unfoldingWord 28 - الشاب الحاكم الغني
![unfoldingWord 28 - الشاب الحاكم الغني](https://static.globalrecordings.net/300x200/z40_Mt_19_05.jpg)
מתווה: Matthew 19:16-30; Mark 10:17-31; Luke 18:18-30
מספר תסריט: 1228
שפה: Arabic, Sudanese: Khartoum
קהל: General
ז׳נר: Bible Stories & Teac
מַטָרָה: Evangelism; Teaching
ציטוט כתבי הקודש: Paraphrase
סטָטוּס: Approved
סקריפטים הם קווים מנחים בסיסיים לתרגום והקלטה לשפות אחרות. יש להתאים אותם לפי הצורך כדי להפוך אותם למובנים ורלוונטיים לכל תרבות ושפה אחרת. מונחים ומושגים מסוימים שבהם נעשה שימוש עשויים להזדקק להסבר נוסף או אפילו להחלפה או להשמיט לחלוטין.
טקסט תסריט
![](https://static.globalrecordings.net/300x200/z40_Mt_19_01.jpg)
في يوم من الايام، شاب حاكم غني جاء عشان يتكلم ليسوع و سالو "يا معلم الصالح، انا لازم اعمل شنو عشان يكون عندي الحياة الابدية؟" يسوع قال ليهو: "ليه انت ناديتني صالح؟ في صالح واحد بس وهو الله. لكن لو انت داير يكون عندك حياة ابدية، طيع شريعة الله".
![](https://static.globalrecordings.net/300x200/z40_Mt_19_02.jpg)
هو سال "ياتوا واحد انا محتاج عشان اطيعو؟" يسوع جاوب "ما تقتل ، ما تزني ، ما تسرق ، ما تكذب اكرم ابوك وامك وحب قريبك زي نفسك".
![](https://static.globalrecordings.net/300x200/z40_Mt_19_03.jpg)
لكن الشاب قال: " انا اطعت كل الوصايا ديل من زمن كنت ولد . انا لسه محتاج اعمل شنو عشان احيا للابد؟" يسوع عاين ليهو و حباهو.
![](https://static.globalrecordings.net/300x200/z40_Mt_19_04.jpg)
يسوع جاوب: "لو انت داير تكون كامل، امشي وبيع اي حاجة تملك و ادي القروش للفقراء وحيكون عندك كنز فى السماء. بعد داك تعال و اتبعنى".
![](https://static.globalrecordings.net/300x200/z40_Mt_19_05.jpg)
لمن الشاب سمع حاجة القالو يسوع ، بقى حزنان شديد . لانو كان غنيان شديد وما داير يدي كل الحاجات البمتلكها .هو رجع ومشي بعيد من يسوع.
![](https://static.globalrecordings.net/300x200/z40_Mt_19_06.jpg)
بعد داك يسوع قال لتلاميذه "صعب شديد للناس الاغنياء عشان يدخلوا ملكوت الله! نعم ساهل لجمل عشان يدخل من قدة الابرة من انو راجل غنى يدخل ملكوت الله".
![](https://static.globalrecordings.net/300x200/z40_Mt_19_07.jpg)
لمن التلاميذ سمعوا القالو يسوع ، استغربوا. قالوا "لو زي ده, الله بخلص منو"؟
![](https://static.globalrecordings.net/300x200/z40_Mt_19_08.jpg)
يسوع عاين لتلاميذه وقال: "مستحيل للناس عشان يخلص انفسهم. لكن مافي حاجة مستحيل عشان الله يعمله".
![](https://static.globalrecordings.net/300x200/z40_Mt_19_09.jpg)
بطرس قال ليسوع: "نحنا التلاميذ خلينا اي حاجة و تبعناك. مكافأتنا حيكون شنو"؟
![](https://static.globalrecordings.net/300x200/z40_Mt_19_10.jpg)
يسوع جاوب "اي زول خلي بيوت، اخوان، اخوات، اب، ام ، عيال او ممتلكات عشاني؟ حيلقي زيادة ١٠٠ مرا وكمان حيلقي الحياة الابدية. لكن كتير من الاولين حيكونوا اخرين و كتير من الاخرين حيكونوا اولين".