unfoldingWord 18 - Дэвэл розчиндя царсво пэ дуй котыра
![unfoldingWord 18 - Дэвэл розчиндя царсво пэ дуй котыра](https://static.globalrecordings.net/300x200/z10_2Sa_10_06.jpg)
מתווה: 1 Kings 1-6; 11-12
מספר תסריט: 1218
שפה: Romani, Baltic
קהל: General
ז׳נר: Bible Stories & Teac
מַטָרָה: Evangelism; Teaching
ציטוט כתבי הקודש: Paraphrase
סטָטוּס: Approved
סקריפטים הם קווים מנחים בסיסיים לתרגום והקלטה לשפות אחרות. יש להתאים אותם לפי הצורך כדי להפוך אותם למובנים ורלוונטיים לכל תרבות ושפה אחרת. מונחים ומושגים מסוימים שבהם נעשה שימוש עשויים להזדקק להסבר נוסף או אפילו להחלפה או להשמיט לחלוטין.
טקסט תסריט
![](https://static.globalrecordings.net/300x200/z11_1Ki_03_07.jpg)
Давидо сыс царёса 40 бэрш. Сыр ёв мэя дэ Израилё атча хулай лэскиро чаво Соломоно. Дэвэл пуча кэ Соломоно, со ту камэс бутыр сарэстыр. Соломоно мангья кэ Дэвэл тэ дэл лэскэ годы, соб ёв тэ годявир хулай манушэнгэ. Дава покамняпэ Дэвлэскэ, Ёв кэрдя со Соломоно исыс само годявир мануш дэ свэто.Дэвэл кэрдя Соломонос годявирэса хуласа, и Дэвэл кэрдя лэс дрыван барвалэса.
![](https://static.globalrecordings.net/300x200/z11_1Ki_09_01.jpg)
Дэ Иерусалимо Соломоно кэрдя Кхэр Дэвлэско, саво камня тэ кэрэл лэско дад Давидо. Сыр Давидо сыс джидо то скэдыя саро со сыс трэби соб тэ кэрэ Дэвлэско Кхэр. Кана мануша поклонинэнпэ Дэвлэскэ и янэн Лэскэ жертвы дэ Кхэр, а нанэ дэ Шатра Собрания. Дэвэл исыс дэ Кхэр и исыс пэскирэ манушэнса.
![](https://static.globalrecordings.net/300x200/z11_1Ki_11_02.jpg)
Соломоно и сыс годявир, нэ ёв на кандыя Дэвлэс, и лыя тэ лэл пал пэстэ ромнэн авирэ родостыр, савэнса Дэвэл пхэндя тэ накэрэ бьява. Бут джювля яндэ пэса пэскирэн дэвлэн и поклонинэнаспэ лэнгэ. А сыр Соломоно пхурия, ёв атча тэ поклонинэпэ лэнгирэ дэвлэнгэ.
![](https://static.globalrecordings.net/300x200/z11_1Ki_11_03.jpg)
Пал дава Дэвэл холясыя пэ Соломоностэ и пхэндя, со Ёв разделит израильсконэн манушэн пэ дуй царства. И кэрэла ада сыр мэрэла Соломоно.
![](https://static.globalrecordings.net/300x200/z11_1Ki_12_03.jpg)
Сыр Соломоно мэя, то царёса тэрдыя лэскиро чаво Ровоамо. Сарэ Израильска мануша скэдынэпэ кэтанэ, соб тэ прижинэ лэс царёса. Мануша пхэндэ Ровоамоскэ, со ёнэ кэрэнас пхари буты кэ Соломоно и покинэнас лэскэ бут ловэ. Ёнэ помангнэ Ровоамос тэ на дэл лэнгэ пхари буты.
![](https://static.globalrecordings.net/300x200/z11_1Ki_12_04.jpg)
Нэ Ровоамо пхэндя лэнгэ: «Тумэ ракирэн, со кэ миро дад Соломоно тумэ кэрэнас пхари буты. А мандэ тумэ лэна тэ кэрэн бутыр и пхарэдыр буты, сыр кэ миро дад!»
![](https://static.globalrecordings.net/300x200/z11_1Ki_12_05.jpg)
Сыр шундэ мануша адала лава, бут манушэн лэндыр гинэ пэ Ровоамостэ. Дэш роды Израилёскирэ на закамнэ тэ прылэ лэскиро лав и тэ прылэ лэс пэскирэ царёса. Ровоамоса ачнэпэ дуй роды, савэ лынэ тэ кхарэпэ царство Иудоско или Иудейско.
![](https://static.globalrecordings.net/300x200/z11_1Ki_12_06.jpg)
Авир дэш роды выкэдынэ пэскэ царёс манушэс савэн кхарэн Иеровоам, адалэ дэш роды дживэнас пэ северно боко свэто. Ёнэ лынэ тэ кхарэпэ Царство Израилёско.
![](https://static.globalrecordings.net/300x200/z11_1Ki_12_07.jpg)
Царё Израилёско, Иеровоамо, исыс нанэ лачё царё. Ёв на кандэлас Дэвлэс и сыклякирэлас манушэн тэ дживэн дэ бэзэх. Иеровоамо чидя ваш пэскирэнгэ манушэнгэ дуен идалэн, и мануша бутыр на пхирэнас дэ Иерусалимо, саво исыс пэ пхув Иудеяко, и на поклонинэнаспэ Дэвлэскэ дэ Лэско Кхэр.
![](https://static.globalrecordings.net/300x200/z10_2Sa_10_06.jpg)
Иудея и Израилё кошэнаспэ бут молы и марэнаспэ машкир пэстэ.
![](https://static.globalrecordings.net/300x200/z13_1Ch_24_03.jpg)
Дэ нэво царство Израилёско сарэ цари исыс нанэ лачэ хулая. Бут лэндыр исыс умардэ авирэнса израильтянэнса, савэ камнэ тэ тэрдё пэ лэнго штэто царенса.
![](https://static.globalrecordings.net/300x200/z12_2Ki_17_05.jpg)
Сарэ цари и бут манушэн савэ дживэнас дэ царство Израиля поклонинэнаспэ идалэнгэ. Лэнгиро поклонения исыс дэ бэзэх а исыс дасаво со янэнас чаворэн дэ жертва идалэнгэ.
![](https://static.globalrecordings.net/300x200/z11_1Ki_14_04.jpg)
Цари Иудейска исыс родо Давидоскиро. Нанэ бут адалэ царендыр исыс лаче мануша, сыс чачунэ хулая и поклонинэнаспэ Дэвлэскэ. Нэ бутыр царен Иудеи исыс нанэ лачэ хулая и поклонинэнаспэ идалэнгэ. Варисавэ адалэ цари янэнас пэскирэн чаворэн дэ жертва хоханэ дэвлэнгэ. Бут манушэн савэ дживэн дэ Иудэя поклонинэнаспэ авирэ дэвлэнгэ, адалэса ёнэ джянас пэ Дэвлэстэ.