unfoldingWord 12 - الخروج
રૂપરેખા: Exodus 12:33-15:21
સ્ક્રિપ્ટ નંબર: 1212
ભાષા: Arabic, Sudanese: Khartoum
પ્રેક્ષકો: General
હેતુ: Evangelism; Teaching
Features: Bible Stories; Paraphrase Scripture
સ્થિતિ: Approved
સ્ક્રિપ્ટો અન્ય ભાષાઓમાં અનુવાદ અને રેકોર્ડિંગ માટે મૂળભૂત માર્ગદર્શિકા છે. દરેક અલગ-અલગ સંસ્કૃતિ અને ભાષા માટે તેમને સમજી શકાય તેવું અને સુસંગત બનાવવા માટે તેઓને જરૂરી અનુકૂલિત કરવા જોઈએ. ઉપયોગમાં લેવાતા કેટલાક શબ્દો અને વિભાવનાઓને વધુ સમજૂતીની જરૂર પડી શકે છે અથવા તો બદલી અથવા સંપૂર્ણપણે છોડી દેવામાં આવી શકે છે.
સ્ક્રિપ્ટ ટેક્સ્ટ
الاسرائيليين كانوا مبسوطين عشان يخلوا مصر . لانو هم تانى ما عبيد و كانوا ماشين لارض الموعد ! المصريين ادوا الاسرائيليين اى شئ طلبوا ، حتى دهب و فضة وحاجات تانية قيمة . ناس تانين من امم اخرى امنوا بالله و مشوا مع الاسرائيليين لمن طلعوا من مصر .
عمود طويل من سحابة ماشى قدامهم بالنهار . و ببقى عمود نار طويل بالليل . الله الكان موجود فى عمود من السحابة و عمود طويل من النار ، كان دائما معاهم و برشدهم لمن مسافرين ، ما عندهم اى حاجة غير يتبعه .
بعد زمن قصير، فرعون وشعبه غيروا رايهم و كانوا دايرين يبقوا الاسرائيليين عبيدهم تاني . عشان هم طاردوا الاسرائيليين. ده كان الله الخلاهم يغييروا رايهم . هو عمل كده لانو داير اى زول يعرف انو هو يهوه ، هو اقوى بكتير من فرعون و من كل الالهه المصرية .
لمن الاسرائيليين شافوا جيش المصريين جايين. هم لاحظوا انو هم محصوريين
موسى كلم الاسرائيليين ، "وقفوا الخوف! الله حيحارب من أجلكم اليوم ويخلصكم". بعد داك الله كلم موسى ، "كلم الشعب أنو يتحركوا تجاه البحر الأحمر".
بعد داك الله حرك عمود السحابة و ختاه بين الإسرائيليين والمصريين عشان المصريين ما يقدروا يشوفوا الاسرائيليين .
الله كلم موسى أنو يرفع يده تجاه البحر. بعد داك الله خلى الهواء يفتح الموية في البحر شمال و يمين ، عشان يكون فى طريق فى البحر.
الاسرائيليين مشوا فى البحر على ارض ناشفة ، بين حيطين من الموية على الجانبين .
بعد داك اللة حرك السحابة الي اعلي وخارج الطريق عشان المصريين يقدروا يشوفوا الاسرائيلين بيهربوا . والمصريين قرروا يطاردهم.
بعد داك هم تابعوا الاسرائيليين فى طريق عبر البحر ، لكن الله خلى المصريين يقلقوا و عرباتهم توحل . صرخوا "اهربوا الله بقى يحارب لاجل الاسرائيليين!" .
كل الاسرائيليين وصلوا الجهة التانية من البحر ، الله قال لموسى "يمد يده تانى فوق الموية" ، لمن موسى عمل كده الموية غطت المصريين و رجعت لمكانها الطبيعى كل جيوش المصريين غرقوا .
لمن الاسرائيليين شافوا المصريين ماتوا ، وثقوا فى الله . هم صدقوا انو موسى نبى الله .
الاسرائيليين كمان فرحوا كتير لان الله انقذهم من الموت و العبودية . هسع هم بقوا احرار عشان يعبدوا الله ويطيعوه .الاسرائيليين غنوا اغانى كتيرة ليحتفلوا بحريتهم الجديدة و يمجدوا الله لانه انقذهم من الجيش المصرى .
الله امر الاسرائيليين عشان يحتفلوا بالمناسبة دي كل سنة من اجل ان يتذكروا كيف الله غلب المصريين و حررهم من ان يكونوا عبيد . المناسبة دى كان سموها عيد الفصح فيها كانوا يحتفلوا بذبح حمل صحى ، يشوه و ياكله برغيف عملوه بدون خميرة .