unfoldingWord 11 - Faasika Baaliya
![unfoldingWord 11 - Faasika Baaliya](https://static.globalrecordings.net/300x200/z02_Ex_12_02.jpg)
מתווה: Exodus 11:1-12:32
מספר תסריט: 1211
שפה: Gofa
קהל: General
ז׳נר: Bible Stories & Teac
מַטָרָה: Evangelism; Teaching
ציטוט כתבי הקודש: Paraphrase
סטָטוּס: Approved
סקריפטים הם קווים מנחים בסיסיים לתרגום והקלטה לשפות אחרות. יש להתאים אותם לפי הצורך כדי להפוך אותם למובנים ורלוונטיים לכל תרבות ושפה אחרת. מונחים ומושגים מסוימים שבהם נעשה שימוש עשויים להזדקק להסבר נוסף או אפילו להחלפה או להשמיט לחלוטין.
טקסט תסריט
![](https://static.globalrecordings.net/300x200/z02_Ex_10_12.jpg)
Paaroni, Isra7eele asaa yeddonna ixxiko, Xoossay, Gibxe de7iya bayra ubbaa, asaanne mehiya wodhana gidi odis. Paaroni, hessa si7idikka Xoossaa ammanonanne kiitettona ixxis.
![](https://static.globalrecordings.net/300x200/z02_Ex_12_01.jpg)
Xoossay bana ammaniya asi oonikka ba bayra adde na7aa ashshiya oge giigisis. Issi issi keethay borey baynna dorssa maraze shukkana mela Xoossay kiittis.
![](https://static.globalrecordings.net/300x200/z02_Ex_12_02.jpg)
Isra7eele asay, maraziya suutha bantta keethaa penggiya bolla tiyana melanne ashuwa caacidi, uythara maana mela Xoossay kiittis. He ashuwa miya wode Gibxefe keyanaw giigettana mela odis.
![](https://static.globalrecordings.net/300x200/z02_Ex_12_03.jpg)
Isra7eele asay, Xoossay entta kiittida ubbaa oothidosona. Gidi bilahe gidiya wode Xoossay, Gibxe biitta giddora kanthi aadhidi, bayra gidida adde ubbaa wodhis.
![](https://static.globalrecordings.net/300x200/z02_Ex_12_04.jpg)
Isra7eele asay, bantta keethaa penggiya bolla suuthu tiydosona. Yaatin, Xoossay he keethata ubbaa aggidi aadhis. Keethaa giddon de7iya asa ubbay maraziya suuthaa gaason hayqoppe attidosona.
![](https://static.globalrecordings.net/300x200/z02_Ex_12_05.jpg)
He ubban Gibxe asay Xoossaa ammanibookona, iya kiitaa si7ibookona. Hessa gisho, Xoossay entta keethaa aggidi aadhibeenna. Xossay Gibxe bayra nayta ubbaa wodhis.
![](https://static.globalrecordings.net/300x200/z02_Ex_12_06.jpg)
Xoossay Gibxen bayra yelettida ubbaa, kawuwa bayra na7aappe doomidi, qasho keethan de7iya asaa bayra nayta gakkanaw bayra yelettida adde ubbay hayqqis. Gibxxe biittan asi hayqqiboonna issi keethika baynna gisho, asay yibbaata yeeho yeekkidosona.
![](https://static.globalrecordings.net/300x200/z02_Ex_12_07.jpg)
He wode qamma kawoy Paaroni, Musenne Aarona xeegidi, “Isra7eele asaa ekkidi elle ta biittaafe keyidi biite” yaagis. Gibxeti, Isra7eele asay bantta biittafe ellesidi keyana mela dirggisdosona.Geeshsha Maxaafa taarikey eketiday, Kessaa 11:1 – 12:32