unfoldingWord 21 - परमेसवर हर मसीहा ला जबान करथे
સ્ક્રિપ્ટ નંબર: 1221
ભાષા: Surgujia
પ્રેક્ષકો: General
શૈલી: Bible Stories & Teac
હેતુ: Evangelism; Teaching
બાઇબલ અવતરણ: Paraphrase
સ્થિતિ: Approved
સ્ક્રિપ્ટો અન્ય ભાષાઓમાં અનુવાદ અને રેકોર્ડિંગ માટે મૂળભૂત માર્ગદર્શિકા છે. દરેક અલગ-અલગ સંસ્કૃતિ અને ભાષા માટે તેમને સમજી શકાય તેવું અને સુસંગત બનાવવા માટે તેઓને જરૂરી અનુકૂલિત કરવા જોઈએ. ઉપયોગમાં લેવાતા કેટલાક શબ્દો અને વિભાવનાઓને વધુ સમજૂતીની જરૂર પડી શકે છે અથવા તો બદલી અથવા સંપૂર્ણપણે છોડી દેવામાં આવી શકે છે.
સ્ક્રિપ્ટ ટેક્સ્ટ
शुरु ले परमेसवर हर मसीहा ला भेजे कर बिचार करे रहीस। सबले आगू परमेसवर हर मसीहा कर जबान हर आदम अऊ हवा जगहा आईस। परमेसवर हर जबान करिस कि हवा ला एकठे लईका होहीं। जेहर सांप कर मुड़ी ला कुंचही ओ सांप हर जेहर हवा ला धोका देहे रहिस ओहर सैतानरहिस। ओ बचन कर मतलब कि मसीहा सैतान ला पूरा तरह ले हरुवाए देहि।
परमेसवर हर अब्रहाम ला जबान देहे रहिस कि ओकर चलते भुईया कर जम जाति मन आसीष पाहि। ओ अशिस, मसीहा हर आ जाही, तेकर पूरा हो जाही। ओकर चलते भुईया कर जम जाति कर आदमी मन उधार पाहि।.
परमेसवर हर मूसा ला जबान देहे रहिस कि आएवाला दिन में तोर सहीक एकठे अऊ अगमजानी ला परमेसवर खड़ा करही। ए जबान ओ मसीहा कर बारे में रहिस जेहर आए वाला रहिस।
परमेसवर हर दाउद जग जबान करे रहिस कि ओकर पुरखा मेले एक झन परमेसवर कर लोग मन कर ऊपरे सब घरी राएज करही। एकर मतलब हवे कि मसीहा हर दाऊद कर लईका होहीं।
यिर्मयाह अगमजानी कर चलते, परमेसवर हर जबान करे रहिस कि परमेसवर एगोठ नावा कानून ला बनाही। ओ कानून कर सहीक नही जेला परमेसवर हर इसराईल मन कर संगे सीनै पहार में बनाए रहिस। ऐ नावा कानून ला परमेसवर हर लोग मन कर ह्रदय में लिख ही। लोग मन परमेसवर ला एक एक झे जानही। ओमन परमेसवर कर लोग कहाही अऊ परमेसवर हर ओमन कर पांप ला क्षमा क२ही। ऐ कानून कर शुरू मसीहा हर करही।
परमेसवर हर अगमजानी मन जग कहे रहीस कि मसीहा हर एगोठ याजक अगमजानी अऊ राजा होहीं। एकठे अगमजानी ओहर हवे जेहर परमेसवर कर गोईठ ला सुन कर ओकर बड़ाई लोग मन कर आगु में करथे। जे मसीहा ला परमेसवर हर भेजे वाला रहिस, ओहर जमले सुघर अगमजानी होही।
इसराईल कर याजक मन लोग मन कर पांप कर दण्ड कर बदले परमेसवर कर आगु में बलिदान चढावत रहीन। याजक मन लोग मन बर प्राथना करत रहीन। मसीहा हर सुघर महायाजक रहिस जेहर अपन आप ला परमेसवर कर आगू सुघर बलिदान कर रूप में चढाए दार रहिस।
एकठे राजा ओहर हवे जेहर एकठे राएज में राएज करत रहिस अऊ लोग मन कर नियाव करत रहिस। मसीहा हर सुघर राजा होही जेहर अपन पुरखा दाऊद कर सिहासन में बेठही। ओहर पूरा दुनिया में हमेशा बर राएज करही अऊ सीधा अऊ सही फेसला करही।
परमेसवर कर अगमजानी मन मसीहा कर बारे में अऊ कई मधे गोईठ ला बताए रहीन। मलाकी अगमजानी हर अगमवाणी करे रहिस कि मसीहा ले आगू एकठे बड़खा अगमजानी आहि। यशायाह अगमजानी हर अगमवाणी करे रहिस कि मसीहा कर जनम एकठे कुवारी जग होही। मीका अगमजानी हर अगमवाणी करिस कि मसीहा कर जनम बेतलेहेम गाँव में हो ही।
यशायाह अगमजानी हर कहिस कि मसीहा गलील में रही अऊ टूटे दिल वाला मन ला ओहर सान्ती देहि अऊ गुलाम मन ला आजाद अऊ कैदि मन ला छुटकारा कर सुस समाचार सुनाही। ओमन ए भी अगमवाणी करिन कि मसीहा दुखालीहा मन ला चंगा करही अऊ अंधा, भईरा, कोन्दा अऊ लंगडा मन ला चंगा करही।
यशायाह अगमजानी हर अगमवाणी कर रहिस कि लोग मन मसीह ला विगर कसूर कर सताही अऊ छोएड देहीन। आने अगमजानी मन कहिन कि जेमन मसीहा ला मार ही ओमन ओकर कपड़ा वर चिट्टी डाएल ही, अऊ मसीहा अपन संगता कर चलते धरुवाए जाही। जकर्याह नबी हर कहिस कि मसीहा ला धरुवाए वाला ओ संगता हर मज़दूरी में तीसठे चाँदी कर सिक्का पाही।
नबी मन ए भी कहिन कि मसीहा कर मैत कईसे होही। यशायाह हर अगमवाणी करे रहिस कि लोग मन मसीहा ला माएर ही, थूकहीं अऊ मजाक उड़ाही। मसीह हर कोनो पांप नई करे रही तबोले ओमन ओके बेधही अऊ ढ़ेरे पिरा अऊ दुःखान में मरही।
अगमजानी मन ए कहे रहीन कि मसीहा कस दुसर कोई नई होही। जेमे काही पांप नई होहीं। दुसर कर पांप कर दण्ड कर चलते ओहर मारल जाही। मसीहा कर दण्ड कर चलते परमेसवर अऊ आदमी मन कर मंझारे सान्ती हो ही। एकस चलते परमेसवर कर मन में रहिस कि मसीहा ला दरमेस देही।
नबि मन ए भी अगमवाणी करिन कि मसीहा हर मर जाही अऊ परमेसवर हर ओके मरल में ले जी उठाही। मसीहा कर मैत अऊ जी उठे कर चलते पांपी मन ला बचाए कर परमेसवर कर बिचार हर पूरा होही। अऊ नावा कानून कर सूरू हो ही।
परमेसवर हर अगमजानी मन कर चलते मसीहा बरीक़ ढ़ेरे बात ला बताईन। लेकिन मसीहा हर ए नबि मन कर दिन में नई आईस। आखरी अगमवाणी कर ४00 ले भी ढ़ेरे बछर कर पाछु जे घरी समय हर पूरा हो गईस त परमेसवर हर मसीहा ला ए भुईया में भेजीस।