unfoldingWord 31 - Jisu Pani Upor te Beraise
![unfoldingWord 31 - Jisu Pani Upor te Beraise](https://static.globalrecordings.net/300x200/z40_Mt_14_23.jpg)
Pääpiirteet: Matthew 14:22-33; Mark 6:45-52; John 6:16-21
Käsikirjoituksen numero: 1231
Kieli: Nagamese
Yleisö: General
Genre: Bible Stories & Teac
Tarkoitus: Evangelism; Teaching
Raamatun lainaus: Paraphrase
Tila: Approved
Käsikirjoitukset ovat perusohjeita muille kielille kääntämiseen ja tallentamiseen. Niitä tulee mukauttaa tarpeen mukaan, jotta ne olisivat ymmärrettäviä ja merkityksellisiä kullekin kulttuurille ja kielelle. Jotkut käytetyt termit ja käsitteet saattavat vaatia lisäselvitystä tai jopa korvata tai jättää kokonaan pois.
Käsikirjoitusteksti
![](https://static.globalrecordings.net/300x200/z40_Mt_14_20.jpg)
Panch hazar manu ke kha-a-loa dia pichete, Jisu tai laga chelakhan ke naote bohibole koise. Tai taikhan ke pukhuri laga dusra phine jabole dise aru tai ta-te olop homoi nimite bohise. Itu nimite chelakhan jaise aru Jisu manukhan ke taekhan nijor ghorte jabole dise. Itu pichete, Jisu pahar uporte prathna kuribole jaise. Ta-te tai ekla thakise, aru tai rati tok prathna kuri thakise.
![](https://static.globalrecordings.net/300x200/z40_Mt_14_22.jpg)
Itu homoi te, chelakhan nao cholai thakise, hoilebi, jor pora hawa-pani ahijaise aru nao ke ulta-pulta kuri thakise. Jetia adha rati hoi jaise, tai khan pukhuri laga majote he punchibole pari asile.
![](https://static.globalrecordings.net/300x200/z40_Mt_14_23.jpg)
Utu homoi te Jisu prathna kuri thaka khotom hoise aru tai wapas chelakhan ke lok kuribole jaise. Jisu pani uporte beraikena tai khan phine jai se.
![](https://static.globalrecordings.net/300x200/z40_Mt_14_24.jpg)
Tetia tai khan Jisu ke dikhise. Aru tai khan bisi bhoi lagise kileloile tai khan ekta bhut dikhi ase bhabona kurise. Tai khan bhoe kuri thaka dikhikena Jisu jor pora hala korikena koise: “Bhoe nakoribi! Ami ase!”
![](https://static.globalrecordings.net/300x200/z40_Mt_14_26.jpg)
Tetia Peter Jisu ke koise: “Malik, itu apuni ase koile, amike hokom dibi aru ami apuni logote pani upor beraikene ahibo.” Jesu Peter ke koise: “Ahibi!”
![](https://static.globalrecordings.net/300x200/z40_Mt_14_27.jpg)
Itu nimite Peter nao pora ulaise aru pani uporte beraikena Jisu laga usorte jabole lagise. Hoilebi olop jaikena, Peter tai laga chuku Jisu pora hataikena pani te saise aru jor hawa marithaka toh janise.
![](https://static.globalrecordings.net/300x200/z40_Mt_14_29.jpg)
Tetia Peter bisi bhoi lagise aru tai pani bhitorte ghusijai thakise. Tai hala korise: “Malik, ami ke bacha bi!” Jisu jaikena Peter ke dhurise. Tetia tai Peter ke koise, “Apuni laga biswas iman komti ase! Kile apuni ke moi bachabo koikene biswas rakha nai?”
![](https://static.globalrecordings.net/300x200/z40_Mt_14_30.jpg)
Tetia Peter aru Jisu nao bhitorte bohise, aru hawa bisi mari thaka rukhijaise. Aru pani bi chup-chap hoijaise. Chelakhan bisi asurit hoise aru Jisu age te matha jhukaise. Tai khan Jisu ke aradhana kurise aru tai ke koise: “Hosa, apuni Isor laga Chokora ase!”