unfoldingWord 39 - محاكمة يسوع

unfoldingWord 39 - محاكمة يسوع

Esquema: Matthew 26:57-27:26; Mark 14:53-15:15; Luke 22:54-23:25; John 18:12-19:16

Número de guión: 1239

Idioma: Arabic, Sudanese: Khartoum

Audiencia: General

Tipo: Bible Stories & Teac

Propósito: Evangelism; Teaching

Citación Biblica: Paraphrase

Estado: Approved

Los guiones son pautas básicas para la traducción y grabación a otros idiomas. Deben adaptarse según sea necesario para que sean comprendidas y relevantes para cada cultura e idioma diferentes. Algunos términos y conceptos utilizados pueden necesitar más explicación o incluso ser reemplazados o omitidos por completo.

Guión de texto

العساكر قادوا يسوع في نص الليل لبيت الكاهن الاعلي لانو هو داير يسال يسوع . بطرس كان بتبعهم من بعيد لمن العساكر شالو يسوع للبيت ، بطرس قعد برا بدفي بالنار.

جوه البيت، قادة اليهود قدموا يسوع للمحاكمة. جابوا شهود كذابين الكذبوا عنه. علي كل حال، القالوه ما متفق مع بعض. عشان كده قادة اليهود ما قدروا يثبتوا انو هو مذنب باي حاجة ، بعد داك يسوع ما قال اي حاجة .

في النهاية ،الكاهن الاعلي عاين دغري ليسوع و قال: "قل لينا انت المسيا، ابن الله الحي؟"

يسوع قال: "انا هو، وحتشوفوني قعدت مع الله وجاي من السماء". الكاهن الاعلي شرط ملابسو عشان هو زعل من الحاجة القالو يسوع . هو صرخ لقادة التانين، "احنا ما محتاجين لشهود تاني عشان يورينا انو الراجل ده عمل شنو! انتو بانفسكم سمعتوا انو هو قال بنفسو هو ابن الله. قراركم شنو عنه.

كلو قادة اليهود جابوا الكاهن الاعلي، " هو بيستحق الموت!" بعد داك ربطو عيون يسوع، بصقوا عليهو، ضربوه و استهزوا بيهو.

اما بطرس، كان منتظر برا البيت، بت خادمة شافتو و قالت ليه: "انت كمان كنت مع يسوع، بطرس نكر. بعدو، بت تانية قالت نفس الكلام، برضو بطرس نكر. اخيرا، بعض من الناس قالوا: بنعرف انو انت كنت مع يسوع لانو كلكم من الجليل".

بعد داك بطرس قال:خلي الله يلعني لو انا بعرف الراجل دا ،طوالي بعد ما بطرس حلف ذي دا ، صاح الديك. يسوع لفت وعاين لبطرس.

بطرس مشي برا وبكي بمرارة. في نفس الوقت، يهوذا، الكان خان يسوع، لمن شاف قادة اليهود الحكموا علي يسوع بالموت. يهوذا بقي حزنان شديد ومشي وقتل نفسه.

وكان بيلاطس حاكم البلد شغال لروما. قادة اليهود جابوا ليهو يسوع . هم دايرين عشان بيلاطس يدين ويحكم عليهو بالموت. بعد داك بيلاطس سال يسوع، "هل انت ملك اليهود؟"

يسوع جاوب: "انت قلت الحقيقة. لكن مملكتي ما هنا علي الارض، لو كان زي ده، كان خدامي حيشاكلوا من اجلي. انا جيت للعالم عشان اقول الحقيقة عن الله، كل زول بحب الحقيقة بيسمع لي. بيلاطس سال: "شنو الحقيقة؟"

بعد ما اتكلم مع يسوع، بيلاطس مشي برا للجمهور وقال: "انا مالقيت اي سبب في الزول ده عشان يستحق الموت" لكن قادة اليهود والشعب صرخوا وقالوا: "اصلبوه" بيلاطس رد "هو ما مذنب في اي حاجة غلط". لكن قادة اليهود والجمهور صرخوا وبعد داك بيلاطس قال للمرة التالتة "هو ما مذنب!" .

بيلاطس بقي خايف شديد انو الجمهور يبدوا يشاغبوا، عشان كده هو وافق لعساكرو يصلبوا يسوع. عساكر الرومان جلدو يسوع ولبسوهو ملابس ملوكي وختوا ليهو تاج من شوك في راسو وضحكوا عليهو واستخفوا بيه وقالوا: "شوفوا ملك اليهود!"

Información relacionada

Palabras de Vida - GRN tiene mensajes audios en miles de idiomas que contienen mensajes basados en la Biblia acerca de la salvación y la vida cristiana.

Descargas gratis - Aquí puede encontrar los guiones principales de GRN en varios idiomas y también imágenes y otros materiales relacionados. Todos están disponibles para descargar.

Librería de audio de GRN - Material evangelistico y de enseñanza adecuado a las necesidades y a la cultura en variedad de stilos y formatos

Copyright and Licensing - GRN shares it's audio, video and written scripts under Creative Commons

Choosing the right audio or video format - What audio and video file formats are available from GRN, and which one is best to use?