unfoldingWord 23 - ولادة المسيح
રૂપરેખા: Matthew 1-2; Luke 2
સ્ક્રિપ્ટ નંબર: 1223
ભાષા: Arabic, Sudanese: Khartoum
પ્રેક્ષકો: General
શૈલી: Bible Stories & Teac
હેતુ: Evangelism; Teaching
બાઇબલ અવતરણ: Paraphrase
સ્થિતિ: Approved
સ્ક્રિપ્ટો અન્ય ભાષાઓમાં અનુવાદ અને રેકોર્ડિંગ માટે મૂળભૂત માર્ગદર્શિકા છે. દરેક અલગ-અલગ સંસ્કૃતિ અને ભાષા માટે તેમને સમજી શકાય તેવું અને સુસંગત બનાવવા માટે તેઓને જરૂરી અનુકૂલિત કરવા જોઈએ. ઉપયોગમાં લેવાતા કેટલાક શબ્દો અને વિભાવનાઓને વધુ સમજૂતીની જરૂર પડી શકે છે અથવા તો બદલી અથવા સંપૂર્ણપણે છોડી દેવામાં આવી શકે છે.
સ્ક્રિપ્ટ ટેક્સ્ટ
مريم كانت مخطوبة لراجل بار اسمه يوسف . لمن هو سمع بانو مريم كانت حامل ، هوكان عارف ده ما جناه . رغم ده، هو ما كان دايرعشان يفضح مريم، عشان كده هو قرر بانو يرحمها و يطلقها بالسر، لكن قبل ما يعمل كده الملاك جاءه فى الحلم و اتكلم معاه .
الملاك قال: "يوسف ، ما تخاف عشان تشيل مريم كمرتك. الجنى الجواها هو من الروح القدس . هي حتلدى ولد . سميه يسوع "معناه ، يهوه يخلص" ، لانو هو حيخلص الشعب من خطاياهم".
عشان كده يوسف اتزوج مريم و شالها البيت كمرتو ، لكن هو ما نام معاها لحدى ما هى ولدت.
لمن الزمن بقي قريب عشان مريم تلدى، هى و يوسف عملوا رحلة طويلة لمدينة بيت لحم. كان عليهم يمشوا هناك لانو مسؤولين الرومان دايرين يحسبوا كل الشعب فى ارض اسرائيل. دايرين اى زول يمشى محل اجداده كانوا ساكنين. الملك داؤد كان اتولد فى بيت لحم وهو كان جد مريم و يوسف.
يوسف و مريم مشوا بيت لحم، لكن هناك ما كان فى محل ليهم عشان يقعدوا ، الا فى الزريبة الكان بحفظوا فيه بعض البهايم. ده المكان المريم ولدت فيه ولدها. ختتو فى حوض الاكل، لانو هناك ما كان فى سرير ليهو. سموه يسوع
فى الليل داك، كان فى بعض الرعاة فى مزرعة قريبة حارسين بهايمهم. فجاة، ملاك لامع ظهر ليهم و خافوا شديد. الملاك قال: "ما تخافوا، لانو انا عندى ليكم بعض الاخبار السارة، المسيا السيد اتولد فى بيت لحم!"
امشوا فتشوا الجني و بتلقوا ملفوف بقطعة قماش راقد فى حوض الاكل". فجاة، السماء اتملت بالملائكة. كانوا بمجدوا الله. قالوا: "خلى كل الكرامة يرجع لله فى السماء. خلى يكون فى سلام علي الارض الناس البيفضلهم!
بعد داك الملائكة مشوا. الرعاة كمان خلوا خرفانهم عشان يفتشوا الجنى . وهم وصلوا بسرعة في المحل الكان فيهو يسوع راقد فى حوض الاكل، بس زى ما الملاك كان قال ليهم. كانوا فرحانين شديد. بعد داك الرعاة رجعوا للمزرعة محل خرفانهم. كانوا بمجدوا الله عشان كل الحاجات الهم سمعوها و شافوها .
كان هناك بعض الرجال من بلد بعيد فى اتجاه الشرق. هم بدرسوا النجوم و كانوا حكماء شديد. هم شافوا نجمة غير عادية فى السماء. قالوا انو ده بيعنى فى ملك جديد من اليهود اتولد. عشان كده قرروا يسافروا من بلدهم عشان يشوفوا الجنى. بعد مشوار طويل، جوا بيت لحم و لقوا البيت الموجود فيه يسوع واسرته .
لمن الرجال ديل شافوا يسوع مع امو سجدوا و عبده. ادو يسوع هدايا غالية. بعد داك رجعوا البيت .