unfoldingWord 09 - الله نادى موسى
![unfoldingWord 09 - الله نادى موسى](https://static.globalrecordings.net/300x200/z02_Ex_03_04.jpg)
Pääpiirteet: Exodus 1-4
Käsikirjoituksen numero: 1209
Kieli: Arabic, Sudanese: Khartoum
Yleisö: General
Genre: Bible Stories & Teac
Tarkoitus: Evangelism; Teaching
Raamatun lainaus: Paraphrase
Tila: Approved
Käsikirjoitukset ovat perusohjeita muille kielille kääntämiseen ja tallentamiseen. Niitä tulee mukauttaa tarpeen mukaan, jotta ne olisivat ymmärrettäviä ja merkityksellisiä kullekin kulttuurille ja kielelle. Jotkut käytetyt termit ja käsitteet saattavat vaatia lisäselvitystä tai jopa korvata tai jättää kokonaan pois.
Käsikirjoitusteksti
![](https://static.globalrecordings.net/300x200/z02_Ex_01_02.jpg)
بعد ما يوسف مات ، كل اقارب يوسف سكنوا في مصر . هم و نسلهم استمروا عايشين هناك لسنين كتيرة و بقوا عندهم عيال كتير. سموهم اسرائيليين .
![](https://static.globalrecordings.net/300x200/z02_Ex_01_07.jpg)
و بعد مئات السنين، عدد الأسرائيليين بقت كتير شديد . المصريين بقوا ما بقدروا يوسف على حاجات الكتير العمله عشان يساعدهم . هم بقوا خايفين من الاسرائيليين لانو هم بقوا اكتر منهم . بعد داك الفرعون الكان حاكم مصر في الزمن داك خلى الاسرائيليين عبيد للمصريين.
![](https://static.globalrecordings.net/300x200/z02_Ex_01_08.jpg)
المصريين اجبروا الأسرائلين عشان يبنوا مباني كتيرة و حتى كل المدن . الشغل الصعب خلى حياتهم تعيسة ، لكن الله باركهم ، و بقوا عندهم عيال كتير .
![](https://static.globalrecordings.net/300x200/z02_Ex_01_06.jpg)
فرعون شاف الأسرائيليين كانوا عندهم اطفال كتار، عشان كده هو امر شعبه عشان يقتلوا كل الاطفال الذكور الأسرائيلين و يرموهم في نهر النيل .
![](https://static.globalrecordings.net/300x200/z02_Ex_02_01.jpg)
ولدت مراة اسرائيلية ولد . هي و راجلها دسوا الطفل لفترة طويلة ممكنة .
![](https://static.globalrecordings.net/300x200/z02_Ex_02_04.jpg)
لمن ابوه و امه ما قدروا يدسه اكتر ، ختوه في قفة عائمة بين القصب على طرف نهر النيل عشان ينقذه من الموت . و اخته الكبيرة كانت بتراقب عشان تشوف شنوالممكن يحصل ليه.
![](https://static.globalrecordings.net/300x200/z02_Ex_02_06.jpg)
بت فرعون شافت القفة و عاينت جواها . لمن شافت الطفل ، شالته زي ولدها . اجرت مراة اسرائيلية عشان ترضعه بدون ما تعرف انو المرة هي ام الطفل، لمن الولد كبر و بقى ما محتاج للبن امه، رجعته لبت فرعون ، و سمته موسى .
![](https://static.globalrecordings.net/300x200/z02_Ex_02_13.jpg)
و في يوم من الايام ، لمن موسى كبر، شاف مصري يضرب عبد اسرائيلي ، موسى حاول ينقذ رفيقه الاسرائيلي.
![](https://static.globalrecordings.net/300x200/z02_Ex_02_14.jpg)
لمن موسى افتكر انو مافى زول شافه ، قتل المصرى ودفنه ، لكن كان فى زول شاف الحاجة العمله موسى .
![](https://static.globalrecordings.net/300x200/z02_Ex_02_17.jpg)
فرعون عرف الحاجة موسى عمله . حاول يقتله، لكن موسى هرب من مصر الى البرية .عشان عساكر فرعون ما يقدروا يلقوا هناك.
![](https://static.globalrecordings.net/300x200/z02_Ex_03_01.jpg)
موسى بقى راعي بهائم في البرية البعيدة من مصر . اتزوج مراة من المكان داك و بقى عنده ولدين.
![](https://static.globalrecordings.net/300x200/z02_Ex_03_04.jpg)
موسى كان يرعى قطيع خرفان نسيبه . في يوم من الايام ، شاف شجرة فيها نار بدون ما تحترق . مشى ليها قريب عشان يتاكد . لمن قرب شديد الله كلمه . قال ليه "موسى، اقلع نعالك . انت واقف في مكان مقدس".
![](https://static.globalrecordings.net/300x200/z02_Ex_03_07.jpg)
الله قال "أنا شفت تعب شعبي .انا برسلك لفرعون عشان تطلع شعب اسرائيل من العبودية في مصر . انا بديهم ارض كنعان ، الارض انا وعدت بيها ابراهيم ، اسحاق ، و يعقوب".
![](https://static.globalrecordings.net/300x200/z02_Ex_04_10.jpg)
موسى سأل، "شنو لو ناس دايرين يعرفوا ده منو الرسلني ، انا اقول ليهم شنو؟" الله قال ، "انا هو هو . قول ليهم ، هو رسلني . و كمان قول ليهم ، انا يهوه ، اله جدودكم ابراهيم ، اسحاق ، و يعقوب . ده ياهو اسمي للابد".
![](https://static.globalrecordings.net/300x200/z02_Ex_04_11.jpg)
موسى كان خايف وما داير يمشي لفرعون لانو هو فاكر انو ما حيقدر يتكلم كويس عشان كده الله رسل هارون اخو موسى ، عشان يساعده.