unfoldingWord 26 - SiYesus Nompamula Tepokarajaaong-Nya
![unfoldingWord 26 - SiYesus Nompamula Tepokarajaaong-Nya](https://static.globalrecordings.net/300x200/z42_Lk_04_13.jpg)
Grandes lignes: Matthew 4:12-25; Mark 1-3; Luke 4
Numéro de texte: 1226
Langue: Tajio
Audience: General
Genre: Bible Stories & Teac
Objectif: Evangelism; Teaching
Citation biblique: Paraphrase
Statut: Approved
Les scripts sont des directives de base pour la traduction et l'enregistrement dans d'autres langues. Ils doivent être adaptés si nécessaire afin de les rendre compréhensibles et pertinents pour chaque culture et langue différente. Certains termes et concepts utilisés peuvent nécessiter plus d'explications ou même être remplacés ou complètement omis.
Corps du texte
![](https://static.globalrecordings.net/300x200/z42_Lk_04_09.jpg)
Touk Siia sinoꞌarai nupuang nuseetan, siYesus netencile umaꞌo eiGalilea, tetana-Nya. Siia nobuꞌe concoono teꞌababaraka nuꞌAlus nuꞌAlataꞌala. Siia umaꞌo eipomoiaong-pomoiaong ane nomaguru. Siia pinuji jojoo tetoo simamo tetoo sanu mombosi.
![](https://static.globalrecordings.net/300x200/z42_Lk_04_10.jpg)
Lamai heꞌua siYesus umaꞌo eiNasaret eipomoiaong sanu inabaꞌayi-Nya. Watu teEleo nuPengondok, Siia umaꞌo eipongganeong nutoo nuYahudi. Siira nombee eiSiia sanu tinulis niNabi Yesaya antau siia mombasamo heꞌua. SiYesus nomboꞌa heꞌua ane nombasa sanggaat eitoo-too eiriꞌua.
![](https://static.globalrecordings.net/300x200/z42_Lk_04_11.jpg)
Siia nombasa, “TeꞌAlataꞌala nombeemo eiSiaꞌu teꞌAlus-Nya untuk mongulara teKareva sanu Mombosi eitoo-too sanu nopukur, nopaꞌabebas tetoo-too sanu tinaani, nepeꞌeondok tetoo-too sanu nobuta, ane nopaꞌabebas tetoo-too sanu nasesa.”
![](https://static.globalrecordings.net/300x200/z42_Lk_04_13.jpg)
Lamai heꞌua siia nongodung. Jojoo tetoo nongongontong tutuu Siia. Siira moꞌotoi sanu binasa heꞌua sima teMesias. Lamai heꞌua siia nonjarita, “Eleo eini, sanu binasaꞌU pepeeso najari.” Jojoo tetoo neherang ane nonjarita, “Eini boi teunga niYusup!”
![](https://static.globalrecordings.net/300x200/z42_Lk_04_15.jpg)
Lamai heꞌua siYesus nonjarita, “Tesapa sanu Uulara eini tutuu. Jio umai anabi sanu inoongkoi eikampung mbotonya. Umai nabari tetimbala eiꞌIsrael eiwatu siNabi Elia. Tapi watu teujang jio nenyau eꞌendenya toluntoung onombulang, teꞌAlataꞌala jio nonuju siꞌElia mondulu sotoo tejanda eitana nuꞌIsrael, tapi tetimbala eitana ntaninya.”
![](https://static.globalrecordings.net/300x200/z42_Lk_04_17.jpg)
SiYesus nonarusa, “Watu siNabi Elisa, umai nabari tetoo sanu nepees tepudung eiꞌIsrael. Tapi siꞌElisa jio mepeꞌeondok maampo sotoo lamai eiolot niira. Boi siNaꞌaman, tetopomimpin nutantara numusu nuꞌIsrael, sanu pineꞌeondoknya.” Tetoo-too nuYahudi lamai teꞌIsrael sanu neꞌeepe siYesus najari tutuu nongoungkul, karna siYesus nonjaritaa sima tenabi-nabi sanu jio nolayani tetoo-too nuYahudi.
![](https://static.globalrecordings.net/300x200/z42_Lk_04_18.jpg)
Lamai heꞌua tetoo-too nuNasaret nonyuvuna siYesus lamai tepongganeong heꞌua ane nongomung Siia jaok eipipit nupampang ane seilu monavua Siia umaꞌo tepampang heꞌua antau momate Siia. Tapi siYesus boi nelampa nalabat lamai eiolot niira lamai heꞌua Siia nesuvungo lamai teKota nuNasaret.
![](https://static.globalrecordings.net/300x200/z42_LK_04_22.jpg)
Lamai heꞌua siYesus nelampa eiTana nuGalilea, ane mabari tetoo najaok eiSiia. Siira nongomung mabari tetoo sanu nepees ane sanu noluntoy. Umai tetoo-too sanu nobuta, nobongol, nonggoyot atau jio maala nelampa. SiYesus nepeꞌeondok siira jojoo.
![](https://static.globalrecordings.net/300x200/z41_Mk_09_22.jpg)
Mabari tetoo sanu pinentamai nuꞌalus-alus sanu majaat inomung eisiYesus. Watu siYesus nomarenta, teꞌalus-alus sanu majaat nesuvung lamai tetoo-too. Mabari ngkaningo teꞌalus-alus sanu majaat heꞌua oroa-roa, “Siꞌoo eini teUnga nuꞌAlataꞌala!” Mabari tetoo neherang siYesus maala nombugo teꞌalus-alus sanu majaat ane siira nomuji teꞌAlataꞌala.
![](https://static.globalrecordings.net/300x200/z40_Mt_10_01.jpg)
Touk heꞌua siYesus nomile sompulu rotoo sanu tinope tetopongomung-topongomung tekareva. Siira nelampa concoono siYesus ane neguru lamai siYesus.