Languta, Yingisa, Hanya Buku 2
![Languta, Yingisa, Hanya Buku 2](https://static.globalrecordings.net/300x200/lll2-00.jpg)
Grandes lignes: Jacob, Joseph, Moses. 24 sections. It has a picture book to go along with the recording.
Numéro de texte: 419
Langue: Tsonga
Thème: Sin and Satan (Deliverance, Judgement, Sin, disobedience); Christ (Jesus, Our Substitute, Sacrifice / Atonement); Eternal life (Salvation); Character of God (Nature, character of God, Word of God (the Bible)); Living as a Christian (Obedience, No other gods, idols, Forgiveness, Faith, trust, believe in Jesus); Bible timeline (Law of God, Gospel, Good News); Problems (Problems, troubles, worries)
Audience: General
Style: Monolog
Genre: Bible Stories & Teac
Objectif: Teaching
Citation biblique: Paraphrase
Statut: Publishable
Corps du texte
Manghenelo
![Manghenelo](https://static.globalrecordings.net/300x200/lll2-00.jpg)
Avuxeni vanghana. Maxitiva Xikwembu xin'we xa ntiyiso? Minge ndzi me byela hi va vanuna un'wana lava va n'wi teveke. Languta eka xifaniso xa xitshopani loko wa ha yingisa eka xikandziyiso xa marito. Pfula eka xifaniso lexi landzelaka loko u twa mfumawulo.
Xifaniso 1: Vamakwavo vambirhi va xinuna
![Xifaniso 1: Vamakwavo vambirhi va xinuna](https://static.globalrecordings.net/300x200/lll2-01.jpg)
Genesa 25:21-34, 27:1-29
Majaha mambirhi eka xifaniso lexi ya endla xitshembhiso xo xaviselana. Loyi a vitaniwa Isawu ari muhloti lonkulu. Jakobo ntsongwani ya yena u lulamisile swakudya swa kahle. Isawu a sikile swinene loko avuya eku hloteni kutani a kombela swakudya eka Jakobo, Jakobo aku eka Isawu, "Rhanga u ndzi xavisela vuhosi bya wena." A lava ndyangu wu swi amukela, leswi a swi taya eka hosi ya yena Isawu.
Isawu anga swi tekanga swiri nchumu ku amukeriwa ka yena. A ehleketa ntsena hi khwiri ra yena leri ari ngari na nchumu. Kutani u xavise vuhosi bya yena hi vuswa. Vito ra Jakobo ri vula ku amukela leswi nga riki ntiyiso kutani ntumbuluko wa Jakobo akuri ku pfumela leswingariki ntiyiso eka van'wana. Endzhaku Jakobo u pfumerise tata wa yena eka leswi nga riki ntiyiso hi swiambalo swa nkoka.
Xifaniso 2: Milorho ya Jakobe
![Xifaniso 2: Milorho ya Jakobe](https://static.globalrecordings.net/300x200/lll2-02.jpg)
Genesa 28:10-22
Isawu a venga Jakobo kutani a lava ni ku n'wi dlaya, kutani Jakobo a balekela ekule na le mutini wa ka vona. U vone Xikwembu etilweni na tintsumi ta Xikwembu ti ta ehansi na le henhla. Xikwembu xiku eka Jakobo, "ndzi taku nyika ndzhahu leyi wena ni malandza ya wena laha unga ta etlela kona. Vanhu hinkwavo ematikweni vata katekisiwa kusuka eka wena na leka vatukulu va wena.
Ndzi na wena ndzi ta ku languta laha u fambaka kona, ndzi ta tlhela ndzi ku vuyisela etikweni leri. Ndzi nga ka ndzi nga ku tshiki ku kondza ndzi endla hinkwaswo leswi ndzi ku tshembhiseke swona. Xikwembu xi switivile leswaku Jakobo a pfumela eka leswingariki ntiyiso kambe Xikwembu axi rhandze Jakobo na ku lava ku n'wi cinca. Kwalaho Xikwembu xi n'wi nyike xithsembhiso xo hlamarisa.
Xifaniso 3: Jakobo na Laban
![Xifaniso 3: Jakobo na Laban](https://static.globalrecordings.net/300x200/lll2-03.jpg)
Genesa 29:1 - 31:55
Jakobo u yile emahlweni no karhata van'wana, kambe nkarhi un'wana van'wana ava n'wi karhata. Jakobo a huma ku ya tirhela malume wa yena Laban. A lavile leswaku n'wana loyi a vitaniwa Rachel ava nsati wa yena. Un'wi tirhele nkombo wa malembe tani hi hakelo ya wansati. Kutani Laban a karhata Jakobo leswaku ata teka n'wana wa yena wa mativula.
Laban u endle Jakobo a tirhela Rachel malembe man'wana ya nkombo. Jakobo u pfumerise Laban eka leswi nga riki ntiyiso. U kume swifuwo hinkwaswo swa kahle eka ntlhambi wa Laban. Kutani Xikwembu xi ku eka Yakobo, "Tlhelela etikweni ra vatata wa wena na maxaka ya wena na mina ndzi tava na wena.
Xifaniso 4: Jakobo a hlangana na Xikwembu
![Xifaniso 4: Jakobo a hlangana na Xikwembu](https://static.globalrecordings.net/300x200/lll2-04.jpg)
Genesa 32:1-32
Jakobo a lava ku tlhelela ekaya kambe a chava Esawu hikuva lava karhataka van'wana vatshama va ri eku chaveni ka ndzihiseto (kuma nkarhi wo hlula endzaku ka nyimpi ya mixo). Vusiku byin'wana endleleni yo ya ekaya ku te wanuna eka Jakobo. U lwile na Jakobo vusiku hinkwabyo. Jakobo anga ta ha lwa ku ya kwihi kambe aku, "ndzi nga ka ndzi nga ku tshiki handle ka loko u ndzi katekisa." Wanuna aku ka Jakobo, "vito ra wena a ri nga ha vi Jakobo, kambe Israel".
Israel ri vula leswaku u hlulwile na Xikwembu. Xikwembu xi endla Jakobo anga ha pfumeri eka leswi nga riki ntiyiso, hi kona anga ta n'wi cinca. Israel u tlhelele eka vona hi ku rhula. U ve tatana wa matiko yo tala lawa ya dzunisaka Xikwembu.
Vanghana, hinkwerhu hi lwa endleleni ya Xikwembu loko hi pfumela eka leswi nga riki ntiyiso swa van'wana, kambe Xikwembu xi rumele wanuna langa ta hi cinca. I Yesu Kriste hosi.
Xifaniso 5: Norho wa Josefa
![Xifaniso 5: Norho wa Josefa](https://static.globalrecordings.net/300x200/lll2-05.jpg)
Genesa 37:1-11
Jakobo, loyi Xikwembu xi n'wi thyeke vito ra Israele, ari na vana va khume mbirhi. N'wana loyi an'wi rhandza ngopfu a ri Yosefa. Yakobo u nyike Yosefa jasi ro saseka. Tihosi takwe a tiri na mavondzo eka yena. Vusiku byi n'wana Yosefa u lorhile.
Kutani aku eka tihosi ta yena. "yingisani norho lowu ndzi wu lorheke,a hi ri karhi hi boha tinyandza emasin'wini, kutani nyandza ya mina yi suka yi yima, hi loko leta ka n'wina ti yi rhendzela, tiyi khinsamela. Vamakwavo ava hlundzukile swinene. Xana swi vula leswaku vata khinsamela ntsongwani ya vona ke? Va vengile Yosefa naku languta nkarhi lowu vanga ta n'wi endla swo biha.
Xifaniso 6: Yosefa u xavisiwile
![Xifaniso 6: Yosefa u xavisiwile](https://static.globalrecordings.net/300x200/lll2-06.jpg)
Genesa 37:12-36
Vamakwavo wa Yosefa ava risa ntlhambi wa ka vona, Yakobo aku ka Yosefa, "famba uya pfuxela vamakwenu, u kamba ni swifuwo kutani u vuya uta ndzi rungulela mahungu ya kona. Loko vamakwavo va vonile Yosefa ata eka vona va ehleketa ku n'wi dlaya.
Va n'wi hluvurile xiambalo xa yena xo saseka kutani va n'wi hoxa ekheleni leri ari phye mati. Kutani vaxavisi van'wana va ta. Wun'wana wa va makwavo aku, "hi ta kuma yini hi ku dlaya makwerhu? A hi n'wi xaviseni", kutani va makwavo va xavisile Yosefa (hi 20 wa tisilivhere.)
Kutani va tekile xiambalo xa Yosefa va xi tota hi ngati ya mbuti kutani va xi yisa eka tata wa vona. Yakobo u anakanyile leswaku Yosefa a dlayiwile hi swiharhi.
Xifaniso 7: Yosefa ni wansati wo biha
![Xifaniso 7: Yosefa ni wansati wo biha](https://static.globalrecordings.net/300x200/lll2-07.jpg)
Genesa 39:1-20
Vaxavisi va xavise Yosefa etikweni ra Egypta. U ve hlonga ra Potifaro. Potifaro ari murhangeri wa tiko ra Egypta. Xikwembu axiri na Yosefa na ku n'wi rhangela eka hinkwaswo leswi a swiendla. U ve a hoxiwa enandzwini hi nkata Potifaro. Yosefa ari jaha ro saseka swinene.
Nkata Potifaro u n'wi naverile. U ringete ku sindzisa Yosefa ku etlela na yena. Yosefa u swi tivile leswaku a swi lulamanga, kutani a hambana na yena. U balekile endlwini ya nkata Porifaro a siya xiambalo. U tekile xiambalo a komba nuna wa yena kutani a lumbeta Yosefa hi ku n'wi sindzisa ku va a etlele na yena. Kutani Potifaro a lerisa ku hoxa Yosefa ekhotsweni.
Xifaniso 8: Yosefa ekhotsweni
![Xifaniso 8: Yosefa ekhotsweni](https://static.globalrecordings.net/300x200/lll2-08.jpg)
Genesa 39:20 - 40:23
Xikwembu a xa hari na Yosefa na le khotsweni. Yosefa a hoxiwe ekhotsweni laha a ku pfaleriwe vabohiwa van'wana. Malandza ya hosi lawa ava chelele hosi vhinyo leswaku a nawi, ni muphameri wa xinkwa xa hosi a hoxiwe ekhotsweni. Vusiku byin'wana hinkwavo vave na milhorho. Kambe va anakanye leswaku ku hava na un'we loyi a nga ta va byela nhlamuselo ya vona.
Yosefa aku ka vona, "Tinhlamuselo ati humi eka Xikwembu xana? Ndzi byeleni milorho ya n'wina". Kutani nandza u byerile Yosefa, "Enorhweni wa mina, akuri ni marhavi manharhu, nsinya wulo na hluka, wo baleka swiluva, wu tswala swichocho swa mihandzu leyi vupfeke. Evokweni andzi khomile xinwelo xa hosi Potifaro, kutani ndzi teka mihandzu ya vhinya ndzi kamela exinweleni lexi, ndzi nyika hosi".
Yosefa an'wi hlamusela norho aku, "Loko ku nga si hundza masiku manharhu hosi yi ta ku humesa na kuku nyika ntirho wa wena." Muphameri na yena ubyele Yosefa norho wa yena. Loko ku nga si hundza masiku manharhu, hosi Faro uta ku humesa ekhotsweni, aya tsema nhloko ya wena. Nandza u tshunxiwile na muphameri u dlayiwile ku ya hi leswi Xikwembu xi kombeke Yosefa. Kambe Yosefa u sale ekhotsweni ku ringana masiku manharhu.
Xifaniso 9: Norho wa hosi
![Xifaniso 9: Norho wa hosi](https://static.globalrecordings.net/300x200/lll2-09.jpg)
Genesa 41:1-41
Kutani hosi ya Egypta ava ni norho. U vonile tihomu to nona etlhelweni ra nambu. Tihomu ta nkombo to ondza tihuma enambyeni kutani ti dya tihomu ta nkombo to nona. Ku hava loyi a byeleke hosi nhlamuselo ya norho lowu. Kutani malandza ya hosi ya byele hosi hi Yosefa. Hosi yi lerise ku humesa Yosefa ekhotsweni. Yosefa a byela hosi nhlamuselo ya norho wa yena aku, "Xikwembu xi hlavuterile eka wena leswi xi nga ta swi endla".
Kutava ni malembe ya nkombo ya ndzalo ni ntshovelo wa kahle e Egypta. Endzhaku ka sweswo ku ta va na malembe ya nkombo ya dyandza. Langutani wanuna wa vutlhari loyi a hoxiweke enandzwini etikweni ra Egypta. Wanuna loyi na vapfuni vantsongo a va hlengeleti swakudya emalembeni lawa ya nkombo ya ntshovelo wa kahle na ku swi hlayisala malembe ya nkombo ya dyandza", hosi yo vonile leswaku moya wa Xikwembu awuri eka Yosefa, un'wi veke ku va murhangeri wa nawu wa tiko ra Egypta.
Xifaniso 10: Mfumo wa Josefa e Egypt
![Xifaniso 10: Mfumo wa Josefa e Egypt](https://static.globalrecordings.net/300x200/lll2-10.jpg)
Genesa 41:47 - 42:28
Hi malembe ya nkombo ya ntshovelo e Egypta. Josefa u hlayisile mavele yo tala. Loko malembe ya kombo ya dyandza ya fika u xavisile mavele eka vanhu va Egypt.
A ku ri na dyandza e Kanana na kona. Kutani vamakwavo va khume va tile ku ta xava mavele e Egypt.
A va swi tivanga leswaku loyi afumaka a ku ri Yosefa. Kambe yena u va tivile.U va lumbete kuri itinhlori kutani ava hoxa ekhotsweni. Endzaku ka masiku manharu a ku eka xona- Ku kombisa leswaku mi vanhu vo tshembeka, mi fanele ku-tisa ntsongwani ya nwina eka mina. U hlayisile u n'we wa ti ndzisana ta vona e lehotsweni. Kutani a tshika lava va n'wana va teka mavele ya vona va ya e kakaya ya yona.
Xifaniso 11: Josefa a fi tivisa e ka vamakwavo
![Xifaniso 11: Josefa a fi tivisa e ka vamakwavo](https://static.globalrecordings.net/300x200/lll2-11.jpg)
Genesi 43:1-45
Vamakwavo va Josefa a va chava ku tlhelela e Egypta kambe u va lava mavele kambe. Kutani va tekile ndzisana ya vona Benjamin va ya naye e Egypt eka Josefa. Hambi swi ri tano. Josefa anga swi tsakelanga ku va byela leswaku hi yena mani. U va xaviserile mavele kambe a lerisa un'we wa malandza ya yena ku tlherisela mali ya vona e mikwameni ya vona, kutani a tumbeta xinwelo xa yena xa silivhere kwameni wa mavele ya ndzisanyana wa vona.
Kutani a rhumela malandza ya yena endhzaku ka vona ku ya va lumbeta leswaku va yivile eka yena. Vamakwavo va hatlisile va tlhelela e ndlwini ya Yosefa. Kwalano hinkwavo va nkhisamile emahlweni ka Yosefa, ku kota tinyandza le tiyani e norhweni wa Yosefa wa khale, kutani va kombela tintswalo eka yena.
Josefa a rila, a tsandzeka ku ti khoma emahlweni ka vona. A va byela aku: "Himina Yosefa makwenu loyi mi nga n'wi xavisa ndzi ta haleno e Egypt."
Kutani a wela nhanwini ya Benjamin, a rila a n'wi tswontswa ni ka va makwavo va n'wana. Yosefa a va nyika tinyiko ti kulu ku ya nyika tata wa vona.
Yosefa a va byela ku tlhelela e Egypt, va ta ta ni mindyangu ya vona ni tata wa vona.
Va makwavo va mukile va ya byela tata wa vova vaku - Yosefa wa hanya ... kunene hi yena a nga nkulu nkuba wa tiko e tikweni hinkwaro ra Egypt.
A kuri na dyandza e ka Kanana na kono.
Kutani va makwavo va khume va tile ku ta xa va mbewu e Egypta.
Xifaniso 12: Jakobe na Yosefa e Gibita
![Xifaniso 12: Jakobe na Yosefa e Gibita](https://static.globalrecordings.net/300x200/lll2-12.jpg)
Genesi 45:28 - 50:26
Yakobo u tekile ndyangu wa yena ni hinkwaswo leswi a swiri swa yena a famba na swona etikweni ra Egypta. Loko Yakobo a vona n'wana wakwe Yosefa a n'wi hakarha, hinkwavo va sungula ku rila. Endzaku ka nkarhi u tlhandlekile mavoko ehenhla ka vana vakwe a va katekisa leswaku va ta va varhangeri va tiko ra Israel. Yakobo u ti ferile ari munhu nkulukumba swinene kwale tikweni ra Egypta.
Loko kuri tihosi ta Yosefa va ve niku chava hikwalaho ka leswo biha ava swi endlile ehenhla ka Yosefa. Kutani Yosefa aku ka vona: Minga chaveni, loko kuri n'wina mivile ni makungu yo ndzi vavisa kambe Xikwembu xilavile ku kombisa leswinene ni ku ponisa tiko ra xona. Vanghana, kuna munhu un'we etikweni loyi a tlulaka Yosefa.
Vito ra yena I Yesu Kriste, kambe vabihi va n'wi dlayile. Xikwembu xi kombisile rirhandzu ra xona eka hina, hinkwavo lava va tshembha Yesu. Hikuva Yesu u pfukile eku feni. Loko hi tivula swidyoho swa hina eka Xikwembu, hi tivula leswi hi swi endleke van'wana, Xikwembu xita hi rivalela. Xi tiyimiserile ku pfuna lava va xitshembhaka, na kambe vangaka va nga xaniseki eka rifu ra makumu.
Manghenelo
![Manghenelo](https://static.globalrecordings.net/300x200/lll2-00.jpg)
Akuri ni wanuna loyi a thyiwile vito ra Muxe loyi atiyimiserile ku tirhela Xikwembu. Hi yena loyi anga fambisa vanhu va xona ku sukela etikweni ra Egypta. Leswi swi hi pfuna ku ehleketa Yesu loyi atiyimiserile ku pfuna hinkwavo lava va tshembhaka eka yena. Kuva ntshuxa eka Satana ni mademona ya yena. Langutisa xifaniso lexi urikarhi u yingisela. Tilulamise ku xivona. Xifaniso xa vumbirhi loko u tava u twile mp-fumawulo rito ro karhi (xikombiso).
Xifaniso 13: Muxe exihlangi
![Xifaniso 13: Muxe exihlangi](https://static.globalrecordings.net/300x200/lll2-13.jpg)
Eksoda 2:1-10
Yakobo loyi a thyiwile vito ra Israel hi laha Muxe anga velekiwa eka rixaka ra kona. Muxe u velekiwile etikweni ra Egypta hi lembe ra 300 endzhaku ka Yosefa. Hinkarhi lowu va Israel ava tele swinene. Hinkarhi lowu hosi ya tiko ra Egypta u sungurile ku chava va Israele kutani a sungula ku va khoma hi tihanyi. Ava tirha mitirho hi ku khayimiwa, va tlhela va dlayetela vana va va Israele va mativula vavafona.
Loko Muxe atava a tswariwile mana wa yena un'wi tumbetile. U n'wi hoxile endzeni ka manji a ya n'wi tumbeta etinhlangeni etlhelo ka nambu. Sesi wakwe Meriamu a tlangela kwala kusuhi ku n'wi langutisa. N'wana wa hosi u tile ku ta hlamba kwala nambyeni, u kumile manji lowu ni n'wana Muxe. Muxe u sungurile ku rila, kutani n'wana wa hosi a n'wi twela vusiwana, kutani u vile ni makungu ya ku n'wi teka a ya n'wi hlayisa leswaku a va n'wana wa yena. Muxe u kurile endyangwini wa hosi, Muxe u khomile milawu hinkwayo ya va Egypta a tlhela a va munhu wa nkoka swinene.
Xifaniso 14: Muxe loko a vona xihlahla xiri karhi xi pfurha
![Xifaniso 14: Muxe loko a vona xihlahla xiri karhi xi pfurha](https://static.globalrecordings.net/300x200/lll2-14.jpg)
Eksoda 2:11 - 4:10
Siku rin'wana Muxe u kumile mu Egypta ni mu-Israele va ri karhi valwa. Muxe u lavile ku pfuna munhu waka vona, u dlayile mu-Egypta kutani a balekela entshaveni. Ku ringana malembe ya 40 a rikarhi a tshama entshaveni ya Sinayi. Siku rin'wana u vonile swilo swo hlamarisa. U vonile xihlahla lexi axi ri karhi xi pfurha, lexi axi nga tshwi.
Xikwembu xivulavurile na Muxe exihlahleni lexi axi ri karhi xi pfurha xiku: Ndzi twile swirilo swa vana va mina hilaha va vulaka hi kona. Ndzi ku rhuma leswaku u ya etikweni ra Egypta u ya humesa vanhu va mina u va fambisa ku sukela kona.
Xifaniso 15: Muxe loko a thlelela etikweni ra Egypta
![Xifaniso 15: Muxe loko a thlelela etikweni ra Egypta](https://static.globalrecordings.net/300x200/lll2-15.jpg)
Eksoda 3:11 - 10:29
Muxe ari ni ku chava kambe u tshembile Xikwembu kutani a tlhelela etikweni ra Egypta. Aku eka hosi ya Egypta, "Xikwembu xa Israele xiri, tshika vana va mina va famba. Xita vanyika ku tsaka swin'we na mina endzhawini leyi xi yi lavaka." Kambe hosi ya Egypta yiku, a ndzi xi tivi Xikwembu nakambe andzi nga va tshiki va Israel va famba. Kusuka kwalaho hosi ya Egypta yi xanisile va Israele swinene.
Xikwembu xiku ka Muxe, loko kuri va Egypta va ta switiva leswaku mina ndzi Xikwembu ndzi ta va tshikela hi kona va nga ta humesa va Israele. Xikwembu xi tlhela xiku loko Faro aku vutisa ku endla masingita, uku eka Aroni, "teka nhonga ya wena u yi hoxa ehansi emahlweni ka Faro yi ta Hundzuka nyoka. Aroni uta xiximiwa, kutani hosi ya ta vona matimba ya Xikwembu", kambe Faro a nga va tshikanga va Israele.
Xikwembu xiendlile masingita yo tala emahlweni ka va Egypta. Ncincile mati ya va Egypta ya endla ngati enambyeni wa Nile laha ava kuma kona mati yo nwa. Xi endlile mitlambya, tinhongana, tinjiya etikweni ra Egypta. Xikwembu xi pfumelerile vangoma ku endla masingita kambe Xikwembu xi endle mahlori lamakulu ku tlula vangoma. Xikwembu xi kombisile matimba ya xona ehenhla ka va Egypta. Hambi swivetano sweswo aswi ncicanga hosi ya Egypta eka miehleketo ya yona.
Xifaniso 16: Ta xinyimpfana lexi axi fanele ku dlayiwa
![Xifaniso 16: Ta xinyimpfana lexi axi fanele ku dlayiwa](https://static.globalrecordings.net/300x200/lll2-16.jpg)
Eksoda 12:1-36
Xikwembu xitlhela xivulavula na Muxe xiku, "byela va Israele leswaku ndyangu wun'wana na wun'wana wu fanele ku dlaya xinyimpfana". Vafanele va teka ngati leyi va tota etinyangweni ta tiyindlu ta vona etimbatini. Ndzi ta etikweni rero ra Egypta, ndzi ta dlaya vana hinkwavo va mativula va vafana. Loko ndzi vona ngati etindlwini ta n'wina ndzi ta hundza ndzi nga endli vubihi eka n'wina.
Xikwembu xi endle hi laha xinga vula hakona, vana hinkwavo va mativula va vafana vava Egypta vafa. Aku vanga na un'we wa mu Israel loyi anga fa. Kutani hosi yiku ka Muxe, tshika vanhu va mina, wena na va Israel. Fambani miya gandzela Xikwembu hi laha xi vulaka ha kona.
Xifaniso 17: Ta le lwandle
![Xifaniso 17: Ta le lwandle](https://static.globalrecordings.net/300x200/lll2-17.jpg)
Eksoda 13:17 - 14:31
Muxe u rhangerile va Israele ku sukela etikweni ra Egypta. Xikwembu xifambile na vona xi va phutsela hi papa na ndzilo. Va Egypta vafile va hlundzukile ngopfu hi ku twa na mintirho leyi a va yi tirhisa va Israele. Hosi ni masocha ya yona a va ya kuya tlherisa va Israele. Va-Israele a va fikile elwandle laha a va ngasi khupuka.
Muxe a ku ka va Isarele, "mi nga chavi, mi ta vona hi laha Xikwembu xi ngata miponisa ha kona".
Xikwembu xi pfurile ndlela exikarhi ka lwandle kutani va Israele va tsemakanya endzhawini leyi omeke. Va-Egypta va ringetile ku valandza, kambe mati ya pfarile. Hinkwavo va Egypta va nwerile kutani va Israele va pona.
Xifaniso 18: Swakudya ni mati endzhawini leyi nga mananga
![Xifaniso 18: Swakudya ni mati endzhawini leyi nga mananga](https://static.globalrecordings.net/300x200/lll2-18.jpg)
Eksoda 16:1 - 17:7
Muxe u rhangerile va Israele emananga. Ava nga kumi swakudya ngopfu kutani va gungulela Muxe na Aroni na Xikwembu. Madyambu yan'wana na yan'wana Xikwembu axi wisa manna na switsatsatsa eka vanhu va xona. Laha a ku ngari na mati vatlhela va dzumadzumela Muxe.
Muxe aku ka vona, hikwalaho ka yini midzumadzumela mina minga byeli Xikwembu. Muxe a khongela kutani Xikwembu xi n'wi hlamula, Teka nhonga ya wena uba ribye ku ta huma mati lawa minga ta nwa. Va Isarele va tshamile 40 wa malembe vari emananga.
Xifaniso 19: Muxe entshaveni ya Xikwembu
![Xifaniso 19: Muxe entshaveni ya Xikwembu](https://static.globalrecordings.net/300x200/lll2-19.jpg)
Eksoda 19:1 - 20:17; Psalma 19:11; Johana 19:15
Va Israele va fika entshaveni ya Sinayi. Xikwembu xi xikile entshaveni xirikarhi xi vonakala xiri epapeni hi ndzilo. Muxe u yile entshaveni kutani xivulavula na yena, "hi mina Yehova Xikwembu xa wena, unga tshuki u va na swikwembu swin'wana handle la mina. U nga tshuki u swikhinsamela kumbe ku swigandzela. U nga tshuke utlanga hi vito ra mina, tsundzuka siku ra mina ra vunkombo, ri kwetsimise.
Xixima tata wa wena ni mana wa wena.
U nga tshuki u dlaya.
U nga tshuki I oswa. U nga tshuki u yiva.
U nga tshuki u lumbeta wa rikwernu hi vumbhoni byo hemba.
U nga tshuki u navelela un'wana swilo swo biha. Ehehla ka sweswo Xikwembu xitsarile yin'wana milawu ya xona ematafuleni ya maribye lawa Muxe anga ehla na wona kuya mahlayela va Israele. Namuntlha hi kuma milawu ya xona eritweni ra xona ebibeleni. Xikwembu xiri ku hlayisa rito ra xona switlula hinkwaswo. Na Yesu Kriste uri, "loko undzi rhandza uta hlayisa hinkwaswo leswi ndzi ku lerisaka swona".
Xifaniso 20: Ta nyoka leyi hayekiweke emhandzeni
![Xifaniso 20: Ta nyoka leyi hayekiweke emhandzeni](https://static.globalrecordings.net/300x200/lll2-20.jpg)
Tinhlayo 21:4-9; Deuteronoma 18:18
Va Israele va tshembhisile leswaku va ta hlayisa milawu ya Xikwembu kambe ava yi endlanga. Vanhu lava va tlhele va sungulele Xikwembu, xi va twisile ku vava hiku rhumela tinyoka leti a ti ri na vuxungu. Vanhu votala va file hiku lumiwa hi tinyoka leti. Va sungurile ku rilela Muxe leswaku ava pfuna, loko ari Muxe ukhongerile kutani ti thlela. Xikwembu xi byerile Muxe xiku, "endla nyoka hi koporo uyi hayeka ehenhla ka mhandzi, leswaku un'wana na un'wana na un'wana loyi a nga ta lumiwa hi nyoka loko alanguta leyi hayekiweke uta hanya.
Muxe u endlile nyoka leyi hi koporo ayi hayeka, hinkwavo lava ava lumiwa valangutile kutani va hanya. Muxe ari murhangeri lonkulu wa tiko ra Israel loyi hi tlhelo ari muprofeta. Ku ringana mune wa makume wa malembe ari karhi a va rhangerile emananga. Muxe a nga si fa Xikwembu xite eka yena, "ndzi ta humesa muprofeta un'wana loyi a nga ta fana na wena exikarhi ka va Israele. Uta byela va Israele hinkwaswo leswi ndzi nga ta ku lerisa swona.
Xifaniso 21: Yesu a phamela ntshungu
![Xifaniso 21: Yesu a phamela ntshungu](https://static.globalrecordings.net/300x200/lll2-21.jpg)
Johana 6:1-58
Ku ringana malembe layo tala va Israel vari karhi va languta muprofeta wo fana na Muxe. Eku heteleleni Yesu Kriste u velekiwile etikweni ra Israele. U endlile ntirho tani hi laha Muxe a endla ha kona. Siku rin'wana vanhu va yile laha Yesu a tshamile kona ari swa kwe kuya twa leswi a swi vulavula. Va khomiwile hi ndlala kambe ava ngari na swakudya. Kuvile ni n'wana wa mufana loyi a ri ni ntlhanu wa swinkwa na tihlampfi timbirhi leti ntsongo.
Yesu u tekile xinkwa na tihlampfi kutani a khensa eka Xikwembu. Kutani u va phamerile hinwavo ka vona. A kuri ni vanhu lava ava tlula ntlhanu wa magidi. Hi siku leri landzilaka Yesu aku ka vona, hi mina xinkwa xa vutomi. Loyi ataka ka mina, a nga ka a nga twi ndlala na loko anga pfumela ka mina ange tlheli atwa torha. Tanani eka Yesu mipfumela nile ka yena.
Xifaniso 22: Yesu avulavula hi ta Muxe
![Xifaniso 22: Yesu avulavula hi ta Muxe](https://static.globalrecordings.net/300x200/lll2-22.jpg)
Matewu 17:1-8; Luka 9:28-36
Siku rin'wana Yesu u tekile vadyondzisiwa va yena vanharhu a famba na vona entshaveni ku ya khongela. Loko Yesu a khongela, xikandza xa yena xi sungurile ku cinca xi basa xitlhela xivangama. Na tinguva ta yena tibasile ti tlhela ti vangama. Muxe na Eliya na vona avari ekutsakeni swin'we na yena.
Yesu u tivile leswaku u fanele ku fa tani hi laha Muxe na Eliya va vulavuleke hi rifu rakwe lera ha raka. Vadyondzisiwa lava vanharhu va swi twile loko vari karhi va vulavula swin'we. Kutani ku tile papa ri va funengeta hinkwavo. Rito ra Xikwembu ri vulavula endzeni ka papa ri ku: Loyi I n'wananga, loyi ndzi n'wi tsakelaka, n'wi yingiseni. Loko rito ri hetile ku vulavula vadyondzisiwa va vonile Yesu ntsena.
Xifaniso 23: Yesu u hi ferile
![Xifaniso 23: Yesu u hi ferile](https://static.globalrecordings.net/300x200/lll2-23.jpg)
Yohana 3:14-16
Vanhu va nyenyile Yesu kutani va n'wi dlaya. Masocha va yile va ya n'wi vamba exihambanweni. Va dlayile vavanuna vambirhi swin'we na yena. Lava mbirhi avari makhamba tlhelo vadlayi, kambe Yesu a nga zanga a nga tshova nawu wa Xikwembu kumbe ku endla swihoxo swo karhi eka mfumo lowu awuri kona.
Un'wana na un'wana kumbe wena kumbe mina loko hi nga tshovi nawu wa Xikwembu, hi endlela leswaku hi nga xaniseki hi laha kunga heriki na leswaku hinga tshuki hi suka evukonene bya Xikwembu. Hikuva Xikwembu xa rirhandzu axi swirhandzi leswaku hi va kule na xona ni leswaku hi ya eku xanisekeni etiheleni. Xikwembu xi hi nyikile Yesu n'wana wa xona leswaku ahi rhwalela ku xaniseka ka hina.
Hi nkarhi wa Muxe ngati ya xinyimpfana akuri yona leyi ayi tirhisiwa ku hlantswa swidyoho leswaku vanga xanisiwi loko va hari le Egypta. Yesu xinyimpfana xa Xikwembu u vambiwile a fela mina na wena. Ngati ya yena hi yona yinga riha milandzu ya hina (mina na wena). Loko Muxe a tava a hayekile nyoka ya koporo.
Yesu yena u vambiwile exihamban'weni leswaku hinkwavo lava va pfumelaka eka yena va va ni vutomi lebyi nga heriki tani hi nyiko ya Xiwembu. Xikwembu xirhandzile misava swionghasi, xiko xi nyika n'wana wa xona, loyi anga tswariwa ari swakwe leswaku un'wana na un'wana la pfumelaka eka yena anga tshuki a lova, kambe ava ni vutomi lebyi nga heriki.
Xifaniso 24: Ta Yesu etilweni
![Xifaniso 24: Ta Yesu etilweni](https://static.globalrecordings.net/300x200/lll2-24.jpg)
Yohana 19:38; Mintirho 1:6-11
Ntsumbu wa Yesu wu tekiwile exihamban'weni wu yisiwa esirheni. Hi siku ra vunharhu Yesu u pfukile eku feni. Vanhu votala ava vulavula hi yena ku ringana mune wa makume wa masiku loko a tava a pfukile eku feni. Va n'wi vonile loko a tlhandlukela etilweni. Tani hi leswi u swi voneke eka xifaniso. Yesu wa hanya ni namuntlha.
Muxe ni hinkwavo lava ava pfumerile ka Xikwembu va ha hanya na le tilweni Muxe ari murhangeri lonkulu, tlhelo ari muprofeta wa Xikwembu, kambe Yesu I n'wana wa Xikwembu, Yesu u hundza Muxe. Muxe u rhangerile va Israele ku hundza nile lwandle ku suka ni le tikweni ra Egypta. Kambe Yesu u tele kuta ponisa hinkwavo lava va pfumelaka eka yena.
Siku rin'wana Yesu uta vuya, tani hi leswi a fambiseke xiswona etilweni. Uta teka hinkwavo lava pfumelaka eka yena a famba na vona etilweni. Munghana la rhandzekaka, u tilulniserile ku famba na Yesu xana? (anga hata namuntlha) Pfumela eka hosi Yesu Kriste u ta ponisiwa.