unfoldingWord 08 - Yoosefanne Iya Soo Asaa Atethaa

unfoldingWord 08 - Yoosefanne Iya Soo Asaa Atethaa

Esquema: Genesis 37-50

Número de guión: 1208

Idioma: Gofa

Audiencia: General

Tipo: Bible Stories & Teac

Propósito: Evangelism; Teaching

Citación Biblica: Paraphrase

Estado: Approved

Los guiones son pautas básicas para la traducción y grabación a otros idiomas. Deben adaptarse según sea necesario para que sean comprendidas y relevantes para cada cultura e idioma diferentes. Algunos términos y conceptos utilizados pueden necesitar más explicación o incluso ser reemplazados o omitidos por completo.

Guión de texto

Daro laythafe guye, Yayqoobi cimida wode, mehiya naagiya iya ishati waanidi de7iyakko be7ana mela, aaway ba dosiya na7aa Yoosefa yeddis.

Entta aaway, Yayqoobi, Yoosefa, iya ishata ubbaafe aathidi dosiya gishonne amuho amuhida gisho, Yoosefa ishati iya ixxidosona. Yoosefi ba ishatakko yida wode, iya ishati Yoosefa ixxidi, zal7anchotas bayzidosona.

Yoosefa ishati soo simmanaappe sinthe Yoosefa ma7uwa daakkidi, deesha suuthan muukkidosona. Suuthan muuketida Yoosefa ma7uwa bantta aawa bessidosona. Yayqoobi, ta na7aa, Yoosefa do7i mis gidi qoppis; Yayqoobi daro azzanis.

Aylle bayziya zal7anchoti Yoosefa Gibxe efidosona. He wode Gibxey, Abbaye shaafa matan de7iya gitanne wolqqaama biitta. Zal7anchoti, Yoosefa Gibxen de7iya issi dure kawo shuumas bayzidosona. Yoosefi, ba godaa loythidi haggaazis; Xoossayka Yoosefa anjjis.

Iya goda machiya Yoosefara zin7anaw koyasu. Shin Yoosefi, taani Xoossa sinthan hayssa mela nagara oothike gidi ixxis. Iya daro yilotida gisho, worddon mootada, qashisasu. Yoosefi qasho keethan de7ikkoka, Xoossas ammanetida gisho, Xoossay iya anjjis.

Yoosefi xillo asi gidikkoka, nam7u laythi aadhinkka Yoosefi qasho keethafe keybeenna. Issi qamma, Gibxeti “Nu kawuwa” gidi xeegiya, “Paarona” geetetiya kawoy daganthiya amuho be7is. Iya moorinatappe issoyka amuhuwa birshethaa odanaw dandda7ibookona.

Xoossay, Yoosefas amuho birshshiya imota immis. Hessa gisho, Paaroni, Yoosefa qasho keethafe ehisis. Yoosefi amuhuwa iyaw birshshidi, “Xoossay laappun kalo laythata ehana; kaallidi qassi laappun kosha laythati yaana” yaagis.

Paaroni, Yoosefa be7idi malaalettis; Gibxe biitta ubban, bana kaallidi de7iya nam7antho shuuma oothidi shuumis.

Gibxe asay laappun kalo laythatan kaxxida kathaa shaalen minjjana mela Yoosefi odis. Laappun kosha laythatan Yoosefi minjjida shaaliyappe asaas kathi bayzida gisho, asay maanaw gidiya kathi demmidosona.

He iita koshay Gibxe xalaalan gidonashin, Yayqoobaranne iya soo asaara de7iya biittan, Kanaane biittaa gakkis.

Yaanin, Yayqoobi ba nayta kathi shammana mela Gibxe yeddis. Yoosefa ishati kathi shammanaw Gibxe bidi, Yoosefa sinthan eqqida wode, Yooseefi ba ishata eris, shin entti iya erbookona.

Yoosefi ba ishata paaccidaappe guye, entti laametidaako be7anaw koydi hayssada Yaagis: “Yayyofite! Taani, hintte tana Gibxe bayzida hintte ishaa Yoosefa. Hintte tana aylletethas bayziya wode iitabaa qoppideta, shin Xoossay he iita qofaa lo77on laammis. Ha77i Gibxe yidi de7ite. Hinttewnne hintte soo asaas koshshiyabaa ubba taani immana” yaagis.

Yoosefa ishati, guye bantta biittaa simmidi, Yoosefi paxa de7eysa bantta aawas odida wode, Yayqoobi daro ufayttis.

Yayqoobi, daro cimidabaa gidikkoka, ba soo asaara Gibxe bidi yan de7idosona. Yayqoobi hayqqanaappe sinthe ba nayta issuwa issuwa anjjis.

Xoossay, Abrahaames gelida caaqo qaalay Yisaaqa gakkis; iyappe Yayqooba gakkis; kaallidi tammanne nam7u Yayqooba naytanne entta soo asaa gakkis. Wurssethan tammanne nam7u nayta sheeshay, tammanne nam7u Isra7eele zerethi gididosona.Geeshsha Maxaafa taarikey eketiday, Medhetetha 37-50

Información relacionada

Palabras de Vida - GRN tiene mensajes audios en miles de idiomas que contienen mensajes basados en la Biblia acerca de la salvación y la vida cristiana.

Descargas gratis - Aquí puede encontrar los guiones principales de GRN en varios idiomas y también imágenes y otros materiales relacionados. Todos están disponibles para descargar.

Librería de audio de GRN - Material evangelistico y de enseñanza adecuado a las necesidades y a la cultura en variedad de stilos y formatos

Choosing the audio or video format to download - What audio and video file formats are available from GRN, and which one is best to use?

Copyright and Licensing - GRN shares it's audio, video and written scripts under Creative Commons