unfoldingWord 41 - Kocti Jisasim Pukintinke Ukuka Ankanimi
Eskema: Matthew 27:62-28:15; Mark 16:1-11; Luke 24:1-12; John 20:1-18
Gidoi zenbakia: 1241
Hizkuntza: Gadsup
Publikoa: General
Generoa: Bible Stories & Teac
Helburua: Evangelism; Teaching
Bibliako aipua: Paraphrase
Egoera: Approved
Gidoiak beste hizkuntzetara itzultzeko eta grabatzeko oinarrizko jarraibideak dira. Beharrezkoa den moduan egokitu behar dira kultura eta hizkuntza ezberdin bakoitzerako ulergarriak eta garrantzitsuak izan daitezen. Baliteke erabilitako termino eta kontzeptu batzuk azalpen gehiago behar izatea edo guztiz ordezkatu edo ezabatzea ere.
Gidoiaren Testua
Soldiauc Jisasin kekac yasac dayon acnaempaci, Koctinkac yindur iye dukam Jiuyic acnam waintauci Pailatinkaci teni, "Mecyan umac wainta, Jisasi, temi kandac manawac nuram acnaempaci ukukantemi. Disaipoliuc wen o umorifo mana dafisim wainta danaci anufarem wam masikac dafisino, wake teya pukintinken aci ukukemino tifo. "
Pailati temi, "Kamore soldiauc yiwic marec wam masikac anufarekac dafiseko." Afo yeni wam masic osac kikitire uyacdeni soldiauc dani mikac anteno.
Jisasim masic ayon nuran acnaempci Sabati kaci wanini Jiuci aontikanini wam masipa iyem mini nuram wenoyo . Afo ena wanurami kukaonini Sabati acnaempaci, kamore ininami anufareni Jisasinic wam masipac ore wen okac maro amunkuc enim wasafem afirani wenoyo.
Akakaukami anon makurimi ensoli afayuke kaka karayemi inarumpate kundemi. Wam masikac uyakakenin oni awekaman demi mini naroc kumanduimi, wam masikac antikakenin soldia anon pekaric uremi makakac pukam waintake yandemi.
Anasiuc wam masikac oromi ensoli tiyimemi, "Iyewac pekako, Jisasi iyem makim wemi. Weni uwaranteno teninic emi aci pukintike ukukeno! Wam masikin onako." Anasiuc wam masikim Jisasin o wakenin kim maro onami wen o iyem wami!
Ensoli anasiukan temi, "Disaipoliuc maro tiyimeko, 'Jisasi pukintinke aci ukukakemi Galilifaci wenarem wemino."
Anasiuc pekantin namac anon yimoyintin namac weni disaipoliuc wapac awokuc waya tiyimiram weno.
Anasiuc awokuc waya disaipoliuc tiyimiran wewayomi Jisasi ye wankac afotafic uini wem mantiankeno. Jisasi temi, "Iyewac pekako, orekaci tentic disaipoliukan tiyaci Galilifac oreyaci tem mifac tonako."