unfoldingWord 50 - Иисусо рисёла
![unfoldingWord 50 - Иисусо рисёла](https://static.globalrecordings.net/300x200/z66_Re_21_02.jpg)
מתווה: Matthew 13:24-42; 22:13; 24:14; 28:18; John 4:35; 15:20; 16:33; 1 Thessalonians 4:13-5:11; James 1:12; Revelation 2:10; 20:10; 21-22
מספר תסריט: 1250
שפה: Romani, Baltic
קהל: General
ז׳נר: Bible Stories & Teac
מַטָרָה: Evangelism; Teaching
ציטוט כתבי הקודש: Paraphrase
סטָטוּס: Approved
סקריפטים הם קווים מנחים בסיסיים לתרגום והקלטה לשפות אחרות. יש להתאים אותם לפי הצורך כדי להפוך אותם למובנים ורלוונטיים לכל תרבות ושפה אחרת. מונחים ומושגים מסוימים שבהם נעשה שימוש עשויים להזדקק להסבר נוסף או אפילו להחלפה או להשמיט לחלוטין.
טקסט תסריט
![](https://static.globalrecordings.net/300x200/z44_Ac_19_05.jpg)
2000 бэрш мануша дэ саро свэто шунэн Дэвлэскиро Лав пал Иисусостэ. И кхангири на пирьячёл тэ барьё, Иисусо пхэндя, со Ёв рисёла ангил дова, сыр адава свэто пирьячёла тэ авэ. Ёв на рисия, нэ Ёв зрикирэла Пэскиро Лав Ёв рисёла.
![](https://static.globalrecordings.net/300x200/z40_Mt_05_09a.jpg)
Мэ дужакирас Иисусос, и Дэвэл камэл, соб амаро джюипэн тэ авэл свэнто и тэ полас Лэс, и тэ роспхэнас пал Лэско Царство. Сыр Иисусо джиндя пэ пхув, Ёв пхэндя: «Мирэ ученики роспхэнэна Лачё Лав пал Дэвлытко Царство манушэнгэ пир саро свэто, и тэнче явэла концо»
![](https://static.globalrecordings.net/300x200/z42_Lk_08_04.jpg)
Бут мануша и дадэвэс на шундэ пал Иисусостэ и пал дава, сыр Ёв рисия дэ болыбэн, Иисусо припхэндя ученикэнгэ тэ роспхэнэн Лачё Лав манушэнгэ, савэ на шундэ. Ёв пхэндя: «Джянте кэ сарэ мануша и кэрэнте мирэ ученикэнса!» Дякэ Ёв пхэндя: «Маля трэби тэ укэдэ. Буты бут, а бутярнэн набут. Пал дава мангэн Дэвлэс, соб тэ бичявэл бутярнэн пэ дая буты». Трэби тэ авэл бутыр ученикэн, тэ роспхэнэн Лачё Лав.
![](https://static.globalrecordings.net/300x200/z44_Ac_14_07.jpg)
Иисусо пхэндя: «Бутярно нанэ барэдыр, пэскирэ хуластыр. Адава свэто на камэл Ман. Мануша лэна тумэн тэ на камэн, тэ марэн пал Мандэ. Тумэнгэ авэла пхаро, нэ ачэнпэ зоралэнса, Мэ выкхэлдём кэ налачё, саво сыс хуласа дэ дава свэто! Сыр тумэ аченапэ чачунэ Мангэ, то Дэвэл заракхэла тумэн!»
![](https://static.globalrecordings.net/300x200/z40_Mt_13_15.jpg)
Иисусо роспхэндя история Пэскирэнгэ ученикэнгэ, соб тэ полэн, со авэла манушэнса, сыр пирьячела тэ авэл адава свэто. Ёв пхэндя: «Екх мануш чидя дэ пхув тэ барьёл лачё семя марытко. Сыр ёв сутя, явья на лачё, и ёв чидя дэ пхув тэ барьёл чар машкир маро и угия».
![](https://static.globalrecordings.net/300x200/z40_Mt_13_16.jpg)
Сыр гадыяпэ саро, бутярнэ манушэскирэ пучнэ кэ ёв: «Хулай, ту чидян дэ пхув лачё семя. Кацыр лыяпэ дая чар? «Хулай пхэндя: «ада кэрдя екх мирэ врагэндыр»
![](https://static.globalrecordings.net/300x200/z40_Mt_13_17.jpg)
Бутярнэ пучнэ кэ хулай: «Тэ вычинас адая чар? Хулай пхэндя: «Нашты. Сыр тумэ лэна тэ вычинэн дая чар, то тэ на вычинэн маро. Подужакирэн кэ дэвэс сыр ласа тэ укэдас маро, и тэнче тумэ скэдэна чар и схачкирэна ла. А маро скэдэна и чивэна кай трэби»
![](https://static.globalrecordings.net/300x200/z40_Mt_13_20.jpg)
Ученики на полынэ кэ со дая история и помангнэ Иисусос тэ роспхэнэл ла лэнгэ. Иисусо пхэндя: «Мануш, саво чидя дэ пхув лачё семя, — ада Мессия. Пхув — ада свэто. лачё семя — ада мануша Дэвлэскирэ Царствостыр.
![](https://static.globalrecordings.net/300x200/z40_Mt_13_21.jpg)
Шуки чар ада мануша, конэскиро хулай налачё. Враго манушэнго, — ада налачё. Тэ скэдэ маро ракирэл со пирьячела адава свэто тэ авэл, а бутярнэ — Дэвлэскирэ ангелы.
![](https://static.globalrecordings.net/300x200/z40_Mt_13_22.jpg)
Сыр дава свэто пирьячела тэ авэл, ангелы скэдэна кэтанэ сарэн манушэн, савэндэ хулай налачё, и чурдэна дэ хачкирды яг. Одой авэна дрыван тэ годлэн дукхатыр. А патянкунэ мануша, авэна сыр кхам, дэ Царство Дэвлэско, кэ пэскиро Дат».
![](https://static.globalrecordings.net/300x200/z44_Ac_01_03.jpg)
Иисусо пхэндя, со Ёв рисёла пэ пхув кэ дова сыр пирьячёла тэ авэл дава свэто. Ёв явэла дякэ ж сыр и угия: Ёв явэла сыр мануш, и Ёв явэла болыбнастыр пэ облако. Сыр явэла Иисусо сарэ патянкунэ дэ Лэстэ, савэ мэнэ гара, вштэна мулэндыр и дыкхэнапэ Лэса дэ болыбэн.
![](https://static.globalrecordings.net/300x200/z40_Mt_08_05.jpg)
А патянкунэ дэ Иисусостэ, савэ авэна ещё тэ дживэ пэ свэто, гадэнапэ дэ болыбэн и авэна кэтанэ авирэнса патянкунэнса, савэ вштынэ мулэндыр. И сарэ кэтанэ авэна Иисусоса саво ачелапэ тэ дживэ Пэскирэ манушэнса. Манушэндэ авэла вечно бах, палдава со лэнса авэла Иисусо.
![](https://static.globalrecordings.net/300x200/z55_2Ti_04_02.jpg)
Иисусо пхэндя дэла вэнцо долэскэ кон патял дэ Лэстэ. Дасавэ мануша авэна хулаенса Дэвлэса пэ саро свэто. Ёнэ лэна тэ дживэн бахталэс.
![](https://static.globalrecordings.net/300x200/z66_Re_21_01.jpg)
Нэ дэвэл лэла тэ сэндякирэл сарэн, кон на патяла дэ Иисусостэ. Ёв чурдэла лэн дэ яг. Одой ёнэ авэна тэ ровэн и тэ годлэн дукхатыр. Дукх авэла вэчно. Яг, сави на пирьячёла, лэла лэн тэ хачкирэл, и кирмэ на пирьячёна лэн тэ хан.
![](https://static.globalrecordings.net/300x200/z66_Re_19_02.jpg)
Сыр Иисусо рисёла, Ёв умарэлы налачес и лэско царство. Иисусо чурдэла лэс дэ адо. Налачё лэла тэ хачёл вечно одоленса кон кандэл лэс, а нанэ Дэвлэс.
![](https://static.globalrecordings.net/300x200/z66_Re_21_03.jpg)
Адамо и Ева на кандынэ Дэвлэс и яндэ бэзэх дэ свэто, Дэвэл проклининдя Пхув, и лакэ явэло концо. Явэло дэвэс, сыр Дэвэл кэрэла нэво болыбэн и нэви Пхув, пэ саво на авэла бэзэх.
![](https://static.globalrecordings.net/300x200/z66_Re_21_02.jpg)
Иисусо и Лэскирэ мануша лэна тэ дживэн пэ нэви Пхув, и Ёв авэла вэчно хуласа сарэса. Иисусо выкхосэла ясва манушэндыр. Никон бутыр на авэла тэ ровэ, тэ лыджя пхарипэн. На авэна тэ насвалён и тэ мэрэн. Холы кана на авэла. Иисусо авэла хулай Пэскирэ Царствоса чачуно и мирно. И Ёв ачелапэ Пэскирэнса манушэнса.