Mipaganyo Mipya
Outline: Short Bible stories from Genesis through the ascension. How to become a follower of Jesus. 40 sections. It has a picture book to go along with the recording.
Script Number: 395
Language: Chuwabo
Theme: Sin and Satan (Temptation, Deliverance, Light/Darkness, Sin, disobedience, Satan (the devil)); Christ (Jesus, Our Substitute, Resurrection of Jesus, Son of God, Saviour of Sinful Men, Birth of Christ, Ascension, Sacrifice / Atonement, Death of Christ, Life of Christ); Eternal life (Salvation, Eternal / everlasting life, Broad & Narrow Ways); Character of God (Love of God, Holy Spirit, Grace and Mercy, Nature, character of God, Word of God (the Bible), Power of God / Jesus); Living as a Christian (Fruit of the Spirit, Prayer, petition, New Nature, Worship, Witnessing, Church, Christianity, Second Birth, Obedience, No other gods, idols, Peace with God, Leaving old way, begin new way, Forgiveness, Faith, trust, believe in Jesus, Peace (between men), Children of God, Family, relationships, Spiritual Life, Christian values); Life event (Death); Bible timeline (Creation, Law of God, End Time, Second Coming, Gospel, Good News, People of God); Problems (Materialism, Evil Spirits, demons, Fear, Problems, troubles, worries)
Audience: General
Purpose: Evangelism
Features: Monolog; Bible Stories
Status: Approved
Scripts are basic guidelines for translation and recording into other languages. They should be adapted as necessary to make them understandable and relevant for each different culture and language. Some terms and concepts used may need more explanation or even be replaced or omitted completely.
Script Text
Omaromelo
Akuwaga. Kadhaunoni muiwe Mpaganyo obo wapama. Kañganani etonyiedho, vina kavuruwanani na ofwasa. Masaka etene aniwa nyuwo n'zu entti, na jibo zugunuwelani wa etonyiedho vina kaddamelani nivuru.
Figura e fiquem perto do livro.
Etonyiedho yoroma (1): (Elabo) enatti opadduwa
Voroma waliwo ddi Mulugu bai. Mulugu opaduca elabo, olamulela wila ekalewo ceza dhawene voroma mwilaboni mwali eddima. Mulugu ogawa omutana na omattiyo, dhaene ninga munonela iyo mwa etonyiedho yoroma, Iyene ogawa manje a minje na nibara, na manje a miraboni ( kaubuwelani wila manje a muzogwe anda m'miraboni) Mulugu opaduca n'zuwa wila nimuneyege na mutana, mamweri wila amuneyege na mattiyu. Dhaene Mulugu wahipaduca dhetedhene balamulela ottonga wae mwa dhotedhene.
Etonyiedho yonawili (2): Mulugu onologa
Nivuru na etonyiedho eji nincemelriwa Biblia (Malebo). Ba Mazu a Mulugu anisunziya dhotedhene sabwa ya dila dha Mulugu. Mazu a Mulugu ba ebaribari, ji ebaribarene eji enaiwe weyo M'maleboni.
Etonyiedho yanoraru (3): Omattandelo
Mulugu na mazu ae, opaduca mwa dhetedhene. Mulugu opaduca mattaka, miyango, nibara, minje. M'malele Iyene opaduca dhotedhene esile dhiliwo na egumi, visavi, balame, na kwaradadi dhetedhene dha vinama.
Etonyiedho yanounai (4): Adamu na Eva
Vamalele Mulugu omuttanda mulobwana woroma, n'zina nae wali Adamu. Vamale Iyene omuttanda mwiyana woroma, wacemelriwa Eva. Mulugu onvaya mulobwana ewodhelo ya dhotedhene dhapadicile Iyene vati. Awene anandana na Mulugu vina anloga na Mulugu, m'mundani mwa Edeni mpule mwakala awene. Mulugu wahalamulela wila aje misapo dhotene dhali m'munddani ottiya musapo wa yalo m'modha yali vari va mundda. Etoniyedho ya mono wamara iyo ninowona vakoddile awene omwiwelela Mulugu, ajaga musapo wakoddiwe na Mulugu, etoniyedho ya mono woja, iyo ninowona mikalelo dha ocunuciwa wa Adamu na Eva. Aponyelaga otakulu wa munda wa Edeni, oromela n'labo nenentile misapo iyetene ya munddani mwa Edeni dhankoddiwa, dhaene awene anfanyela olaba vaddiddi wila akane dhoja. Nona oromela n'labo nenentile awene aweha, wiwa opa, maredda na okwa.
Etonyiedho yanoutano (5): Kaini na Abeli
Adamu na Eva aikana aima eli, acemelriwa Kaini na Abeli, Kaini waikana n'rima na Abeli n'labo nimodha Kaini wahimpa mbalae Abeli. Mulugu omucunuca Kaini na sabwa ya ottega wae, ninga mwamucunucile Iyene Adamu na Eva, iyo netene nina yottega m'modhene. Yottega enonimwalaniya na Mulugu. Na dhaene iyo ninofwanyela ocunuciwa na dhottega dhehu.
Etonyiedho yanoutano na modha(6): Mwandiya wa Nowe
Dhivira viaka vinjidhene (malogo) waikala maziza menjene adudduwile wa Adamu. Attuyaba vina ahittega, kamwiwelele Mulugu. Attu etene aimala odhala dhottega, Mulugu wahilamulela watoloca na muneri. Ovano mwali mulobwana m'modha bai wamukwela na.
wamwiwelela Mulugu, n'zina nae wacemelriwa Nowe. Mulugu ologa na Nowe wila asasanye mwanddiya wila iyene na amudhe avolowemo wila avuneye. Nowe wanlaleya sabwa ya oligana wa Mulugu, mwari mwa mudhidhi mwinjene wasasanya iyene mwanddiya. Mbwenyi attu kafuna orumela mipaganyo dha Mulugu. Wila attiye dila dhawa dhabure na avuneye mwa muneri.
Etonyiedho yanoutano na bili (7): Muneri
M'malele mwanddiya, Nowe ovolociyamo balame, vinama dha ekalelo dhotene mwari mwa mwanddiya, ninga mwampangele Mulugu. Vamalelele ani Nowe mwadhiye anae araru, awenyae vina avolowa m'mwanddiyani, nona Mulugu ofuga musuwo wa mwanddiya, m'malele ani Mulugu omurubwiya muzogwe mwnji n manje menji aba afumbuwa vati. Elabo yetene yahidhala manje. Mudhidhdi wahivira wila attu avulumuciwe, ovano Nowe na amudhae avulumuciwa, mwari mwa mwanddiya, mbwenyi attu etene aba ali otakulo wa mwanddiya ahikwa na obwina. Nowe na amudhae avulumuciwa, sabwa omuroromela Mulugu na bamusoriya.
Etonyiedho yanoutano na ttaru (8): Abramu, Sara na Izaki
Dhivira viaka dhinji, (malogo), maziza a Nowe obaliwa mahumo owinjiva (vilabo) Abramu wali mulobwana wamukwela na wamusoriya Mulugu. Mulugu ompikilrela wila maziza ao anelo tadela elabo enddimuwa (vaddiddi). Abramu na mwaddiye kana aima, mbwenyi Abramu ahiroromela nipikilrelo na Mulugu. Etoniyedho eji enolagiya wila awene ahikana mwana modha bamale ouluvala, mwanaya ottuliwa n'zina na Izaki.
Etonyiedho ya noutano na nai (9): Moize na Nlamulo na Mulugu
Dhaene ninga mwampikilrele Mulugu Abramu, Izaki wahikana maziza menjene. Maziza a Abramu aidhokala elabo enddimwa vaddiddi yacemelriwa Izaraeli.
Moize vina wali wa onihimoni wa Abramu, vina wanimuroromela na wanimusoriya Mulugu. Nlabo nimodha Mulugu omukuwelela Moize omwangoni, wenewale wanvahile Iyene Malamulo kumi wila azunziye attu. Etoniyedho eji enonilagiya Moize atitaga omwangoni, na Malamulo a Mulugu balebiwe vamiyalrani mili. Mulugu onfuna wila attu etene asoriyege Malamulo ae.
Etonyiedho ya noukumi (10): Malamulo akumi
Apa vakala Malamulo anvahile Mulugu Moize. Aba anisunziya omukwela na omusoriya Mulugu wa ebaribari. Niromaga odhulu wa mono wa mara wa etoniyedho, ninelo wona wila kaniwebedhe vina kanilobelele ekwamuttu iyosema, elagiyedho ya enama na dhilobo dhina. Iyo ninofwanyela nimolobelelege Mulugu modha bahi wa ebaribari, Mulugu Muttanddi. (mwa etonyiedho ina) babi, mai na aima anomulobelela Mulugu etene. Attu etene anofwanyela ottiya nlabo nimodha va sumanani wila amulobelege na amwebedhege Mulugu. Aima anofwanyela wasoriya na alremezege ababi ( etoniyedho ya muciddo omononi wa mara) Mulugu ononiwaddela Nlamulo nae wila kanipe attu (osogolrowa) kumwakiye mwadhi mwinya n'ne kurarwena. (Etonyiedho yomariya) kaniye kanisilrilre( ecile kisilrilre, vilobo dha attu enaguwa. Mulugu ononiruma osoriya Malamulo ae.
Etonyiedho ya noukumi na modha (11): Mukutto wa yottega
Mulugu onomucunuca odudule onkoda osoriya. Nsaka na Moize muttu agattega(apaulaga Malamulo a Mulugu),wanfwanyela okutta mwana nibila na pama wa Mulugu. Mwana nibilana nankwa vamburoni va oddule wanyimula. Mwana nibila iyali ezinddiyelo ya Mwana Mulugu, Nabuya Yezu Kristo. Yezu odhele wila akwe ninga mukutto wa Mulugu, wa attu otene mwilaboni. Mulugu wahitadela omuruma Yezu mwilaboni wila avulumuce attu m'matabuwoni, ewodhelo ya yottega na ocedhiwa wa okwa . Iyo ninelo osunza vaddiddi mwa dhitonyiedho dhina.
Etonyiedho ya noukumi na bili (12): Murumiwi (anju) Mariya na Zuze
Mvirele viaka dhinji m'malele Moize, Yezu obaliwa. Walene Mulugu wahipikilrela omuruma Mvulumuci. Etonyiedho iya omononi wa mara, iyo ninowona anju watitile odhulu wila aloge na namwali wacemelriwa Mariya. Mariya wali namwali wa mutaga, vina wanoweddeliwa na Zuze. Nona anju ologa na Mariya: " Kuwove Mariya... onelo ombala mwana, iyene onacemelriwe Yezu. Iyene onelo okala munddimwa vina onela ocemelriwa mwana Mulugu Munddimwa oli odhulu.... Muya Wokoddela onela otitela na guru dha Mulugu dhinoukunela (Luka 1:31-32a na 35). (ninga munonela iyo etonyiedho ya mono woja) Anju vina wahidha wa Zuze murohani. Alogaga: " Zuze, kuwove omwakela Mariya ninga mwadhiyo... Iyene onela okana mwana, weyo onela omuttuliya na n'zina na Yezu, sabwa Iyene odhele aavulumuce attu mu yoddawani. N'zina na Yezu nintapulela Mvulumuci. (Matew 1:19-21)
Etonyiedho ya noukumi na ttaru (13): Obaliwa wa Yezu
Zuze na Mariya akosa oleddo badhowa Kwatti yacemelriwa oBelemi. Bali va Kwatti, Mariya ombala mwana Yezu, bamugunantiya munigulani sabwa kavali mburo wila awene agonevo. Omattiyu obule anju wahatitela akumbuzi ena a mabila ali vakuvi. Anju wahawaddela mwaha wa obaliwa wa Yezu oBelemi. Anju enjene aidha wirimu, aibaga, amuttittimiyaga Mulugu. Venevo akumbuzi ahidhowa oKwatti wila amone Yezu Mvulumuci.
Etonyiedho ya noukumi na nai (14): Yezu ninga Mesilri
Yezu wanunuwa marelio a Mulugu ali na iyene.(Lk 2:40b) Etoniydho ya mono wa emara, ninowona Yezu bana yaka kumi na bili dho baliwa iyene welologa sabwa ya mazu a Mulugu,na anamakutta sembe akwatte a Izarael aiwaga akosaga mavuzo. Awene ali ottikina sabwa ya ononelamo onddimuwa wana Yezu wa Mulugu. Etonyiedho ya nawili enolaguiya Yezu bali munddimuwa bagasunziya nlogo mazu a Mulugu. Attu ena arumela masunziyo aye vina asoriya, mbwenhi enaguiya kamurumele vina amuciga Yezu.
Etoniyedho ya noukumi na tanu (15): Mattikiniyo a Yezu
Mulugu apa ononilaguiya ewodhelo yae ninga Mulugu Babi, onvaiya Yezu wi akose mattikiniyo. Etoniyedho ya mono we emara, Yezu onomuddiguinya muttu wabaliwe ahiwonaga. Vamalele iyene wamuddiginya mulobwana wavulumwa! Etonyiedho ya ninowona Yezu baganvenyia mwana wamalo okwa, oku ababe bali venevo. Epadde ya mono woja iyo ninomona Yezu bagawedda vadhulu va manje adhowaga oli anamasunzae ali m'mwanddiyani. Nabuya Yezu okosa matikiniyo menji ninga aba wila alagiye wi Iyene wali Mwana wa Mulugu wa ebaribari.
Etonyiedho ya noukumi na tanu na modha (16): Yezu onososottiwa
Muttitti wa attu waninfwara Yezu. Iyene wanavulumuca vina wanasunziya dila ya Mulugu. Yezu odhele wavulumuca abale arimele, na anamattega na dhaewene attu enji animuciga Yezu, makamaka Yezu agalogaga sabwa ya dhottega dhakosa awene. Mutugumano na anamattonga elabo, karumela wila Iyene wali Mwana wa Mulugu. Nona awene ahimaga, bamulogela ottambi mwa Iyene vina bagambubudda. Anyakoddo ahimwaika kara ya minga m'musolroni mwae, mudhidhi wokokene aninvada. Mbwenyi Yezu, kapambile sabwa Iyene wanziwa wila dhotedhene dhinelo opadduwa. Yezu orumela wila muttu wabure amusosotte vina ampe. Yezu wanziwa wila wadhele okwa ninga mukutto, okutteliwe Mulugu. Akossaga esiwene Yezu owakela otabuciwa sabwa ya dabi ya attu otene.
Etonyiedho ya noukumi na tanu na bili(17): Yezu okwa vamwigimanyoni
Nabuya Yezu okomeliwa vamwigimanyoni ya pingilrizi . M'malele wikiwa mwigimanyo namburoniva Yezu wahikomeliwavo, venevale wahitomeiywavo mpaka okwa. Mburo wokokene wahikomeliwa atimbwini eli, m'modha omononi wa emara, mwina omononi wa oja. Iyali elemelelo yakodda aYuda masakene abale, ya owapa atimbwini na mikalelo dhene esile. Yezu kakosile yabure vina kaddawile.Iyene wadhele wila akele mukutto avipicelga mwa anamaddawa vina na attu etene. Iyo nete niddawa yanfwanyela wila nikwele dabi dheu. Mbwenyi Yezu wakela ososottiwa oku wafwanyela iyo netene. Nona nigabwega wila iyo nili anamattega, vina na ebaribari banicinuwa mwa dhottega dheu. Mulugu onelo onilevelela banikuputta mwa dhottega dheu dhetene. Karoromelani ( kafwarani karumelani) wa Nabuya Yezu Kristo, munelo ovulumuciwa.
Etonyiedho ya noukumi na tanu na ttaru (18): Osisimuwa
Ahiddani a yezu aubuwela wila agamukomela anomutoloca, mbwenyi kadhipadduwile dhawene, m'malele Iyene okwa vamwigimanyoni akwaye ahittukula maningaya badhowana mwikuttani mugurgudhani ya mwalra, omusuwo wa ekutta wahifugiwa na mwalra munddiumwa. Anamattonga elabo aharuma anyakoddo wila amwañganelege omusuwo wa ekutta. Ahivira Malabo meli, vina nlabo nanouraru, Yezu ovenya mukwani. Nona ahiyana vadhowile awene wikuttani afwanyile mwalra wafugiwena omusuwo bumale ovenyiwawo, mbwenyi Yezu kalimo. Venevale ahidha anju eli, bawaddela ayana wila Yezu okalawo. "Iyene kali mwenemwa.- Anju ologa-Iyene osisimwa". Asisimuwaga mwa aliba okwa Yezu ovilagiya mowonela wi Iyene wali vina ddi Mulugu. Yezu okalawo mpaka ddabuno??, vina dduwa guru vaddiddi opitta satana na okwa.
Etonyiedho ya noukumi na tanu na nai (19): Tome onorumela
M'malele Yezu ovenya mukwani, owoniwa na akwaye enji, alogile vina agile na Iyene. Mwa namasunza m'modha wa Yezu, Tome, karoromele akala Yezu cibaribarene wahisisimwa mwa aliba okwa vina akala okalawo dila bili. Ologa: " Miyo ddigahiwone makwadda a maguma ae mpule mwakomeliwa Iyene (perego dhinddimwa) vina ddittiddaga vilodda dhae Kaddinarumele"(Juau 20:25). Iyo ninela wona mu etonyiedho wila Yezu ofiya vina bamulagiya Tome vilodda dhae. Nona Tome kana yaganyedho vina. ogwela vatti omeddoni wa Yezu baloga: "Nabuiya Mulugu waga."(Juau20:28)Yezu omwakula: "Tome weiyo oddona, o rumela. Areliwe babale arumele so ddona".(Juau20:29).
Etoniydho ya makumeli (20): Owela Wirimu
Yezu waidha mwa attu enjene,npaka malabo makumanay, mwamalele Iyene ovenya mwari mwa aliba okwa. Venevo attu enjene amonaYezu okalawo ovano Yezu wamala ovisasanyedha wila aiyele wa Babe odhulu. Iyene wahigomiya mabasa adhele Iyene okosa. Vina Yezu ologa na anamasunzae wila alaleye Mpaganyo wa pama wa attu etene. Anamasunzae elowangana mirabo,Yezu avenyaga vati adhowaga odhulu. Anju eli awabale guwo dhocena awubuwa venevale baloga wila siku nimodha Yezu onelo wiyelela vati, na mikalelo m'modhene ninga mwamonele nyuwo bagadhowa.Ovenya sikunenenttile Yezu onkala odhulu. Iyene onosasanya mburo wenewo wa attu etene, abale animororomela na aninfwara. Nyuwo munubuwela eni? munomuroromela vina munonfwara Yezu? Muvisasanyedha wila Iyene agaiyela?
Etoniydho ya makumeli na modha (21): Mwigimanyo
Ndoweni noneni sabwaya ekwele Yezu va mwigimanyoni. Yezu okwele wila avulumuce aliba ottega mucuniciwani. Nyuwo munoubuwela, nikami na Yezu kristu,mwana Mulugu, onikuputta mwa mikalelo ya dhottega dhottene.Yezu cipo kattegile, mbwenye iyne okwa sabwa wila agujule yottega enittiyaniya iyo na Mulugu. Mwigimanyo ononubucela wila Yezu nibila nokoddela na Mulugu nikutteliwe iyo, iyo nigamuroromela Yezu vina banicunuwa dhottega dheu, iyo ninoleveleliwa na Mulugu Baba. Yezu onikosa ana a Mulugu Iyene odhele ogumaniya (oluwelana) oiwanana wehu na Mulugu. Etonyiedho iyosogolro dhi nelo onakela ononelamo wa pama, etapulelo yo kala mukristu.( namafwara wa Yezu kristo)
Etoniyedho ya makumeli na bili (22): Dila bili
Yezu onisunziya wila egumi, enoladdaniwa na dila bili. Iyo netene nigabaliwa, nili mudila enddimuwa, eji bili yottega na otolociwa (motto wa ojehena). Iyo notene nili attegi, sabwa nili maziza a Adamu. Mbwenyi iyo ninofwanyela olamulela okodda ofwara dila eji, banivolowa dila ina, masiki ekale engonongono, enonittukulela wa Mulugu odhulu. Akala muttu onomuroromela Yezu na ononfwara, onowakela egumi yokodda omala. Mwa abale ansakula dila engonongono, kunakale ottongiwa wa dhottega.
Osakula wawo: Akala weyo onolamulela onfwara Yezu, kaloga na Mulugu m'malobeloni, na mukalelo obu: " Mulugu, miyo ddinobweka wila ddili muttegi. Miyo ddinorumela wila Yezu okwa vamwigimanyoni, wila apice muttengo wa dhottega dhaga. Muddilevelele vina mukuputte murima waga, muddikose modha wa m'mudhi wenyu.Miyo ddinfuna ddifware dila ya Yezu Kristu, ddigakwa, ddikale na Nyuwo wirimu. Ddinoutamalani Mulugu Baba" Akala weyo cibaribarene ororomela, na omulobela Mulugu, na mikalelo ebi, onelovolowa mudila engonongono, eji eli dila ya murenddele ya Mulugu.
Etonyiedho ya makumeli na ttaru (23): Ana a Mulugu
Yezu onomwakela muttu ddi muttu, wa ziza ji ziza, elabo obe mulogelo. Etene animuroromela Yezu, anocemelriwa ana a Mulugu. Awene ali mudila engonongono enattukulela wa Mulugu Baba, ankala na amudhi, etene mumodhani mwa Yezu Kristu.
Etoniyedho ya makumeli na nai (24): Obaliwa dila bili
Mwali Yezu Kristu apano vati, Iyene omusunziya mulobwana wa munyarijau wacemelriwa Nikodemu, omattiyo iyene wa dhowa wali Yezu Kristu wila asunze vaddiddi sabwa ya Mazu a Mulugu. Yezu ologa na Nikodemu wila etene abale anfuna okala mwa Mulugu anofwanyela, obaliwa dila bili. Iyo kanina ewodhelo ya ovizugunuca noka-noka. Mbwenyi Muya Wokoddela wa Mulugu ononivaya egumi epiya iyo niga lamulela ororomela na onfwara Yezu. Ovano iyo ninokala attu apiya, mwa Mulugu.
Etonyiedho ya makumeli na tanu (25): Odha wa Muya wokoddela
Attu aba anamasunza a Yezu (akwae na anamafwara). Yezu banatti odhowa odhulu, Iyene opikilrela oruma Muya Wokoddela wae wa abale etene anfuna omuroromela Iyene. Mvirele malabo kumi Yezu owiyelela odhulu, anamasunza aba ali vamodha mburo modhene. Vomaguvavene, Muya Wokoddela otita, awene ahimala adhala mahala, ninga mwapikilrele Yezu. Attu aba ahiwakela viwodhelo na dhinonelo dhologa milogelo mipiya, vina awaddele akwawa sabwa ya matikiniyo na vilobo dhikosile Mulugu mwa awene. Muya Wokoddela wa Mulugu onkala mwa etene, abale animuroromela na aninfwara Yezu. Muya Wokoddela ononisunziya, mikalelo gani yokwela na omusoriya Yezu.
Etonyiedho ya makumeli na tanu na modha (26): Oweddaga mucezani
Muttu anaroma omuroromela Yezu kristu, muttwene oddo oli ninga wa etoniyedhoiya mono we mara. Onedda mwiddimani.muttwene oddo kanruca okwakwattuwa onogwela muttegani, sabwa kana ceza yo mweddiya.mbwenyi iyo nigaika ekuluvelo yehu wa Nabuya Yezu kristu, nili ninga muttu onedda mudila engonongono, n'labo nimodha na n'zuwa. Yezu ologa: " Miyo ddili ceza ya mwilaboni. Oddule onddifwara kanawedde mwiddimani". (Juau 8:12) Mulugu ononivaya Muya Wokoddela wae wila wakamiyedhe na wasunziye etene abale anroromela dila yae ya egumi.
Etonyiedho ya makumeli na tanu ba bili (27): Osoriyaga Mazu a Mulugu
Oddule onimuroromela Yezu Kristu, (mukiristu namafwara wa Yezu) namattanddiwa mpiya na onosoriya Mazu a Mulugu. Iyene onkala wotamalela, sabwa ya Mulugu omulevelela dhottega dhae. Onimuroromela Yezu kanjeberuwa, kanvolowa mumpokosoni obe muviriganani, kaniya, na vina kalobelela vikwamuttu na amulugu ena obe mizimu. Muya Wokoddela ononvaya ewodhelo mukiristu wila acacame obure na akose dhotedhene esile dhapama.
Etonyiedho makumeli na tanu na taru (28): Anamudhi a mukiristuni
Kawonani anamudhi aba anedda mudila ya Nabuya Mulugu: Mulobwana onomukwela mwadhiye vina mwadhiye onomuriya mamune, ninga munirumela Mazu a Mulugu. Awene anolibiyana mirima muttu na mukwae anowasunziya anawa omukwela Mulugu vina asunzaga Mazu ae, wila asoriye okokene. Anamudhi a mukiristuni anofwanyela olobela, na alabelege vamodha wa Mulugu.
Etonyiedho ya makumeli na tanu na nai (29): Mwakwelege amwiddani enyu
Yezu owasunziya anamasunzae wakwela attu etene, mpaka ofiyedha awiddani awa. Enofwanyela omukamiyedha muttu ddi muttu onfuna na attu a mahumo mena. Yezu owengesa yampadduwele mulobwana wavadiwe vina waibeliwe na ambava. Mulobwana modha wa nihimo nina onfwanya bavuwereile bagunantile vati na, wahidhala ttagaraga, bamusasanyedha sabwa iyene wanfuna wila akamiyedhiwe, vina kamulogosile muwaku vamalele iyene omukamiyedha. Yezu ologa wila iyo vina ninofwanyla okosa vilobo ninga esiwene.
Etonyiedho makumararu (30): Yezu dduwa owodha-wodha
Attu aba anoddumeya dhikwamuttu dhosema na mazango okwiri. Banatti onfwara, banatti okala akristu awene anroromela mwa vilobo esile. Mbwenyi akristu anofwanyela otoloca detedhene dhili dha satana na mizimu dhae. Nabuya okana ewodhelo vaddiddi ompitta satana na mizimu yae dhabure, dhikwamuttu na okwiri. akwiri na dhitagano dhawa dhopandela iyo nili akiristu kaninfwanyela omova satana. Enfwanyela já omukumbilra Mulugu wila anikamiyedhe na anibarele.
Etonyiedho ya makumimararu na modha (31): Ottamagiyaga muya wabure
Etoniydho eji munomona mulobwana modha wodhala muya wabure. Iyene camagiwa na kabala vina na kurenti sabwa muya wabure (domonyo) mwari mwa iyene yali oliba vadidi. Mbwenyi Yezu olamulela muya wabure na domonyo wila dhibudduwemo mwa mulubwana, mbwenyi muyadha dhibudduwa mwa mulobwana dhimwiwelela Yezu, sabwa Yezu dwaguru vadidi ompitta satana na adomonyo aye. Mulobwana ovuneiya mwa muya dha bure vina badhowa baloga oli akwae dhikosile Yezu mwa iyene.Yezu okana ewodhelo yo winjiva ompitta satana na muya dhae dhabure, vina awene otene anofwanyela omwiwelela. Nyuwo dunfuna olamula : Mugazuzumiwaga na muya dhabure enofwanyela wakumbilra akristu wila alobele mwa nyuwo, akumbilraga wa Mulugu na nzina na Nabuya Yezu Kristu wila attamagiye adomonyo wila akodde wiyela vina, vina mugamuroromela, awene anele ottamagiywa. Yezu okana ewodhelo wila amutapule muttu-ddi muttu mumabasani (onkosa merelo) a satana.
Etoniyedho makumimararu na bili (32): Onfwaraga Yezu
Etonyiedho eji enolagiya akristu bagawehiwa wila attiye onfwara Yezu. Satana onfuna wila iyo nimudduwale Mulugu, niwubwelaga kobiri, guwo, fola, dhomwa dhinlezeliya na dhilobo dhina dhotiyana. Satana ononaddela esiwene wila nikale wosanzaya, mbwenyi satanaya muttambi, vina iyene onokosa dhotene wila anitoloce. Mulugu ologa na Mazu ae: "kamwiweleleni Mulugu, kampambiyeni satana iyene onelo ottawa mwa nyuwo."(Tiago 4:7).Mulugu ddi Babi wehu wo dhulu. Iyene onoziwa dhinfuna iyo, vina Iyene onipikilrela onivaiya vilobo dhotene dhinamukumbilre iyo. Mbwenyi iyo nigakuluvela mwa Mulugu vina nigamuroromela mwanaye Yezu, iyo ninelokana ewodhelo ya Mulugu mwa midhidhi yoruca.
Etonyiedho makumararu na ttaru (33): Iyo niga ddawa
Siku nimodha Yezu wologa ecilrapi modha. Muzombwe modha obudduwa vatakulu, badhowa okosa dhilobo dhotakala. Iyene ononga kobiri dhetedhene danvahile babe odhowa ojeberuwana. M'malele kobiridha, yahidha dala enddimuwa vaddidi mwilaboni, muzombwe oddu wahiyelega vaddidi vina iyene wahikana dala. Iyene wahicunuwa mwa esile dhakosile iyene,wahiyelela wa babe akumbilraga n'levelelo. Sabwa babe wanimukwela vaddidi , iyene omuttambilra mwanaye owiyelele vanivaye. Emariya eji enilagiya wila iyo ninga anamaddawa, ninofwanyela obweka dhottega dheu. Nigacinuwa na ebaribari Mulugu onelo onilevilela.
Etonyiedho macumararo na nay (34): Oredda
Mulobwana na mwiyana mwa etonyiedho eji ali wozuzumene. M'mudhawa modha muredda vaddidi. N'logo na Mulugu ninofwanyela okosa eni agakala aredda? Awene anofwayela omuloba Nabuya na aroromele wila Iyene onelokosa eli ya pama. Mulugu onowodha ovulumuca maredda ba maredda, obe omukamiyedha muttuya ofwanya murobwe wa pama. Mulugu onowakwela anae, nona Iyene onowangana dhetene dhimpaduwa nadhauwene vina ononibarela m'madane mwa Satana , enofwanyela omukuluvela Yezu wila aneddiye, vina anikubarelege.Yezu oli na iyo, Iyene ononivaya murenddele mwa midhidhi dha makattamiyo.
Etonyiedho makumarau na tanu (35): Okwa
Iyo netene ninoziwa wila siku nimodha ninele okwa. Cini enanipadduwele nigamala? Namaiwelela modha agakwa, muya waye ondowa wa Yezu kristu. Mazu a Mulugu anonisunziya esiwene, akwaye a marafula kakubanye anamaroromela kawove okwa, sabwa iyo ninoziwa wila Mulugu ononikwela, vina onivulumuca mwa ottega. Mwa abale animuroromela Yezu, kana ejiyedhelo inji, iyokala na Mulugu ,agakwa. Awene anadhowe mburo wa macunuco omkuweliwa jehena. Weyo onadhowe ovi ogakwa?
Etonyiedho makumararu na tana modha (36): Maningo a Kristu
Apa iyo ninowona dhipadde dinji dha maningo a muttu. Epadde ji-epadde iya maningo ekana mabasawa. Mento bowonana, maru bowiwana vina mulomo bojana na ologa. Dhipaddi dhetene dha maningo dhinlaba vamodhavi. Epaddi modha ega bulelaga obe egavoreiya. Maningo etene anotabuwa. Mazu a Mulugu anonisunziya wila iyo anamaroromela ninofwanyela okosa mabasa vamodha ninga dhipadi dha maningweu (onkuweliwa mpalra).Yezu musolro wa maningo Nabuya Mulugu okana mabasa wa muttu-ddi muttu,ninga ezinddiyelo: olobela, ottuga,osunziya Mazu a Mulugu,wiba na omuttittimiya, oceiya, opiya. Muttu ddi muttu onkosa epaddi iyae mwa mabasa a Nabuya Yezu ,wila akamiyedhe maningo a Kristu wila alibihiwe. Anamaroromela otene anofwanyela okwelana muttu na mukwae vina alabe vamodha, wila maningo a Kristu anatabuwe.
Etonyiedho makumararu na tanabili (37): Wiwanana wa aKristu
Akristu anofwanyela ogumanaga mudhidhi bu mudhidhi wila otene amwebedhege Mulugu. Anofwanyela osunza wiba omutamala vina na olobela, na Mazu sabwa awene Mazu a Mulugu. Anofwanyela vina ovaiya mvaho, sabwa ya mabasa a Mulugu. Vina Nabuya ononilamulela wila niubuwelege okwa wa Yezu mwa iyo. Etonyiedho eji ninowona anamaroromela n'logo na Mulugu avaiyagana vamodha mukatte na vinyu. Mukatte ononubucedha maningo a Yezu anongiwe vamwigimanyoni sabwa yehu.
Vinyu enonubucedha nikami naye, nivuvihiwe wi enisuwe dhotega vina enonandaniya na Mulugu. Vina niubuweleni mwa okwa wa Yezu sabwa yehu. Wila nimukwele na mirima dhehu dhetene.
Etonyiedho makumararu na tanu na ttaru (38): Yezu onodha vina
Mwa mudhidhi ofwanyela ottongile Mulugu, Yezu onele wiyela vomaguvavene wirimu adhaga elabo ya vati, ninga mwapikilrele Iyene. Iyne onele odha wila attukule anamaroromela otene a ebaribari, anamudhi a Mulugu. Nabuya Yezu onele wavenyia mwikuttani adhowagana wirimo, n'logo netene na Mulugu n'ttile nikwile, vina mudhikuttani kamunakale attu. Epaddi iya malogo enafwanyiwe bili mento elabo ya vati, ninele ottukuleliwa wirimu,okule onakale awene na Yezu na mukalakala. Abale ankodda omuroromela vina ankodda onfwara Yezu anowala elabo ya vati, vina anovira m'mattongelo manddimuwa a Mulugu. Kaninziwa siku gani ninadhe Yezu, mwadhawene enofuneya wila nikale wovisasanyedha nimujiyedhelaga. Muli wovisasaniyedha wila mugumane na Yezu Iyene agaiyela ddabuno?
Etonyiedho makumararu na tanunanayi (39): Ovaiyaga milima
Namikalelo m'modhene muri wa milima wa etonyiedho onobala milima, mukristu onobala milima ya Muya Wokoddela, Yezu ologa : " Miyo ddili muri, nyuwo muli virasi. Nyuwo mugakala mwa miyo vina miyo ddigakala mwa nyuwo, munele obala milima dho winjiva. Na dhauwene mugahikale mwa miyo kamunakose elobwene, mbwenyi erasiya ejo onogwaddiwa, enorailiwa otakulu ninga erasi yowuma, vina enottukuliwa, enoponyeliwa vamottoni biddumeiwa"(Juau 15:5).Muya wokoddela onkala vina onolaba mwari mwa mirimadheu wila ebale misapo na mikalelo dha okwelana,osanzaya, oziveliwa, murenddele, n'levelelo,opama, owodha, enofwanyela oviyeviya na ohivilaza. Akala virasi dha muri kadhimbala misapo, vinele ogwaddiwa dhinokwa vina dhinele oddumeiwa. Anamafwara a Yezu anofwanyela obala misapo minji, na mikalelo esi dhinloga iyo ninga okwelana... nimuttittimiyaga vina mimulemezaga,mukweli wehu Babi wa wirimu.
Etonyiedho makumanai (40): Nivaiyaga onamona wa mipaganyo mipiya wa attu
Yezu olamula wa anamaroromela wila attukule muttaka wapama wa nivulumuco mwa attu otene, wila attu enjene avulumuciwe mwa dhottega dhawa, vina kadhowe omottoni. Etonyiedho eji enolagiya murumeli m'modha bagamwiwelela Yezu. Awaddelaga enaguwa mwa elremezo yae,Yezu okwa va mwigimanyoni, vina osisimuwa mukwani, wila ni vulumuciwe mwa dhottega vina na okwa. Muya wokoddela wa Mulugu ononacela (ononivaya ewodhelo wila) avayaga onamona wa Yezu Kristu. Nyuwo munofwanyela wapangelamo akwenyu esunzile nyuwo mwa nivuru n'tti na etonyiedho.