unfoldingWord 17 - عهد الله مع داؤد

Esquema: 1 Samuel 10; 15-19; 24; 31; 2 Samuel 5; 7; 11-12

Número de guión: 1217

Idioma: Arabic, Sudanese: Khartoum

Audiencia: General

Tipo: Bible Stories & Teac

Propósito: Evangelism; Teaching

Citación Biblica: Paraphrase

Estado: Approved

Los guiones son pautas básicas para la traducción y grabación a otros idiomas. Deben adaptarse según sea necesario para que sean comprendidas y relevantes para cada cultura e idioma diferentes. Algunos términos y conceptos utilizados pueden necesitar más explicación o incluso ser reemplazados o omitidos por completo.

Guión de texto

شاول كان اول ملك لاسرائيل ، كان طويل و وجيه ، زى ما الشعب دايرينو . شاول كان ملك كويس فى السنين الاولى لمن حكم على اسرائيل ، لكن بعد داك بقى شرير و ما اطاع الله . عشان كده الله اختار راجل تانى عشان يكون ملك فى محله فى يوم من الايام .

الله اختار شاب اسرائيلى اسمه داؤد وبداء يجهزه عشان يكون ملك فى يوم من الايام بعد شاول . داؤد كان راعى من مدينة بيت لحم . فى اوقات مختلفة داؤد قتل اسد و دب الهجموا خرفان ابوه لمن كان برعاهم . داؤد كان راجل متواضع و بار ، وثق و اطاع الله .

لمن داؤد كان شاب ، هو حارب ضد عملاق اسمه جليات . جليات كان عسكرى كويس ، قوى شديد و طوله تقريبا تلاتة امتار! لكن الله ساعد داؤد يقتل جليات و يخلص اسرائيل . بعد داك داؤد كسب انتصارات كتيرة على اعداء اسرائيل . داؤد بقى عسكرى عظيم ، و قاد جيش اسرائيل فى معارك كتيرة و الشعب عظمه شديد .

الشعب حبوا داؤد شديد عشان كده الملك شاول بقى بغير منه . فى النهاية شاول داير يقتله ، داؤد جرى بعيد للبرية عشان يدسى منه و جيشه . فى يوم من الايام ، لمن شاول و جيشه كانوا بفتيشوا فيه ، شاول دخل جوا كركور و ده نفس الكركور الكان داؤد مدسى فيه لكن شاول ما شافه . داؤد مشى قريب لشاول و قطع قطعة من قماشه الكان لابسه . فى وقت تانى ، بعد ما شاول خلى الكركور ، داؤد صرخ ليه عشان يشوفه قطعة قماشه الكان ماسكه . بالطريقة دى ، شاول عرف انو داؤد رفض يقتله عشان يكون ملك .

بعد فترة ، شاول مات فى معركة و داؤد بقى ملك اسرائيل هو كان ملك كويس و الشعب حبوه و الله بارك داؤد و عمله ناجح . داؤد حارب فى معارك كتيرة و الله ساعده ليهزم اعداء اسرائيل . داؤد مسك مدينة اورشليم بالقوة و بقاه عاصمته محل هو كان عايش فيه و حكم . داؤد كان ملك لمدة اربعين سنة ، فى الفترة داك اسرائيل كانت قوية و غنية .

داؤد داير يبنى هيكل محل لكل الاسرائيليين يعبدوا فيه الله و يقدموا ليهو ذبائح . لفترة اربعمائة سنة ، الشعب كانوا بعبدوا الله و يقدموا ليهو ذبائح فى خيمة الاجتماع الكان موسى عملها .

لكن هناك كان فى نبى اسمه ناثان. الله رسله عشان يقول لداؤد الكلام ده: "انت حاربت فى حروبات كتيرة ، عشان كده انت ما حتبنى لى الهكيل. ابنك حيبنيهو. لكن لسه ، حباركك كتير. واحد من نسلك حيحكم شعبى كملك للابد !" ونسل داؤد الوحيد البحكم للابد هو المسيح. المسيح هو الوحيد الكان الله اختاره لينقذ ناس العالم من خطاياهم.

لمن داؤد سمع رسالة ناثان هو شكر الله و سبحه . الله كان اكرمه و اداه بركات كتيرة . طبعا ، داؤد ما كان عارف متين الله حيعمل الحاجات دى . و هسه عرفنا انو الاسرائيليين كان عليهم ينتظروا لفترة طويلة تقريبا ١,٠٠٠ سنة قبل مجى المسيح .

داؤد حكم شعبه بعدالة لمدة سنين كتيرة . هو طاع الله شديد و الله باركه . لكن فى نهاية حياته هو اخطا بشكل بطال ضد الله .

وفى يوم من الايام داؤد عاين برا قصره و شاف مراة جميلة بتستحمة . لكن ما كان بيعرفها ، لكنه لقي اسمها بثشبع .

بدل ما يعاين بعيد ، داؤد رسل زول عشان يجيبها ليه . نام معاها و رجعها البيت . بعد زمن قصير بثشبع رسلت رسالة لداؤد بتقول هى كانت حامل .

زوج بثشبع كان اسمه اوريا .هو كان واحد من افضل عساكر داؤد . فى الزمن داك كان بقاتل فى الحرب . داؤد نادى اوريا من المعركة و قال ليه يمشى يكون مع مرته . لكن اوريا رفض عشان يمشى البيت و باقى الجيش لسه فى المعركة. بعداك داؤد رسل اوريا عشان يرجع المعركة و قال للقائد الكبير فى الجيش عشان يخته فى المكان الفيه العدو قوى عشان يقتلوه . ده الحاجة الحصل : ارويا مات فى المعركة .

بعد ما اوريا مات فى الحرب ، داؤد عرس بثشبع . بعد داك هى ولدت لداؤد ولد . الله كان زعلان شديد من الحاجة العمله داؤد ، عشان كده هو رسل النبى ناثان عشان يقول لداؤد كيف كان شر الخطية حقه . داؤد اعترف بخطيته و الله غفر ليه . لباقى حياته ، داؤد تبع و طاع الله حتى فى الاوقات الصعبة .

لكن ولد داؤد مات . دى الكيفية الله عاقب بيه داؤد . كمان ، لحدى موت داؤد ، بعض من اسرته حاربوا ضده و داؤد فقد سلطة كتيرة . لكن الله كان امين و استمر يعمل الحاجة الوعد بيها داؤد عشان يعمله ليه ، رغم انو داؤد كان ما اطاعه . بعد فترة ، داؤد و بثشبع بقوا عندمهم ولد تانى وسموه سليمان .

Información relacionada

Palabras de Vida - GRN tiene mensajes audios en miles de idiomas que contienen mensajes basados en la Biblia acerca de la salvación y la vida cristiana.

Descargas gratis - Aquí puede encontrar los guiones principales de GRN en varios idiomas y también imágenes y otros materiales relacionados. Todos están disponibles para descargar.

Librería de audio de GRN - Material evangelistico y de enseñanza adecuado a las necesidades y a la cultura en variedad de stilos y formatos

Copyright and Licensing - GRN shares it's audio, video and written scripts under Creative Commons

Choosing the right audio or video format - What audio and video file formats are available from GRN, and which one is best to use?