unfoldingWord 49 - Нэво Завето, чидо Дэвлэса

unfoldingWord 49 - Нэво Завето, чидо Дэвлэса

Esquema: Genesis 3; Matthew 13-14; Mark 10:17-31; Luke 2; 10:25-37; 15; John 3:16; Romans 3:21-26, 5:1-11; 2 Corinthians 5:17-21; Colossians 1:13-14; 1 John 1:5-10

Número de guión: 1249

Idioma: Romani, Baltic

Audiencia: General

Tipo: Bible Stories & Teac

Propósito: Evangelism; Teaching

Citación Biblica: Paraphrase

Estado: Approved

Los guiones son pautas básicas para la traducción y grabación a otros idiomas. Deben adaptarse según sea necesario para que sean comprendidas y relevantes para cada cultura e idioma diferentes. Algunos términos y conceptos utilizados pueden necesitar más explicación o incluso ser reemplazados o omitidos por completo.

Guión de texto

Сыр латцяпэ Иисусо кэ чай савя кхарэнас Мария явья ангело и пхэндя, со ёй биянэла Дэвлэскирэс Чавэс. Мария сыс чаёри, нэ Свэнто Духо сгия пэ латэ, и ёй кэрдяпэ пхари. Мария бияндя Чавэс и дыя лэскэ лав Иисусо. Пал дава Иисусо – и Дэвэл, и Мануш.

Иисусо кэрэлас бут чудеса, савэ сыкавэнас, со Ёв – Дэвэл. Ёв пхирэлас пир паны и врикирэлас буря. Ёв дэлас састыпэн насвалэнгэ манушэнгэ и вытрадэлас бэнгэн. Иисусо гадэлас мулэн, Ёв кэрдя пандже марэндыр и дуендыр мачэндыр бут хабэн, со чалынэ бутыр 5000 манушэн.

Иисусо сыс баро Учителё. Саро Лэскиро учение исыс Чачуно. Пал дава амэ трэби тэ кэрас, со Иисусо амэнгэ ракирдя, Ёв – Дэвлэско Чаво. Екх со камня тэ пхэнэл Иисусо, соб амэ тэ камас авирэн манушэн, дякэ сыр амэ камас кокорэ пэс.

Ёв сыклякирэлас, со трэби бутыр сарэстыр тэ камас Дэвлэс.

Иисусо пхэндя, со хвэдыр тэ заджя дэ Дэвлэско Царство, чем тэ авэ барвалэса манушэса. Соб ту тэ заджяс дэ Дэвлэско Царство, Дэвэл трэби тэ заракхэл тут тэ намарэл пало тырэ бэзэха.

Иисусо пхэндя, со авэна мануша савэ прылэна Лэс, и Дэвэл заракхэла лэн. Нэ авэна дасавэ мануша савэ на прылэна Лэс. Иисусо пхэндя, со сын мануша савэ сыр лачи пхув. Дэвлэско Лав, сыр зёрно, пэрэл пэ адая пхув, и пробарьёл. Дасавэ мануша прылэн Иисусос, и Дэвэл лэн заракхэл. Нэ авир мануша сыр нанэ ковлы пхув пашэ дром. Дэвлэско Лав сыр зёрно, пэрэл пэ дая пхув, нэ на пробарьёл. Дасавэ мануша на прылэн Иисусос. Ёнэ отпхэнэнпэ тэ заджян дэ Лэско Царство.

Иисусо сыклякирэлас, со Дэвэл дрыван камэл сарэн манушэн, и савэ мануша дэ бэзэха. Ёв камэл тэ простинэл и тэ прылэл сарэн сыр Пэскирэн чаворэн.

Сыр Адамо и Ева кэрдэ бэзэх, сарэ мануша лынэ тэ латхэнпэ пэ пхув дэ бэзэх. Сарэ мануша кэрэн бэзэх и отджян Дэвлэстыр. Сарэ мануша сыр латхэнпэ пэ пхув, на шунэн на кандэн Дэвлэс.

Нэ Дэвэл дякэ камэл манушэн, со отдыя Пэскирэс екхэс чавэс саво Лэстэ сыс. Дэвэл на марэла одолэн, кон патял дэ Иисусостэ, и сарэ патянкунэ авэна тэ дживэ Лэса вечно.

Ту молэс тэ мэрэ, пал дава со ту кэрэс бэзэха. И Дэвэл сыр марэлас бы тут пал тырэ бэзэха авэлас бы чачуно. Нэ пал тутэ и тырэ бэзэха Дэвэл мардя Иисусос. Дэвэл перечидя тыри банг пэ Иисусостэ, сыр прымардэ Лэ пэ трушул.

Иисусо нэ кэрэлас бэзэх. Нэ Ёв лыя амарэ бэзэха, амари банг и мэя пэ трушул. Иисусо атча жертваса ваш дова, соб тэ залэ тырэ бэзэха и бэзэха сарэнгирэ манушэнгирэ дэ дава свэто. Иисусо яндя Пэс дэ жертва пал бэзэх, и пал дава Дэвэл простинэл сарэ бэзэха сарэнгэ, кон патяла дэ Иисусостэ.

Тырэ лачэ дэлы на заракхэна тут. Ту нисо накэрэса кокоро ваш дова, соб тэ авэс лачё Дэвлэскэ. Нэ тукэ трэби тэ патя, со Иисусо — Чаво Дэвлэско, со Ёв мэя пэ трушул пал тутэ и Дэвэл рискирдя Лэс кэ джиипэн. Сыр ту дэ дава патяса, Дэвэл простинэла сарэ тырэ бэзэха.

Дэвэл заракхэл сарэн, кон патял дэ Иисусостэ и прылэл Лэс пэскирэса Хуласа. Нэ Ёв на заракхэла долэн, кон дэ Лэстэ на патяла. Всаек барвало ту чи чёроро, Мурш ту или джювлы, тэрно ту или пурано, и кай ту дживэс. Дэвэл камэл тут, и Ёв прыкхарэл тут соб ту тэ патяс дэ Иисусостэ.

Иисусо прикхарэл тут тэ патя дэ Лэстэ и тэ болэпэ. Ту патяс, со Иисусо — Мессия и екх Чаво кэ Дэвэл? Ту патяс, со ту – дэ бэзэх и молэс кай Дэвэл тэ марэл тут пал тырэ бэзэха? Ту патяс со Иисусо мэя пэ трушул, соб тэ залэл тырэ бэзэха.

Сыр ту патяса дэ Иисусостэ, и авэса тэ прыджинэ и тэ ракирэс пал Лэстэ, со Ёв кэрдя ваш тукэ, то авэса ученикоса Христа. Налачё бутыр на авэла тырэ хуласа. Нэ кокоро Дэвэл лэла тэ подпхэнэл тукэ пэскирэ Царствостыр. Дэвэл дэла тукэ зор тэ накэрэ бэзэх дэ тэро джиипэн. Ёв дэла тукэ нэво и чачуно джиипэн.

Сыр ту патяндыян дэ Иисусостэ, то Дэвэл простиндя тырэ бэзэха пал дава со Иисусо сын жертва. Кана Дэвэл гинэл тут пэскирэса манушэса.

Сыр ту — пэскиро Дэвлэскэ, сыр ту слуга Иисусоско, а Иисус — тыро Хулай, то ту закамэса тэ кэрэс саро, со лэла тут тэ сыклякирэл Иисусо. Сыр ту патяндыян дэ Иисусостэ, всаек налачё лэла тут тэ чурдэл кэ бэзэх. Нэ Дэвэл лэла тэ кэрэл со ракирдя. А ёв ракирдя, со сыр ту прыджинэс пэскирэ бэзэха и мангэс кэ Дэвэл тэ простинэл тут, то Ёв простинэла тут и дэла тукэ зор тэ на кэрэс бэзэх.

Дэвэл камэл, со ту тэ мангэспэ и тэ сыклёс дэ Лэско лав. Ёв дякэ ж камэл, соб ту тэ поклонинэспэ Лэскэ авирэнса ученикэнса Иисуса. Дякэ ж ту трэби тэ роспхэнэс авирэнгэ манушэнгэ, со Ёв кэрдя ваш тукэ. Сыр ту авэса тэ кэрэ саро, со ракирэл тукэ Дэвэл, то тыро джиипэн авэла бахтало Дэвлэстыр.

Información relacionada

Palabras de Vida - GRN tiene mensajes audios en miles de idiomas que contienen mensajes basados en la Biblia acerca de la salvación y la vida cristiana.

Descargas gratis - Aquí puede encontrar los guiones principales de GRN en varios idiomas y también imágenes y otros materiales relacionados. Todos están disponibles para descargar.

Librería de audio de GRN - Material evangelistico y de enseñanza adecuado a las necesidades y a la cultura en variedad de stilos y formatos

Choosing the audio or video format to download - What audio and video file formats are available from GRN, and which one is best to use?

Copyright and Licensing - GRN shares it's audio, video and written scripts under Creative Commons