unfoldingWord 50 - يسوع يرجع

لفترة ٢٠٠٠ سنة تقريبا كان ناس كتار حول العالم بسمعوا الاخبار السارة عن يسوع المسيا. الكنيسة بقت تنمو. يسوع وعد انوهو حيرجع في نهاية العالم. برغم انو هو لسه ما رجع، هو حيحفظ وعده.

زي ما نحن منتظرين رجوع يسوع، الله دايرنا نحيا بطريقة مقدسة البكرمو. هو كمان دايرنا انو نوري التانين عن مملكتو. لمن يسوع كان عايش علي الارض، هو قال: "تلاميذي حيبشروا بالاخبار السارة عن ملكوت الله للناس في كل مكان في العالم، وبعد داك النهاية حتجي".

مجموعات كتيرة من الناس لسه ما سمعوا عن يسوع. قبل ما يرجع للسماء يسوع. قال: للمسيحيين عشان يعلنوا الاخبار الكويسة للناس الما سمعوا بيها ابدا. هو قال: "امشوا و اعملوا تلاميذ في كل مجموعات الناس!" و "المزرعة جاهزة للحصاد!"

يسوع كمان قال: "الخادم ما اعظم من سيدو. الناس المهمين في العالم ده كرهوني وكمان حيعذبوكم و يقتلوكم عشاني. في العالم ده حتتعبوا، لكن خليكم قويين، عشان انا غلبت الشيطان، البحكم العالم ده. لو انتو فضلتوا امينين لي للنهاية. الله حيخلصكم!"

يسوع حكي لتلاميذو قصة عشان يشرح شنو البحصل للناس لمن العالم ينتهي. قال: "راجل زرع بذور كويس في مزرعتو. لمن كان نايم، اعداءو جوا زرعوا بذور ضارة في نص القمح و بعد داك مشوا".

"لمن الزراعة قامت، خدام الراجل قالوا، يا سيد، انت زرعت بذور كويسة في المزرعة، لكن ليه بقي فيه نبات ضارة؟ الراجل جاوب، بس اعدائي دايرين زرعوه. واحد من اعدائي عمل ده.

" الخدام جاوبو سيدهم، ممكن نحنا نقلع النباتات الضارة؟ السيد قال: لا. لو عملتوا كده حتقلعوا معاه بعض من القمح كمان. انتظروا لحدي الحصاد، بعد داك اجمعوا النباتات الضارة في حزم عشان ممكن تحرقو. لكن تجيبوا القمح لمخزني"؟

التلاميذ ما فهموا معني القصة، عشان كده سالوا يسوع عشان يشرح ليهم. يسوع قال: "الراجل الزرع البذور الكويسة بمثل المسيح. المزرعة بتمثل العالم. البذور الكويسة بتمثل ناس ملكوت الله".

"النباتات الضارة بتمثل الناس البنتموا لشيطان، الشرير. عدو الراجل، الزرع النباتات الضارة، بمثل الشيطان. الحصاد بمثل نهاية العالم و الحصادين بمثلوا ملائكة الله".

"لمن العالم ينتهي، الملايكة حيجمعوا كل الناس البنتمواو للشيطان سوا، حيرموهم في نارسخن شديد. الناس ديل هناك يبكوا و يعضوا اسنانهم من شدة العذاب. لكن الناس الصالحين، التبعوا يسوع، حيلمعوا زي الشمس في ملكوت الله ابوهم".

كمان يسوع قال انو حيرجع للارض قبل نهاية العالم. حيجي راجع بنفس الطريقة المشي بيها. ده معناه حيكون عندو جسم حقيقي و حيرجع من السماء في السحاب. لمن يسوع يرجع، اي مسيحي الكان مات حيقوم من الموت و يقابلوه في السماء.

بعد داك المسيحيين اللسه احياء حيصعدوا للسماء و بتلموا مع المسيحيين التانين القاموا من الموت. حيكونوا كلهم مع يسوع هناك. بعد داك، يسوع حيكون مع شعبو. بيكون عندهم سلام كامل للابد زي ماهم عايشين مع بعض.

يسوع وعد يدي تاج لاي زول البيؤمن بيهو. حيحكموا مع الله علي كل حاجة للابد. حيكون عندهم سلام كامل.

لكن الله حيحكم كل زول ما بؤمن بيسوع. حيرموهم في جهنم. هناك بيبكوا و بعضوا اسنانهم، حيتعبوا للابد. النار الما بنطفي بستمر يحرقهم والدود ما بقيف ابدا عن اكلهم.

لمن يسوع يرجع، هو حيدمرالشيطان ومملكتو تماما. حيرمي الشيطان في جهنم وحيحرق هناك للابد، مع اي زول اختار يتبعو بدل ما يطيع الله.

عشان ادم و حواء عصوا الله و جابوا الخطية في العالم ده، الله لعنو و قرر يدمرو. لكن في يوم، الله حيخلق سماء جديدة و ارض جديدة البكون كامل.

يسوع و شعبه حيعيشوا في الارض الجديدة وحيحكم علي كل حاجة للابد. حيمسح كل دمعة من عيون الناس. مافي زول حيتعب او يكون حزين بعد كده. ما حيبكوا.ما حيكونوا عيانين او يموتوا وما حيكون في شر هناك. ، يسوع حيحكم مملكتو بعدالة وبسلام، حيكون مع شعبو للابد.