unfoldingWord 30 - ईसू हर पाँच हजार ला खवाईस
![unfoldingWord 30 - ईसू हर पाँच हजार ला खवाईस](https://static.globalrecordings.net/300x200/z42_Lk_09_12.jpg)
Grandes lignes: Matthew 14:13-21; Mark 6:31-44; Luke 9:10-17; John 6:5-15
Numéro de texte: 1230
Langue: Surgujia
Audience: General
Genre: Bible Stories & Teac
Objectif: Evangelism; Teaching
Citation biblique: Paraphrase
Statut: Approved
Les scripts sont des directives de base pour la traduction et l'enregistrement dans d'autres langues. Ils doivent être adaptés si nécessaire afin de les rendre compréhensibles et pertinents pour chaque culture et langue différente. Certains termes et concepts utilisés peuvent nécessiter plus d'explications ou même être remplacés ou complètement omis.
Corps du texte
![](https://static.globalrecordings.net/300x200/z40_Mt_14_11.jpg)
ईसू हर प्रेरित मन ला परचार करे बर अऊ सिखाए बर दूसर दूसर गाँव में भेजीस। जे घरी ओमन ईसू ठन फेर आईंन, तो ओमन अपन काम कर बारे में ईसू ला बताईन। तेकर ईसू हर ओमन के नेवता देहीस की ओमन ओकर संगे झील कर ओ पार बिसोय बर एगोठ सुनसान जगहा में जाये। ओकरले ओमन डोंगा में बईठके झील कर ओपार चले गईंन।
![](https://static.globalrecordings.net/300x200/z40_Mt_14_12.jpg)
लेकिन ढ़ेरेच लोग मन देखिन, की ईसू अऊ ओकर चेला मन डोंगा में जाथें। एकरेले लोग मन झील कर धरि में कूद के झील कर ओपार डोंगा ले आगू पहुँचीन। ईसू अऊ ओकर चेला जे घरी ओजग पहुँचीन, एक बड़खा अकन भीड़ आगू ले पहुंच के ओमन ला अगुरत रहिंन।
![](https://static.globalrecordings.net/300x200/z42_Lk_09_01.jpg)
भीड़ में सवांघिन अऊ लईका कर छोंएड़ 5, 000 हजार सवांघ रहींन। लोग मन कर ऊपरे ईसू हर सोगे होईस। बिगर चरवाहा कर भेंड़ मन कस ईसू हर ए लोग मन ला समझिस। एकरले ओहर ओमन के सिखाईस अऊ जेमन दुखलिहा रहिन ओमन ला चंगा करिस।
![](https://static.globalrecordings.net/300x200/z42_Lk_09_08.jpg)
जे घरी सांझ कर जुआर होईस, चेला मन ईसू जग कहिन " अब ढ़ेरेच अबेर होए गईस हवे अऊ एजग कोईच गांव नईये। लोग मन ला भेज देआ की ओमन जाए के काहीं खाए सकें। "
![](https://static.globalrecordings.net/300x200/z42_Lk_09_09.jpg)
लेकिन ईसू हर चेला मन ला कहीस “तुहींमन ओमन के खाये बार देवा।”ओमन कहींन, “एकस हमरे कईसे कएर सकत ही? हमर जग खाली पाँच ठन रोटी अऊ दुई गोट मछरी हवे।
![](https://static.globalrecordings.net/300x200/z42_Lk_09_11.jpg)
ईसू हर चेला मन ला कहीस भीड़ कर लोग मन ला घास में पचास पचास कर पाएत में बईठावा।
![](https://static.globalrecordings.net/300x200/z42_Lk_09_12.jpg)
तेकर ईसू हर पाँच गोट रोटी अऊ दुई गोट मछरी ला लेहीस अऊ सवरग कती ला देखिस, अऊ खाना बर परमेसवर कर धन्यवाद करिस।
![](https://static.globalrecordings.net/300x200/z42_Lk_09_13.jpg)
फेर ईसू हर रोटी ला टोरिस अऊ मछरी ला टुटकाईस। ओहर ए टुटका ला चेला मन ला देहिस की ओमन लोग मन ला परोसे। चेला मन खाना ला बाँटते गईन अऊ खाना नई सिराईस अऊ सबेच झन खायेके अघाये गईंन।
![](https://static.globalrecordings.net/300x200/z42_Lk_09_14.jpg)
तेकर पिछू, चेला मन बांचल खाना ला जुटाईन अऊ व बारह पथिया भरीन। सबेच खाना हर पाँच गोट रोटी अऊ दुई गोट मछरी ले आईस।