unfoldingWord 03 - Дэвэл бичядя баро брышинд и пхув зачиндя панеса
![unfoldingWord 03 - Дэвэл бичядя баро брышинд и пхув зачиндя панеса](https://static.globalrecordings.net/300x200/z01_Ge_07_08.jpg)
מתווה: Genesis 6-8
מספר תסריט: 1203
שפה: Romani, Baltic
נושא: Eternal life (Salvation); Living as a Christian (Obedience); Sin and Satan (Judgement)
קהל: General
ז׳נר: Bible Stories & Teac
מַטָרָה: Evangelism; Teaching
ציטוט כתבי הקודש: Paraphrase
סטָטוּס: Approved
סקריפטים הם קווים מנחים בסיסיים לתרגום והקלטה לשפות אחרות. יש להתאים אותם לפי הצורך כדי להפוך אותם למובנים ורלוונטיים לכל תרבות ושפה אחרת. מונחים ומושגים מסוימים שבהם נעשה שימוש עשויים להזדקק להסבר נוסף או אפילו להחלפה או להשמיט לחלוטין.
טקסט תסריט
![](https://static.globalrecordings.net/300x200/z01_Ge_06_04.jpg)
Прогия бут бэрш. Дэ свэто исыс бут манушэн. Ёнэ исыс дрыван захалэ, и лэндэ сыс барунэ илэ. Мануша дрыван кэрдэпэ хасютнэ, со Дэвэл пхэндя хаскирэла саро свэто, зачивава лэс панэса.
![](https://static.globalrecordings.net/300x200/z01_Ge_06_07.jpg)
Машкир сарэндыр манушэндыр Дэвэл исыс лошало екхэса Ноёса, пал дава со ёв пхирэлас ангил Дэвлэстыр, пашэ манушэндэ савэ дживэнас дэ бэзэх. Дэвэл розпхэндя лэскэ одова, со Ёв камэл тэкэрэл Пхув тэ зачивэл барэ панеса, и пал дава Ноё трэби тэ кэрэл баро ковчего.
![](https://static.globalrecordings.net/300x200/z01_Ge_06_08.jpg)
Адава дрыван баро каштуно ковчего трэби тэ авэл длунгипэн 140 метров, буглыпэн 23 метра и вучипэн 13,5 метров, до трин ярусы, бут отсеки, крышаса и вокнэса. Ноё, лэски семья и сарэ жывотна трэби трэби тэ зракхэнпэ панестыр машкирал дэ адава ковчего.
![](https://static.globalrecordings.net/300x200/z01_Ge_06_09.jpg)
Ноё кандыя Дэвлэс. Ёв пэскирэнса тринэнса чавэнса кэрдя ковчего дасаво сыр пхэндя лэскэ Дэвэл. Кэрэнас ковчего бут бэрш, пал дова со ёв исыс дрыван баро.
![](https://static.globalrecordings.net/300x200/z01_Ge_06_11.jpg)
Дэвэл пхэндя Ноёскэ тэ лэл бут хабэн ваш пэскэ, пэскирэ семьякэ и животнонэнгэ. Сыр саро сыс кэрдо, Дэвэл пхэндя Ноёскэ, со явья дова дэвэс лэскэ, ромнякэ и тринэнгэ чавэнгэ пэскирэ ромненса тэ заджян дэ ковчего, Лэн сарэн исыс охто манушэн.
![](https://static.globalrecordings.net/300x200/z01_Ge_06_10.jpg)
Дэвэл пхэндя Ноёскэ тэ лэл пэса дэ ковчего кожнонэстыр животнонэнстыр муршэс и джювля и дякэ ж кожнонэ чириклятыр, соб ёнэ тэ зракхэнпэ барэ панестыр, и тэ лэл эфто муршэн и джювлен, савэн можно тэанэ дэ жертва. Сыр ёнэ сарэ загинэ дэ ковчего, Дэвэл закэрдя пал лэндэ вудара.
![](https://static.globalrecordings.net/300x200/z01_Ge_06_12.jpg)
Тэнче гия брышинд, саво на пирьячела тэ джял саранда дэвэса и ратя! Брышинд джялас и джялас! и паны джялас пхувьятыр. Саро дэ свэто учякирдяпэ панеса, дякэ ж сарэ барэ бэрги.
![](https://static.globalrecordings.net/300x200/z01_Ge_07_08.jpg)
Сарэ мануша и жывотна, савэ дживэнас пэ пхув, похасинэ. Но сарэ, кон сыс до ковчего ачнэпэ джидэ и на хасинэ.
![](https://static.globalrecordings.net/300x200/z01_Ge_08_04.jpg)
Тэнче брышинд пирьячя, ковчего исыс пэ паны панчь чёна. Тэнче паны по набутка уджялас. Екхвар ковчего тэрдыя пэ бари бэрга, свэто исыс учакирдо панеса. Прогия трин чёна и исыс душло набутка бэрга.
![](https://static.globalrecordings.net/300x200/z01_Ge_08_05.jpg)
Прогинэ саранда дэвэса, и Ноё вымэкья воронос, соб тэполэ, на вышутия ли паны пэ пхув. Вороно родэлас шуки пхув и на попэя.
![](https://static.globalrecordings.net/300x200/z01_Ge_08_10.jpg)
Тэнче Ноё вымэкья голумбос, и ёв на попэя пхув шуки и рисия палэ кэ Ноё. Прогия курко и Ноё вымэкья голумбос, и ёв рисия кашторэса дэ муй! Паны уджялас, и пэ пхув гия тэ барьёл чар сыр и исыс.
![](https://static.globalrecordings.net/300x200/z01_Ge_08_11.jpg)
Ноё подужакирдя курко и вымэкья голумбос дэ трито моло. Пэ адава моло голумбо попэя пэскэ штэто, кай тэ бэшэ, и на рисия палэ. Пхув вышутия!
![](https://static.globalrecordings.net/300x200/z01_Ge_08_12.jpg)
Прогия дуй чёна, Дэвэл пхэндя Ноёскэ: «Кана ту пэскирэ сэмьяса и сарэса скотоса выджя ковчегостыр. Мэк тумэндэ авэла бут чаворэн и внукэн! Тэ авэл бут манушэн пэ пхув!» Тэнче Ноё семьяса выгия ковчегостыр.
![](https://static.globalrecordings.net/300x200/z01_Ge_08_13.jpg)
Тэнче Ноё кэрдя жертвеннико и яндя дэ жертва разно скотина. сави можно тэянэ дэ жертва. Дэвэл исыс лошало ада жертватыр и бичядя Ноёскэ и лэскирэ сэмьякэ бах.
![](https://static.globalrecordings.net/300x200/z01_Ge_08_14.jpg)
И Дэвэл пхэндя: «Мэ дав лав, со на лава тэ зачивав пхув панеса, пал дова со мануша кэрэнас дылныпэн, на подыкхава пэ дова, со мануша лэна тэ кэрэн бэзэх тэрнэ бэршэндыр».
![](https://static.globalrecordings.net/300x200/z01_Ge_09_04.jpg)
Соб тэ сыкавэл со Дэвэл ракирэлас, Ёв кэрдя радуга. И пхэндя, сыр дро болыбэн авэла тэ сыкавэлпэ радуга, Ёв авэла тэ зрипирэл, со бутыр на лэла тэ зачивэ Пхув панеса.