unfoldingWord 49 - परमेसवर कर नावा कानून
![unfoldingWord 49 - परमेसवर कर नावा कानून](https://static.globalrecordings.net/300x200/z43_Jn_20_05.jpg)
מתווה: Genesis 3; Matthew 13-14; Mark 10:17-31; Luke 2; 10:25-37; 15; John 3:16; Romans 3:21-26, 5:1-11; 2 Corinthians 5:17-21; Colossians 1:13-14; 1 John 1:5-10
מספר תסריט: 1249
שפה: Surgujia
קהל: General
ז׳נר: Bible Stories & Teac
מַטָרָה: Evangelism; Teaching
ציטוט כתבי הקודש: Paraphrase
סטָטוּס: Approved
סקריפטים הם קווים מנחים בסיסיים לתרגום והקלטה לשפות אחרות. יש להתאים אותם לפי הצורך כדי להפוך אותם למובנים ורלוונטיים לכל תרבות ושפה אחרת. מונחים ומושגים מסוימים שבהם נעשה שימוש עשויים להזדקק להסבר נוסף או אפילו להחלפה או להשמיט לחלוטין.
טקסט תסריט
![](https://static.globalrecordings.net/300x200/z42_Lk_01_11.jpg)
एगोठ सवरग दूत हर मरियम नाव कर कुंवारी जग कहे रहिस कि ओहर परमेसवर कर बेटा ला जनम देही जे घरी ओहर कुवारी रहिस, ओहर एगोठ बेटा ला जनम देहीस अऊ ओकर नाव ईसू राखिस। ओकरे ले ईसू परमेसवर अऊ आदमी दुनों हवे।
![](https://static.globalrecordings.net/300x200/z41_Mk_06_24.jpg)
ईसू हर ढ़ेरे बगरा चमतकार करिस तेकर ले ए साबित होथे कि ओ परमेसवर हवे। ओ पानी में रेगिस, आँधी ला सान्त करिस ढ़ेरे रोगिया मन ला चंगा करिस। भुत प्रेत मन ला भगाईस मरल मन ला जियाईस, पांच ठे रोटी अऊ दुईठे मछरी ला ५००० ले बगरा लोग मन ला खवाईस।
![](https://static.globalrecordings.net/300x200/z42_Lk_10_09.jpg)
ईसू एगोठ बड़खा गुरूजी रहिस। ओ अधिकार से गोठियात रहिस। काबर कि ओ परमेसवर कर बेटा हवे। ओ सिखाईस कि हमके आने-आने मन ठे ओहीच कस मया करेक चाही जेकस हमरे अपनआप ले करथन।
![](https://static.globalrecordings.net/300x200/z42_Lk_18_11.jpg)
ओहर ए जाएत भी सिखाईस की तुमन के काही अऊ जाएत ले बढके परमेसवर जग मया करेक चाही। धन दौलत ले भी बढके ।
![](https://static.globalrecordings.net/300x200/z40_Mt_13_18.jpg)
ईसू हर कहिस कि परमेसवर कर राएज ए दुनिया कर आने सबेच बात ले ढ़ेरेच बढीया हवे। कोनो आदमी बर जम ले जरूरी बात एहर हवे कि ओ परमेसवर कर राएज कर भीतरी हो। परमेसवर कर राएज में जाएबर तुमन के पांप ले बाँचे बर जरूरी हवे।
![](https://static.globalrecordings.net/300x200/z40_Mt_13_01.jpg)
ईसू हर सिखाईस कि जे लोग मन ईसू कर अंगिकार करही त ओमन बाँऐच जाहीं लेकिन कोनो अऊ लोग मन नहीं। ओहर कहिस कि चटिक लोग मन बढ़ीया भुईया कस हवे। जेमन ईसू कर सुघर संदेस ला मानही ओमन बांएच जाही। कोनो अऊ लोग मन डगर कर बजर भुईया कस हवे, जिहा परमेसवर कर वचन कर बिहन हर काँही फल नई दे सके। जे लोग मन ईसू कर संदेस मे बिसवास नई करही ओमन ओकर राएज में जाए नई पाही।
![](https://static.globalrecordings.net/300x200/z42_Lk_15_06.jpg)
ईसू हर सिखाईस कि परमेसवर पांपी मन जग ढ़ेरे मया करथे। ओहर ओमन कर पाप ला क्षमा करके ओमन के अपन बेटा बनाए बर चाहत हवे।
![](https://static.globalrecordings.net/300x200/z66_Re_21_01.jpg)
ईसू हर कहिस कि परमेसवर हर पांप ले घिरना करथे। ज़ेघरी आदम हव्वा मन पांप करिन, अऊ ओमन कर पांप हर ओमन कर जम लईका मन में चएल आईस, ओकर चलते, ए दुनिया में जम लोग मन पांप करथे। अऊ पाप कर चलते परमेसवर ले अलगे होए गईन हवे। एहीकस हर आदमी मन परमेसवर कर वैरी बएन गईन।
![](https://static.globalrecordings.net/300x200/z40_Mt_16_11.jpg)
लेकिन परमेसवर हर ए दुनिया कर हर एक लोग मन ला एतेक मया करीस कि ओहर अपन एकलौता बेटा ला दे देहीस, ताकि जेमन ईसू कर ऊपरे बिसवास करही ओमन अपन पांप कर दण्ड नई पाहि। ओकर ले परमेसवर कर संगे सबेच घरी जियत रही।
![](https://static.globalrecordings.net/300x200/z41_Mk_15_11.jpg)
तुमन कर पांप कर चलते, तुमन भी दोसी हवा। अऊ मरे कर लाईक हवा, परमेसवर ला तुमन कर संगे गुस्सा करे बर रहिस, लेकिन ओहर अपन गुस्सा ला तुमन कर बदले ईसू कर ऊपरे डाएल देहीस ज़े घरी ईसू क्रुस में मरीस, ओहर तुमन कर पाप कर दण्ड ला उठाए लेहीस।
![](https://static.globalrecordings.net/300x200/z41_Mk_15_13.jpg)
ईसू हर कभो पांप नई करे रहिस लेकिन ओहर दण्डित होए बर अऊ सिद्ध बलिदान कर रूप में मरे बर तियार होए गईस, ताकि तुमन कर अऊ दुनिया कर जम लोग मन कर पांप ला उठाये के ले जाये। ईसू हर अपनआप ला बलिदान में चढाईस, एकरले परमेसवर हर तुमन कर काँहीच पाप ला क्षमा कएर देही ढ़ेरे बड़खा पांप ला भी।
![](https://static.globalrecordings.net/300x200/z41_Mk_16_02.jpg)
तुमन कर सुघर बुता हर तुमन के बचाये नई सकत हवे। परमेसवर कर संग रिसता बनाए बर तुमन काही नई कर सकत हा। बस ईसू ही तुमन कर पांप ला धोये सकथे। तुमन ला बिसवास करेक परही की ईसू हर परमेसवर कर बेटा हवे, ओहर तुमन कर जगहा में तुमन बर क्रुस में मएर गईस अऊ परमेसवर हर ओके फेर से जियाईस हवे।
![](https://static.globalrecordings.net/300x200/z40_Mt_08_05.jpg)
परमेसवर हर हरेक झन ला बचाही जेमन ईसू कर ऊपरे बिसवास करही अऊ ओके प्रभु कहीं ओही मन ला ईसू मसीह हर बंचाही, लेकिन जेमन ईसू कर ऊपरे बिसवास नई करहीं ओला परमेसवर हर नई बचाही, तुमन चाहे धनी हवा चाहे गरीब हवा, संवाघ चाहे संवाघिन, जवान चाहे बुढवा, चाहे तुमन कहों रहथा। एकर से कोई फरक नई परही। परमेसवर हर तुमन जग मया करथे अऊ चाहथे कि तुमन ईसू कर ऊपरे बिसवास करा ताकि ओकर तुमन संग एक ठांवे कर रिसता होए।
![](https://static.globalrecordings.net/300x200/z43_Jn_20_05.jpg)
ईसू तुमन ला नेवता देथे कि तुमन ओकर ऊपरे बिसवास करा अऊ बपतिसमा लेवा। का तुमन बिसवास करथा कि ईसू मसीहा हवे, परमेसवर कर एकलोता बेटा? का तुमन बिसवास करथा कि तुमन एगोट पांपी लोग हवा अऊ परमेसवर कर दण्ड कर लाईक हवा? का तुमन बिसवास करथा कि ईसू क्रुस कर ऊपरे तुमन कर पांप कर चलते मएर गईस।
![](https://static.globalrecordings.net/300x200/z43_Jn_20_06.jpg)
अगर तुमन ईसू कर ऊपरे बिसवास करथा की जेकस ओहर तुमन बर करिस, त तुमन मसीही हवा। परमेसवर हर तुमन ला सैतानकर अंधकार कर राएज ले निकालिस हवे अऊ परमेसवर कर ज्योति कर राएज में राखिस हवे। परमेसवर हर तुमन कर जुनहा पांपमय डगर ला अऊ बात ला हटाये देहीस हवे अऊ तुमन के नावा धरमी डगर अऊ बात ला देहीस हवे।
![](https://static.globalrecordings.net/300x200/z43_Jn_09_10.jpg)
अगर तुमन मसीह हवा, त ईसू कर करल बुता कर चलते परमेसवर हर तुमन कर पांप ला क्षमा कर देहीस हवे। अब परमेसवर तुमन ला बैरी कर रूप में नहीं लेकिन अपन ठांवे कर संगता कस देखत हवे।
![](https://static.globalrecordings.net/300x200/z42_Lk_07_07.jpg)
अगर तुमन परमेसवर कर संगता हवा अऊ प्रभु ईसू कर भगत हवा त तुमन ईसू कर आगियां कर अनुसार चालिहा। तेकर ले तुमन मसीह हवा, तबोले पाप कर परीक्षा तुमन कर जीवन में आये सकत हवे। लेकीन तुमन अपन पांप ला मानिहा अऊ परमेसवर कर ऊपर बिसवास करिहा त ओहर तुमन कर पांप ला क्षमा करही। पांप से लड़े बर परमेसवर हर तुमन ला बल देही।
![](https://static.globalrecordings.net/300x200/z44_Ac_09_13.jpg)
परमेसवर हर तुमन जग कहथे कि तुमन परथना [दुआ विनती ] करा, वचन ला सिखा, दूसर मसीही मन कर संगे परमेसवर कर आराधना करा अऊ दूसर लोग मन जग बतावा कि ईसू हर तुमन बरीक का करीस हवे। ए जम बात ले परमेसवर कर संग तुमन कर रिसता हर बढत जाहीं।