unfoldingWord 23 - Jesu opo buare

unfoldingWord 23 - Jesu opo buare

طرح کلی: Matthew 1-2; Luke 2

شماره کتاب: 1223

زبان: Ache

مخاطبان: General

نوع: Bible Stories & Teac

هدف: Evangelism; Teaching

نقل قول کتاب مقدس: Paraphrase

وضعیت: Approved

اسکریپت ها( سندها)، دستورالعمل های اساسی برای ترجمه و ضبط به زبان های دیگر هستند. آنها باید در صورت لزوم تطبیق داده شوند تا برای هر فرهنگ و زبان مختلف قابل درک و مرتبط باشند. برخی از اصطلاحات و مفاهیم مورد استفاده ممکن است نیاز به توضیح بیشتری داشته باشند، یا جایگزین، یا به طور کامل حذف شوند.

متن کتاب

Maria djawu mewe udjawã etakrã kbe’e praru gatugidji, go bykuapyre rõ Jose. Go wendubu, Maria brawodjiwa, kua gatuma go krumi rõ dja tayllã. Idja djawu buchã djuellã Mariadji, go buare idja djã djawuma, wedjawã Mariape, duwe ache kuallãmbu. Idja djapo nondje go nonga, Apã Wachu buewegi wẽma bu, emi djawuma idjape ikẽ poubu.

Apã Wachu buewegi inama idjape: “Jose, krymballãeme rekowã Mariape dje brekorã. Go krumi dja kra pua rõ Krei Gatudjiware. Opowerã krumi kbe’e. Bykua ga mondo idjape Jesu (go inambyty: Jahwe kuwẽndy), go rõ kuwẽwerã achepe bue buchã djapowedjiwa.”

Gobu Jose rekoma Mariape dja brekorã, emi idjape rama dja tapype. Go rõ dja eche pokollã, go dja memby kbe’e opo nondje.

Go krey ekõmbu, Maria memby kbe’e machĩwã, ymachidjagi Roma pua inama ache wywype owã go tapy tãrãpe, djypywaregi wywy ekõawepe. Gope mĩmbawerã dja bykuapyre wywy go ymachdjagi parapyrepe. Gobu Jose emi Maria owerã go dja tapy tãrã Nasare puare duwe tapy tãrã Belem rekuaty. Go djypywaregi rõ Dawid my, emi Dawid opo endawe tapy tãrã Belempe.

Go Belempe wẽmbu, ĩllã dja ikẽ endarã. Go dja endarã rõ djuma etakrã we llambatype. Krumi pou opoma gope, gobu dja ai’i djenoma we u endatype, ĩllã buare duwe ikẽ endaty. Jose emi Maria idjape bykuama Jesu.

Go chãwãmbu tãrãllã wachupurã warõandygi ĩma tapy tãrã Belem djãwẽ, dja wachupurãndji warõ reko. Gobu wẽma bu Apã Wachu buetygi bype gatupe. Gobu gogi wywy krymballã buchã roma. Go buetygi inama: “Krymballãeme, cho reko djawu gatu, pendjepe kiuwã. Go Mesia, go Rekoatygi, opoma tapy tãrã Belempe!”

“Amaty kua, krumi poupe wechãwã. Gobu pendje dorowerã idjape, tyrudji djuwãmbyre emi djeno ĩ we u endatype.” Gobu ywadji embepama Apã Wachu buetygi wywy, gogi pre reko Apã Wachudji, inama: “Apã Wachu rõ neina wachueche ywadji. Apã Wachu mẽwerã go ache idja bygatutygipe okryra kuwẽ gatudjiwa kowe ywype!”

Go wachupurã warõandygi wẽma Jesu endape, emi idjape doroma we u endatype, Apã Wachu buewegi kiuwe nonga. Gogi wywy rõ chã opo roma. Gobu wachupurã warõandygi oma emi dja wachupurã endape, emi ury gatu mema Apã Wachupe, bue wywy wendupawe emi wechãmbawegidjiwa.

Go ikẽ tãrãllãmbu kbe’e tõngatugi wywy ekõandy buchãkrã pua krey wẽ rekuatywa wechãma tata duwe nonga ywadji. Go nonga kuama, go Juda pua ymachidja wachurãngi opoma. Go buare watama o tãrã kreybu, go ymachidjarãngipe wechãwã. Gobu wẽma Belempe, emi doroma go tapype Jesu, dja ai’i emi dja imedji gope.

Go kbe’e tõngatugi wywy wechãmbu Jesupe dja ai’idji, kmarãma dja chã ruwa emi prema idjape. Idjape mema tãrã bue biribuchãngi. Gobu oma emi dja ekõandype.

اطلاعات مربوطه

کلام زندگی - جی آر اِن پیام‌های صوتی انجیل شامل پیام‌هایی بر طبق کتاب مقدس درباره رستگاری و زندگی بصورت یک مسیحی را به هزارن زبان ارائه می‌دهد.

دریافت رایگان - در این قسمت شما می‌توانید تمام پیام‌های اصلی جی آر اِن به چندین زبان، به علاوه تصاویر و دیگر مطالب مرتبط که برای دریافت موجود است را مشاهده کنید.

The GRN Audio Library - Evangelistic and basic Bible teaching material appropriate to the people's need and culture in a variety of styles and formats.

Copyright and Licensing - GRN shares it's audio, video and written scripts under Creative Commons

Choosing the right audio or video format - What audio and video file formats are available from GRN, and which one is best to use?