokutja Saul wa ri nombepo ohakohoke. Saul wa toora enga re ne ri umbu ku Dawid. Nungwari enga ka ri mu tunine na ri kakatere mekuma. Kombunda yanao Saul wa kondjisa ovikando ovingi okuzepa Dawid. Nungwari Ndjambi iya tjevere Dawid, okumuhindira omuatje waSaul, Jonathan, nOvaisrael varwe okumurakiza kovanavita ve. Dawid iya sokukatara motupoko na mozondimba mena rondira ku Saul.

Otjiperendero 16: David Ma Yama Omuinyo Wasaul

Otjiperendero 16: David Ma Yama Omuinyo Wasaul

1 Samuel 26:1-25; Ovaroma 12:19

Otjimbumba tjovita tjaSaul tja teza Dawid mokuti onguza. Outuku umwe, Saul notjimbumba tje ngunda ava rara, Dawid nepanga re Abisai va hita mokamba yaSaul. Abasai wa vanga okuzepa ombara ngunda aya rara, nungwari Dawid we mu tjaera. Dawid wa tja: "Owani ngu ma twa eke kombara yaMuhona ondwirisiwa na kara nokuhaverwa."

David otja toora enga nondjupa ye yomeva mbya ri kotjiuru tje. Tji va vaza pendje nondanda, David wa ravaera tjinene okupendura ovarumendu vaSaul. David wa raera Abner, omurumendu ngwa ri nourizirira wokutjevera ombara kutja: "Okutjavi tji u ha tjeverere omuhona woye ombara? ... Nambano tara, enga rombara ri ri pi? Nondjupa yomeva ndja ri potjiuru tje i ri pi?" Kombunda yanai eye otja raera Saul nai: "Otja punga amba yama omuinyo woye ndino, Muhona nga rire punga a tjiti ku ami wina, nu nge ndji kutjevere kombamisiro aihe." Tjazumba David otja twara ondjira ye, nu Saul wa yaruka koye. Panga randje, o roro okutoorera omundu ngwe ku tjiti navi ongore, mena rokutja Ndjambi Omuini ma vere ovandu mbu mave sokuverwa.

Otjiperendero 17: David Ma Rire Ombara

Otjiperendero 17: David Ma Rire Ombara

1 Samuel 31:1-7; 2 Samuel 5:1 - 7:16

Ovafillisti va sekamena Ovaisrael rukwao okuverwisa. Ombara Saul nomuzandu we Jonathan nomarumbi ve, va ta motjirwa hi. Ovandu otji va zika David otjombara yaIsrael. Eye wa tunga ondjuwo ye youhona moJerusalem. Ndjambi wa tja nai ku David: "Ami mbe kekuisa koututa wozondu mokuti, u yekuhonaparera otjiwana tjandje Israel... Me ku tjiti kutja u rire omunane omunene povanane avehe mouye. "Ndjambi wa tjita kutja David ma rire omurumendu omunandengu ne mu pe ouvara okuhavera ovanavita vaNdjambi.

Otjiperendero 18: David Na Batseba

Otjiperendero 18: David Na Batseba

2 Samuel 11:1 - 12:20; Eksodus 20:14

Eyuva rimwe David wa kuramene kombanda yomututu wondjiwo ye youhona. Eye wa muna omukazendu omuwa ngwa ri ame rikoho. David wa vanga kutja omukazendu ngwi ma rire owe. Omukazenndu ena re wa ri Batseba. Eye wa ri omukazendu wa Urija, omurwe wotjimbumba tjovita tjaDavid. Urija wa ire kotjirwa okukarwisa ovanavita vaIsrael. David wa hinda ombuze komuhongore wovita. Eye wa raera omuhongore wovita kutja nga tjite kutja Urija ma te motjirwa. David otja kambura Batseba e mu isapo omukazendu we. Imbi David mbya tjita ka vya ri oviwa momeho waMuhona. Omuatje everi waDavid na Batseba wa ta nu David wa ningira ondjesiro kovitjitwa ovivi mbya tjita. Embo raMuhona mari tja: "Ko nokukatuka ko orukupo."

Otjiperendero 19: Ondjuwo Yandjambi

Otjiperendero 19: Ondjuwo Yandjambi

1 Ekuruhungi 22:1-19

David wa katuka komurungu waMuhona, nungwari wa kara norusuvero ku Ndjambi nu wa ri nombango okumukarera. Eye wa vanga okutunga ondjuwo onene, ovandu mu mave yenene okuyekurikotamenena ko ku Ndjambi (oyo wina iya i isanewa ondembeli) .

Nungwari Muhona wa tja nai ku ye: "Ko nokuyenena okutungira Ena randje ondjuwo, tjinga awa zepa ovandu ovengi, nu wa tirahi ombindu onyingi Ove mo kara nomuatje omuzandu ngu ma honapara mohange... Ena re mari rire Salomo... Eye me ndji tungire Ondjuwo Ondjapuke... Nouhona we mau honapara kombanda yaIsrael nga aruhe." David we rirongerera nawa komatungiro wondjuwo yaNdjambi, na tunu avihe ngunda e hi ya ta, nungwari Salomo ongwe i tunga. Ondjuwo yaNdjambi ya ri ombwa tjinene. Oyo ya tungwa oure wozombura hambombari. Ovaisrael va kumbira mondjiwo ndji oure wozombura omasere mu Jerusalem nowo kave zembire kutja David ongwa ri ombara onenenene.

Otjipperendero 20: Jesus Ma Hiti Mu Jerusalem

Otjipperendero 20: Jesus Ma Hiti Mu Jerusalem

Matteus 21:1-11

Ozombura mangara eyovi kombunda yaDavid Jesus otja kwatwa. Jesus ondekurona yaDavid. Ina wa ri omukazona wena Maria. Ihe ongu ri Ndjambi Omunamasaehe. Jesus wa ri nonguri Omukarere wa Ndjambi Omunenenene. Eye iya honga ovanndu owatjiri ohunga na Ndjambi. Eye iya ungura ovihimise momasa waMuhona. Saul na David novandu avehe nga kwete kombanda yehi va tjita ourunde ku Ndjambi. Jesus ke na pa tjitire ourunde. Eyuva rimwe eye wa hita mu Jerusalem kokasino. Ovandu ve mu tjakanena nave ravaere: "Hosiana kOmuna waDavid! Nga tangwe ingwi ngu me ya mena raMuhona!" Ovandu va muna kutja Jesus omuini omunene pu David. Jesus Ombara kombanda yozombara.

Otjiperendero 21: Omakwara (Ozondera) Maye Koro Elia

Otjiperendero 21: Omakwara (Ozondera) Maye Koro Elia

1 Ozombara 17:1-6

Kombunda yaDavid na Salomo pa kara ozombara zarwe moIsrael. Umwe wawo wa ri omurumendu ngwa ri Agab. Eye wa ri nomukazendu omuvi. Ena re wa ri Isebel. Eye wa zepa ovakongorere vaNdjambi neye iya ninikiza ovandu okurikotamena koomikuru vyoposyo vaBaal. Elia wa ri omuprofete omunene. Eye wa ya ku Agab na tja: "Tji mbe tjaMuhona, Ndjambi waIsrael ngu mbi karera, me ku raere kutja kape nokukara omueme poo ombura oure wozombura mbari, ngandu indu ami tji mba tja nao." Ndjambi opa hindira ourumbu kombanda yehi raIsrael. Nungwari Ndjambi iya tumbu Elia. Eye wa hinda Elia koruveze eye pa kakara pokarurondu Kerit, eye paa yenene okunwa omeva mokandondu, ongurova nomuhuka auhe omakwara ya etera Elia omboroto nonyama okurya. Ndjambi aruhe u tumba ovakarere ve. Ngatu mu karere nu tu takame mu ye mu imbi mbi matu hepa nEye me tu tumbu.

Otjiperendero 22: Elia Nomuriro Wandjambi

Otjiperendero 22: Elia Nomuriro Wandjambi

1 Ozombara 18:16-46

Mombura oitjatatu yourumbu Elia wa raera Agab ma wonge ovandu avehe vaIsrael novaprofete avehe vaBaal, ve woronganene kondundu Karmel. Elia we ve raera kutja: "Muhona tje ri Ndjambi rikotameneye ku Ye; nungwari Baal tje ri Ndjambi rikotameneye ku Ye." Otjiwana ka tji mu ziririre ko. Elia otje ve raera nai: "Eteye ozondwezu mbari. Ovaprofete vaBaal ngave kambure imwe ve punguhe mungwari ave yakisa omuriro. Ami me tjiti tjingetjo nondwezu indji ongwao wina. Tjazumba ovaprofete vaBaal ngave kumbe komukuru wawo wotjisenginina, nu ami me kumbu ku Muhona." Elia iya hungire ohunga na Ndjambi ngu hungira ku novandu nu ngu ha wovisa. Elia wa tja: "Ingwi ngu ma itavere nomuriro Eye ongu ri Ndjambi." Ovandu va itavera. Eyuva arihe ovapristeri vaBaal va uhara amave kumbu komukuru wawo. Owo iyave pundu okukondoroka ombunguhiro nave rikondo notuvyo. Nungwari kaku naa kwe ya omuriro. Kongurova Elia otja tuna ombunguhiro ye. Eye wa hinda ovandu okukayeta omeva nave ningenisa ombunguhiro nga kozongune nda ri ko. Elia wa kumba ku Ndjambi . Tjimanga otji kwe ya omuriro okuza meyuru nau ningiririsa ombunguhiro nomeva. Ovandu avehe va ravaera nave tja: "Muhona Eye ONdjambi. Muhona Eye ONdjambi."

Otjiperendero 23: Elia Mai Keyuru

Otjiperendero 23: Elia Mai Keyuru

1 Ozombara 19:1-21; 2 Ozombara 2:1-14

Elia wa zepa ovapristeri vaBaal mena rokutja va katuka komurungu waMuhona nu va ri ovarunde navi. Eye kuzambo wa taurira mokuti onguza mena rokutja iya tira. Ndjambi wa kahakaenena kuna ye ngo. Ndjambi tja za nokuhungira kuna ye, Elia kena pa tira rukwao. Eye wa kayenda komurungu okuhonga ovandu kutja ve karere Ndjambi erike. Elisa wa rira omuvatere waElia puna ombatera yaNdjambi. Eyuva rimwe ngunda amave kayenda, tjimanga pe ya okatemba komuriro ku ke ve hana. Ndjambi wa toora Elia motjivepo ne mu twara meyuru. Nu Elisa ke na pe mu muna rukwao.

Otjiiperendero 24: Elia Na Mosess Puna Jesus

Otjiiperendero 24: Elia Na Mosess Puna Jesus

Lukas 9:28-36

Ozombura 700 kombunda ya Elia, Jesus tja ri kombanda youye, Jesus wa toora ovahongewa ve 3 neve twara kondundu okukakumba. Jesus ngunda ama kumbu, Moses na Elia otji va munika pu ye. Ovahongewa 3 va muna Jesus, Moses na Elia amave kenakena nouyere waNdjambi novarumendu ovanene vaIsrael ve tu urikira Jesus. Jesus we ya kouye mbwi na tu otjombunguhiro komauvi wetu, nomauvi wovandu wotuveze atuhe, mena rokutja we tu suvera nu u vanga okuyama ovandu avehe mOmuna we. Jesus omuyame wetu, Omukuture Ndjambi ngwa pendura movakoke. Nu Ndjambi u yandja omuinyo waaruhe ku imba mbe kambura nu mbe puratena kembo re. Puratena ku Ye nu u mune omuinyo waaruhe mu Ye.

संबंधित जानकारी

मुफ्त डाउनलोड - यहाँ आपको अनेक भाषाओं में जीआरएन के सभी मुख्य संदेशों के लेख,एवं उनसे संबंधित चित्र तथा अन्य सामग्री भी डाउनलोड के लिए मिल जाएंगे.

"देखें, सुनें और जीएं" ऑडियो-विज़ुअल - सुसमाचार प्रचार और मसीही शिक्षा देने के लिए यह 8 कार्यक्रमों का सेट है और प्रत्येक प्रोग्राम में 24 चित्र हैं. इस श्रंखला में पुराने नियम के पात्रों, यीशु के जीवन, और आरंभिक चर्च संबंधित अध्ययन हैं. यह सैंकडों भाषाओं में उपलब्ध है.

जीआरएन के ऑडियो विज़ुअल संसाधान कैसे प्रयोग करें - 1: सरलता से सुसमाचार प्रचार करना - यह लेख एक परिचय देता है कि जीआरएन के ऑडियो विज़ुअल संसाधानों को मसीही सेवकाई में विभिन्न रीति से कैसे उपयोग किया जा सकता है.

जीआरएन के ऑडियो विज़ुअल संसाधन कैसे उपयोग करें - भाग 2: गहरे जाना - यह लेख और जानकारी देता है कि कैसे लोग कहानियों द्वारा सीखते हैं और क्यों कहानियों के साथ अधिक व्याख्या नहीं होती.

जीआरएन ऑडियो संग्रह - मसीही प्रचार और बुनियादी बाइबल शिक्षा संबंधित सामग्री लोगों की आवश्यकता तथा संसकृति के अनुरूप विभिन्न शैलियों तथा प्रारूपों में.

Copyright and Licensing - GRN shares it's audio, video and written scripts under Creative Commons

Creating DVDs using the GRN Slide show Videos - How to burn DVDs for specific people groups you are trying to reach

Choosing the right audio or video format - What audio and video file formats are available from GRN, and which one is best to use?